عاجل .. .اغلاق قناة الجزيرة في الكويت

[باسورد]

اغلقت الحكومه الكويتيه مكتب قناة الجزيره في الكويت

وتم سحب اعتماد مراسليها

[كازانوفا]

ليششششششششششششششششششششششششششششش؟؟؟؟

اذكر السبب

[latty]

ليشششششششششششششششش

[شاهيناز]

جريده الوطن الكويتيه كانت تطالب باغلاق القناه
لانها نقلت مباشر الاحداث الي صارت في ديوانيه يوم الاربعاء بين النواب والامن الكويتي
http://alwatan.kuwait.tt/ArticleDetails.aspx?id=74021

[كازانوفا]

جريده الوطن الكويتيه كانت تطالب باغلاق القناه
لانها نقلت مباشر الاحداث الي صارت في ديوانيه يوم الاربعاء بين النواب والامن الكويتي
http://alwatan.kuwait.tt/ArticleDetails.aspx?id=74021





بس هذا هو السبب:looking:

[الدبلوماسيـه]

امس اشوف في احد اللقائات للنواب من ضمن الميكرفونات مايك الجزيره ..متى تم الاغلاق؟

[باسورد]

امس اشوف في احد اللقائات للنواب من ضمن الميكرفونات مايك الجزيره ..متى تم الاغلاق؟

اليوم

[ولد النواخذه]

بعد ضرب واهانة المواطنين في عقر دارهم كل شئ متوقع والديمقراطية التي يتغنون بها مزيفه للاسف...

[غزلان]

ياساااااااااتر

شدًه وبتزول

[!..فيونكه..!]

وين اللي يقولون الكويت بلد الديمقراطيه ؟

[M007]

ديمقراطية نص كم

[شموخ دائم]

,

,


مرحبا


المشكله مو في اغلاق قناه الجزيره بالكويت

المشكله في الي يصدق ان في ديموقراطيه في الدول العربيه

الدول العربيه الديموقراطيه فيها

صراخ

وندوات

وشعارات

واستجواب

وصحافه وقحه

ويعيشون وهم الديموقراطيه

الدنيا وصلت بالعلم التنكولوجيا والرفاهيه والتطور مراحل غير مسبوقه

واحنا ديموقراطيتنا ( نغلط على بعض )

البعض لسه صاحي من النوم

واكتشف ان الدول كلها تطورت وهو ما زال في ( السبعينيات )


تطمنوا بكره بيفتحونها وبعد شهر بيسكرونها ويفتحونها

في ناس يحبون لعبه الكراسي

ورين رين يا جرس وطاق طاق طاقيه

ويلف في مكانه

يالله عندهم موضوع الان ( للاستجواب )

وبعده استقالات

وبعده حل مجلس

وبعده تشكيل مجلس


الى متى !!

,

,


اخوكم


شموخ دائم

[النائب]

نتمنى ان تعدل الجزيرة من طريقة عرضها للاحداث

[كود نمبر]

الجزيره تقدر على الخارج ماتقدر على الداخل

[باسورد]

الجزيره تقدر على الخارج ماتقدر على الداخل

:thumbup1:

[الأمبراطور]

الجزيره تقدر على الخارج ماتقدر على الداخل

فدييييت الداخل (لو نبي نقارنه مع الخارج);)

[غايه الطواش]

الدموقراطيه في الدول العربيه


ديمو خراطيه

[مهل]

مشكله جيرانا و اخوانا اهل الكويت فاتحين الديمقراطيه على البحري خصوصا في المجال الاعلامي و مايرضون اي حد من خارج الدوله يجيب سيره اي حدث داخل الكويت خصوصا ان كان خبر سياسي داخلي .

ماحصل في الكويت الله يهدي سرهم يعتبر من عجائب القرن كيف ماتبون حد يذكر الخبر

الله يصلح شانهم و يهدي الوضع الداخلي في الكويت

[الألماسي]

بالعكس الجـزيره انقلـت الخبـر بالضبـط نفـس قنـاه الـرأي الـكويتيّه مع اختـلاف الجـوده في النقـل . .!

الله يستر على الكويت و يحفـظها يا رب . .

[vtc_4.8]

الظاهر انهم وايد تدخلو في الاحداث الاخيره

ديموقراطيه عيل ها

[بنت^البحرين1]

ليش معترضين ؟؟ ديرتهم كيفهم

الجزيرة تنقل حسب اهوائها وعمرها ماكانت حيادية لكن طبعا ما ننكر انها افضل القنوات الموجودة .. ليش ماتبث الأحداث اللي تصير في قطر؟؟ منها حريق البرج اللي صار قبل مدة .. ***********.. والكثير الكثير ؟؟

خلونا نكون واقعين .. لو هالوضع صار مثلا في البحرين بعترض ومابرضى ولو صار عندكم في قطر انتوا بعد مابترضون .. هالشي صار عندهم فالكويت ومارضوا .. هم يشوفون الجزيرة ( ابوي مايقدر الا على امي)

شمعنى تنشر وتبث وقاعده حق اي نسم وحركة في كل الدول الا قطر؟؟


في النهاية تصريحات أميرهم أمس كانت كافيه ووافيه .. والله يهدي النفوس عندهم ويرجعون كلهم على قلب واحد ان شاءالله

[سلمان_1]

اكبرت في عيني الجزيرة صراحة

الكويت المفروض تسكر قناة سكوب و قناة الوطن ... هذي ما تسمع فيها الا السب وا لشتم

والله عجبني وليد الطبطبائي امس على قناة الوطن يوم قالواعنه انه عضو مشاغب و يدخل دول بطرق غير مشروعة وهو الان ممنوع من دخول مصر عسبة انه دخل غزة عن طريق الانفاق :thumbup1: وسالفة قافلة الحرية يوم مسكوه اليهود

قال الطبطبائي : نعم انا افتخر اني دخلت دولتين بطريقة غير مشروعة ، دخلت فلسطين وهي تحت الاحتلال و الحصار الاسرائيلي و دخلت الكويت يوم كانت تحت الاحتلال العراقي عن طريق الوفرة و ليس مع القوات الامريكية و طلع لهم صورته سنة 1991 مع الفرقة الكويتية اللي دخلت عن طريق الوفرة مع اول الداخلين.

صراحة حزنت جداً يوم شفت ايده معلقة في رقبته :no2: ضاربينه الشرطة الكويتية
رجل مثل هذا مفروض يحترم و يجل مش ينضرب عشان طالب بحماية الدستور

[الألماسي]

ليش معترضين ؟؟ ديرتهم كيفهم

الجزيرة تنقل حسب اهوائها وعمرها ماكانت حيادية لكن طبعا ما ننكر انها افضل القنوات الموجودة .. ليش ماتبث الأحداث اللي تصير في قطر؟؟ منها حريق البرج اللي صار قبل مدة .. **************.. والكثير الكثير ؟؟

خلونا نكون واقعين .. لو هالوضع صار مثلا في البحرين بعترض ومابرضى ولو صار عندكم في قطر انتوا بعد مابترضون .. هالشي صار عندهم فالكويت ومارضوا .. هم يشوفون الجزيرة ( ابوي مايقدر الا على امي)

شمعنى تنشر وتبث وقاعده حق اي نسم وحركة في كل الدول الا قطر؟؟


في النهاية تصريحات أميرهم أمس كانت كافيه ووافيه .. والله يهدي النفوس عندهم ويرجعون كلهم على قلب واحد ان شاءالله


تقارنين خبر " حريق في برج " في " ضرب نواب في مجلس امه في بلد يعتبر الأقدم ديمقراطياً في الخليج من قبل الشرطه " . .!

[شموخ]

اقول امحق ديموقراطيةاللي عندهم بس فشخرة عالفاضي والله انا اقول ابركهامن ساعةيوم اللي سكروا قناة الجزيرةهذولا مهب كفوا--

[بنت^البحرين1]

تقارنين خبر " حريق في برج " في " ضرب نواب في مجلس امه في بلد يعتبر الأقدم ديمقراطياً في الخليج من قبل الشرطه " . .!



اخوي انا مب قاعده اقارن .. بس اقولك اللي هم يقولون عنه .. أول أمس كنت مع مجموعه من زميلاتي فالجامعه كويتيات وكانوا في مشادة كلاميه على انهم يشوفون ان قناة الجزيرة تدور اي حدث في الكويت عشان تنشره وتبث الفتنه وتتشمت فيهمـ وتكلموا في نفس النقطه ان ليش الجزيرة ماتنشر أخبار قطر؟؟ وكانوا مقتنعين تماما ان الجزيرة مترصدة "قاعده قعده" لاي حدث في الكويت عشان تخلي العالم يتشمت فيهم ..

اختلافي معاك في الرأي مايعني اني ضدك او ضد قطر .. انا انقل لك وجهة نظرهم هم واللي يقولونه مو أكثر ..

تحياتي

[حسن]

مافي دوله ترضي انه اي حد يتدخل في الشان الداخلي ومن حقهم ونص

[باسورد]

ليش معترضين ؟؟ ديرتهم كيفهم

الجزيرة تنقل حسب اهوائها وعمرها ماكانت حيادية لكن طبعا ما ننكر انها افضل القنوات الموجودة .. ليش ماتبث الأحداث اللي تصير في قطر؟؟ منها حريق البرج اللي صار قبل مدة .. مقتل أحد الشيوخ .. والكثير الكثير ؟؟

خلونا نكون واقعين .. لو هالوضع صار مثلا في البحرين بعترض ومابرضى ولو صار عندكم في قطر انتوا بعد مابترضون .. هالشي صار عندهم فالكويت ومارضوا .. هم يشوفون الجزيرة ( ابوي مايقدر الا على امي)

شمعنى تنشر وتبث وقاعده حق اي نسم وحركة في كل الدول الا قطر؟؟


في النهاية تصريحات أميرهم أمس كانت كافيه ووافيه .. والله يهدي النفوس عندهم ويرجعون كلهم على قلب واحد ان شاءالله

وزيد على كلامك ان الجزيره كانت طايحه بالسعوديه ويوم

حمرت عينها صارت الجزيرة ماتنقل الا موسم الحج

ومهرجان التمور في القصيم

انا كقطري اقول كفو يالكويت

[رجل الجزيرة]

وزيد على كلامك ان الجزيره كانت طايحه بالسعوديه ويوم

حمرت عينها صارت الجزيرة ماتنقل الا موسم الحج

ومهرجان التمور في القصيم

انا كقطري اقول كفو يالكويت

وأنا أقول لك لو كان مركزها الرئيسي في لندن أو أمريكا كانت خذت حريتها مثل البي بي سي والسي إن إن وصار تمويلها على شكل أسهم عالمية كنت شفتها الأولى في العالم.

لا قناة إلا قناة الجزيرة

[سلمان_1]

تقارنين خبر " حريق في برج " في " ضرب نواب في مجلس امه في بلد يعتبر الأقدم ديمقراطياً في الخليج من قبل الشرطه " . .!

و ازيدك الان معظم القنوات الكويتية لا تنقل لنا الا وجهة نظر واحدة مثل سكوب و الوطن و الشاهد وغيرها و كذلك الجرايد ما عدا يمكن قناة الراي.

خل الجزيرة تكون لسان من لا لسان له. شريحة كبيرة من الكويتيين مستفيدين من نقل الجزيرة للأحداث في الكويت على الاقل يعرفون وجهة النظر الأخرى وجهة نظر الطبطبائي و البراك و الغانم و السعدون و ااسيل العوضي.
حتى لو كنا مب كويتيين بس ترانا انتاثر بالكويت على الاقل ثقافياً.

روحي يالجزيرة و القلب داعي لج :thumbup1:

[M007]

ب.. ب.. بسسس احنننا دولة ديمقراطية.

[كويتى1]

شي محززن والله تسكير القنااه

[Bin Hood]

اذا في احد بيتكلم على ديمقراطية الكويت انها صراخ وغلط وما شابه يمكن

لكن تبقى ديمقراطية الكويت متطورة 100 سنة عن كل دول الخليج دون استثاء

من في دول الخليج يقدر يستجوب رئيس الوزراء او وزير من العائلة الحاكمة

في اي دولة خليجية تقدر تقاضي احد افراد العائلة الحاكمة وتاخذ حقك ؟؟؟؟

طبعا ما في الا الكويت

[كويتى1]

اذا في احد بيتكلم على ديمقراطية الكويت انها صراخ وغلط وما شابه يمكن

لكن تبقى ديمقراطية الكويت متطورة 100 سنة عن كل دول الخليج دون استثاء

من في دول الخليج يقدر يستجوب رئيس الوزراء او وزير من العائلة الحاكمة

في اي دولة خليجية تقدر تقاضي احد افراد العائلة الحاكمة وتاخذ حقك ؟؟؟؟

طبعا ما في الا الكويت

نعم كلامك صحيح

[بومحمد1]

اخوي انا مب قاعده اقارن .. بس اقولك اللي هم يقولون عنه .. أول أمس كنت مع مجموعه من زميلاتي فالجامعه كويتيات وكانوا في مشادة كلاميه على انهم يشوفون ان قناة الجزيرة تدور اي حدث في الكويت عشان تنشره وتبث الفتنه وتتشمت فيهمـ وتكلموا في نفس النقطه ان ليش الجزيرة ماتنشر أخبار قطر؟؟ وكانوا مقتنعين تماما ان الجزيرة مترصدة "قاعده قعده" لاي حدث في الكويت عشان تخلي العالم يتشمت فيهم ..

اختلافي معاك في الرأي مايعني اني ضدك او ضد قطر .. انا انقل لك وجهة نظرهم هم واللي يقولونه مو أكثر ..

تحياتي

معهم حق وهذا وجه الجزيرة الآخر
الاخبار الداخلية وهي كثيرة جدا ودسمة لاتنقلها

[بومحمد1]

اذا في احد بيتكلم على ديمقراطية الكويت انها صراخ وغلط وما شابه يمكن

لكن تبقى ديمقراطية الكويت متطورة 100 سنة عن كل دول الخليج دون استثاء

من في دول الخليج يقدر يستجوب رئيس الوزراء او وزير من العائلة الحاكمة

في اي دولة خليجية تقدر تقاضي احد افراد العائلة الحاكمة وتاخذ حقك ؟؟؟؟

طبعا ما في الا الكويت

مافي أحد كفو يقدر ينتقد فقط
وليس يستجوب رئيس وزراء على طول شبك المخابرات
كل ماتفعله الحكومات في دول الخليج يجب أن يكون حق غصب من ورى الخشوم لأنها شعوب مغلوبة على أمرها للأسف الشديد

[الموضوعي]

يبي لنا 50 سنة علشان نصل مثل ديموقراطية الكويت ومستاوهم الفكري والثقافي

[سلمان_1]

يبي لنا 50 سنة علشان نصل مثل ديموقراطية الكويت ومستاوهم الفكري والثقافي

هناك من يبث الفرقة و التناحر بين فئات الشعب الكويتي حتى لا يتفقوا او يتوحدوا لان في توحدهم يعني تطور للنهج الديمقراطي ، لو الكويت تطورت ديمقراطياً فهذا فيه خطر على المنتفذين و المستفيدين ليس في الكويت فقط بل على باقي الدول العربية وا لمجاورة.

للأسف هناك من المثقفين والبرلمانيين الكويتيين من اكلوا الطعم واانتهجوا سبل الطائفية والفئوية القبلية و تركوا الوطنية.

[رجل مثالي]

هذا أنشاءالله سحابة شتاء و أتعدي على خير أنشاءالله

[امـ حمد]

لا حول ولا قوة الا بالله

ليــــــــــــــــــــــــــــــــش هذا سبب موب مقنع

[$QTR$]

اخوي انا مب قاعده اقارن .. بس اقولك اللي هم يقولون عنه .. أول أمس كنت مع مجموعه من زميلاتي فالجامعه كويتيات وكانوا في مشادة كلاميه على انهم يشوفون ان قناة الجزيرة تدور اي حدث في الكويت عشان تنشره وتبث الفتنه وتتشمت فيهمـ وتكلموا في نفس النقطه ان ليش الجزيرة ماتنشر أخبار قطر؟؟ وكانوا مقتنعين تماما ان الجزيرة مترصدة "قاعده قعده" لاي حدث في الكويت عشان تخلي العالم يتشمت فيهم ..

اختلافي معاك في الرأي مايعني اني ضدك او ضد قطر .. انا انقل لك وجهة نظرهم هم واللي يقولونه مو أكثر ..

تحياتي

وأنتي ليش محترقه أعصابك .. وبعدين منو الي قال لك الجزيرة ضد الكويت وتبي الناس تتشمت فيهم قناة الجزيرة أكبر من هذا المستوى .. هذا مجرد خبر وتم نشره على القناة ,, عنبوه كل دولة تم نشر خبر لها بتسكر القناة أموت وأعرف وين الديمقراطية ,, وهذي قناة الوطن غلطت على رمز لنا في البلد ولما صار بعض الكلام والزعل قالوا احنا دولة دايمقراطية وهذي حرية الاعلام طيب ليش يزعلون الحين .. والكويت دولة شقيقة وعزيزة علينا قبل لانقرأ موضوعك ولاتزايدين علينا في محبة أخوانا الكويتين , والله يهدي النفوس أن شاء الله وترجع الامور مثل ماكانت وأحسن ..

[البرجوازي]

وزيد على كلامك ان الجزيره كانت طايحه بالسعوديه ويوم

حمرت عينها صارت الجزيرة ماتنقل الا موسم الحج

ومهرجان التمور في القصيم

انا كقطري اقول كفو يالكويت


انت متأكد انها حمرت عينها مثل ماتقول . انا اشوف شي ثاني

[ارين]

وشهد شاهد من أهلها .. النائب البرلماني مسلم البراك قائلا في النشرة السابقة للأخبار ..

بأن قناة الجزيرة كانت محايدة في نقل وتغطية الشأن الكويتي

وإنها لم لم تصنع أو تفتعل المشهد الكويتي بل نقلت الصورة كما هي في الكويت ...

الله يعينهم المواطنين الكويتيين وبإذن تنفرج أزمتهم .. وترجع صورتهم المثالية في ممارسة

الديمقراطية ومن خلال مجلس الأمة والذي يعتبر شريكا في الحكم ويقوم بدور هام ومميز في الحياة السياسية الكويتية ..

[حمد911]

تابعوا الجزيرة مباشر اعادة لأحداث الأعتداء على النواب

[almaf1a]

الديمقراطيه الي بتخلي الشيعي يكره السني واللبرالي يحكام الي ينتمي للتيار الاسلامي
والبدوي يشلخ راس الحضري مانبيها
لابوها من ديمقراطيه
هل نحتاج لأن نقاضي شيخ وهل نحتاج ان نستجوب وزير
الكويتين ماعرفوا يسيطرون على البلد واعضاء مجلس الامه يسيرون امورهم على حسب مصالحهم الشخصيه
واحد واقف مع الحكومه قلبا وقالبا وواحد ضد الحكومه في كل شئ
والمواطن الكويتي المسكين يهايط علينا هنا ان عنده ديمقراطيه
ايش استفدت منها كمواطن دام اعضاء مجلس الامة يتناحرون بينهم وبين بعض
واحد فاتحله قناة وشغال على المزدوجين والثاني (صاحب الحنجرة الذهبيه) ماعنده شغل الا الاستجوابات

حنا دولة عندنا ديمقراطيه وحرية التعبير
مو محتاجين لاشياء تدمر دولتنا على امل ان نهايط على غيرنا من دول الخليج
وياريت الديمقراطيه والاستجوابات تأتي بنتيجة مازال البوق والاختلاس واضح امام الجميع
كلها ايام وينحل مجلس الامة ويعاودون الانتخابات مثل كل مره


وهذي قناة الوطن غلطت على رمز لنا في البلد ولما صار بعض الكلام والزعل قالوا احنا دولة دايمقراطية وهذي حرية الاعلام طيب ليش يزعلون الحين

:thumbup1::thumbup1:

[toomi9]

ويينه هذاك المذيع الي صار له سااعه فاللقاء يتحلف فقطر
ويقول دولة الكويت ديمقراطيه ومانخش شي
اشوفهم صاحوا عشان قناة الجزيره فضحتهم ونقلت عنهم
وخل يسكرونهاا خير ياطير يحلمون بقناة مشهوره وصادقه نفس الجزيره

[almaf1a]

ديمقراطيه

http://www.y o u t u b e . c o m /watch?v=eWB5cOeclzQ

[باسورد]

انت متأكد انها حمرت عينها مثل ماتقول . انا اشوف شي ثاني

شنو شايف؟

[R 7 A L]

لو سياسة مكتب قناة الجزيرة في الكويت مثل سياسة قناة الوطن الكويتة كانت ماتسكرت

ومساء الخير ياديمقراطية

[باسورد]

يبي لنا 50 سنة علشان نصل مثل ديموقراطية الكويت ومستاوهم الفكري والثقافي

كان زين ٥٠ سنه قول ٥٠ الف سنه

[Mshari]

مشكله جيرانا و اخوانا اهل الكويت فاتحين الديمقراطيه على البحري خصوصا في المجال الاعلامي و مايرضون اي حد من خارج الدوله يجيب سيره اي حدث داخل الكويت خصوصا ان كان خبر سياسي داخلي .

ماحصل في الكويت الله يهدي سرهم يعتبر من عجائب القرن كيف ماتبون حد يذكر الخبر

الله يصلح شانهم و يهدي الوضع الداخلي في الكويت

اتفق معاك

الحكومه الكويتيه ما تبي راي المعارضه فمجلس الامه يوصل لشعب خوفا من فضيحة الضرب الي حصلت لشرفاء مجلس الامه الكويتي

[رجل مثالي]

ما في مشكله لقناة الجزيره أذا تم أغلاقها في الكويت لأن القناة لها مصداقيه ولن تخسر القناة أي شىء هذا رأي الشخصي

[بوعمير]

ليست المرة الاولى التي يغلق فيها مكتب لقناه الجزيرة ولن تكون الاخيرة، وبغض النظر عن سبب الإغلاق نحترم هذا القرار السيادي.

[هدهد سليمان]

العالم كله يبي شي على الجزيره .. ويحصل له حجه ويغلق المكتب .. تدرون ان الحقيقة بعض الاحيان صعبه على النفس !

[قطرية مثقفة]

شكله الموضوع بيتسكر ،،،،،،:):)
ودي أعلق بس والله من التعب مافيني شده ،،،،،،،

[بو فهد]

كفو يا كويت

قناة غير حيادية تنقل اخبار الخليج والعالم

وتقض الاخبار عن قطر

كل الدول تكرة قناة الجزيرة ماعدا لبنان والسودان واليمن

[sendarala]

الله يهديهم ويصلح بالهم

ازمة وتعدي على خير ان شاء الله

[@فهد@]

الموضوع شائك .. الله يصلح الحال ويحفظ هل الخليج من كل فتنه

[almaf1a]

كفو يا كويت

قناة غير حيادية تنقل اخبار الخليج والعالم

وتقض الاخبار عن قطر

كل الدول تكرة قناة الجزيرة ماعدا لبنان والسودان واليمن

هذا التخلف بعينه وعلمه
لما كل الدول تكره الجزيرة بس لانها ما تنقل اخبار قطر على حد قولكم

[بوخالد911]

الله يعيين

[العمراني]

سؤال للسلطات الكويتية

هل الجزيرة هي القناة الوحيدة اللي غطت اخبار التوتر السياسي بالكويت

وبعدين ما فيه شي ينخش في عصر الفضائيات و الانترنت

وليش ما يواجهون الحجة بالحجة وابواب الجزيرة مفتوحة للرأي والرأي الآخر

[البارح]

وزيد على كلامك ان الجزيره كانت طايحه بالسعوديه ويوم

حمرت عينها صارت الجزيرة ماتنقل الا موسم الحج

ومهرجان التمور في القصيم

انا كقطري اقول كفو يالكويت



بالعكس الا قطر والجزيرة علمتهم الادب

[سعادة الوزير]

بالعكس الا قطر والجزيرة علمتهم الادب


يا اخي اتق الله ، الجزيرة تعلم دولة مثل السعودية الادب؟

[الأصيلة]

كان زين ٥٠ سنه قول ٥٠ الف سنه

الفكر المصدوم بالواقع الأليم...
لا من كل جا ونجر لقى بالوادي شجر

[الأصيلة]

اذا في احد بيتكلم على ديمقراطية الكويت انها صراخ وغلط وما شابه يمكن

لكن تبقى ديمقراطية الكويت متطورة 100 سنة عن كل دول الخليج دون استثاء

من في دول الخليج يقدر يستجوب رئيس الوزراء او وزير من العائلة الحاكمة

في اي دولة خليجية تقدر تقاضي احد افراد العائلة الحاكمة وتاخذ حقك ؟؟؟؟

طبعا ما في الا الكويت

نبغي مثال على الحق اللي أخذوه من اي وزير تم استجوابه...

[القيادة]

في الاخير مايصح الا الصحيح

هذا قرار سيادي لدولة الكويت الشقيقة

ويجب أحترام قرارهم

[Mshari]

بالعكس الا قطر والجزيرة علمتهم الادب


هههههههههههههههههههههههه

الله يصلحك هذا الي اقوله

[الـقـاسـي]

بالعكس الا بارك الله فيهم اهل الكويت المفروض من زمان مسكرين مكتب الجزيره ..

والمفروض كل مكاتبها في الخليج يسكرونها ..

لانها قناه تحب اثاره الفتنه وبس ومش حياديه ابدا ..

الا قناه موجهه والكل يعرف بهالشي ليمتى نضحك على انفسنا ونقول الجزيره افضل قناه واقوى قناه ..

قناه غنوه مالت الرقص لو يجيها نص الدعم المادي للجزيره بتصير القناه الاولى فالعالم ..


بعدين اللي يستنكرون على الكويت اغلاق القناه ماينلامون تخيلوا لو قناه الوطن الكويتيه مثلا تنقل الاحداث والمشاكل اللي تصير في قطر وماتنقل شي في الكويت شبيسوون فيها والله بيحرقون مكتبها مب يسكرون القناه ..

ولاتستهزئون بديموقراطيه الكويت لو سمحتوا خل يصير عندنا ربع ديموقراطيتهم بعدين تكلموا لما يصير عندنا انك تقدر تتكلم باللي فخاطرك ماتخاف من حد ذاك الوقت يصير خير ..

لما تقدر تقول لوزير ترى انت غلط ذاك الوقت اضحكوا على ديموقراطيه الكويت ..


عموما ياليت قناه الجزيرة تتسكر بكبرها او انها تلعب على المكشوف وتثير القضايا الداخليه وبنشوف هل بتسكر لو قربت من الوضع الداخلي ولا بتم مثل ماهي ..

[شمس]

الجزيره خلها حق اخبارلبنان ونصر الله
لا تتدخل بالخليج

[Super Cool]

الكويت لو تعصرها ما تقدر تطلع فيها 1% مما تصنعه الجزيرة

هههههههههههههههههه

مستحيل اي شخص زار الكويت يصدق ان الكويت دولة ديمقراطية....انواع العنصرية اللي ما شفتها فالغرب لقيتها فالكويت!!!!!

[وهم قطر]

قرار سيادي لدولة الكويت الشقيقة وعلى العين والراس ومن حقهم





بالعكس الا قطر والجزيرة علمتهم الادب


من اشوف هذه الردود اشمئز الله يهديك ويصلح بالك

[دكان عباس]

ياجماعة نالكم شغل فيهم , هذا بينهم وبين قناة الجزيرة

[مهل]

حان الوقت لغلق الموضوع :yes2:


انا قطري و احب شي اسمه جزيره .. ما اعرف اتقهوى الصبح الا اكون حاط على الجزيره .


ولكن

اقبل ان تتهم قناه الجزيره و تسب و يقال عنها ما يقال و اكثر .

ولكن لا ارضا ان تمس الكويت او شعبها بكلمه .

تضل قناه الجزيرة قناه اخباريه بغض النظر عن ... هل هي تابعه للدوله ام هي قناه خاصه في النهايه قناه .

اما الكويت دوله سملمه عربيه جاره من دول الخليج فيها اهلنا الكلمه الي توجعهم توجعني . شئت ام ابيت ارتبط في الكويت و شعبها غصب عني . لذلك فل يحفظ الجميع لسانه و يلزم حدوده .

و ان اردت ان تنتقد فقل فلان من الكويت فيه كذا و كذا خصص ولا تعمم .

[مقيم]

الله يستر على الكويت والكويتين
من الاحداث القادمة

[الصريحه]

يمكن خيره

[bo_hamad]

الله يهديهم ويصلح بالهم ويجمع شملهم أن شاء الله

[غزوله]

:cry:كله واحد خلهم يسكرونها ماهنا خلاف

[بنت الطائي]

الله يعين على اللي بيصير في الكويت

الله يحفظهم ان شاء الله
ويحفظ الطبطبائي من كل أذى .
بس سؤال الضرب كان سببه ان الندوه اوصلت الين برع في الحوش ..........
طيب لو كانت الندوة اقامتها الفنانة الفلانية او الفنان الفلاني وتعدت الى اخر الشارع كان بيصير ضرب مثلا ؟

[شيط ويط]

الله يعين على اللي بيصير في الكويت

الله يحفظهم ان شاء الله
ويحفظ الطبطبائي من كل أذى .
بس سؤال الضرب كان سببه ان الندوه اوصلت الين برع في الحوش ..........
طيب لو كانت الندوة اقامتها الفنانة الفلانية او الفنان الفلاني وتعدت الى اخر الشارع كان بيصير ضرب مثلا ؟

الله يسلمج القانون الكويتي مادري الدستور ينص على اقامة الندوات في (الديوانيات فقط) .. وليس في أي مكان آخر .. إن ماخاب ظني