عـمـلـيـتـي بـعـد شـهـر .. نـصـيـحـتـكـم

[باسورد]

من فتره طويله عانيت من حساسيه وضيق الفتحة اليسرى للانف

خذت موعد مع الدكتور الهندي شانموجان جانيسن في حمد

اجرو لي اشعه مقطعيه طلع عندي الجيوب الانفيه وانحراف بالانف

وتضخم قرنيه الانف وقال الدكتور بنسوي لك عمليه

- تعديل انحراف الانف

- تصغير حجم قرنيه الانف

- غسيل الجيوب الانفيه

على كلامه العمليه ماتاخذ وقت طويل وتم بواسطه منظار

بغيت اخذ رايكم بالدكتور الهندي انا سمعت انه الافضل بمستشفى حمد

ونصيحتكم لي خصوصا اللي مسوي عملية من قبل

.. ماخاب من استشار ..

[وافق شنن طبقة]

لا تسويها..


روح تايلند وفحص كامل وتعرف الفرق هناك

واحد من الجماعه راح وسوى عمليه للجيوب الانفيه

واللحمدلله طيب وبخير

نصيحه نصييييحه من اخوك


تحمل تسوي العمليه

رح تايلند والتكلفه تريبا فحص وسكن


السكن من 1800 بات الي 2000
والفحص كامل.ب 12 الف بات

وتذكره بزنز 6400 ريال .

كلها ماتجي 10

نصيحه تحمل تستعجل وروح شوف شيقولون

ترى مستشفى حمد احسن مااافيه

انهم يعرفون يقنعون الواحد..

وبكرة لو صار لك شي طرشوك لندن ..

وعشان ما تزعل بيحطون معك 5 مرافقين

[الفيصل2009]

باسورد تبي نصيحه لا لا تسوي العمليه في مستشفى حــــــــــــــــــمد اسمع نصيحه واحد عنده الحين تجربه وابشرك مش تجربه واحده لا لا والله انها ثنتين لاوله غلط طبي يبون يشيلون المراره راح وظرب الشريان الاوطـــــــــــــــــــــي تعرف ويش معنى الشريان الاورطي يعني الحياه للانسان بس الحمدالله عده على خير واخر شي يقول قضاء وقدر وين المراره من الشريان الاورطي

والثانيه مصيبه والله العظيم حسبي الله عليهم وحده من الرضيعات افقدوها نعمه الانجاب والسبب الاهمال كانت داخله للاولاده وحالتها تمام وبعده جايبين ممرضه تولدها المهم شرح طويل اخر شي سو لها 4 عمليات واخرتها الدكتوره تاسف ماهي عارفه ويش اتسويي المهم وكلها اغلاط من ظمن العمليات سار يتسرب من المسلك البوليه ويقولون لا هذه نزيف يعني رايحين في الرحله يعني كلهم شهداتهم مضروبه لاتسويها ان كانك تبي الشور روح حق تايلند ابرك لك

[جنون قطر]

نصيحه اذا عندك استطاعه روح تايلند واذا ما عندك استطاعه جمع لك مبلغ وروح تايلند صج أن الدكتور ممتاز بس صراحه أنا ما أأمن اني أسوي العمليه أهني

[قطرية مثقفة]

فعلاً الأعضاء معاهم حق لا تسويه في الدوحة ،، للأسف اهني صار الواحد عندهم حقل تجارب ،،،، حاول تروح تايلاند واللي أعرفه في مكتب فاتحه واحد قطري وهو مهمته تسهيل إجراءاتك هناك فالي ماعنده خبرة واايد بيساعدونه ،،،،،،،، سلامتك وماتشوف شر

[الأصيلة]

العملية بسيطة جدا وكثير اللي مسوينها
والدكتور ممتاز انا مجربته مع ولدي ..
ماشاء الله عليه يده خفيفة
وتوكلوا على الله....
مافيه داعي لسفر وتعب ..
وإذا كان ولا بد ممكن البحرين
فيها دكاترة أنف ممتازين...

[deema117]

إذا الدكتور شاطر وأنت سألت عنه وعرفت أنه الأفضل


استخير الله في موضوع العملية


وما خاب من استخار


رايي ماله داعي السفر ،، العلاج موجود بس لو حاب تطمئن أكثر أستشير دكتور آخر بنفس المجال وشوف إذا التشخيص للحالة هو نفسه ( اهني الواحد يقدر يطمئن ) أما كل دكتور يقول كلام غير عن الثاني فالأفضل ما تستعجل بالعملية !

وما تشوف شر إن شاء الله

[Mishari]

اخووي تبي النصبيحه لا تسوويها سمعه المشتسفى دااون

انا بالسعووديه وسوويتها اربع مرات بمستشفى المانع بالخبر واخره علميه سويتها بالجبيل عام 2001 الرابعه طبعاً اخووك اقشر ماا يخلي الكووره ونصيحه تعاال المانع الخبر ابرك من المستشفى حمد لا هو تسوويق للمستشفى ولا شي ولكن ماابي يصير لك مثل ولد عمي مسكين تعذب ويااهم واذا تبي ادل على الدكتور تراني صرت خبره اربع علمياات انحراف مسووي من كثر القشااره الي فيني واخرتها عاام 2001 سويتها وباقي لي وحده تجميل بس ما سويتها حكم الظورف ولانشغال واي استسفار انا حاظر لك اخوي

[الراقيه سبشل]

توكل على الله وسويها

والي مكتووبلك بصير لو كان هني او بآخر الدنيا

:)

[أبو طلحه]

الله يعينك العملية سهله لكن المها عقب العملية قبل ما يطيب الجرح

[روح الاطلس]

الله يعين احس انك طرحت السؤال وزادت حيرتك من اللي قالوا لا تسوي في حمد

نصيحتي انا ابعث تقرير لمستشفيات تايلند مع صور الاشعه وهم يطرشونها للجراح وبيقول لك لو خطة علاجك صح او عندهم راي ثاني

المهم اخذ اكثر من رأي استشاري وبعدين تقدر تقرر وانت متطمن

[بنت ذياب]

في ناس قالوا لك لاتسويها ف مستشفى حمد

وناس قالوا لك سووها ف تايلند ..

واللي قال لك روح الخبر

باختصار.. انت استخير على انك تسويها في قطر

واذا شر لك.. بيصير شي يمنعك من العملية .. عموما استخير وشوف شتحس فيه

والله يشفيك ويقومك بالسلامة اخوي

[الأصيلة]

الله يعين احس انك طرحت السؤال وزادت حيرتك من اللي قالوا لا تسوي في حمد

نصيحتي انا ابعث تقرير لمستشفيات تايلند مع صور الاشعه وهم يطرشونها للجراح وبيقول لك لو خطة علاجك صح او عندهم راي ثاني

المهم اخذ اكثر من رأي استشاري وبعدين تقدر تقرر وانت متطمن

كله انحراف في الأنف...
ليش مخرعين الرجال ياناس..
مافيه الا العافية..
المفروض المسلم يستخير في اموره قبل لا يشاور الناس
ويتوكل على الله..
امكانيات مستشفى حمد ورميلة عالية جدا
والأخطاء واردة بكل مستشفيات العالم..
وياكثر أخطاء تايلند...وأمريكا ولندن وألمانيا...

[شويهينــه]

تقدر تطلب استشاره من دكتور ثاني سواء من حمد او غير حمد وهذا من حقك

وشوف شبيقولون لك اذا كلهم نفس التشخيص ونفس العلاج توكل على الله

[مستجدة]

اخوي توكل على الله وسويها العمليه بسيطه
اخوي منكسر خشمه وهو صغير وصار فيه انعواج ومن كبر صار يتضايق بالتنفس وسوا العمليه
في الرميله والان الحمدلله شكل الخشم صار من احسن مايكون والنفس صار اوكي لاتخاف ترى المكتوب مكتوب هني ولا هنا اهم شئ التوكل على الله


ماتشوف شر وماعليك من بعض الاخوه اللي يحاولون يثنونك عن العمليه اظن من خوفهم عليك
لكن دام الدكتور سمعته طيبه وفي بلادك وبين اهلك توكل على الله وسو العمليه ومايصير لك الا اللي الله كاتبه



اسأل الله العظيم في يوم هالجمعة المبارك ان يسهل امورك ويشفيك ويشفي كل مريض

[نوفا91]

الله يكون بعونك اخوي..والله يكتب لك اللي فيه الخير ..

[vtc_4.8]

استخير ياخوي والله يبعد عنك الهم

[][ iMedia ][]

مع احترامي للجميع
خلك من الكلام الفاضي ..
العملية بسيطة جدا !!
توكل على الله :)

[باسورد]

يعطيكم العافيه عالردود

[شيط ويط]

ما تشوف شر يالغالي ..

[مريديان]

وإذا كان ولا بد ممكن البحرين
فيها دكاترة أنف ممتازين...

أختي الاصيلة ممكن اسماء دكاترة الانف الممتازين بالبحرين,,

وماتشوف شر يااخوي,,

[نجمة في سماه]

باسورد تبي نصيحه لا لا تسوي العمليه في مستشفى حــــــــــــــــــمد اسمع نصيحه واحد عنده الحين تجربه وابشرك مش تجربه واحده لا لا والله انها ثنتين لاوله غلط طبي يبون يشيلون المراره راح وظرب الشريان الاوطـــــــــــــــــــــي تعرف ويش معنى الشريان الاورطي يعني الحياه للانسان بس الحمدالله عده على خير واخر شي يقول قضاء وقدر وين المراره من الشريان الاورطي

والثانيه مصيبه والله العظيم حسبي الله عليهم وحده من الرضيعات افقدوها نعمه الانجاب والسبب الاهمال كانت داخله للاولاده وحالتها تمام وبعده جايبين ممرضه تولدها المهم شرح طويل اخر شي سو لها 4 عمليات واخرتها الدكتوره تاسف ماهي عارفه ويش اتسويي المهم وكلها اغلاط من ظمن العمليات سار يتسرب من المسلك البوليه ويقولون لا هذه نزيف يعني رايحين في الرحله يعني كلهم شهداتهم مضروبه لاتسويها ان كانك تبي الشور روح حق تايلند ابرك لك

مع إحترامي لك أخوي فيصل مايصير تحكم على كل الدكاتره ان شهاداتهم مضروبه من فشل حاله ولا حالتيين لأنه احنا بس نسمع انه صار جذي أو صار هالشكل بس في النهايه محد يعرف الحقيقه...شكرا....

[jfal]

كنت مثلك متردد اسويها وكل ما يجي موعد العمليه أ اجلها
لين توكلت على الله وسويتها .. واحمد الله ان سويتها .. واللي سوالي العملية دكتور هندي في مستشفى حمد من حوالي 4 او 5 سنيين
ولله الحمد والمنة حالي الحين افضل بكثير من قبل
الحالة كانت كسر او انحراف غضرفي في الأنف يضيق علي التنفس من الانف
بسسبب حادث في الصغر
والشافي هو الله سبحانه ..
ما تشوف شر

[باسورد]

لا مو متردد بس احب استشير

عالعموم كان لي موعد قبل اربع شهور عند الدكتور الهندي

سويت الفحص قبل اسبوعين ووقعوني على اوراق العمليه

وختمت الكرت عند قسم التبرع بالدم وموعد العمليه بعد 3 ايام

ان شاء الله راح اوافيكم شصار معاي:p

لا تنسونا من الدعاء

[خزامئ]

توكل على اللة الدكتور ممتاز
والعملية بصيطة
واللة يعطيك خيرها ويكفيك شرها

[حياة]

الله يعطيك من خيرها وخير مابعدها ويكفيك من شرها وشر مابعدها

[بصمة قطرية]

ان شاء الله العملية سهلة ..
وهالدكتور ممتاز بصراحة أفضل دكتور في حمد بغيت اسوي
عملية ولدي عنده بس مواعيده كانت وايد بعيدة ..

ما تشوف شر ان شاء الله ~
توكل على الله ..

[فلتة زمانها]

ليش مخوف نفسك ومكبر الموضوع
العمليه سهله شي بسيط وهالدكتور ممتاز
واظن بيسوونها لك في ارميله مب في حمد

[ولد شرق]

اخوي
هالدكتور انا اعرفه شخصيا في المستشفى وخارج المستشفى وهو من افضل الدكاتره في قطر بل هو الافضل على الاطلاق
احترامه لمرضاه واحترامه للمواعيد موضع تقدير له...

توكل على الله والله يوفقك...

[باسورد]

الحمدلله سويت عمليه ونجحت بس المشكله ان خشمي مسكر

واتنفس من حلجي متى اقدر اتنفس من خشمي

[باسورد]

الحمدلله سويت عمليه ونجحت بس المشكله ان خشمي مسكر

واتنفس من حلجي متى اقدر اتنفس من خشمي



وينكم يا هل الخبره

[ضوى]

الدكتور ممتاز ، توكل على الله

والظاهر كل اللي نصحوك بالسفر عندهم تجارب سيئة مع حمد بس هذا مش مقياس على كفاءة المستشفى بكاملها وبكل التخصصات

[ضوى]

الحمدلله سويت عمليه ونجحت بس المشكله ان خشمي مسكر

واتنفس من حلجي متى اقدر اتنفس من خشمي



يبي لك وقت اخوي الكريم ، عط نفسك مهلة وان شاء الله الامور سهالات ، والحمد لله على سلامتك

[باسورد]

الدكتور ممتاز ، توكل على الله

والظاهر كل اللي نصحوك بالسفر عندهم تجارب سيئة مع حمد بس هذا مش مقياس على كفاءة المستشفى بكاملها وبكل التخصصات

ضوى انا سويت العمليه عند الدكتور الهندي من يومين

وخلصت شكلج مو متابعه ردي الاخير :d

[باسورد]

يبي لك وقت اخوي الكريم ، عط نفسك مهلة وان شاء الله الامور سهالات ، والحمد لله على سلامتك

الله يسلمج مشكوره يا ضوى

[Cooki]

الله ايهديكم يا اخوان احس انكم تبالغون ..

انا اشوف الناااس يجون من اخر الدنيا ...

ويتعالجون عندنا بمستشفى حمد .. ويشكرون بالعلاج ويطلعون وهم راضيين .. واحنا ماغير نذم ونسب ..

انا ما اقول ان العلاج عندنا وواااااووو متميز ..لا..

بس فعلا يعد من افضل المستشفيات على مستوى خلونا نقول العالم العربي ..

الاخطاء الطبيه وارده بكل مكان .. يعني انتوا متخيليين بتايلاند مافي اخطاء طبيه ..

ولا حتى بامريكا والمانيا .. الا في .. بس مب تحت المجهر ...

توكل على الله ياخوي وسو العمليه ..

العمليه بسيطه وسهله..

انا اعرف وحده سوتها العام بالمستشفى بس هي لانها كانت وايد وايد خايفه

اضطروا انهم يخدرونها تخدير كامل .. والحمد لله الحين مرتاحه ومافيها الا العاااااااااااااافيه ...

اعقد عزيمتك وتوكل على الله ... وربك الحاااافظ

[باسورد]

لووووول شفيكم تراني سويت العمليه وخلصت والحمدلله تكللت بالنجاح

يعطيكم العافيه

مغلق

[Cooki]

هههههههههه يالله الحمد لله على السلامه ...

هاه بشر للحين تتنفس من حلجك ...والا امور طيبه ...

[فيزيائية]

الحمد لله عالسلامة ...( :

[مضاد]

وانا اقول لا تسوي العملية





لووووول شفيكم تراني سويت العمليه وخلصت والحمدلله تكللت بالنجاح

يعطيكم العافيه

مغلق



هههههههههههههههههههه

تستاهل السلامه ...بس ليش تبي تغلق الموضوع ...حوله استراحة المنتدى :funny:

[kitmat]

الكتور وايد شاطر بس عليك بالاستخارة قبل كل شي مسوي عملية لبنت اخوي ماشاء الله يدة خفيفة صدقني اهوه احسن دكتور