استفسار عن مكاين الكهرباء

[مريش]

السلام عليكم

شخباركم

من عنده معلومات عن مكاين الكهرباء يفيدنا
ابي اعرف المكيف كم يصرف من المكينه بالواط والليتات ايضاً

اهم شيء المكيف لان هو البلوى مثل طن ونص مادري اذا في بوطن بعد احسن

ابي اعرف المكيف العاده والليتات والتلفزيون كم يصرفون
ليت الي يعرف بالواط

والي عنده خبره يفيدني بهالكلام
PM0497000.02 7,000 Running Watt 13 HP OHV

عن مكينه لكن مافهمت الاختصارات

[فويرط]

مرحبا اخوي

انا اشوف ان لازم تاخذ لك من 6500 واط وانت طالع
لان المكيف طن ونص يسحب تقريبا 3500 واط واول مايشتغل يسحب اكثر بعدين يرد لــ 3500
وبخصوص الليتات ، اذا بترك ليت طويل ( يسمونه تيوب) يصرف الواحد 36 واط ، وفي منه اللي يجيك صغير (السنجل) 18 واط ، والتلفزيون على حسب ، تحصل وراه مكتوب كم واط ، انا عندي تلفزيون 14 بوصة يصرف 67 واط والرسيفر 10 واط ، وعليك الحسبه ، شوف شلون صرفيتك من الاشياء اللي بتستخدمها ، واعتقد كل شي كهربائي مكتوب عليه في البليته من ورا كم واط يصرف ، ترى في مكيف سبلت طن واحد ، شفته اعتقد ان ماخاب ظني في ناشونال اللي في الدوحة ، وفرصة الحين عندهم تنزيلات ، مر عليهم وشوفهم واسئلهم كم واط يصرف ، بس انا من رأيي خذ من 6500 واط وانت طالع
وأي سؤال انا حاظر ، والله يوفقك أخوي

[لوجين]

بالتوووووووووووووووووفيق

[مريش]

تسلم اخوي فويرط على المعلومات
وفعلا لازم الواحد يحسب كل شيء قبل لايشتري ويتوهق

طيب اخوي عندك معلومات عن المكاين يوجد فوق 10000 واط ؟؟
وكم اسعارهم تقريباً

ومادري الكلام الي انا حطيته بالانجليزي وعباره عن اختصارات
ممكن توضحهم لي

وجزاك الله خير والله يوفقك

اختي لوجين بالتوفيق للجميع

[مهل]

السلام عليكم

فويرط ماقصر ،، ولكن اعتقد ان المكيف مايسحب 3.5 kv
بالنسبه لسؤالك عن المكيف ،، فيه طن واحد اكثر من ماركه (ويندو) وبالنسبه للسبلت ترى مايصرف كهرب مثل الويندو .

بالنسبه للاستخدام العادي الي هو مثلا

ليتات و كم كشاف و مكيف و صخانه و تلفزيون و ريسيفر خذ مكينه 6 او 7 kv

ترى الصخانه مب هينه تصرف بعد .. بالنسبه لماركه المكينه بصراحه مكينتين جربتهم و زينين صراحه (ياماها و فوجي) الياماها صرفيتها للبترول حلوه جدا .