شباب هل انا مريض بنفصام في الشخصية

[yosif1]

السلام عليكم ورحمة الله وبركاتة

هل انا وحدي الي اعاني من هذا المرض او كلنا نعاني ونتعايش معة

المرض الله يكفينة ويشفينة منه هو مرض انفصام الشخصيه

الاعراض هي طول اليوم شخصيتي طيب وهادي الطباع وبارد ما اعصب

بس شنو الي يسير لمى اركب السياره انقلب شخص ثاني عصبي

واسرع واعصب على الي يمشي بالسرعة البطيئة في الشارع السريع

هل الخطاء فيني او الخطاء في تصميم الشوارع وحفريات اشغال

او الخطاء في السائقين الاخرين الذين يعصبون الواحد

يعني الاشاره خضراء والاخو واقف مادري ليش

الله المستعان

الحين شنور رايكم هل تعانون من هذا المرض

[khalid-qtr]

شغل قرآن وصدقني ماراح تعصب

[العودي V.X.R]

اذا انت يصيبك انفصااام في الشخصيه ... انا يصيبني ( توحد ) من سواقة العالم والزحمه

[m7dmrta77]

اخوي انت وين ووين الانفصام بالشخصة . الله يبعدك عنه
كل مافيك انك اشوف شي غلط وتعصب وهذا شي طبيعي
ويختلف من شخص لشخص في العصبية
وانا مع الي قالك ( شغل قرآن وصدقني ماراح تعصب )

[OREO]

اذا انت يصيبك انفصااام في الشخصيه ... انا يصيبني ( توحد ) من سواقة العالم والزحمه

سبحان الله نفس الحاله .. omen

[yosif1]

شغل قرآن وصدقني ماراح تعصب


جزاك الله خير

الله يذهب العصبية عنا

[yosif1]

اذا انت يصيبك انفصااام في الشخصيه ... انا يصيبني ( توحد ) من سواقة العالم والزحمه

هههههه
انت الي فهمت الموضوع صح

[بوحارب]

بويعقه انصحك تعطيها بواحد كرك قبل لاتسوق :)

[بـــــــنت النوخـّــــذه]

انت فيك عصبيه زايده 00
وينك ووين الانفصام بالشخصيه بس بقولك اذا فيك هالصفات معناته فيك :p:

* تتهئ ان في حد يكلمك واتكلم نفسك
* تتخيل ان الناس كلهم يتكلمون عنك
*تتخيل ان فيه بعض من الناس يحاولون إيذائك
*تتخيل نفسك انك قوي وقادر على تغيير نظره العالم بلحظه وحده


يعني الانفصام هو افعال مشتركه بين الجزء الي يعمل ويفكر بطريقه طبيعيه بالمخ وبين الجزء المتعلق بالهلوسه والتوهمات

ف بعد هذا الملخص هل توجد فيك كل هذي الصفات :pic:


عموما انت لازم تضبط نسبه العصبيه فيك لاحق على كل شي ومصيرك بتوصل بيتك او المكان الي تبغيه اشله اتعصبون خلو العصبيه لوقت الحاجه^_^ للعلم انا قبل لا اعقل كنت عصبيه وايد لدرجه لازم اكسر شي عشان ارتاح :pبس الحين خلاص كبرت و عقلت

[كازانوفا]

اظن انه مرض العصر

[ودي أكون]

الله يشفيكم ان شاءالله :p

[ام السعف]

ما ادري ،،، ما سقت للحين ،، لخذت الليسن ونزلت الملعب
اقصد الشارع اسوق بشوف شسالفة وبقول لك ان صرت مثلك او لا ،،


بس دايما خلك بليد يوم تسوق
يعني عصبيتك مب مغيرة شي ،، لأن الطرف الثاني تلقاه بليد ولا كأنه سوى شي
لا والقهر يغني مرات او يسوي عمره يشوف الصوب الثاني ،،

اعجبوني سواقين سوريا ،، يسوقون في بلادهم ابلادة غريبة وعجيبة
في الأخير يقول : " ما فيني اضيع عمري بخناقات ،، وصراخ وعصبية "

بالفعل عصبيتك مب مغيرة شي من الواقع ،، ولا بتقدر تعلمهم السنع
عن طريق حرق اعصابك ،، حاول انك تبتسم في كل مرة وتقول
الحمدلله عدت السالفة وانا ابتسامتي على ويهي بدل ما تكون العصبية متحكمة فيني ،،،

فهل تقدر على هالشي ؟

ام السعف
من غير شهادات
العيون ما ترحم

[روضة]

مافيك الا العافية

إذا ركبت سيارتك فقل : ( سبحان الذي سخر لنا هذا وما كنا له مقرنين )

إذا غضبت فقل ” أعوذ بالله من الشيطان الرجيم ...

وإذا غضبت ، فاذكر ثواب الله تعالى على كظم الغيظ ( والعافين عن الناس والله يحب المحسنين )

[GRNAS2002]

سجلني ياخوي معاك في القائمه

بس اضن ياخوي لما يعدلون الشوارع وتصير اربع اوعلى ألأقل ثلاث سيدات ويكنسلون الدوارات ويصير بدالها جسور وانفاق

حزتها صدقني بيروح عنا هل المرض الي ابتلينا فيه

شاكر لك على الموضوع المميز

[برق لمع]

اعرف واحد عنده نفس اعراضك ,,,ههههههه
بس للامانة المفروض الواحد ما تصيده هالحالة لان الكل يعاني من الزحمة والناس اللي ما تعرف تسوق عدل

[شاهيناز]

الشوارع تسبب الجنون انا ماسوق ودوم كوول ماحب اعصب بس الي يصير في الشوارع عندنا يسبب الجنون وخاصه الي الاشاره خضرا واقف وش ينتظر:no2:

[نوفا91]

اسمع قران وان شاء الله بتهدى من هالعصبيه ..

الا بذكر الله تطمئن القلوب..

[simsim1963]

لا يبه هذا فيروس يديد اسمه أشغال الله يبعده عنا والله يشفيك منه

[بلوتنيوم]

تصدق تعدت الامراض النفسية
وصار الواحد من الزحمة يصيده الامراض العضوية
انا اعرف واحد ضرب عنده عرق النسا وهو ينتظر بالاشارة :(
يلا اجر ان شاء الله
وماقدر ازيد على نصايح الاخوان
بس
جرب تاخذ لك ايفون مع باقة 3 جي :looking:

p.s لا تندمج وايد مع الايفون ترا سبب رئيسي للحوادثomen

[missperfect]

مافيك إلا العافية

[الوان]

اخوي ما فيك الا العافيه

هذا تقلب في المزاج لأسباب خارجيه

تعلم التنفس الاسترخائي

و كل ما تواجه موقف ينرفزك في الشارع

تنفس 5 مرات

شهيق من الانف و زفير من الفم

و الله المستعان

[مضارب جديد]

شغل قرآن و بترتاح

[PoBox]

*
*

لاتاكل بيض وسمك ولا تشرب لبن وحتبأأااا كويس :looking:

ومافيك الا العافية ان شاء الله

[yosif1]

شكورين يا شباب على هالتفاعل الممتاز مع موضوعي

والنصائح الطيبة

والله لا يوريكم مكروه

وان شاء الله برد عليكم نفر نفر

بعدين لاني مشغوووول حاليا ومعصبcrazy

[latty]

انت طبيعي ولا فيك الا الخير حط بالسياره قران كريم وشغل القران ولاحظ الفرق

وترى العجله من الشيطان

كثر من سبحان الله
استغفر الله

[شموخ دائم]

,


,

مرحبا اخوي يوسف


السالفه بسيطه مافيك الا العافيه

انت بس تبي الناس تسوق وتفكر بطريقتك

تبي كل السيارات بالشارع تمشي مثل ما انت تمشي وياريت هذا يصير مستحيل

لتنوع الناس وشخصياتهم ومهاراتهم

الناس نوعين بالشارع

نوع اذا شاف الاشاره الصفراء يدعس بنزين ويعدي

نوع لما يشوف اشاره صفراء يدعس بريك ويهدي

:)


لذلك عليك تتقبل النوعين

,

,



اخوك


شموخ دائم

[أم مريومه]

انت وين والانفصام غير
الاعراض الي ذكرتها مالها خص بالمرض **
وبعيد الشــــر عن الجميع انشالله

اذا حاب تتأكد بعطيك الاعراض
ههههه لان حاليا ادرس عنه ^^

[لاجل QT]

مافيك الا العافية اخوي


اللى يمشي بطئ على الخط السريع احشرة هرنات وكشفات..ولاتعصب ولاشي

[زقرتي ومزاجي]

ريح اعصابك ياخوي وخلك كووول في الشارع

[R 7 A L]

اخوي هذا شي طبيعي

بس اهم شي حاول تغير هالسلوك
وخلك حبوب

[الكايد1]

سيم سيم

[حسن]

انصحك انك تشرب عصير لومي مع فوطن قبل لاتطلع بعدين قولي وشصار فيك

[فرحة ايامي]

السلام عليكم ورحمة الله وبركاتة

هل انا وحدي الي اعاني من هذا المرض او كلنا نعاني ونتعايش معة

المرض الله يكفينة ويشفينة منه هو مرض انفصام الشخصيه

الاعراض هي طول اليوم شخصيتي طيب وهادي الطباع وبارد ما اعصب

بس شنو الي يسير لمى اركب السياره انقلب شخص ثاني عصبي

واسرع واعصب على الي يمشي بالسرعة البطيئة في الشارع السريع

هل الخطاء فيني او الخطاء في تصميم الشوارع وحفريات اشغال

او الخطاء في السائقين الاخرين الذين يعصبون الواحد

يعني الاشاره خضراء والاخو واقف مادري ليش

الله المستعان

الحين شنور رايكم هل تعانون من هذا المرض

صباح الخير
هناك فكرة شائعة هي اننا شعب عاطفي
ومن مظاهر هذه النزعة العاطفية الانفعال السريع، سواء كان هذا لانفعال غضبا أو سرورا- وكثيرا ما تؤدي كلمات بسيطة لدينا – الى مشاكل كبيرة عنيفة. كلمة قد تؤدي الى معركة تنتهي بالقتل غير العمد! وكلمة أخرى قد تفصل بين صديقين مدى العمر، وذلك كله بسبب الانفعال الشديد وعدم ضبط النفس، وهناك من يعتبر أي مناقشة أو تعليق خارجي هجوما على الذات يستحق الاستعداد للدفاع.
والانفعال بهذه الطريقة يرجع الى قسوة الحياة أحيانا.
لكنه لا يعني البتة ما يسمى بانفصام الشخصية أو ما يطلق عليه في مصطلحات الطب النفسي " Schizophrenia
فهذا بعيد كل البعد
وليس بالضرورة أن يكون الفصاميون منفعلين عاطفيا فغالبا ما يغلب عليهم طابع الهدوء المستتر كما يسمونه.. فأنت من أية فئه..؟
وعلى فكرة الفصامي لا يعترف انه فصامي
بالعكس هو يقاوم مرضه ويرفض أن يعترف انه مريض عقلي ففصام الشخصية مرض عقلي وليس نفسي.
وأنت لست فصاميا بالمرة لا يوجد في حديثك ما يدل على ذلك.

[سما الالهام]

ماله خص بانفصام الشخصيه

نفس الحاله لمن اطلع مع ابوي ولا اخواني يتمون متوترين طوول الطريق

عادي آخوي
بس انت استرخي واذكر الله واسمع القران وانت طالع

[الملكي]

أخوي العزيز مافيك الا العافية ان شاء الله

الموضوع بسيط ، انا بعض الأحيان اعاني من نفس الأعراض

اذا كنت من النوع الملتزم بالمواعيد و تحاول الوصول بالموعد تاكد انك سوف تعاني من هذه الحاله

الحل

1- محاولة الاستمتاع بالسيارة بالاستماع للقرآن الكريم بصوت شجي و جميل أو لدرس أو خطبة لاحد الدعاة اصحاب الاسلوب الجيد
2- اعط نفسك زيادة في الوقت، اخرج قبل الموعد بوقت كافي أو اتصل للشخص الذي بانتظارك و اعلمه انك في الطريق اليه
3- لتكن لديك قناعة انك بالنهاية سوف تصل و لكن بمزاج سيء
4- كثرة الاستغفار توسع الصدر و تجلي الهموم و الضيق

واذكرك اخي العزيز بقول الله تعالى { محمد رسول الله والذين معه أشداء على الكفار رحماء بينهم تراهم ركعا سجدا يبتغون فضلا من الله ورضوانا سيماهم في وجوههم من أثر السجود ذلك مثلهم في التوراة ومثلهم في الإنجيل كزرع أخرج شطأه فآزره فاستغلظ فاستوى على سوقه يعجب الزراع ليغيظ بهم الكفار وعد الله الذين آمنوا وعملوا الصالحات منهم مغفرة وأجرا عظيما } [ ص: 118 ]

على الطريق تجد الشيبة و المرأة و بعض الناس لا يتمتعون بنفس المهارة التي لدى البعض فالاولى ان نراعي هذه الفئة.

اخي العزيز اسأل الله العلي العظيم ان يرزقك الجنة وما قرب اليها من قول أو عمل

و صلى الله على سيدنا محمد و على آله و صحبه و سلم تسليما كثيرا

[قطريه ماركه]

كلنا نفسك في الشارع من سواقة بعض الناس *__*

[غير عنهم]

ان شاءالله يروح المرض منك قريب لانه فيه اهتمام من المسؤولين للبنيه التحتيه
(((والزم الاستغفار في وقت الانتظار)))