شفت اشياء غريبة كثرت هذة الايام في المجمعات التجارية الكبيرة

[بو فهد]

زرت اكثر من مجمع تجاري وشاهدت اشكال واللوان

على مداخل المحلات التجارية ماهي اسباب تواجد هذة الاشياء على المداخل

http://christmas.1fch.com/tree.jpg

http://www.misrelgdida.com/thumbnail.php?file=00_407792982.jpg&size=article_medium

http://esyria.sy/sites/images/raqqa/todayimg/084233_2008_12_21_23_02_12.image8.jpg

[Rashid554]

احتفال بالكرسميس عادي
الي يبي يحتفل حياه والي مايبي براحته الله يستر عليه

[بصمة قطرية]

بصـــراحة مافي داعي مجمعاتنــا تحتفــل بهالشي ..!!

بيقولون هم وكيفهم ..
اللي ما يبي يحتفل لا يــروح ..
هاذي مجمعاتنا يعني ما نروحها ..
عيالنا يشوفون هالاشيــاء ويسألون عنها ..!!
نقول لهم هاذي مش لنا ..
يقولون ليش حاطينها ..؟؟؟؟

هاذي بلادنــا ..

والله قهر ..!!!!

[الأصيلة]

كل سنة مب اول مرة...
لما كان قديما لا توجد جاليات أجنبية
ماكان فيه احتفالات في الأسواق والمحلات
الآن اختلف الأمر
لكم دينكم ولي دين...

[لمعة الالماس]

اي بصراحه مصخوها

في كل مكان وفي كل زاوية منثرين الاشجار والهدايا

وفي اعيادنا ما شفنا هالاحتفالات !

[الأصيلة]

بصـــراحة مافي داعي مجمعاتنــا تحتفــل بهالشي ..!!

بيقولون هم وكيفهم ..
اللي ما يبي يحتفل لا يــروح ..
وهذي مجمعاتنا يعني ما نروحها ..
عيالنا يشوفون هالاشيــاء ويسألون عنها ..!!
نقول لها هاذي مش لنا ..
يقولون ليش حاطينها ..؟؟؟؟

هاذي بلادنــا ..

والله قهر ..!!!!
هنا تكون المهمة الرئيسة للتربية
والمسؤولية تقع على أكتاف الأهل و...
يجب تنبيه الأطفال وتوضيح الأمر لهم...
وترسيخ العقيدة الصحيحة في نفوسهم...

[الأصيلة]

اي بصراحه مصخوها

في كل مكان وفي كل زاوية منثرين الاشجار والهدايا

وفي اعيادنا ما شفنا هالاحتفالات !

المشكلة المحلات اللي أصحابها مسلمين
المفروض ماتحتفل لأنها تأثم أشد الإثم
...

[إينشتاين]

البعض يقول خلهم يحتفلون عندنا باعيادهم مثل ماحنا نحتفل باعيادنا في ديرتهم...

طيب هم دولهم علمانية لا دينية واحنا دولنا في الخليج إسلامية والدستور ينص على ذلك ومن المعلوم إن الدين الإسلامي يأمر بعدم الإحتفال بغير اعياد المسلمين في ديار المسلمين...

ياخي خل يريحونا ويقولون دولنا علمانية وماراح حد يتكلم.

[Fahad Alqahtani]

لقد صدق رسولنا صلى الله عليه وسلم عندما قال:
" لتتبعن سنن من كان قبلكم حذو القذة بالقذة، حتى لو دخلو جحر ضب لدخلتموه " .
قالوا [أي الصحابة]: يا رسول الله، اليهود والنصارى ؟!
قال: " فمن " [أي فمن غيرهم].

وقال صلى الله عليه وسلم:
" لا تقوم الساعة حتى تأخذ أمتي مأخذ القرون، شبراً بشبر، وذراعاً بذراع ".
فقيل: يا رسول الله، كفارس والروم؟
قال: ومن الناس إلا أولئك ؟

فأخبر أنه سيكون في أمته تشبه باليهود والنصارى، وهم أهل الكتاب، وتشبه بفارس والروم، وهم الأعاجم، وهذا التشبه سيكون إما في العبادات أو المعاملات أو العادات وحتى السياسات.

[بصمة قطرية]

هنا تكون المهمة الرئيسة للتربية
والمسؤولية تقع على أكتاف الأهل و...
يجب تنبيه الأطفال وتوضيح الأمر لهم...
وترسيخ العقيدة الصحيحة في نفوسهم...

أكيــد دور التربية دور الأهل ..
وهذا اللي احنا نسويه ..
بس فكــرة إقناع طفل بأن هذا الشيء خطأ ..!!
وماله علاقة بديننا ..
راح يسألج دامه خطأ ليش يصير ..؟؟
اش راح تقولين له شلون تقنعينه ..؟
الطفل يعرف ان الخطأ خطأ والصح صح ..

[Rashid554]

بصـــراحة مافي داعي مجمعاتنــا تحتفــل بهالشي ..!!

بيقولون هم وكيفهم ..
اللي ما يبي يحتفل لا يــروح ..
هاذي مجمعاتنا يعني ما نروحها ..
عيالنا يشوفون هالاشيــاء ويسألون عنها ..!!
نقول لهم هاذي مش لنا ..
يقولون ليش حاطينها ..؟؟؟؟

هاذي بلادنــا ..

والله قهر ..!!!!


كلها يوم واحد يحتفلون فيه وخلاص
سويتيها قصه ومجمعاتنا ومانروح لها شهالعياره
كلها كم ساعه وان شاء الله تخلص
ومثل ما احنا نحتفل بكافة اعيادنا بالدول الغربيه هم يحتفلون ومن حقهم بما انهم مقيمين في قطر لهم كامل حقوقهم الاجتماعيه والدينية
اما عن العيال فالتربيه لها دور بهالشي ..
اما تتركون عيالكم للخدامه وتقولون عيالنا تأثرو بشجره راس السنه !!!

[القيادة]

لاحول ولا قوة الا بالله

نحتفل بعيد غير عيد المسلمين أعوذ بالله

حسبى الله ونعم الوكيل

[بصمة قطرية]

كلها يوم واحد يحتفلون فيه وخلاص
سويتيها قصه ومجمعاتنا ومانروح لها شهالعيارهكلها كم ساعه وان شاء الله تخلص
ومثل ما احنا نحتفل بكافة اعيادنا بالدول الغربيه هم يحتفلون ومن حقهم بما انهم مقيمين في قطر لهم كامل حقوقهم الاجتماعيه والدينية
اما عن العيال فالتربيه لها دور بهالشي ..
اما تتركون عيالكم للخدامه وتقولون عيالنا تأثرو بشجره راس السنه !!!

حد قال لك ان العيال يروحون مع خـــدم ..؟؟؟؟
ياريت الواحد يرتقي في اسلوبه شوي ..
ويرد على قد الموضوع ولا يقعد يستنتج استنتاجات على كيفه ..
يوم واحد ...!!!
صح ..
سبحان الله يوم واحد واليوم تاريخ 9 بنشوف متى بينتهي هاليوم ~ الواحد ..!!!!!
على قولتــك ..
أخوي اذا الأمر بالنسبة لك عادي وتتقبل انك تودي عيالك لهالاماكن وتشرح لهم ان هاذي اعياد الغرب ..
احنا ما نقبلها ..
لما نعلم نعلم الشي الصح ..
ما نجي نناقض عمرنا ..!!

[إلا..إذا]

حد قال لك ان العيال يروحون مع خـــدم ..؟؟؟؟
ياريت الواحد يرتقي في اسلوبه شوي ..
ويرد على قد الموضوع ولا يقعد يستنتج استنتاجات على كيفه ..
يوم واحد ...!!!
صح ..
سبحان الله يوم واحد واليوم تاريخ 9 بنشوف متى بينتهي هاليوم ~ الواحد ..!!!!!
على قولتــك ..
أخوي اذا الأمر بالنسبة لك عادي وتتقبل انك تودي عيالك لهالاماكن وتشرح لهم ان هاذي اعياد الغرب ..
احنا ما نقبلها ..
لما نعلم نعلم الشي الصح ..
ما نجي نناقض عمرنا ..!!

اي والله من بدايه الشهر يعني عيدهم شهر كامل واحنا اول يوم جراخيات هذا اذا سووو
بارك الله فيك اختي واعانننا الله على تربيه عيالنا تربيه صالحه صحيحه اطلبي من الله الثبات لج ولعيالج وللمسلمين الحين بالروض المستقله ياخذون عنوان البيت لكل طالب عشان ايش؟ عشان يوصلون له هديته اللي عن اليوم الوطني لعند بابه طيب هذا بيكلفكم؟ احدى المدرسات قالت يبون يسون لهم نفس بابا نويل الله يثبتنا الله يثبتنا الله يثبتنا

[هبوب الكوس]

ومثل ما احنا نحتفل بكافة اعيادنا بالدول الغربيه هم يحتفلون ومن حقهم بما انهم مقيمين في
قطر لهم كامل حقوقهم الاجتماعيه والدينية
!!!

كافة اعيادنا :con2:

عندنا عيدين ويقترص على الصلاة العيد والتهاني

وزيارات وشراء الحلويات الي بالدول ( الغرب )

مب الى عندنا شجر وليتات احمر واصفر الي في اسواقنا


الله المستعان

[كازانوفا]

لقد صدق رسولنا صلى الله عليه وسلم عندما قال:
" لتتبعن سنن من كان قبلكم حذو القذة بالقذة، حتى لو دخلو جحر ضب لدخلتموه " .
قالوا [أي الصحابة]: يا رسول الله، اليهود والنصارى ؟!
قال: " فمن " [أي فمن غيرهم].

وقال صلى الله عليه وسلم:
" لا تقوم الساعة حتى تأخذ أمتي مأخذ القرون، شبراً بشبر، وذراعاً بذراع ".
فقيل: يا رسول الله، كفارس والروم؟
قال: ومن الناس إلا أولئك ؟

فأخبر أنه سيكون في أمته تشبه باليهود والنصارى، وهم أهل الكتاب، وتشبه بفارس والروم، وهم الأعاجم، وهذا التشبه سيكون إما في العبادات أو المعاملات أو العادات وحتى السياسات.


ربي لا تجعلنا منهم يارب

حسبي الله عليهم والله في اعيادنا ولا حسينا ولا شفنا اي شي من اللى شفناه لليهود والنصارى الله يحرقهم دنيا واخره

[بوخالد911]

ضد هالتصرفات وبشدة

ويسلموو للموضوع

[بوجاسم 75]

اللهم احفظ الإسلام والمسلمين ،،،،،،،،،،، اللهم آمين

[بلوتنيوم]

بصـــراحة مافي داعي مجمعاتنــا تحتفــل بهالشي ..!!

بيقولون هم وكيفهم ..
اللي ما يبي يحتفل لا يــروح ..
هاذي مجمعاتنا يعني ما نروحها ..
عيالنا يشوفون هالاشيــاء ويسألون عنها ..!!
نقول لهم هاذي مش لنا ..
يقولون ليش حاطينها ..؟؟؟؟

هاذي بلادنــا ..

والله قهر ..!!!!


قولوا لهم ياعيالي
احنا عددنا شوي
وهم عددهم وايد
فالاغلبية دائما تكسب:looking:

الله المستعان

[الصريحه]

ماشفت من سنه يوم كنت في رويال بلازا
والله تروعت من اللي صار
كان فيه فرقه تطق طبول بصوت عالي جدا وموسيقى غربيه وحاله تقول ان احنا في عيد الكريسمس عندهم
حتى تخيل لي ان المجمع كامل يهتز من قوه الصوت والمناظر الغريبه اللي صارت
الله يهديهم وتنشال هذي الخرابيط عن بلادنا

[ماجستك]

قبل فتره بسيطه كنا كل سنه نستنكر هذا الشي بقوه حتى في منتدانا هذا

اما الان فاصبح الاستنكار اقل ...وربما لن يكون هناك استنكار السنه القادمه...وربما نحن من سيزرع اشجار الكرسمس وسنضعها في كل مكان في 2022

يالله سترك ..يالله اتحفظ عيالنا...يالله بحسن الخاتمه

[بنت صقار]

الاطفال مبهورين من هالالوان والحركات..يقولون ليش مانسوي نفسهم في العيد ونحط هدايا؟؟
اقول لهم احنا نعطيكم فلوس وتزورون قرايبكم وتستانسون..ونقعد اربع ايام..نكشخ ونتمشى..ونشتري لكم عقب من المحل اللي يعجبكم..بعديتكم واحنا نزيدكم فلوس..بس بعد احسهم مبهورين بالبلاوي..وخاصه ان الرسوم هالايام يركزون ع باب نويل والكرسمس..<<ماعرفته ان اسمه بابا نويل الا في الثانوي؟؟

[N7eEeS]

سؤال يطرح نفسه ايش الفرق بين الاحتفال برأس السنة الميلادية وبين الاحتفال بالقرنقعوه واليوم الوطني يا اهل قطر .
أني لا ارى المجتمع القطري ينسلخ عن مذهب أهل السنة والجماعة بهدوء فائق وسوف تبدي لكم الايام ماتجهلونه حاليا.
حدثنا أبو معاوية عن الأعمش عن أبي سفيان عن أنس قال : كان النبي صلى الله عليه وسلم يكثر أن يقول : يا مثبت القلوب ، ثبت قلبي على دينك ، قالوا : يا رسول الله ، آمنا بك وبما جئت به ، فهل تخاف علينا ؟ قال : نعم ، إن القلوب بين إصبعين من أصابع الله يقلبها

[وهم قطر]

مممممم مم ممممممممم مممم م

ممممممممممممممممممم:nop:

[صاحب حق]

أأوه قديم أنت شدعوه أحنا في عصر الألفيه .. هذاك زمان ولا وراحوا هله اللي إذا حدث شئ في دينهم أو مبادئهم خذ بشته ودخل على الأمير وأمره بالمعروف ووصاه بالتقوى الله !!!مثل (عبدون الهاجري أبن غراب المري وشيبان قطر الأولين الله يرحمهم أجمعين) اللحين اللي بيدخل قصده دنيا فقط يا طويل العمر أبي أرض لعيالي هذي أوراق فلان ترشيح بس دنيا أما غييره على الدين والأعراض راحوا هلها

[نوفا91]

الله المستعان ..

[*^*محمد*^*]

الله يستر

[bo_hamad]

الله المستعان وللاسف فيه قليل من القطريين يحتفلون في مثل هذه الاحتفالات ( السنة الجديدة ) وأنا أعرفهم ولكن اقولهم الله يهديهم ويصلحهم أن شاء الله .

[المزمجرر]

كلها يوم واحد يحتفلون فيه وخلاص
سويتيها قصه ومجمعاتنا ومانروح لها شهالعياره
كلها كم ساعه وان شاء الله تخلص
ومثل ما احنا نحتفل بكافة اعيادنا بالدول الغربيه هم يحتفلون ومن حقهم بما انهم مقيمين في قطر لهم كامل حقوقهم الاجتماعيه والدينية
اما عن العيال فالتربيه لها دور بهالشي ..
اما تتركون عيالكم للخدامه وتقولون عيالنا تأثرو بشجره راس السنه !!!

بداية حبيت أسالك : أنت مسلم ؟

ثانياً : شارب الخمر ليس بكافر ولكن محلل الخمر كافر

هذا في عقيدتنا نحن المسلمين

افهمها

[dream~qa]

سؤال يطرح نفسه ايش الفرق بين الاحتفال برأس السنة الميلادية وبين الاحتفال بالقرنقعوه واليوم الوطني يا اهل قطر .
أني لا ارى المجتمع القطري ينسلخ عن مذهب أهل السنة والجماعة بهدوء فائق وسوف تبدي لكم الايام ماتجهلونه حاليا.
حدثنا أبو معاوية عن الأعمش عن أبي سفيان عن أنس قال : كان النبي صلى الله عليه وسلم يكثر أن يقول : يا مثبت القلوب ، ثبت قلبي على دينك ، قالوا : يا رسول الله ، آمنا بك وبما جئت به ، فهل تخاف علينا ؟ قال : نعم ، إن القلوب بين إصبعين من أصابع الله يقلبها

فرق كبير طبعا ... الاحتفال برأس السنة فيه أفكار مرتبطة بتقديس ألهه غير الله وشرك بالله والعياذ بالله .

عموما شفت هذه الاشجار في بعض المحلات وما دخلت المحل استنكارا لوجودها وهذا أضعف الإيمان

[فراغ]

هو غزو فكري ديني صليبي يستهدف أطفال الأمة
وأثر نتائجة تخرج بعد عدة سنوات
ولقد قال السفير الأمريكي في السعودية بأحد تقاريرة المرسلة لبلادة
بأن تأثير المسلسلات الأمريكية والأعلام بشتى أنواعة من صور وأحتفالات أبلغ من أي وسيلة أخرى في التأثير على أبناء المنطقة وتغيير مفاهيمهم

[الجزوع]

البعض يقول خلهم يحتفلون عندنا باعيادهم مثل ماحنا نحتفل باعيادنا في ديرتهم...

طيب هم دولهم علمانية لا دينية واحنا دولنا في الخليج إسلامية والدستور ينص على ذلك ومن المعلوم إن الدين الإسلامي يأمر بعدم الإحتفال بغير اعياد المسلمين في ديار المسلمين...

ياخي خل يريحونا ويقولون دولنا علمانية وماراح حد يتكلم.

اتفق مع هالعضو

[بومحمد1]

سؤال يطرح نفسه ايش الفرق بين الاحتفال برأس السنة الميلادية وبين الاحتفال بالقرنقعوه واليوم الوطني يا اهل قطر .أني لا ارى المجتمع القطري ينسلخ عن مذهب أهل السنة والجماعة بهدوء فائق وسوف تبدي لكم الايام ماتجهلونه حاليا.
حدثنا أبو معاوية عن الأعمش عن أبي سفيان عن أنس قال : كان النبي صلى الله عليه وسلم يكثر أن يقول : يا مثبت القلوب ، ثبت قلبي على دينك ، قالوا : يا رسول الله ، آمنا بك وبما جئت به ، فهل تخاف علينا ؟ قال : نعم ، إن القلوب بين إصبعين من أصابع الله يقلبها

السلام عليكم

أحسنت بارك الله فيك

بالنسبة للقوم يوجد فرق

بعضهم طاعه للأمراء والحكام والاحبارلايستطيع يخالف ( لايوجد مبدأ )
بعضهم مع الخيل ياشقرا
بعضهم سمك لبن تمر هندي
والبعض يجهل الحكم ويحتاج توضيح

خذ لفه على بعض المواضيع تجد العجب
بعض المواضيع تتكلم عن الحجاب وتعجبك بعض الردود قوة وحجة أدلة من الكتاب والسنة عن الستر والحجاب
لكن تعال شوف عن اعيادهم وعن كرة القدم والمنديال تناقض وعدم ثبات على مبدأ
يؤمنون ببعض ويكفرون ببعض

في المجمعات لايجوز
في كاس العالم الامر يختلف كله يهون حتى الدين يهون لأجل فلان وفلان ولأجل الوطنية كل شي يهون

الذي يرضى بكأس العالم بالمفاسد والمنكرات التي به عليه أن يرضى بما هو أقل منه وهو فساد المجمعات من أعياد النصارى واختلاط وغيره

[R 7 A L]

انا في أمريكا واطرش لاهلي واخواني صور
والين مزعجين اهلهم شنهي هالاشياء الي مصورها عمنا ومنهو هذا ابو لحية احنا نعرف انة طيب ويوزع الهدايا على اليهال والاطفال ليش انتم ماتحبونة ومن هالاسألة
فما بالكم لو يشوفونها عندهم !!!

[ارين]

بالنسبة للقوم يوجد فرق

بعضهم طاعه للأمراء والحكام والاحبارلايستطيع يخالف ( لايوجد مبدأ )
بعضهم مع الخيل ياشقرا
بعضهم سمك لبن تمر هندي
والبعض يجهل الحكم ويحتاج توضيح

خذ لفه على بعض المواضيع تجد العجب
بعض المواضيع تتكلم عن الحجاب وتعجبك بعض الردود قوة وحجة أدلة من الكتاب والسنة عن الستر والحجاب
لكن تعال شوف عن اعيادهم وعن كرة القدم والمنديال تناقض وعدم ثبات على مبدأ
يؤمنون ببعض ويكفرون ببعض

في المجمعات لايجوز
في كاس العالم الامر يختلف كله يهون حتى الدين يهون لأجل فلان وفلان ولأجل الوطنية كل شي يهون

الذي يرضى بكأس العالم بالمفاسد والمنكرات التي به عليه أن يرضى بما هو أقل منه وهو فساد المجمعات من أعياد النصارى واختلاط وغيره





لا فض فوك .. أحييك وأتفق مع رأيك المحق .. بارك الله فيك

[الماريّة]

الله لايهينكم ياشباب الدوحه

دشوا عالمحلات وكسروا هالاصنام

وقطعوا الشجر الملون

[احمد1]

القهر انهم مايعطون عيديه !!!!!!

[chillis]

ياريتهم يحتفلون باعيادنا نفس ما يحتفلون بالكريسماس وعيد الحب وغيره

[ذيب ولد ذيب]

يجب منع الاحتفال بالكريسمس من قبل المحلات والمجمعات التجاريه ,,

من اراد الاحتفال فليحتفل في بيته ,,

[La.Queen]

لكم دينكم ولي دين ..

اذا على اللي عيالنا يشوفونه ... ترا يشوفون بنات متبرجات ويسالون ماما ليش شعرها طالع وليش ويهها هشكل ..

عيل نقدر نتكلم ؟

عيالنا يشوفون مصاخه الشباب فالمجمعات ويستنكرون عيل نقدر نقول شي..

مسووليه التربيه هاي مسووليه الاهل مب الاند مارك والا فيلاجيو بيربيهم وبيعلمهم ..

صح بيشوفون وبيسالون نفس لما يروحون لندن وباريس ودبي ويشوفون ويسالون عيل كل مكان بننتقد وبنقول ليش وليش وندور الجهه المعنيه عشان ينرفع لهم الموضوع

No Comment

[صاحب حق]

الله لايهينكم ياشباب الدوحه

دشوا عالمحلات وكسروا هالاصنام

وقطعوا الشجر الملون

هذا اللي ما نبيه تحريض على فعل أكبر وتشويه سمعت اللملتزمين (اذا صلح هذا التعبير)
الإنكار باليد لا يجوز الا لمن لك سلطه عليه وهذولا ليس لنا سلطه عليهم السلطه بيد الحكومه
والنصيحه بالأدب والكلام الهين الرفبق وليس بالجرح وتقديم سؤ النيه
الله يهدي ولاة أمرنا لما فيه خير البلاد والعباد

[blade]

الله المستعان

[**هـتــــــان**]

الشرهه مب على هالاجانب الشرهه علينا اللي كبرنا روسهم وحطينا الحبل على الغارب وصرنا نخليهم يحتفلون باعيادهم ببلادنا على كيفهم وهم يخيطون ويميطون واحنا نضحك ونصفق لهم ...دنيا :(

[متسلف وفي الاخير]

36.7 مليار دولار هههههههههه يعني فوق 70 مليار ريال قطر يجماعه الخير الله عرفناه بالعقل

دولتنا صغيره لو حطو القطار معلق في الهوا ماتوصل قيمته 70 مليار قطري حده ان كثر كثر 10 مليار
ابي اعرف باقي 60 مليار ريال حق من بتروح الله المستعان

[فيزيائية]

وين اصحاب المجمعات
اليس لهم كلمة ؟

[&بوشهد&]

القهر يوم انك تشوف المسلمين يحتفلون فيها

[لاجل QT]

في مسلمين يزهبون حق الاحتفال بهاليوم سهر وحجز فنادق كانة عيدهم..:con2:

وبعدين هالسوالف من زمااااااااان عندنا ونشوفها مهب توها:yawn:

[فالكـ GOOD]

بلنسبــه لاستنكارك هو معاك حق بس هذا الغزو الفكري وصل للتلفزيون احين
كل الكرتون والمسلسلات عن الكريسمس هل بتمنع اطفالك يشوفون

وحتى لو منعتهم بيعرفون بيشوفون الاطفال والمراهقين ترى مو محتاجين يشوفون برى
ترى الطفل والمراهق يحبون يستكشفون ويسالون ربعهم والنت موجود التلفزيون موجود
اهم شي التربيه الصالحه والله يهدي عيالنا ويقوي ايمانهم
انت خذ عيالك وحفظهم قران واشرح لهم الفرق بينا وبينهم لان وين مارحت وايد بتواجه ديانات مختلفه
والطفل بيسال والتلفزيون والنت مايقصر ودام عيالك بيطلعون لهالعالم لازم تشرح لهم وتقعد معاهم اقله
مره بالاسبوع تقررون قصص الانبيا وتسالهم اذا عندهم اساله وتشرح لهم الصح والخطأ
وتشرح لهم الفروق بين الديانات ترى اليهال اذكيا ولاتستهين فيهم فالحلو ان الواحد يشرح لهم
كل شي وخلهم كل يوم الصبح يسمعون كيف اصبحت وايد حلو البرنامج ومفيد
وباذن الله الله بيحفظ عيالنا