كليه المجتمع

[حلم الجميع]

السلام عليكم


شلونكم


حبيت اسال الكلية مختلطه ام لا ؟؟؟

وشلون اقدر اسجل وين اروح بالضبط ومتي ينتهي موعد التسجيل ؟؟؟؟

[سما الالهام]

اللي سمعته انها مختلطه

باقي التفاصيل ماعندي خلفيه والله

[Rider]

الي سمعته ان البنات والشباب في نفس الكلية لكن الشباب بروحهم والبنات بروحهم مكانها اذا جيت عند دوار الدفنة وكانك رايح صوب اللاندر مارك بتحصل لوحات توصلك لين باب الكلية

[الحره]

اختي الكليه مش مختلطه انا مسجله في الكليه
ومدخل البنات بروحهم والشباب بروحهم والصفوف بروحهم ماتشوفين ولا طالب الا اللهم في دكاتره مثل جامعة قطر يعني وبالتوفيق

[latty]

كثير كتبنا عن كلية المجتمع روحي بحث واكتبي كلية المجتمع وراح تلقين مواضيع كثيره تتعرفين على كلية المجتمع

كلية المجتمع مش خلط على ضمانتي الا من الدكاتره والعمال مثل جامعه قطر بنات

التسجيل روحي مدرسة الشيماء الدفنه خلفها كلية المجتمع ادخلي من مدخل الطالبات وراح تلقين الاستقبال ويدلونك على كل شي

بالتوفيق

[طــمــوحــة]

الكليه مو مختلطه من ناحية الطلاب

والبنات راح ينتقلون لمبنى جديد ومفصول تماما عن البنين

[برشلوني قطر]

فيني دراسه بس مب عارف اشلون ابتدي :(

ايش التخصصات الموجوده ؟

وهل هي دبلوم والا بكالوريوس ؟؟

وهل اذا شهاده قديمه عادي ؟؟

اذا حد يقدر يفيدني بدون ماتصل بكون شاكر له وفي ميزان حسناته..

[كروشيه]

اخواني بالنسبه للكليه هي فصل ومبنى البنات راح يكون مقابل المستشفى الامريكي ، والبنين بالقرب من قاعة الدوحة للآحتفالات في الدفنه ، والتخصصات هي علمي وأدبي ، مثل إدارة أعمال ، إداره ، لغات وبعض التخصصات اللي ما اذكرها والعلمي في هندسه وفي تخصصات ثانيه علميه ، هم يقبلون الشهادات القديمه بس لازم تكون في الانجليزي من مستوى رابع وطالع لانهم يقوون حاليا المستوى الرابع عشان يعدي المستوى الخامس ومدة التقويه تقريبا سنه ، وبعدها راح يدرس مواد التخصص وهي كليه يعني الشهاده دبلوم عالي تقريبا سنتين ونصف واللي يبي يكمل بكالوريوس يقدر يلتحق بأي جامعه في قطر لانها جامعه معترف بها من وهي تحت مظلة المجلس الاعلى ، ويدرس سنتين ويأخذ البكالوريوس ، وهي مجانيه للقطرين والتسجيل حاليا فقط للقطرين ، فأفضل شئ انه واحد يقوي نفسه باللغه ويلتحق بالكليه ، والله يوفق الجميع اللهم آميييييين