مسابق وسرعة جنونية

[La Bella]

اليوم الساعة 7 ونص المساء تقريبا كنت على خط سلاح الجو

:no2::no2: الصراحة ماعرفت اي شارع امسك تفاجاءت ب ثلاث سيارات خلفي تتسابق

2 النوع كروزر والسيارة الثالثة جيب مرسيدس

وينكم يا أدارة المرور من هذا الشارع وليش مافية ولا رادار ثابت أهناك

لازم حوادث ووفيات وبعدها تركبون

الحمدالله على نعمت العقل والصحة

[شبح الصمت]

اختي في رادار من قال مافي مركب فوق الجسر بس الشباب يدعسون وحافظين الشوارع ولين يوصل قبل يمسك ابريك وعقب ما يعدي الرادار يدعس هي الحركة المعروفه
الله يستر عليكم وعليهم واذا شفتي مثل هالامور يتسابقون تحملي تلفين يسار والا يمين خلج في مكانج وهو الي بيخفف لانه اي حركة تلفين يمين ويسار يمكن انتي لا قدر الله يحصل شيء لج وله الي يشوف مثل هالامور لا يوخر يتم في مكانه !!

ومها تكلمتي من اليوم لي بكره ترى الشوارع يا كثرها ويبون يسابقون روحي اخر الليل بتشوفينهم اهناك

[La Bella]

انزين ليش ما المرور ما يوزعون تحريات في هذي الطرق الي تصير عليها المسابق

[شبح الصمت]

انزين ليش ما المرور ما يوزعون تحريات في هذي الطرق الي تصير عليها المسابق

اختي من قالج انه مافي روحي الشبك او المعموره وبتشوفين السيارة المحجوزه اهناك الشبك انترس من السيارات مري

ترى التحريات قايمين بدورهم بس اختي كم دوريه بتغطي الدوحة كلها فرضا نقول 20 دورية تحريات وهذا شيء مستحيل اتوقع بس 10 سيارات اذا مب اقل

اختي في شوارع لين الحين ما مشت عليها العالم والشباب يتسابقون فيها

الله يستر عليهم

[المرحب]

تعالي شارع المعيذرالجنوبي ومنطقه سكنيه

من دوار السويدي لدوار العيده والعكس

ماراثون طول اليــوم

ومن دوار الخزان لدوار مدرسة المثنى الجديده في أبو سدره

وسبق كلمت الخرجي شخصياً وأنا مسؤول عن كلامي

ولكن لا حياة لمن تنادي

[R 7 A L]

انتهى واختفى دور التحريات



من قبل كان لهم صيت الحين ماحد يخاف منهم

[تحداني]

خل يتسابقون عليهم بالعافيه .. عندهم طاقات جنونيه .. وشباب وهوس سرعه ما ينلامون
بس لا يتسابقون ابوسط الغلابه الي مالهم ذنب غير ان القدر جابهم حولهم
ما نبي انموت بالسرعه وفي حوادث سيارات

:(.. عاف خاطرنا من السواقه والسبب تهور المتهورين
الله يحفظهم يارب .. ويشغلهم في أمور ثانيه
اللهم أمين



جملك الله برضى الرحمن

[بصمة قطرية]

الله يهديهم ويصلحهم ..
لي متى ..؟؟
شبابنا ما راحوا الا من هالحوادث ..

[vtc_4.8]

خط سلاح الجو 4 سيود يعني لاتخافين

ومن هالسايق الغبي الي بيدخل فيج من ورا على طول
الي يبي يسرع كيفه ويتحمل نتايج خطأه

[][ iMedia ][]

اختي في رادار من قال مافي مركب فوق الجسر بس الشباب يدعسون وحافظين الشوارع ولين يوصل قبل يمسك ابريك وعقب ما يعدي الرادار يدعس هي الحركة المعروفه
الله يستر عليكم وعليهم واذا شفتي مثل هالامور يتسابقون تحملي تلفين يسار والا يمين خلج في مكانج وهو الي بيخفف لانه اي حركة تلفين يمين ويسار يمكن انتي لا قدر الله يحصل شيء لج وله الي يشوف مثل هالامور لا يوخر يتم في مكانه !!

ومها تكلمتي من اليوم لي بكره ترى الشوارع يا كثرها ويبون يسابقون روحي اخر الليل بتشوفينهم اهناك


الله يهديك شككتني بنفسي
رحت اجيك .. قلت اكيد علي نيابة :thumbdown:

ولعلمك .. مافي رادار ثابت ابدا
ومافي رادار فوق جسر اصلا .. كل اللي يكعون بريكات
ما عندهم سالفه .. عبالهم الكشافات الي فوق رادار
الرادار احيانا يكون موجود على اليمين في اخر الحواجز الاسمنتيه
وتحصل قبلها بكم متر " كعات " البريك .. لكن اغلب الاوقات الرادار يكون مشيول

من ناحيتي افضل وضع رادار ثابت على سرعه 120 ..
مب 100
شارع شطول شعرض 4 مسارات و حاطينلي السرعه 100 !!
وخط الوكره 120 !
شلون ما تدري ههههههههه

تحياتي

[دكان عباس]

ياجماعه المرور وش بيبدون له, اعنبوه كل ما شفتوا غلط سألتوا عن المرور , ليش انتوا ماتساعدونهم وتسجلون ارقامهم وترسلونها للمرور, لأن هذي امانه منكم في الحفاظ على بلادنا وشبابنا.

[بوخالد911]

المشكلة من عقول بعض الشباب المستهترر

الله يعافيينا بس

[نوفا91]

الله يحفظهم ويهديهم ..

[شيط ويط]

الله يهديهم

[blade]

انا ارجو من كل واحد من شبابنا او شباب الدول الثانيه ارجوكم لا تسرعون ويصير مثل اللي جرالي لولا رحمه الله كان ما شفتوني قاعد وياكم للحين


الله المستعان

[كازانوفا]

كل واحد لازم يحافظ على روحه لانه مسؤول عليها امام الله
ما راح يقول لرب العالمين وين المرور المفروض هو اللى يحافظ علينا

[الصريحه]

الله يهديهم
قبل لايفوت الفوت

[.:: القيصر ::.]

السلام عليكم

والله ماعرفنا لكم

لي صادكم الرادار قلتوا

حسبي الله على المرور شفطوا فلوسنا

ولي مريتوا في شارع مافيه رادار وسباق كان فيه

قلتوا حسبي الله على المرور وينهم

ولين ركبوا الرادار ومحد يدري وقام يصور

قلتوا حسبي الله على المرور ركبوا رادار و شفطوا فلوسنا

ههههههههههههههههههههههه

والله انتوا مش ممكن :taunt:

الله يهدي الشباب ان شاء الله

وتحملي بعمرج :)


مع التحية :


القيصر

[La Bella]

شكراً لكل من شارك بموضوعي
بس أنا تأكدة اليوم من شخص الخط كلش ماعلية رادارت ثابتة