بخصوص الليسن او الكجه

[ExploSivE]

السلام عليكم ورحمت الله وبركاته
شخباركم يا اعضاءنا الكرام؟
بس حبيت اسال للي عنده خلفيه

يصير اطلعلي ليسن او كجه تحت ظروف خاصه؟ للعلم انا توني 16 سنة

ظروفي كالتالي :
1- ماعندنا سواق
2- الوالدة الله يحفظها كبيرة فالسن
3- الوالد متوفي
4- وحيد الوالدة

بس الوالدة عندها ليسن بس ماتقدر توديني وتاخذني من المدرسه

فحالتي اني اروح ويا رفيجي (وهالشي نادر) او اني اطلب ليموزين وياخذ علي روحه ورده 70 ريال او 80 .. او كروة واتأخر ع المدرسة ..

ويعطيكم العافيه

[zeroo10]

صباح الخير
يؤسفني اني اقولك ما يصير وما يستوي لانه في نظام الكل يمشي عليه
الكجة على قولتك تاخذها بعمر 17 سنة وهذا الشى قانوني
اما الليسن بعمر 18 سنة وهالشى متداول عليه
نصيحتي لك اخي الكريم تقدمون على سائق يكون بالبيت لخدمتكم
من ناحية التوصيل وتنظيف السياره (((((مطراش))))) للوالدة الكريمة..
واتمنى انك ما تستعجل على الكجة ياما ناس خذوها وبعيد الشر عنا وعنكم توفوا بحوادث وكانت ظروفهم اردىء من ظروفك
حاول تشد حيلك بالمدرسة وترفع راس ابوك الله يرحمه وتريحه بتربته
وتفرح الوالدة فيك بحصولك للشهادة الجامعية ...
موفق طال عمرك
تقبلوا مروري المتواضع ....

[khalid-qtr]

ليش مافي باص في المدرسة
ولو ما يوصل حتى منزلك
روح لمدير المدرسة وكلمة ولازم يتساعد معاك او يوفرون لك سيارة

[QtrGate]

كلم مدير المدرسة

اذا كان عدد الطلاب الي في نفس الفريح اكثر من ٢٠ راح يوفر لكم باص خاص


واذا كنت انت بروحك راح يكلم الباص الي يوصل قريب فريجكم.


ماراح يقصرون معاك واذا رفض المدير راسلني*

[نوفا91]

الله يعينك اخووي ..

[MoTeC]

والله شوف اخوي خذ مني نصيحه جابل دراستك احسن واذا تقدرون تجيبون سايق مثل مارد واحد من الاخوان افضل لك من ناحيه انك تدرس وناحيه لاقدر الله صار عليك حادث ولا شي الله يحفضك
او باص المدرسه واذا ماوفرولك كلم QtrGate ان شاءالله يفيدك
وبالتوفيق اخوي

[بوخالد911]

الله يحفظك

لا تستعجل

ودبر لك باص
أو

سيارة تشيل 4 طلاب
وتتقاسمون المبلغ فيما بينكم

[ExploSivE]

يعطيكم الف عافيه شباب ع الرد وماقصرتوا وتسلملي QtrGate

انا ساكن فبروة مسيمير ومانقدر ندبر سايق لانه وين بيقعد .. وبالنسبه للباص فيه باص بس ياخذ الطلبه الساعه 5 :S ! والدوام يبتدي 7
ونخلص 1:15 ويوصل الباص بروة الساعه 3 :/

والباقي ماقصرتوا جزاكم الله خيراً

[الجزوع]

الله يوفقك ويخليك لامك يارب

[latty]

16 سنه لا مايصير احنا بعد نحتج على 18 الصراحه بعدكم صغار رغم شدة الظروف ياليت بعد يرفعون سن السواقه الى 22

ياليت

[القطو السمين]

الله يوفقك ياولدي مافيه الاتتفق مع سايق تبع المشاويير على 800 ريال في الشهر ويمكن تنزل في السعر لين تاخذ الليسن والله يحفظك من كل شر

[QtrGate]

الله يساعدك اتوقع مايعطون كجه ولا ليسن لهذا السن

كلها سنه وراح تطلع الكجه والسنة الي بعدها ليسن

تحمل الباص

ونام بكير تصحى بكير

[مستثمر 999]

ما تحتاج اخوي لا لليسن ولا الكجه

تعلم السواقه وقو قلبك وما عليك من كلام الناس

ولا قدر الله وقت الحادث شوف لك حد ياخذ مكانك او الوالده

انت مب اول ولا اخر واحد يسوق بدون ليسن

السواقه فن وذوق واخلاق وما لها علاقة بالعمر

[طموحي مبدع]

انزين روح كلم الشئون بيعطونك راتب ايتام على ماظن 2000 ريال

جيب لك فيها سايق لين ماتخلص ثانويه وبيمشي لك هالراتب ليين ماتشتغل ولما تشتغل بيوقفونه

اكاه واحد من ربعي نفس حالتك

او انك تروح مرور خليفه وتكلم الضابط وتقول له ابي كجه

بيعطيك استثناء وخذ الكجه وروح مدرسة سواقه وخذ لك 12 حصه عشان تتعلم

الكجه يعطونها حق 17 بس انت ظروفك صعبه بيعطونك اياها

[alrheeb2020]

ما تحتاج اخوي لا لليسن ولا الكجه

تعلم السواقه وقو قلبك وما عليك من كلام الناس

ولا قدر الله وقت الحادث شوف لك حد ياخذ مكانك او الوالده

انت مب اول ولا اخر واحد يسوق بدون ليسن

السواقه فن وذوق واخلاق وما لها علاقة بالعمر


ما شاء الله :thumbup1:

خوش كلام الصراحه وخصوصا نقطة وقت الحادث خل حد ياخذ مكانك ..

ونعم القدوه :thumbdown:

[مستثمر 999]

ما شاء الله :thumbup1:

خوش كلام الصراحه وخصوصا نقطة وقت الحادث خل حد ياخذ مكانك ..

ونعم القدوه :thumbdown:



يعني انت في حياتك ما شفت عمره في الاربيعنات ويلف عليك تقول سكران او عمي

وان حسسته بانك تضايقت من حركته وبدل ما يعتذر يكع بريكات قدامك ولا يتصرف اي تصرف طفولي

حبيبي

انا عيالي في الثانويه وربعهم يسوقون من الاعدايه وما شاء الله ما في اعقل منهم

مب كل ياهل سفيه ولا كل بالغ عاقل او راشد

[alrheeb2020]

يعني انت في حياتك ما شفت عمره في الاربيعنات ويلف عليك تقول سكران او عمي

وان حسسته بانك تضايقت من حركته وبدل ما يعتذر يكع بريكات قدامك ولا يتصرف اي تصرف طفولي

حبيبي

انا عيالي في الثانويه وربعهم يسوقون من الاعدايه وما شاء الله ما في اعقل منهم

مب كل ياهل سفيه ولا كل بالغ عاقل او راشد


بس القانون قانون وياخوي ..

ولو بندخل على الناحيه الشرعيه ففيها مخالفة لولي الامر

ولو كل واحد خله اعياله الصغار يسوقون نفس ماقلت فالاعداديه بتسير الدنيا فوضه

[الهاجري 2]

لا ياخوي من يقولك مايعطومك كجه ماعليك من اللي يحبطك ويقول مايصيير ,, الليسن معروف انه 18 ثااابت ولايقدرون بفتحون السيستم

والكجه يطلعونها للي عمره 17 بس اذا حالتك كذا يعطونك استثناء ويطلعونها لك

روح المركز الي في مدينة خليفه ودش على الضابط وخلك جريء وقلله كل شي وياليت تكون معاك الاوراق

هو بيعطيك استثناء ويعطييك كجه

لان اذكر اول ماجيت 16 رحت لهم وقالولي لا وبعدها دشيت على الضابط وكلمته وسألني عندكم دريول , حالة الوالد , بعد ماجاوبته بكل صدق قاللي منت في حاجة الكجه اللحين لان مافيه ظروف تسمحلنا نعطيك كجه

هذا الكلام معناته اللي عنده ظروف يقدر يطلع

والله يوفقك وتطمن انشالله انك تقدر تطلعها بس حاسب وانا اخوك لاتلهيك عن الدراسه ولاتسرع والله يحفظك

واي شي تبيه قللي وانا حاضر