ابي اشتكي على مكتب خدم وين اروح؟؟

[ابو عادل]

اخواني
مكتب الخدم معطينا خدامة حامل
ومادرينا الا عقب ما انتهت فترة ال3 شهور الاولية
المكتب يقول مالي عندكم شي خلاص انتهت فترة التجربة
والتحاليل تثبت انها حامل قبل ماتدخل بيتنا
ابي اشتكي عليهم بس ماعرف وين اروح !!
حرام تروح علي ال7 الالاف ريال باردة مبرده بشيء انا مالي ذنب فيه

ياليت اللي عنده خبر يفيدني

[Roooo7 Qtr]

عندك اداره العمل

[skittles]

والله يااخوي حتى احنا من اسبوع اكتشفنا ان خدامتنا حامل ولها 7 شهوروبطنها وايد صغير مع انها بالسابع
وللعلم هي جاية عندنا من 4 شهور يعني حامل في بلدها والمكتب يقول انا مالي شغل
قالوا لنا مالكم الا ادارة العمل وانشاءالله بنروح لهم ..
فنصيحتي روح لهم ولاتسكت هالشي مب ذنبنا المفروض قبل لاتطلع من بلدها تكون مفحوصة عدل

[ابو علاوي]

لاحول ولاقوة الا بالله
احسن شي اتصل بمحامي واساله
هو يفيدك اكثر شي

[بطل الفريج]

شلون حامل عيل ليش القمسيون الطبي ماكشف الحمل؟ ! ! :waiting:

[الوفي]

الي حامل بالشهر السابع خطر عليها الطيارة :yawn: ايش الحل حتى الابعاد ما يبيها لانها حامل وبيتوهق فيها انزييين ايش الحل يـ ترى :con2:

[بطل الفريج]

الي حامل بالشهر السابع خطر عليها الطيارة :yawn: ايش الحل حتى الابعاد ما يبيها لانها حامل وبيتوهق فيها انزييين ايش الحل يـ ترى :con2:

الحل عندي
مالها الا اللنج

[ابو عادل]

شلون حامل عيل ليش القمسيون الطبي ماكشف الحمل؟ ! ! :waiting:

هذا اللي انا مستغرب منه
توقعت ان من ضمن الفحوصات الحمل
بس الظاهر ان الفحص يكون شامل للأمراض فقط والحمل مو من ضمنه

[بصمة قطرية]

على قولتهم يسوون لهم فحوصات طبية قبل لا يطلعون من بلادهم ..!!!

بعض المكاتب ماعندهم ذمة وضمير ..
حسبي الله ونعم الوكيل ~

[ابو عادل]

الحل عندي
مالها الا اللنج
اخوي لو سمحت
انا في مصيبة وفاتح الموضوع ابي حل مو عشان اضحك على خفة دمك
مشكور على مرورك

[بطل الفريج]

اخوي لو سمحت
انا في مصيبة وفاتح الموضوع ابي حل مو عشان اضحك على خفة دمك
مشكور على مرورك

معلش يا ابوعادل اناعارف انك في مصيبة
ولكن الوافي سأل ايش الحل مع خدامتة ام سبع
شهور مايصير تركب الطيارة والسؤال كان عام

[بوحارب]

الله يعينك يابوعادل

خدامتي بتوصل عقب شهر والله يستر :(

[بو فهد]

اخوي هذي تعتبر تهمة وتهمة في القانون يقدم عليها بلاغ

ولايختص فيها مكتب وزارة عمل قدم بلاغ عند مركز الشرطة التابع لمنطقتك

اومركز امانة العاصمة

على صاحب المكتب مع الاوراق الثبوتية

وبتاخذ حقك غصب عن خشم صاحب المكتب من واقع تجربة

ملاحظة

المكاتب المشهورة تعرف هذا القانون

ممكن المكتب الي جايب عن طريقة مكتب جديد.

[دكان عباس]

الله يعينك على المراكض في ادارة العمل, المكاتب ما يخافون الله

[khalid-qtr]

والله مكاتب الخدم اكبر نصابين وماعندهم شفافية انا اتمنى انة الي مش قد التجارة لا يفتح مكتب ويقعد يضر خلق الله

هذي صفات اكثر مكاتب جلب الايدي العاملة:-

1-كذابين .
2-اسعارهم خيالية ومبالغ فيها.
3-همهم الفلوس ولا يهمهم شي ثاني حتى سمعتهم ماتهمهم.

اتمنى ردعهم و ايقافهم عند حدهم

[شيط ويط]

أظن إدارة العمل

[مشتاقة لقطر]

ببيت اهلي صار سفر جماعي محتاجين اكثر من خدامة وسايق بس المصاريف تذبح الواحد يجيبهم كلهم مع بعض

[ام علي1981]

الله يغربل الخدم ومشاكلهم
انا خدامتي توها شاردة ومانعرف وين
حتى ماسلمت نفسها للسفاره
وهي عندي بس من 7 شهور
ومافي قانون ينصفنا

[الصريحه]

الله يعينك

[مضاربه]

مكاتب الخدم لازم وزاره العمل تدخل وتشوف لنا حل معاهم اسعار خياليه معلومات خطا عن الخادمه غير هذا ماعندهم تعاون لم تقول لهم اا ابي وحده بس تطبخ وتضمنها يقول لك هي كاتبه انها طباخه بس احنا مانضمن والا تقول ابي وحده بس جايه للتنظيف يعني مب تشوف البيت كبير وتقول بروح المكتب نفس الشي يقول لك هي حظوظ ماعندهم رقي في التعامل ولا صدق حسبي الله ونعم الوكيل عليهم

[£عبدالعزيز£]

اخوي اشتك في كل الجهات .. لا تعتمد على جهة وحدة بس

اللي اعرفه (حسب معلوماتي البسيطة اللي يمكن تصيب او تخيب) انك مبدئيا تقدر تقدم بلاغ في امن العاصمة

وانت معاك التحليل اللي يثبت انها كانت حامل قبل ما تجيك

وبنفس الوقت قدم شكوى في وزارة العمل وكل الجهات المذكورة في الموضوع

عشان تقدر تضمن حقك باذن الله

[مستثمر_]

اداره العمل مقابل اضن وكاله الديهاتسو وبجانب المستشفى الامريكي
انا كان عندي تأخير من مكتب الاستقدام ورحت عندهم واشتكيت وهم بيكلمون
صاحب المكتب ويحاولون يحلون الموضوع ودي واهم شي خذ معاك عقد الاستقدام

[R 7 A L]

الله يعنيك
مشكلتك من اكبر المشاكل ومايطلع منها الا النادر
ومكاتب الخدم ما منها اي فايدة
لو الواحد يجيب خادمة على طريقتة افضل من المكاتب

[latty]

الله يعينك رح الشرطه

اداره العمل لو هي مهتمه كان حلت مشاكلنا مع هالمكاتب ومع هالخدم لكن ايش نقول

[مجرد احساس]

اذهب الى مركز الشرطة القريب منك وقدم شكوي رسميه منك ومعك التحاليل الخاصة بالخادمة وبعدها سيتم الاتصال في مكتب الخدم . يفضل تحديد اسم الشخص الي قال لك مالي خص في مكتب الخدم واطلب استدعاء الشخص بالاضافة لمدير المكتب مع اتمني لك التوفيق وبلغنا شنو يصير معاك

[mooona]

النيابة العامة وحط لك محامي بيتابع قضيتك ناس وايد خذوا حقهم
من المكاتب اللي ما عندهم ضمير والله المستعان

[فتى الجود]

وسع صدرك ياخوى بوعادل لانت ف مصيبة ولاشي
موضوعك عادى وحله سهل

عموماً :
روح أدارة العمل
المبنى بالنجمة بالقرب من السينمات مقابل جريدة الراية
في الدور الأول - قسم جلب الأيدي العاملة
عند فارس الكعبي او ابراهيم المعاضييد
روح لهم وقولهم سالفتك وان شاء الله يجبوا افلوسك ويمسحوا في راعي المكتب البلاط



ياخوى مع احترمى لبعض الردود ووصفهم ان مركز الشرطة بجيب حقك

للأسف في هالنوع من المواضيع الشرطة (( سيلب ))

[ابو عادل]

مشكورين اخواني على الرد
جاتني رسائل بالخاص تسألني ايش صار بالموضوع

الموضوع سهل جدا جدا وبيض الله وجه الاخ (فارس الكعبي) في ادارة العمل مقابل مبنى جريدة الراية
قدمت شكوا وبعدها على طول صاحب المكتب كلمني وقال اسحب الشكوا واللي تبيه انا حااااااضر :)
والحمدلله سفرو الخدامة وفلوسي رجعت لي :victory:

[شبه الملاك]

زين زين تستاهل يابوعادل


صج القومسيون الطبي مايفحص الخادمه من ناحية الحمل

يعني الي بيجيب خادمه لازم يسويلها تحليل حمل اول والله سالفه

[ابو عادل]

زين زين تستاهل يابوعادل


صج القومسيون الطبي مايفحص الخادمه من ناحية الحمل

يعني الي بيجيب خادمه لازم يسويلها تحليل حمل اول والله سالفه

مشكورة اختي
انا بالفعل متفاجأ ان القومسيون مايسوي تحليل الحمل !!
اللي بيجيب خدامة يسوي لها فحص ابرك له لايبتلش مثل ماصار معاي :rolleyes2:

[gt_511]

تدري المشكله في وين فيك لانك قطري انا بلغت عن خدماتنا انها اسرقت واشردت وانحاشت في السفاره عقب شهر من البلاغ سلمت نفسها للشرطه ودوها النيابه واكيد ما حصلوا شي لان في خلال الشهر وزعت الفلوس وطرشوها الابعاد ويبون تذكرتها ولا بيوقفون جميع فيز الخدامات في الجوازات لين ما اسلمهم تذاكرة السفر للخدامه اللي اسرقت اصلا فلوسي وفي الابعاد يقولون لي قرار من رئيس الوزراء انزين حولوا القضيه للمحكمه والله انهم ما رضوا