استفسار-شلون ممكن اقابل سمو الامير-حفظه الله أو اوصل له رساله

[هل الشمال]

يا اخوان يا كرام ممكن احد يفيدني كيف ممكن اقابل سمو الامير الشيخ حمد بن خليفه آل ثاني الله يحفظه ويرعاه ؟ او كيف ممكن اوصل له رساله واتاكد أن حضرة سموه الكريم استلمها وقرأها؟


عندي ظروف هامة ومصيرية تتطلب مقابلة سموه...

اللي يرد علي ويساعدني جزاه الله خير وبارك الله في جهوده ولكم الاجر والثواب في الدنيا والاخرة

[QtrGate]

اتوقع
انك تروح الديوان وتروح حق مكتب الامير وتطلب منهم مقابلة مع الامير

ومن الممكن هم يحلون المشكله

اذكر واحد قال انه راح مجلس الامير في بيته

لأكن أنصحك بالديوان روح واسئل وراح يجاوبونك. لان هو المختص في هاي الامور

[غزوله]

اكتب كتاب لديوان الاميري وبيوصله ان شاءالله

وعسى ربي يفرجها عليكم يارب وعلينا وعلى المسلمين

[بوخالد911]

الله يسهل علييكم

الديوان الأميري

[hussainy]

ما لك الا الديوان او المجلس

والله يفرجها عليك انشاء الله

اكثر من هذا الدعاء

امن يجب المضطر اذا دعاه ويكشف السوء يا الله

[حقيقه]

إذا الموضوع دش مزاج اللي يشتغلون عند الأمير بيوصل وإذا لاتأكد انه هم اللي يمنعون بعض الطلبات من وصولها للأمير لأنه الله يحفظه مايقصر مع حد لو يدري

[نوفا91]

اكثر من لا اله الا انت سبحانك اني كنت من الظالمين ..

والله يوفقك ويسر امورك ..

[هل الشمال]

جزاكم الله خير جميعا...مشكوريين على الردود

والله جربت وارسلت اكثر من مره عبر موقع الديوان لسمو الامير او سمو ولي العهد ربي يحفظه لكنها الظاهر ما وصلت او ما ادري شصار عليها..ارسلت على الفاكس وحطيت اسمي وارقامي بعد محد رد او اتصل

وحاولنا عبر اشخاص كثر لكن محد ساعدنا ووصلنا لسمو الامير الله يحفظه ويرعاه...حنا ندري ان ابو مشعل ما يقصر واذا وصله راعي الحاجه ما يرده خايب لكن كيف الوصول؟

كيف اروح الديوان؟ وعند من بالضبط؟
وبالنسبة لمجلس سمو الامير اعتقد ممنوع الدخول لأي شخص وفي أي وقت...هل هناك ايام معينه ووين؟

[Rider]

لي سمعته ان سمو الأمير يقابل الشعب كل يوم أحد

[الجزوع]

الله يفرجها علينا وعليك ، للاسف اللي اشوفه انا شخصيا انه صعب الوصول للامير . ليش؟!!!!!! ماندري!!!!!!!!!!!!!!!!!!!!!!!!!!!!!.

[هل الشمال]

ليش صعب

البلد صغيرة حجماً وأميرنا قلبه كبير و طيب وما يقصر مع شعبه

الله كريم ونقدر نحصل رد ونعرف كيف نتوصل لمقابلة سموه الله يحفظه ويرعاه لانه هذا حقنا نتواصل مع ولي الامر ونطلعه على ظروفنا

[cavok]

اللة المستعان

[خالـــــد]

كلم سعد الرميحي

واذا الموضوع يستاهل بيدخلك عليه

[vtc_4.8]

بس توصل له رسالتك والله انه مايقصر بس المشكله وين الي يوصلها للأسف

[متسلف وفي الاخير]

اخوي نائب الامير ماتقدر تقابله بسهوله واللي يقول يوم الاحد الكلام غير صحيح وسمو الامير مشغول هالفترة

[راعي الدتسن]

الله يكون في عونك اخوي

[sendarala]

اكثر من الاستغفار ليل ونهار

وكرر دوم اللهم سخر لي قلب من احوجتني اليه

وكرر دعاء ذا النون عليه السلام ( لا اله الا انت سبحانك اني كنت من الظالمين )


ان شاء الله ربي ييسرها لك ويفتح ابواب رحمته عليك

[BURBERRY]

مرحبا اخوي

بقولك تجربتي .. في سنة 2005 رحت بقابل سمو الامير الله يحفظه صباح يوم الاحد الساعه 6 عند قصر الوجبه عشان موضوع تظلم .. المهم عند الاستقبال قالي ماتقدر تدخل و انت صغير و مادري شنو .. و ان الديوان الاميري بيوصل الكتاب لسمو الامير .. و علما باني قطري من هل قطر لا مجنس ولا شي .. كل اجدادي حاربو مع المؤسس .. ولا خلوني ادخل اقابل سمو الامير و تميت سنتين اراجع الديوان الاميري و لا وصلت الرساله ولا صار شي .. و تركنا الموضوع ما باليد حيله ..

حسبي الله و نعم الوكيل

يمكن حطمتك بس حبيت اكتب تجربتي

[مجنون الفتك]

نصيحتي لا تتعب نفسك ولا تسأل
بس ادع ربك هو الي بيحل مشكلتك مب عبيده
سبحاانك ياربي

[alkoos]

حسب معلوماتي ان الامير حاليا مايقابل احد واعتقد ان الي يقابل سمو ولي العهد

[فتى الجود]

الموضوع اسهل من الكلام كله ـ تقدر توصله اللى ف خاطرك

هذا ايميل الأمير الشخصى


http://www.diwan.gov.qa/arabic/the_amir/the_amir_email.asp


ارساله رساله مع مراعاة الأتي :
أشرح له وضعك
وبين ايش طلباتك
وطرق الأتصال
وابعد انك تخلى خطابك
مبهم او غير واظح
وان شاء الله الله بيسر لك امورك

(( وتأكد ان سمو الأمير اذا شاف موضوعك يستاهل المقابلة لاتخاف بيناديك وبيسمعلك ))

[القحطاني505]

من المعلوم أن ولي العهد يجلس كل أحد للمواطنين في قصر الوجبة في الصباح ..

وفي حالات نادرة ( ربما مرتين في السنة ) يجلس الشيخ حمد يوم الأحد لو كان ولي العهد غير موجود ..

[دكان عباس]

الله يعينك

[$QTR$]

الله يفرجها علينا وعليك ، للاسف اللي اشوفه انا شخصيا انه صعب الوصول للامير . ليش؟!!!!!! ماندري!!!!!!!!!!!!!!!!!!!!!!!!!!!!!.

أخوي بالعكس حسب علمي بأن سمو الأمير أو سمو ولي العهد يجلسون يستقبلون المواطنين كل صباح من يوم الاحد بقصر الوجبة وكلهم فيهم بركة ومايقصرون وأي مواطن قطري يدخل بس شرط مايكون صغير سن وذلك حسب الي أعرفه ,, ( واللهم سدد خطاهم لما تحب وترضى يارب )

[نمـر]

الله لايهينك روح يوم الأحد ود بطاقتك الشخصية قصر الوجبة وانت ونصيبك يا الامير يا ولي العهد يقعد وبالنسبة الي عن الباب تلاغا معاهم شوي ولا تعطيهم الاوراق قول انه باروح بوصلها وبيدخلونك

[HAYA]

أعرف شخصا حاول مرارا وبكل الطرق .. ولكن وللأسف .. دون جدوى !

[هل الشمال]

اشكركم جميعا على ردودكم ودعواتكم

الله كريم ويفرجها على الكل وان شاء الله باحاول جهدي والله ييسر اللي فيه الخير

كلكم اهل خير وبركة جزاكم الله خير

[الخاتم]

الله يعينك بس شوفلك حد من اللي قريبين من القصر او الديوان بيعطيك الطريقه والله ييسر امورك

[روح الاطلس]

لو كنت لبناني مو بس توصل له لو تبي تقعد تتعشى معاه بعد

[روح الاطلس]

طبعا انا اقصد في ردي اعلاه

ان اللي تحت الامير راح يوصلونك له بسهوله وهو مايقصر مع احد حتى لو تبي تتعشى معاه

انا رجعت اكتب توضيح لان وصلني على الخاص ناس مافهمت معنى جملتي ويفكروني اقصد سمو الامير انا طبعا ما اقصد سمو الامير لان لو وقته يسمح يستقبل الجميع ومايقصر مع احد لكن اللي تحت الامير هم اللي يعطلون

[coolqtri]

اخوي/ اختي .. هل الشمال
خل وجهك قبله .. وارفع ايديك للخالق عسى الله ان يفرج عليك
بدون واسطه ولا موعد ولا غيره

[bo_hamad]

الله يفرج همك وان شاء الله لك يوم بمقابلة سمو الامير ان شاء الله وبالتوفيق

[شاهيناز]

لو كنت لبناني مو بس توصل له لو تبي تقعد تتعشى معاه بعد

مايهم توضيحك

الامير له احترامه وش قصد في معاه بعد؟

هل يعقل انا نخاطب الامير وولي امرنا بها الاسلوب

اثتبي لنا ان الامير فضل لبناني على المواطن

المشكله في الي يقط كلام مايثمنه

اقول يا روح الاطلس
يمكن الامر يصير في مسقط راسك جبال اطلس

اما في قطر الحمدلله مقابله الامير شي سهل
بس مب لازم نسئل في المنتديات كيف نقابل الامير
الي يبي يقابل الامير يسئل في عالم واقعي مب افتراضي
ولاتعيدينها مره ثانيه مانرضى على اميرنا الغالي

[@فهد@]

مايهم توضيحك

الامير له احترامه وش قصد في معاه بعد؟

هل يعقل انا نخاطب الامير وولي امرنا بها الاسلوب

اثتبي لنا ان الامير فضل لبناني على المواطن

المشكله في الي يقط كلام مايثمنه

اقول يا روح الاطلس
يمكن الامر يصير في مسقط راسك جبال اطلس

اما في قطر الحمدلله مقابله الامير شي سهل
بس مب لازم نسئل في المنتديات كيف نقابل الامير
الي يبي يقابل الامير يسئل في عالم واقعي مب افتراضي
ولاتعيدينها مره ثانيه مانرضى على اميرنا الغالي

لا ياخت شهناز .. ليست المقابله بتلك السهوله

وخلك واقعيه والسؤال حق الاخ في المنتدي في عالم واقعي نحن بشر ولسنا العاب كمبيوتر في عالم افتراضي

كلنا نعلم ان مقابلة اي مسؤل في الدوله ليست بتلك السهوله .. مثلا مقابلة وزير هل هي سهله ومتاحه لاي من كان

الامر لاينطبق فقط في قطر ولكن في اي دوله .. كبار المسؤلين لهم جدول عمل ومن الصعوبه مقابلتهم الا ان كانت صفتك تسمح بذلك .. وزير يقدر يدش علي وزير لكن مواطن عادي تبين يدش علي وزير منا والدرب ماعتقد سهله ..

وماحد يرضي علي سمو الامير ولن تكوني اكثر وطنيه من اهل قطر ..

ولكن يتكلمون بروح المحبه والعفويه .لاتصيرين وطنيه اكثر من اخوانك الاخرين ..

وخلك تتكلمين بروح الاخوه والمساواه ولاتطالعين الناس من فوق ..

اسلوب ناظر المدرسه لاتتعود ومن هالسوالف مب في منتديات راقيه

[بـــــــنت النوخـّــــذه]

الله يفرج همك

صراحه قريت كل الردود وماقصرو 00

مادري في حلّ واحد ممكن يصيب معك انك تتصل بوطني الحبيب وعلى الملأ اتقول اطالب بمقابله سمو الامير حفظه الله ضروري هل من مستجيب لندائي المتواضع 000فكل ابواب الوصول لك ياسمو الامير حفظك الله قد سدت أمامي 000

[عاشق ميونخ]

عادي اخوي روح الديوان الاميري واطلب من سكرتير مكتب سمو الامير انك تقابلة وهم بيطلبون منك تفاصيل المقابلة وراح يحددونلك موعد وخذ رسالتك معاك وقدمها لسموة وان شاء الله بومشعل مايقصر هو خيرة دوم لاهل قطر الله يحفظة ويطول بعمرة ويفرج كربتك واكثر اخوي من الاستغفار

[عنابي 2010]

الشكله في الحاشيه يحجبوا الناس من الوصوال .ادع ربك يحل مشكلنك اسهل طريقه

[ليث العرين]

صعب الله يعينك ان شاءالله

[الماريّة]

الله يفرجها عليك وعلينا يارب

:)

[كاتم الاسرار]

الله يعييييييييييينك وتقابل الامير الله يحفظه

[كـاسـر الـصـنـم]

بومشعل قلبه كبير .... لكن للاسف كتب كثير من الناس ماتوصله

[هل الشمال]

مايهم توضيحك

الامير له احترامه وش قصد في معاه بعد؟

هل يعقل انا نخاطب الامير وولي امرنا بها الاسلوب

اثتبي لنا ان الامير فضل لبناني على المواطن

المشكله في الي يقط كلام مايثمنه

اقول يا روح الاطلس
يمكن الامر يصير في مسقط راسك جبال اطلس

اما في قطر الحمدلله مقابله الامير شي سهل
بس مب لازم نسئل في المنتديات كيف نقابل الامير
الي يبي يقابل الامير يسئل في عالم واقعي مب افتراضي
ولاتعيدينها مره ثانيه مانرضى على اميرنا الغالي
=============================
يا اختي الكريمة بارك الله فيك انا صار لي اكثر من 7 سنوات احاول وادور طريقة اقابل فيها الاميرالله يحفظه ويرعاه لكنَي ما قدرت...الامر صعب مثل ما ذكر اغلب الاخوة والاخوات الكرام

وبعدين انا اسأل في عالم افتراضي مثل ما تفضلتي يمكن احصل رد او حل...!
يمكن انسان قلبه رحيم وطيب أو مهم ومقرب لسمو الامير- الله يحفظه- ويوصل له رسالتي وتنحل مأساتي

[هل الشمال]

صعب الله يعينك ان شاءالله

=======================

صحيح صعب لكن ما في شيء بعيد عن رب العالمين

[هل الشمال]

مشكورين على تفاعلكم يا اخواني واخواتي الكرام

اللي يقدر يساعدني ويعطيني تفاصيل اكثر مثل : من الشخص المسئول عن المقابلات في الديوان الاميري اللي اقدر اروح له مباشرة ...؟

الله يجزاكم خير

[mooona]

اخي الفاضل في البداية لازم يكون عندك اعتقاد يقيني ا ن الارزاق بيد رب العباد مو بيد العبد
فلابد من اللجوء الى الله بالاستغفار وشوف قصص الاستغفار من جوجل

(استغفروا ربكم انه كان غفارا)وحدثت قصة حقيقية لرجل لايجد ماياكل فاكثر من الاستغفار
وانفتحت له ابواب وهو مو مصدق صار يبكي من الرزق اللي نزل عليه ...لازم ترفع يدك وتطلب ...وقدم كتابك وشوف ساعتها كيف بيكون الانفراج انت اول شخص ماراح تصدق اللي يصيرلك وقصص الاستغفار كثيرة بس اصحابها رافضين اكتب عنهم....رحمته وسعت كل شي