استفسار:وين تنصحوني أسافر سياحة؟ [الأرشيف] - منتديات شبكة الأسهم القطرية

مشاهدة النسخة كاملة : استفسار:وين تنصحوني أسافر سياحة؟

فراشة ناعمة

10-12-2010, 03:17 PM

السلام عليكم ورحمة الله وبركاته

ناويين على سفرة على شهر 6 ان شاء الله إذا الله أحيانا

انا بخاطري اسافر نيوزلندا..طبيعتها وااااايد حلوة..احب الحياة الريفية..

وبخاطري نفس الوقت سنغافورة..

حد منكم سافر نيوزلندا؟ او سنغافورة؟

وإذا حد منكم عنده اقتراح لبلدة ثانية ياليت يخبرني ويقولي ليش؟

ابي بلدة فيها طبيعة خلابة..ابي ارتاح نفسيا من المناظر اللي اشوفها..وبنفس الوقت يكون الجو حلو..ابي اسوي رفريش..

حد منكم سافر سويسرا؟؟

وحابة ارتب امور سفرنا من الحين..اسوي سيرج على الاماكن السياحية والحجوزات اشلون وكل شي..فياليت تعطوني من خبراتكم وتجاربكم بأحسن دولة تستاهل السفر لها كسياحة لمدة تقريبا 17 يوم..

انتظر رايكم..

ابو علاوي

10-12-2010, 04:01 PM

نيوزلندا جدا بعيدة
وبانكوك مناخها استوائي رطب
انا انصحج تروحين اوكرانيا وبالذات منطقة القرم
رائعة جدا جدا
وخصوصا ان الريف كبيرررر عندهم ومناخهم متنوع

http://www9.0zz0.com/2010/12/10/12/652581907.jpg (http://www.0zz0.com)

http://www9.0zz0.com/2010/12/10/12/498380659.jpg (http://www.0zz0.com)

وهذي صور اخذتها من الجو قبل 10 ايام

http://www9.0zz0.com/2010/12/10/12/326772521.jpg (http://www.0zz0.com)

http://www9.0zz0.com/2010/12/10/13/380277448.jpg (http://www.0zz0.com)

Bin Hood

10-12-2010, 06:17 PM

ميونخ :strong2:

ومر على سالسبورغ :thumbup1: يوم واحد

فراشة ناعمة

10-12-2010, 09:16 PM

نيوزلندا جدا بعيدة
وبانكوك مناخها استوائي رطب
انا انصحج تروحين اوكرانيا وبالذات منطقة القرم
رائعة جدا جدا
وخصوصا ان الريف كبيرررر عندهم ومناخهم متنوع

]

ماشاء الله الطبيعة حلوة..

فعلا نيوزلندا وااايد بعيدة..غيرت رايي فيها لإني مااقدر اتحمل الطيارة وايد..

المشكلة ان تايلند وماليزيا واللي جنبها جوها حار..صحيح تمطر بشكل يومي بس جوها حار..بإستثناء الجبال جوها روووعة..

أشكرك على الاقتراح..

جاري البحث..

فراشة ناعمة

10-12-2010, 09:17 PM

ميونخ :strong2:

ومر على سالسبورغ :thumbup1: يوم واحد

أشكرك على الاقتراح..

واشلون بيكون جوها في الصيف؟

متسلف وفي الاخير

10-12-2010, 09:42 PM

تركيا بتنسين العالم وراج وقريبه جدا

فراشة ناعمة

11-12-2010, 10:55 AM

تركيا بتنسين العالم وراج وقريبه جدا

سمعت عنها الكثيييير..

وبخاطري اروح لها بس مب الحين..من كثر ماراحوا لها الناس ودي اغير الوجهة لدولة ثانية

barod

11-12-2010, 01:19 PM

انصحج بالدول الاوروبيه وطبعا سويسرا حلوه وانصحج تدخلين مواقع السفر بتستفيدين كثير وفيها كل المعلومات الي تحتاجينها وخليج من الدول الاسيويه لانها حاره ورطوبه

Bin Hood

11-12-2010, 01:32 PM

أشكرك على الاقتراح..

واشلون بيكون جوها في الصيف؟

الجو عادتا يكون وايد حلو كأن بداية الشتاء عندنا

انا رحت شهر سبعة اول اسبوع كان حار درجة الحرارة 30 تقريبا - طبعا هذا غير مألوف

لكن ثاني اسبوع نزلت الحرارة الى العشرين ودونها

من حيث السياحة حدث ولا حرج

اسواق : السيتي سنتر - مجمع ريم اركادا - مجمع كرشتاد - شارع الماركات (ما اعرف اسمه)

معالم اثرية : الابنية الاثرية في كل المدينة - قصرالنيفنبرق - متحف البي ام دبليو والوكالة

مواقع سياحية : ملعب اليانز ارينا - الحديقة الاولمبية - الحديقة الانجليزية

وعندج سالزبورغ قريبة من ميونخ تقريبا ساعة ونصف بالباص لان احنا خذنا تور سياحي لمدة يوم .

وهذا الموضوع لزيارتي هناك http://www.qatarshares.com/vb/showthread.php?t=398957

الله يوفقك

القلم الصريح

12-12-2010, 09:18 AM

انصحج تروحي زلامسي ( فينا ) والله تونس وطبيعتها خلابه وقريه ريفيه لما تغيب الشمس وتظلم الشوارع فاضيه والامطار ( الرذاذ ) حلو وبارده فالصييف والله انصحج وبقوه

بوخالد911

12-12-2010, 09:58 AM

غولد كوست - أستراليا

إينشتاين

12-12-2010, 10:01 PM

فراشة ناعمة

14-12-2010, 07:58 PM

انصحج بالدول الاوروبيه وطبعا سويسرا حلوه وانصحج تدخلين مواقع السفر بتستفيدين كثير وفيها كل المعلومات الي تحتاجينها وخليج من الدول الاسيويه لانها حاره ورطوبه

فعلا هذا اللي افكر فيه..انا محتاجة جو بااارد..والحين صار تركيزي اكثر شي على سويسرا..

شكرا

الجو عادتا يكون وايد حلو كأن بداية الشتاء عندنا

انا رحت شهر سبعة اول اسبوع كان حار درجة الحرارة 30 تقريبا - طبعا هذا غير مألوف

لكن ثاني اسبوع نزلت الحرارة الى العشرين ودونها

من حيث السياحة حدث ولا حرج

اسواق : السيتي سنتر - مجمع ريم اركادا - مجمع كرشتاد - شارع الماركات (ما اعرف اسمه)

معالم اثرية : الابنية الاثرية في كل المدينة - قصرالنيفنبرق - متحف البي ام دبليو والوكالة

مواقع سياحية : ملعب اليانز ارينا - الحديقة الاولمبية - الحديقة الانجليزية

وعندج سالزبورغ قريبة من ميونخ تقريبا ساعة ونصف بالباص لان احنا خذنا تور سياحي لمدة يوم .

وهذا الموضوع لزيارتي هناك http://www.qatarshares.com/vb/showthread.php?t=398957

الله يوفقك

أشكرك على المعلومات..

فعلا ميونخ حلووة..

فراشة ناعمة

14-12-2010, 08:01 PM

انصحج تروحي زلامسي ( فينا ) والله تونس وطبيعتها خلابه وقريه ريفيه لما تغيب الشمس وتظلم الشوارع فاضيه والامطار ( الرذاذ ) حلو وبارده فالصييف والله انصحج وبقوه

اليوم شفت صورها بالنت..وعجبتني طبيعتها..

وجاري البحث عنها اكثر..

بس انا صار تركيزي اكثر شي على سويسرا..

غولد كوست - أستراليا

واااايد بعيدة..انا يوم سافرت ماليزيا سبع ساعات وغير الترانزيت تعبت وايد..

مع انها حلوة ووايد ناس ينصحون بزيارتها..

أشكرك

فراشة ناعمة

14-12-2010, 08:03 PM

إذا كنت تبحث عن المناظر الخلابة والطبيعة الساحرة والراحة النفسية.......

مافيها ثنتين النسما وبالذات زلامسي والمناطق القريبة منها وكذلك البحيرات الي بينها وبين سالزبيرغ...

انا رحت ثلاث سنين على التوالي ومامليت منها..

اقرب طريق لها عن طريق ميونخ تبعد تقريبا ساعتين أو ساعة ونص عن زلامسي.

فعلا معاك حق..انا شفت الصور بالنت وطبيعتهم فعلا تخلي الواحد غصب عنه يرتاح نفسيا..

وطبيعة سويسرا مثلهم بالضبط وازود..

وصار بخاطري ازور كم بلدة في نفس الوقت..

ان شاء الله تضبط معانا..

sepasteyn

15-12-2010, 04:03 PM

مراحب - انصحك تروحين اي دولة عربـيـة - اسلامية
مااااااااااا انصحك تروحي اي دولة اعجمية

مرتبش

16-12-2010, 09:44 AM

استفسار
شلون النمسا وسويسرا تعاملهم مع الخليجين؟
هل في مضايقات او الامور طيبة

وشكثر الخليجين هناك في الصيف؟ وايد يعني الواحد كانه قاعد في الدوحة ..الاسعار كيف

يعطيكم العافية

بدوي

16-12-2010, 12:46 PM

sout qatar

16-12-2010, 12:52 PM

والله انا انصحج وبالقووو بسويسرا

انا سافرت سويسرا شهر عسل في شهر 7 الي فات لمدة اسبوعين رحت مونترو ولوزيرن وزيرمات وانترلاكن وشامونيه الفرنسيه وماشاء الله كل بلده تقول الزود عندي وكل خضار وجبال وطبيعه وأمااان طبعا باستثناء جنيف

وانترلاكن طبيعتها نفس زيلامسي بس اكبر وفيها بحيرتين والجو فيها خيااااااااااال عرب كثير نفس زيلامسي وعندك زيرمات مدينة تروحينها بقطار وكل السيارات الي فيها تعمل على كهرباء فتلاقين الجو هناك نظيف ونقي

واي استفسار تبغينه حاضر

Mohammed.a

16-12-2010, 02:29 PM

هلا
ودك بمكان قريب وحلو
سيرلانكا وخاصه منطقه نورليا و كاندي
رووووعه حق الي يبحث عن الجو البارد و الطبيعه فقط
توني جاي من هناك حزنت لما تركت البلد

ذيب ولد ذيب

17-12-2010, 12:30 AM

طــمــوحــة

17-12-2010, 12:55 AM

شمال تركيا
اوزنجول وطربزون خيآآل

صبي الهوامير

17-12-2010, 01:00 AM

انا اقلج رحي المغرب ابلاد عجيبه

فراشة ناعمة

17-12-2010, 11:54 AM

مراحب - انصحك تروحين اي دولة عربـيـة - اسلامية
مااااااااااا انصحك تروحي اي دولة اعجمية

مشكور على النصيحة..

:)

استفسار
شلون النمسا وسويسرا تعاملهم مع الخليجين؟
هل في مضايقات او الامور طيبة

وشكثر الخليجين هناك في الصيف؟ وايد يعني الواحد كانه قاعد في الدوحة ..الاسعار كيف

يعطيكم العافية

أتمنى حد يساعدنا يجاوب على أسئلتك..

فراشة ناعمة

17-12-2010, 12:05 PM

بما انج مصممة على سويسرا

فأنا اشوف رايج حلو وسليم

ومن وجهة نظري لأني مريت بهالطريق وروعة المناظر الخلابة

فأقترح عليج تنزلين سويسرا (جنيف) كم يوم وتزورين ( آنسي ) هالمدينة المحببة لدي :shy:

وهي قريييييبة من جنيف 40 كلم وهي داخل الحدود الفرنسية ( الجوازات لازم وياكم ) عشان مركز الحدود

وبعدها اخذي لفة في جنيف وضواحيها وانتي طالعة مرورآ بـ ( لوزان ) وصولآ لــ ( إنترلاكن ) كم يوم

وبعدها داااااايركت لـ ( زيلامسي ) يومين ومن ثم ( كابرون ) يومين وختامآ ( ميونخ ) بالكثير 4 او 5 ايام

طبعآ انتي ادرى بعدد ايام الرحلة وقسميها على كيفج[/color]

بصراحة انا عجبت جدا بمناظر سويسرا..يعني احس غصب عنك بتصير ريلاكس هناك..

وانا قد ماودي في الطبيعة ماودي شي ثاني..

انزين انا عندي سؤال إذا ممكن..

شفت تقارير كثيرة بالنت لناس سافروا سويسرا..وكانوا هم يسوقون السيارات يعني مااستعانوا بسائق..برايك لهالدرجة سهلة السواقة هناك من حيث معرفتك بالمناطق ورحتك من منطقة لمنطقة؟؟

وكيف الحياة في سويسرا؟ انا سمعت انها غالية..ماادري انت شتقول دام جربت..

وبغيت أسأل بعد..يقولون ان سويسرا يبيلها شهر علشان تدورها..بس الوقت المتوافر لي تقريبا 16 يوم بس..يعني مايستاهل هالدرب كله؟

ملاحظة :

للأسف كثييييييير من الشباب او العوائل يزيد عدد المحطات اللي بيزورها وعدد ايام السفرة تكون قليلة نوعآ ما

مثلآ تلقى واحد بيسافر 10 ايام وحاط 5 او 6 محطات بحيث انه في كل منطقة بيجلس يوم او يومين اذا شباب اهون ولكن كعائلة ترى متعبة للعائلة وعيالهم وحريمهم

فلاتنسى انه بين كل منطقة ومنطقة مسافة معينة + عامل التأخير + اول يوم وصول متعب ومايمديك تستكشف المكان عدل

فهي السالفة نسبة وتناسب .. اذا زادت عدد ايام السفر كثر المحطات ماعندك مشكلة واذا قلت ايام السفر قلل المحطات وطول فيها كم يوم ، ماكو مشكل :nice:

والله يوفقكم ان شاء الله في سفرتكم

احنا يوم سافرنا ماليزيا رحنا تقريبا خمس مناطق في اسبوعين..بس الحمدلله سفرتنا مافيها اطفال كلنا كبار..بس استمتعت الدوارة بين منطقة ومنطقة..على الاقل نستغل وقت وجودنا..

شكرا على النصيحة..

:)

والله انا انصحج وبالقووو بسويسرا

انا سافرت سويسرا شهر عسل في شهر 7 الي فات لمدة اسبوعين رحت مونترو ولوزيرن وزيرمات وانترلاكن وشامونيه الفرنسيه وماشاء الله كل بلده تقول الزود عندي وكل خضار وجبال وطبيعه وأمااان طبعا باستثناء جنيف

ليش بإستثناء جنيف؟؟

يعني برايك اسبوعين يكفون دوارة بسويسرا؟؟

هل كنت تسوق سيارة او كان عندكم سائق؟؟

وانترلاكن طبيعتها نفس زيلامسي بس اكبر وفيها بحيرتين والجو فيها خيااااااااااال عرب كثير نفس زيلامسي وعندك زيرمات مدينة تروحينها بقطار وكل السيارات الي فيها تعمل على كهرباء فتلاقين الجو هناك نظيف ونقي

واي استفسار تبغينه حاضر

أشكرك على الوصف..شجعتني بزود اروحها..ممكن تعطيني جدول سفرتك لكل منطقة ايش كثر تميتوا؟

ويعني ايش كثر كلفتكم السفرة من تذاكر وفنادق وشوبينغ يعني كل على بعضه..

وشكرا..

فراشة ناعمة

17-12-2010, 02:01 PM

اختي سنغفوره شيليها من البال ترى طبيعتها عاديه ,,,

ماليزيا وتايلند روعه من ناحية الطبيعه الخلابه والشعب الطيب بس الجو معتدل ورطب درجة الحراره ليلاً 27 وظهراً 33 درجه ,,

سويسرا يمدحونها بصراحه لكن اذا مفكره بشرق اسيا ماليزيا وتايلند واي توضيح انا حاضر ,,

انا رحت ماليزيا..وخاطري اكرر التجربة مرة ثانية..بس مب الحين..وتايلند ماقد جربتها..بس سمعت ان سنغافورة وايد حلوة..وهو فعلا هالدول جوها حار..صج تمطر بشكل يومي بس حارة..

أشكرك أخوي على المساعدة..

:)

شمال تركيا
اوزنجول وطربزون خيآآل

خاطري اروح تركيا..بس من كثر ماراحوا لها الناس خاطري اغير الوجه هالمرة..

sout qatar

17-12-2010, 04:09 PM

لان جنيف تكثر فيها النصبات والبوق ولازم تحاسبين على اغراضج كثر ماتقدرين يعني عادي تنباق الشنطه واغراض منج بدون ماتحسين بين كل الاسواق بس اهم شي تحاسبين على اغراضج وشنطتج خليها دوم بيدك لان لو غفلتي عنها ثواني مابتحصلينها وخاصه فالمطارات ومحطات القطارات ومرات تلاقين يجيك واحد مسوي نفسه مباحث ويكون عنده بطاقة شرطة مزور ويفتشك وبالاخير يبوق منج بدون ماتحسين واهم شي لاتلبسين شي ملفت مثل الخواتم والساعات الي تبين ان عندك فلوس خلك عاديه وامورك ان شاء الله بخير

وبالنسبه للتنقل كنت مأجر سيارة من المطار وانا اسوقها وكنت شاري جارمن ومنزل عليه احداثيات المناطق الي بروحها والسواقه هناك اسهل من سواقتنا وكل شي مرتب ونظام وانا نصيحتي الي يسافر اوروبا ياجر سياره عشان ياخد راحته ويستمتع بالانتقال بين المناطق الريفيه وغير ان بعد ارخص بوااااايد

واسبوعين يكفي والسفره كلفتي تقريبا 80 ألف شامله(تذكرتين درجة رجال اعمال 27 ألف + السكن + الأكل + الشوبينق + ايجار السياره + السياحه)
وانتي تقدرين تتحكمين فالتكلفه عن ممكن اقل وممكن اكثر وحسب هدفج اذا كان بس سياحه ولا شويبينق

وبكتلبك جدول الرحله

ذيب ولد ذيب

17-12-2010, 04:20 PM

انا رحت ماليزيا..وخاطري اكرر التجربة مرة ثانية..بس مب الحين..وتايلند ماقد جربتها..بس سمعت ان سنغافورة وايد حلوة..وهو فعلا هالدول جوها حار..صج تمطر بشكل يومي بس حارة..

اختي بختصار سنغافوره ماتفع ابداً للي يبحث عن المناظر الطبيعيه و الرحلات السياحيه ! سنغافوره بلد التطور التكنلوجي والمباني ومن هالسوالف في حدايق حلوه بس فعاليات سياحيه كثيره مافيها ,, تنفع حق ترانزيت ,,

تايلند تفرق عن ماليزيا رحلاتها السياحيه اكثر , الفعاليات اكثر , السياح اكثر , الناس فالليل ماترقد بسرعه , يعني اذا تطلعين الساعه 12 فالليل تلاقين المحلات مفتوحه وزحمه يعني فيها حركه ,,

ماليزيا تتميز عن تايلند نظافة البلد والتطور في المباني ,,

فراشة ناعمة

18-12-2010, 04:45 PM

انا اقلج رحي المغرب ابلاد عجيبه

شكرا..بس اشلون أجواءها؟

لان جنيف تكثر فيها النصبات والبوق ولازم تحاسبين على اغراضج كثر ماتقدرين يعني عادي تنباق الشنطه واغراض منج بدون ماتحسين بين كل الاسواق بس اهم شي تحاسبين على اغراضج وشنطتج خليها دوم بيدك لان لو غفلتي عنها ثواني مابتحصلينها وخاصه فالمطارات ومحطات القطارات ومرات تلاقين يجيك واحد مسوي نفسه مباحث ويكون عنده بطاقة شرطة مزور ويفتشك وبالاخير يبوق منج بدون ماتحسين واهم شي لاتلبسين شي ملفت مثل الخواتم والساعات الي تبين ان عندك فلوس خلك عاديه وامورك ان شاء الله بخير

بصراحة خوفتني منهم.. :eek5:

الله ياستر..

وبالنسبه للتنقل كنت مأجر سيارة من المطار وانا اسوقها وكنت شاري جارمن ومنزل عليه احداثيات المناطق الي بروحها والسواقه هناك اسهل من سواقتنا وكل شي مرتب ونظام وانا نصيحتي الي يسافر اوروبا ياجر سياره عشان ياخد راحته ويستمتع بالانتقال بين المناطق الريفيه وغير ان بعد ارخص بوااااايد

انزين يصير اساعد الوالد في السواقة؟ يعني مسموح لنا؟

يعني مابنضيع لو احنا اللي سقنا؟

يعني مثلا كم الايجار ان كان بسائق او من غيره؟

واسبوعين يكفي والسفره كلفتي تقريبا 80 ألف شامله(تذكرتين درجة رجال اعمال 27 ألف + السكن + الأكل + الشوبينق + ايجار السياره + السياحه)
وانتي تقدرين تتحكمين فالتكلفه عن ممكن اقل وممكن اكثر وحسب هدفج اذا كان بس سياحه ولا شويبينق

وبكتلبك جدول الرحله

انزين كم ساعة درب من الدوحة لين جنيف؟

انا في انتظار جدول رحلتك..

شكرا

فراشة ناعمة

18-12-2010, 04:50 PM

اختي بختصار سنغافوره ماتفع ابداً للي يبحث عن المناظر الطبيعيه و الرحلات السياحيه ! سنغافوره بلد التطور التكنلوجي والمباني ومن هالسوالف في حدايق حلوه بس فعاليات سياحيه كثيره مافيها ,, تنفع حق ترانزيت ,,

وايد ناس يمدحون سنغافورة كطبيعتها الحلوة..بس انا يوم سويت سيرج بالنت ماحصلت ذاك الصور اللي تشجع..واحنا كنا حاطين في بالنا اذا بنروح سنغافورة بنمر على ماليزيا وتايلند..

تايلند تفرق عن ماليزيا رحلاتها السياحيه اكثر , الفعاليات اكثر , السياح اكثر , الناس فالليل ماترقد بسرعه , يعني اذا تطلعين الساعه 12 فالليل تلاقين المحلات مفتوحه وزحمه يعني فيها حركه ,,

ماليزيا تتميز عن تايلند نظافة البلد والتطور في المباني ,,

هو فعلا ماليزيا بلد نظااااافة وتطوور..بس تايلند ابد ماكنت متشجعة اني ازورها يوم..بس عقب ماشفت تقرير وحده من العضوات تشجعت اروح لها يوم..

sout qatar

19-12-2010, 02:14 AM

[

بصراحة خوفتني منهم.. :eek5:

الله ياستر..

بالعكس والله لاتخافين بس اهم شي ماتتركين اغراضك لحالها دوم خليها بيدك وبعدين هالاشياء بس تكون في جنيف وانتي اذا بتروحين جنيف خليها اخر يومين وانتي راده عشان التسوق

انزين يصير اساعد الوالد في السواقة؟ يعني مسموح لنا؟

يعني مابنضيع لو احنا اللي سقنا؟

يعني مثلا كم الايجار ان كان بسائق او من غيره؟

ايه عادي بس اهم شي تاخذين قارمن وتتعلمين على استعماله وهو كثير سهل وبعطيك احداثيات الاماكن الي تروحينها وبعدين تقدرين انتي تسوقين هناك سواقتهم وايد سهله

انزين كم ساعة درب من الدوحة لين جنيف؟

انا في انتظار جدول رحلتك..

شكرا[/QUOTE]

ووقت الرحله تقريبا 6 ساعات

sout qatar

19-12-2010, 02:43 AM

ورحتلي كانت اول ماوصلت جنيف كنت حاجز سياره من موقع يورب كار
واوصل ماوصلنا جنيف عالطول خذت السياره ورحنا اول شي منترو وقعدنا فيها 3 ايام
وعندك كذا مكان تروحينه من منترو وعندك قمةجلاسي 3000 ومصنع نستله للشوكليت وفي مصنع الجبن وعندك بعد تقدرين تتمشين عالبحيرره وفي قلعة تقدرين تروحينها عالبحيره

وبعدها رحنا زيرمات وقعدنا فيها يومين ولازم نوقف السياره في مواقف القطارات ونركب القطار وندخل هالمدينة لان ممنوع دخول السيارات وهناك كل سيارات تعمل بالكهرباء والجو وايد حلو ونظييييف وفيها قمة بس ماذكر اسمها

وبعدها ردينا بالقطار وخذنا السياره واتجهنا لانترلاكن بقطار السيارات ينقلك مباشره بين الجبال بطريق مختصر لان طريق الجبل صعب وتمينا في انترلاكن 5 ايام وفيها اكثر من مكان تروحينها منها 4 شلالات وقمة اليونفرخ أعلى قمة في اوروبا وفيها كهف جليدي وفيها بحيرتين تقدرين تركبين عبارات تتمشين فيها

وبعدها رحنا لوزيرن قعدنا في ثلاث ايام ورحنا اليورب بارك في المانيا بس كانت بعيده تقريبا 3 ساعات وباقي الايام قضينها تمشيه فالمدينه

وبعدها رحنا شامونيه الفرنسيه وقعدنا فيها 3 ايام وفيها ثاني اعلى قمه فالعالم (قمة المونت بلانك) وهي مدينة مرتفعه وجوها بااارد يعني فالصيف الدرجه توصل 11

وبعدها رجعنا جنيف وتمينا فيها يومين وتسوقنا فيها وردينا

وان شاء الله تستفيدين من جدول رحلتي

سعود سعد

20-12-2010, 09:34 AM

بالتوفيق انشاء الله

سعود سعد

20-12-2010, 09:37 AM

الريف في النمسا حلو للإسترخاء

فراشة ناعمة

22-12-2010, 02:02 PM

[

بالعكس والله لاتخافين بس اهم شي ماتتركين اغراضك لحالها دوم خليها بيدك وبعدين هالاشياء بس تكون في جنيف وانتي اذا بتروحين جنيف خليها اخر يومين وانتي راده عشان التسوق

ايه عادي بس اهم شي تاخذين قارمن وتتعلمين على استعماله وهو كثير سهل وبعطيك احداثيات الاماكن الي تروحينها وبعدين تقدرين انتي تسوقين هناك سواقتهم وايد سهله

ووقت الرحله تقريبا 6 ساعات

ورحتلي كانت اول ماوصلت جنيف كنت حاجز سياره من موقع يورب كار
واوصل ماوصلنا جنيف عالطول خذت السياره ورحنا اول شي منترو وقعدنا فيها 3 ايام
وعندك كذا مكان تروحينه من منترو وعندك قمةجلاسي 3000 ومصنع نستله للشوكليت وفي مصنع الجبن وعندك بعد تقدرين تتمشين عالبحيرره وفي قلعة تقدرين تروحينها عالبحيره

وبعدها رحنا زيرمات وقعدنا فيها يومين ولازم نوقف السياره في مواقف القطارات ونركب القطار وندخل هالمدينة لان ممنوع دخول السيارات وهناك كل سيارات تعمل بالكهرباء والجو وايد حلو ونظييييف وفيها قمة بس ماذكر اسمها

وبعدها ردينا بالقطار وخذنا السياره واتجهنا لانترلاكن بقطار السيارات ينقلك مباشره بين الجبال بطريق مختصر لان طريق الجبل صعب وتمينا في انترلاكن 5 ايام وفيها اكثر من مكان تروحينها منها 4 شلالات وقمة اليونفرخ أعلى قمة في اوروبا وفيها كهف جليدي وفيها بحيرتين تقدرين تركبين عبارات تتمشين فيها

وبعدها رحنا لوزيرن قعدنا في ثلاث ايام ورحنا اليورب بارك في المانيا بس كانت بعيده تقريبا 3 ساعات وباقي الايام قضينها تمشيه فالمدينه

وبعدها رحنا شامونيه الفرنسيه وقعدنا فيها 3 ايام وفيها ثاني اعلى قمه فالعالم (قمة المونت بلانك) وهي مدينة مرتفعه وجوها بااارد يعني فالصيف الدرجه توصل 11

وبعدها رجعنا جنيف وتمينا فيها يومين وتسوقنا فيها وردينا

وان شاء الله تستفيدين من جدول رحلتي

أشكرك أخوي على جدول الرحلة والمعلومات..

وإن شاء الله بستفيد من جدولك..

جزاك الله خير..

فراشة ناعمة

22-12-2010, 02:06 PM

الريف في النمسا حلو للإسترخاء

شفت صور النمسا عند وحده من الاهل

وماشاء الله طبيعتها حلوة..

إذا كفى الوقت احتمال نزورها..

شكرا

شبح الأسهم

22-12-2010, 02:11 PM

لاكان احلى مدينه بالعالم بالطبيعه بسويسرا هي

فراشة ناعمة

24-12-2010, 07:43 PM

لاكان احلى مدينه بالعالم بالطبيعه بسويسرا هي

بسوي سييرج عنها إن شاء الله..

أشكرك

أم غانم

24-12-2010, 10:16 PM

وعليكم السَلام ورحمة الله ،

مرحبَآ عزيزتي ، موفقين إن شاء الله في سفرتكم ..

17 يوم حلوين خاصة إذا في الدولة كذا منطقة حلو تغيرين كل 3 أيام في مكان

سياحة وإستجمام وتسوق ،

في السفر تحتاجين لـ

المادة

القراءة

وأيضا القراءة

ثم التخطيط

ومن ثم التنفيذ

وحتى لو تم تنفيذ 60% من ماهو مخطط له يظل كافي لمتعة كاملة بالسفر بإذن الله وربج لموفق

ولازم تراعين إذا معاكم يهال تسون لهم جدول خاص فيهم للسينما ، السيرك ، الملاهي ، وغيرة ..

سويسرا بلد حلو وهادي .. وتقدرين في الأسبوعين تاخذين قطار منها إلى فرنسا أعتقد المسافة

بينهم ساعه ؟ تبقين فيها يومين أو 3 وترجعين إذا حابة

وقبل لاتسألين أي حد أبحثي في الأنترنت وحطي لج ورقة وقلم وخططي للرحلة إذا الله راد مع هلج ..

وبتكون عندج فكرة شاملة عن كل شي.. إختيارج حلو لدولة سياحية هادية ووراقية ..

بحثت لج في الأنترنت ولقيت هالموضوع الشامل إن شاء الله تستفيدين منه

http://travel.maktoob.com/vb/travel51030/

http://www.switzerlandtraveling.com/

http://ar.myswitzerland.com/ar/page.cfm/Home

هالمواقع ممكن تفيدج في حال إختيارج كان 100 بالمئة سويسرا .. وإذا غيرتي الوجهة لدولة ثانية

مو مشكلة على الأقل أخذتي فكرة وأكتسبتي معلومة جديدة ..

إذا في خاطرج أي سؤال أو إستفسار آمري سواء عن هالدولة أو دولة ثانية

موفقين إن شاء الله

باسكن روبنز

30-12-2010, 04:51 AM

ابي ارتاح نفسيا من المناظر اللي اشوفها..وبنفس الوقت يكون الجو حلو..ابي اسوي رفريش..

الله يكون بعونـج! ،

ويفيدونج الأعضـاء آن شاء الله ،

:)

أخر الدنيا

30-12-2010, 05:49 AM

النمسا او سويسرا
راحة نفسية ما بعدها راحة ---طبيعة ---جو
من تجربة شخصية---

الراقية

30-12-2010, 09:38 AM

السلام عليكم ورحمة الله وبركاته

سافرت انا الى سنغافورة العام الماضي ولم تكن رائعة بمستوى سفراتي السابقة نعم بلد راقية ونظيفة بس للاسف مافيها متعة

انصحك اذا فعلا تبحثين عن الراحة والطبيعة والجو

انصحك بشدة

ان تشدي الرحال الى سويسرا فهي رااااااااااااااائعه جدا
فيها كل شي قلتيه وترغبين فيه

انصحك بالسكن في احد المدن الفرنسية القريبة من جنيف مثل ديفون انيماس
لان اسعار الشقق تعتبر نوعا ما مناسبة للجميع
وايضا لانها لاتبعد عن جنيف الا بضع دقائق بالاضافة الى قربها من جميع المناظق السياحية
مثل جبل مونت بلانك
وانصح بشدة بزيارة المناطق التالية
قشتاد بتدعين لي
مونترو
لوزان
انسي
في في
وعموما فيه تقارير احد الاخوة يدعى ابو عبدالعزيز اعتقد انه في موقع المسافرون العرب استفيدي من خبرتة فهو عاشق لسويسرا

وتوكلي على الله فسويسراااااااااااااااااا رائعة

اختك
الراقية

مخطط قطري

30-12-2010, 09:46 AM

مرحبا انا انصحك في منطقه ذي لمسي هي على حدود المانيا وفينا وتكون قريبه من اميونخ حوالي 2 ونص يعني تحجزين من القطريه على اميونخ وتقدرين تروحين بسياره دايركت او قطار وطبيعه مب خلاابه وبس جنان وانصحك في فندق اسمع السي فيلا هوتيل 3 ايام راحه ماتصورينها

فراشة ناعمة

31-12-2010, 03:02 PM

وعليكم السَلام ورحمة الله ،

مرحبَآ عزيزتي ، موفقين إن شاء الله في سفرتكم ..

17 يوم حلوين خاصة إذا في الدولة كذا منطقة حلو تغيرين كل 3 أيام في مكان

سياحة وإستجمام وتسوق ،

في السفر تحتاجين لـ

المادة

القراءة

وأيضا القراءة

ثم التخطيط

ومن ثم التنفيذ

وحتى لو تم تنفيذ 60% من ماهو مخطط له يظل كافي لمتعة كاملة بالسفر بإذن الله وربج لموفق

ولازم تراعين إذا معاكم يهال تسون لهم جدول خاص فيهم للسينما ، السيرك ، الملاهي ، وغيرة ..

سويسرا بلد حلو وهادي .. وتقدرين في الأسبوعين تاخذين قطار منها إلى فرنسا أعتقد المسافة

بينهم ساعه ؟ تبقين فيها يومين أو 3 وترجعين إذا حابة

وقبل لاتسألين أي حد أبحثي في الأنترنت وحطي لج ورقة وقلم وخططي للرحلة إذا الله راد مع هلج ..

وبتكون عندج فكرة شاملة عن كل شي.. إختيارج حلو لدولة سياحية هادية ووراقية ..

بحثت لج في الأنترنت ولقيت هالموضوع الشامل إن شاء الله تستفيدين منه

http://travel.maktoob.com/vb/travel51030/

http://www.switzerlandtraveling.com/

http://ar.myswitzerland.com/ar/page.cfm/home

هالمواقع ممكن تفيدج في حال إختيارج كان 100 بالمئة سويسرا .. وإذا غيرتي الوجهة لدولة ثانية

مو مشكلة على الأقل أخذتي فكرة وأكتسبتي معلومة جديدة ..

إذا في خاطرج أي سؤال أو إستفسار آمري سواء عن هالدولة أو دولة ثانية

موفقين إن شاء الله

تسلمين حبيبتي على المساعدة..

وان شاء الله بستفيد من الروابط..

أشكرج..

الله يكون بعونـج! ،

ويفيدونج الأعضـاء آن شاء الله ،

:)

على شنو الله يكون بعوني؟

شكرا
:)

فراشة ناعمة

31-12-2010, 03:12 PM

النمسا او سويسرا
راحة نفسية ما بعدها راحة ---طبيعة ---جو
من تجربة شخصية---

أشكرك..

شكلنا بنوع بالرحلة..

هو فعلا المناظر الخلابة تساعد على الراحة النفسية..

السلام عليكم ورحمة الله وبركاته

وعليكم السلام ورحمة الله وبركاته

سافرت انا الى سنغافورة العام الماضي ولم تكن رائعة بمستوى سفراتي السابقة نعم بلد راقية ونظيفة بس للاسف مافيها متعة

انصحك اذا فعلا تبحثين عن الراحة والطبيعة والجو

انصحك بشدة

ان تشدي الرحال الى سويسرا فهي رااااااااااااااائعه جدا
فيها كل شي قلتيه وترغبين فيه

انصحك بالسكن في احد المدن الفرنسية القريبة من جنيف مثل ديفون انيماس
لان اسعار الشقق تعتبر نوعا ما مناسبة للجميع
وايضا لانها لاتبعد عن جنيف الا بضع دقائق بالاضافة الى قربها من جميع المناظق السياحية
مثل جبل مونت بلانك
وانصح بشدة بزيارة المناطق التالية
قشتاد بتدعين لي
مونترو
لوزان
انسي
في في
وعموما فيه تقارير احد الاخوة يدعى ابو عبدالعزيز اعتقد انه في موقع المسافرون العرب استفيدي من خبرتة فهو عاشق لسويسرا

وتوكلي على الله فسويسراااااااااااااااااا رائعة

اختك
الراقية

شوقتوني اسافر لها بسرعة..

ان شاء الله برتب السفرة كلها وبنخليها مميزة بإذن الله..

أشكرج..

مرحبا انا انصحك في منطقه ذي لمسي هي على حدود المانيا وفينا وتكون قريبه من اميونخ حوالي 2 ونص يعني تحجزين من القطريه على اميونخ وتقدرين تروحين بسياره دايركت او قطار وطبيعه مب خلاابه وبس جنان وانصحك في فندق اسمع السي فيلا هوتيل 3 ايام راحه ماتصورينها

أشكرك على الاقتراح..

وبإذن الله برتب الجدول..تشوقت اشوف كل المناطق اللي ذكرتوها..