تجربتــــــي مع البنوك الربوية بأنواعها والبنك الإسلامــــــي:للحوار حياكم

[سهيل قطر]

السلام عليكم ورحمة الله وبركاته...


الموضوع


أنا كنت في البنك الدولي الأسلامي وبعدها بفترة نقلت منه لأنه مايعطي قد ماأنا احتاج والكلام هذا سنة 2000 المهم نلقت للبنك الاول (؟) واخذت قرض وشريت به ارض حتى ابني لي بيت ولأهلي واخذت التعويض من الدولة 80,000 ريال لاغير والأرض كلفتني 200,000 من غير الفوائد وتذكروا اني الان في البنك الربوي الاول

واقصد بالأهل الوالد والوالدة واخواني وانا لسه متملك المهم جا دور العرس واعرست بمبلغ وقدرة ... واضطريت للنقل من البنك الاول للبنك الربوي الثاني حتى يعطيني لأن البنك الاول رفض واخذت قرض للعرس ومن ثم قرض لشراء سيارة بدال سيارتي القديمة اللي صراحة انتهت صلاحيتها .

نرجع لمحور حديثنا اللي هو البنك تتوقعوا كم علي لما سألته

قال 900 الف وزيادة انا هنا انصدمت :stop: قلت له ليش انا اخذت 200 الف و100 الف سيارة و200 الف زواج المجموع 500 الف ريال فقط قالوا الفوائد يالغالي:thumbup1:


المهم جائتني ظروف وطريت انقل للبنك الربوي الاخير
وسوى جدولة للمديونية.

صار المجموع 1,200,000 ريال

بعدها بعامين وانا ادفع كل شهر قصد 10000 ريال

قلت كم باقي قال 1,200,000 ريال :stop: ليش قال الفوائد اول شي وبعدين نسدد القرض.
قلت له طيب اخر قسط متى ؟؟؟

قال...




قال...:thumbdown:




قــ...ااا...ل سنة 2026 وانا كنت في سنة 2009

بكيت عنده من القهر ابي واحد منك ياخذ حساابة ويحسب
كم بكون دااافع 2026 دبل الدبل


المهم رجعت لبنكي الاسلامي الاول قل ابي ارجع قال اسفين مانقبل إلا تسدد 200 الف من القرض ونحن نتكفل بالباقي
انا وافقت واخوي ماقصر هو في البنك الاسلامي وسحب 200 الف ودفعها لبنك والبنك دفع المليون ونقلت للبنك الاسلامي اخيرا

على 8 سنوات والقسط 13000 والقرض بالفوائد 1,600,000

يعني سنة 2018 بكون خالص ان شاء الله

اللي ابي اقوله شوفوا الفرق في السنين ووالفوائد ياخوان

وفي الأخير اسأل الله الواحد الأحد ان يقضي الدين عن المدينين ويشفي جميع مرضى المسلمين

ويجعل بلدنا هذا بلدا امنا مطمنا والسلام هو الختام...

[العقل الحر]

اخي الكريم

هذا التجربه اغلب القطريين مروا بها

والان غرقانيين بالديون

الله المستعان

[هدهد سليمان]

الحمدلله الي فكك من الربا ..

[qatari 111]

الله يعيينك وفرج كربتك
والحمدلله ان اخوك شغال فالبنك

[ابو ضمير]

انت جبتها على نفسك وماحد ضربك على ايديك ولما حسيت بالقرصة رجعت للاسلامي
ها البنوك الربوية نفعتك عقلك في راسك وتعرف خلاصك

[شيط ويط]

الحمدلله اللي فكك من الربا ومن بلا هالبنوك الربوية ..

[متداول عالمي]

هل تعلم اخى المواطن بان بنوكنا لديها اعلى نسبة فوائد على القروض مقارنة بالدول المجاورة
والبنك المركزي يدعمهم على هذا

[alfidaghi]

مع احترامي لحسبة البنك الاسلامي ابيك انت تحسب وياي:
8 سنوات يعني 96 شهر مضروبين في 13.000 ريال يعني المجموع 1.248.000 ريال .
اصل القرض عندك 1.000.000 ريال أرباحهم 248.000 ريال من وين يات ال 600.000 ريال .
على هالحسبه اللي آنه حسبتها لك نسبة الفايدة السنويه حروة ال5.5% وهي نسبة ما راح تحصلها ولا في الاحلام في اي بنك غير اسلامي بس بغيتك تشوف الزياده من وين جات وسلامتك

[ذيب ولد ذيب]

الحمدلله على كل حال , يا اخوان ابعدوا عن البنوك الربويه , والله حتى لـــــو البنوك الاسلاميه فوايدهم اكثر وياخذون رسوم اكثر ومايعطون قروض لاتروحون للبنوك الربويه , حتى لو البنك الربوي خدمته افضل وفوايده اقل لاتروحون , واحتسب الاجر عند الله سبحانه وتعالى , والي يقولك حتى البنوك الاسلاميه تاخذ فلوس ربا عااادي , المهم انك كمسلم ابريت ذمتك امام ربك ورحت لبنك اسلامي والذنب على الشيوخ اللي اعطوا هذي البنوك الاسلاميه شهادات تثبت ان تعاملاتهم اسلاميه الذنب عليهم بس انت كمسلم خلك فالسليم ولايغشك احد ,,

[سهيل قطر]

ارحب بكل الردوووود ولكن فعلا ماحد ضربني علي يدي لكن الحاجة حدتني عليها وانا ماسافرت فيها ولا شريت سيارة كشخة كل شي في مكانه الصحيح لكن النقطة اللي ابي اوصل لها ان ارجوا من الجميع اللي يقدر ينقل من البنوك الربوية ينقل اليوم قبل بكرة والسلام

[yosif1]

\من ترك شي لله عوضة الله

[ذيب ولد ذيب]

ارحب بكل الردوووود ولكن فعلا ماحد ضربني علي يدي لكن الحاجة حدتني عليها وانا ماسافرت فيها ولا شريت سيارة كشخة كل شي في مكانه الصحيح لكن النقطة اللي ابي اوصل لها ان ارجوا من الجميع اللي يقدر ينقل من البنوك الربوية ينقل اليوم قبل بكرة والسلام


اخوي الحمدلله على كل حال لكن لاي شخص محتاج في حلول مثل قرض الاسهم كلنا خذناه وبعنا الاسهم وخذنا الفلوس لانا محتاجين للزواج مثلاً وكلنا خذنا مواتر وبعناها وخذنا فلوسها ,, لكن لاتروح الربوي عشان بيعطيك كاش ,, والله يسهل عليك وكافة المسلمين ,,

[ضوى]

والله لو ادفع اضعاف اضعاف اضعاف القرض اللي اخذته باكون مرتاحة مع البنك الاسلامي ، الله يبعد الجميع عن البنوك الربوية اقصد اليهودية

[سهيل قطر]

والله لو ادفع اضعاف اضعاف اضعاف القرض اللي اخذته باكون مرتاحة مع البنك الاسلامي ، الله يبعد الجميع عن البنوك الربوية اقصد اليهودية



اعتقد ليس لها مسمى انساني في هالكون ما أقول الله يسهل على الباقي يسدودون وينقلون باسرع وقت

والحمدلله اللي فكني من الربا



وأحـــب اقول لكم قصة اخرى من شخص اعرفة عليه 350 الف في الربوي قاله البنك اخر قسط بيكون 2023
والقسط الشهري 4000 ريال

لكن لما علمته نقل في البنك اسلامي وصار القرض 500 الف والقسط 6000 لكن سنة 2016 يكون خالص ان شاء الله والسلام

[البرونزي]

الله يعينك اخوي

والله ودي انقل لبنك اسلامي
لكن صار الوضع اشبه بالمستحيل

والله يفك ضيقنا ويسر امرنا ان شاء الله :weeping:

[سهيل قطر]

الله يعينك اخوي

والله ودي انقل لبنك اسلامي
لكن صار الوضع اشبه بالمستحيل

والله يفك ضيقنا ويسر امرنا ان شاء الله :weeping:


مافيه شي مستحيل يالغالي وما بعد العسر إلا اليسر يالغالي


انصحك بكثرة الاستغفااار والله يفرجها

[الريـــاني 1]

البنك الدولي الاسلامي من يوم ما تعاملت معاهم احس ان الفلوس فيها بركة

انصحكم بالتعامل معهم

[][ iMedia ][]

الربا مصيبه

[Rayane]

ما يحتاج....

البنك أكيد انه بنك الدوحه ما يحتاج يعني.... وعقبه اتش بي سي مدري المشرق...

ولكن ما اقول الا حسبي الله عليهم....


وووين البنك المركزي ووووين الحكومه......؟ ولا هي وكاله بدون بواب... وحاميها حرآميها.!!!؟

لعنة الله على الظآلمين.:yawn:

[R 7 A L]

ارحب بكل الردوووود ولكن فعلا ماحد ضربني علي يدي لكن الحاجة حدتني عليها وانا ماسافرت فيها ولا شريت سيارة كشخة كل شي في مكانه الصحيح لكن النقطة اللي ابي اوصل لها ان ارجوا من الجميع اللي يقدر ينقل من البنوك الربوية ينقل اليوم قبل بكرة والسلام

جزاك الله خير على النصيحة

والله يعين اصحاب الديون الكبير


اشهد ان الدين هم

[بومحمد المطاوعه]

الحمدلله افتكيت من الربوي

انا نفس الشي شاري سياره

على بنك قطر الوطني

وأخرت 3 اقساط تدرووووووون ياجماعه كم اضربووو علي ؟؟؟؟
30 الف بسبب التاخير

يعني القسط 2375 صار خلال 3 شهور 30 الف

انجنيت وتهاوشت معاهم ولا في فايده

الحين انا قاعد اراقض يمين يسار

الله المستعان

[الـقـاسـي]

الحمد لله انك افتكيت منهم ومن بلاويهم وصدقني بيكون الدين عليك خفيف في الاسلامي ..

المشكله في الناس اللي يشوفون ولايعتبرون .. بارك الله فيك وعسى ان شاء الله دينك يتسكر في اقرب وقت ..

[HiTec]

على كد لحافك .. مد رجليك ...

الي ماعنده فلوس يتزوج زواج " فاخر " يكتفي بالزواج "البسيط " وعلى بركة الله ..

انا لا اؤمن بمبدأ القروض
لأنها تاكل العمر اكل
ولا حد يحس فيها

[The Watcher]

موضوع متكرر في حياة الكثيرين

هل لازم ننضرب على روسنا ونضيع عمرنا واحنا نتعلم شي من المفروض اننا نتعلمه من اللي سبقونا!!

[ummohammed]

على كد لحافك .. مد رجليك ...

الي ماعنده فلوس يتزوج زواج " فاخر " يكتفي بالزواج "البسيط " وعلى بركة الله ..

انا لا اؤمن بمبدأ القروض
لأنها تاكل العمر اكل
ولا حد يحس فيها

:nice::nice::nice:

[qatari1]

لعناية ولد الخال مع التحية لصاحب الموضوع على مشاركتنا هذه التجربة.

بارك الله في أهلك، ومالك.

[Super Cool]

اسمحلي مع احترامي التام لشخصك الكريم اخوي بس أشك جداً بكلامك!!!!

تعاملت كع الاثنين و على مر 20 سنة ما لقيت أي بنك في قطر ياخذ فوائد اكثر من البنوك الإسلامية

تعاملها اسلامي بحت و هدفها كفر و استغلال!!!!

[صوت الضمير]

سهيل قطر .. واحد من اخواني يعاني نفس الحاله

خذ قرض للعمل مشروع ب 300 الف وانصبوا عليه حسبي الله عليهم

بعدها خذ قرض للزواج ب200 الف

المجموع 500 الف .. مع الارباح ..

راتبه 17 يصفى منه 5الآف..كل مايروح البنك يبي يشوف كم بقى

يقولون بقى مليون وشي.. مدري شلون يحسبون الفوائد

مع العلم انه الفوائد كل سنه تزيد ..

الله يسهل عليه ويفك ضيقته وضيقتكم

هل يقدر يحول بنك اسلامي؟؟

أبداع

[دكان عباس]

جزاك الله خير على النصيحه الطيبة

[HiTec]

سهيل قطر .. واحد من اخواني يعاني نفس الحاله

خذ قرض للعمل مشروع ب 300 الف وانصبوا عليه حسبي الله عليهم

بعدها خذ قرض للزواج ب200 الف

المجموع 500 الف .. مع الارباح ..

راتبه 17 يصفى منه 5الآف..كل مايروح البنك يبي يشوف كم بقى

يقولون بقى مليون وشي.. مدري شلون يحسبون الفوائد

مع العلم انه الفوائد كل سنه تزيد ..

الله يسهل عليه ويفك ضيقته وضيقتكم

هل يقدر يحول بنك اسلامي؟؟

أبداع

لان اخوي الفوائد تراكمية متحركة ..
يعني بالتبسيط الشديد
اخذت مني 10 ريال اكولك لك شهر ترجعها بعد شهر 12 ريال.. وتنحسب ع الايام
يعني مو تصير ثابتة و12 كل شهر
لا بالايام

وانا الي لاحظته هي الموضوع صح يدوخ وماينفهم
وهذا الشي الي يستغلوه المصرفيين
القارض يجي بس يهتم بشغلتين لا اكثر ..
كم القسط؟؟ وعلى كم شهر ينتهي ؟؟

ويكولك، كلها خمس سنين واخلص .. والا اللي عشر سنين واكثر يختصرلك " عظمة الآمر " بـ " الله كريم " !!
طيب ليش مو من اول كلت هالـ " الله كريم " وحسيت بقيمتها وتوكلت عليه يمكن يعوضك

كثير ممن يقعون بهالمطبّ ..
ما يطالعون كم " اخذوا " وكم رح يدفعون
لان الاقساط " قصيرة المدى " بتدفع مرة ونص كد ما اخذت
والبعيدة المدى ربما ضعفين الى ثلاثة


مصاصي دماء
سواء الاسلامية والا غيرها
علماً لي من ناسي من مدح المصرف لأنه انقذه من مووضوع الفائدة التراكمية المتحركة
هذا الفرق ان الاسلامي مياخذها تراكمية ، ياخذها ثابتة


والله حرام حرام حرام
اي شخص ياخذ مبلغ مهما صغر او كبر ... يصرفه بشهر.. او حتى بيووم واحد
ويجلس طول عمره ينتف براسه

والله ابدى واحد يركب " سيكل " احسن مما يهمّ نفسه بهالاقساط والبركة تضيع ورضى الله يضيع
اما الزواج فحدث ولا حرج، انا مادري كيف كيف واحد يفكر
انه ياخذ قرض يتزوج فيه .. ونسبة كبيرة من الزواجات فالمجتمع الآني .. اعطوها خمس سنين .. تتفركش .. وهو يتم طوووووووول عمره يدفع في قروض زواج مادام ولا فيه بركة
وان .. تمت العائلة محافظة على قوامها
صج ابا اسأل .. كيف تطيق الزوج يطالع في زوجته ويحبها ويودها ويرأف فيها ..
وهو كل يوم يتذكر انها السبب في أزمته المالية الأبدية
الزوجة هي الي تسند الظهر مو تكسره

وصراحة الي تبي الستر ماتتشرط بعرس خرافي من الخيال !
والرجل كذلك ، قيمة الزوجة مو بعرسها
قيمة الزوجة بعائلتها المستقبلية .. في بيت تحافظ عليه، يكون لها ولزوجها ملك

طبعا ما اعول على طرف
لان الخطأ من الطرفين

يعني .. شيصير لو الرجل .. مسك البنت الي ناوي يتزوجها وكال لها

يابنت الحلال انتي مخيّرة ..
تبغين عرس ولا في الخيال ويكلفنا 200 الف ؟
ولا تبغين نسوي عرس يكلف 25 واخليلج 75 فحسابج حلالج ..

شتتوقعون يكون جواب البنت ؟؟

[برشلوني قطر]

الله يعين الي فالبنك الربوي...

والله امس واحد من الربع اشوي ويصيح يبي يطلع من البنك ومتوهق..


الله يبارك لك ف راتبك اخوي..ويفكك من ديونك

[be.happy]

ليش موقفيييييين التنقلات من البنوك ؟ ؟ ؟ الكلام هذا من ثلاث ايام ارجو الي عنده فكره يفيدنا وجزاه الله خير .

[الصريحه]

مصيبه
الله يعينك

[مرتبش]

نحتاج كمجتمع
ثقافة بنكية وثقافة الادخار والاقتراض

الكثيرين يجهلون الف باء القروض والفائدة المركبة ويتعلمونها بالطريقة الصعبة " اي عقب وقوع الفاس في الراس"
يجبب تثقيف المقبلين على الاقتراض لاتخاذ القرار المناسب لهم..ويجب وضع قوانين صارمة على البنوك بعدم اقراض الشباب الصغار اكثر من نسبة معينة مثلا يكون القسط لايتجاوز 30% من الراتب وعدم الحصول على اكثر من 15 ضعف الراتب

[بوخالد911]

هلا بكم


؛؛؛


مشكلة واايد من الشباب لما يبي يتزووج ؛ ياخذ قرض من البنك


واعررف الكثير لما يملج ؛ يدفع نص المهر بس

والباقي بعدين


مش لازم يكوون كل المبلغ عندك

وحالو تضغط ع نفسك وتوفر اشووي

بس من بيسمع ويطبق؟

[بنت قطريه]

والله افتكيت لما طلعت من بنك تجاري ربوي إلى بنك اسلامي كان القرض 370 الف وفي تزايد مستمر بالرغم من اني ادفع ولا مرة اجألت ولما رحت سألت البنك قلت بازيد مبلغ القسط الى 10000 شهريا وباستحمل اقصر على نفسي بس افتك الا يقولون لي نفس الشي بيخلص القرض عقب 25 سنه وضاقت بي الدنيا لين أخوي الكبير نصحني اروح بنك اسلامي ورحت المصرف والحمد لله خلال سنه ونص صار القرض حاليا 100 ألف بس والله اعد الشهور علشان تمر السنه واخلص من القرض وارتاح .... حسبي الله عليهم البنوك الربويه يقصون على العالم ومايوضحون لهم ولو واحد مايعرف عن القروض مب فاهم شالسالفه ... الله المستعان

[bo_hamad]

اسأل الله الواحد الأحد ان يقضي الدين عن المدينين ويشفي جميع مرضى المسلمين ويجعل بلدنا هذا بلدا امنا مطمنا والسلام هو الختام... ابتعدوا عن الدين قدر الامكان والتوفيق للجميع

[سهيل قطر]

اسمحلي مع احترامي التام لشخصك الكريم اخوي بس أشك جداً بكلامك!!!!

تعاملت كع الاثنين و على مر 20 سنة ما لقيت أي بنك في قطر ياخذ فوائد اكثر من البنوك الإسلامية

تعاملها اسلامي بحت و هدفها كفر و استغلال!!!!




هلا اخوي مدري شنو قصدك بأنك تشك في كلامي لكن الكلام صحيح وحصل والأوراق مازالت عندي واذا حاب تشوفها انا ماعندي مشكلة وياليت عندي سكااان حتى اعرضها للأخوان لكن انا اللي عندي قلته

اما بنسبة الفوائد انا اتفق معك وبنفس الوقت اختلف معك

صحيح انها اعلى من ناحية النسبة لكنها ثابتة يالغالي مو مثل الربوية المتحركة وكثير من الردود تثبت صحة كلامي


والله يفك باقي الاخوان من الديون الربوية وغيرها

[قطراوي للأبد]

الصراحه ..

انا عن نفسي كنت في التجاري ! ابوي الله يطول بعمره .. فتح لي حساب فيه

وحزتها انا ماقدر احاجج في هالموضوع

طلعت من التجاري .. رحت الوطني الإسلامي ..

بعدها جاني خالي .. يقول لي الوطني الإسلامي مشكوك فيه ..لأن هو والوطني واحد .. روح المصرف وفك عمرك

رحت المصرف

الصراحه .. >< !!! المصرف زين .. والسلفيات وغيره .. كل شي اوكي والنظام اسلامي ..

لكن تعال خلص معامله !!!

فرررررررررررررق فالمعامله بين الوطني الإسلامي والمصرف !!!

اللي فالوطني يخلص لي في يوم ! يخلص لي فالمصرف في 3 او 4 ايام ..

ونظام الأرقام .. وعدد الموظفين ! .. والأفرع .. والأجهزه .. وحتى الخدمه البنكيه عالإنترنت .. فرق شاسع

لكن مازلت انصح بالمصرف .. ومتمسك فيه لأن الواحد يبري ذمته !!! وخلاص

يكفينا هموم ونحاتي الحلال والحرام.. بعد نحط فـ ذمتنا بنوك !

[ابو ضمير]

ارحب بكل الردوووود ولكن فعلا ماحد ضربني علي يدي لكن الحاجة حدتني عليها وانا ماسافرت فيها ولا شريت سيارة كشخة كل شي في مكانه الصحيح لكن النقطة اللي ابي اوصل لها ان ارجوا من الجميع اللي يقدر ينقل من البنوك الربوية ينقل اليوم قبل بكرة والسلام

بارك الله فيك وارجوا من الجميع الحذر من هذي البنوك الربويه

[هلالي]

السلام عليكم ورحمة الله وبركاته...


الموضوع


أنا كنت في البنك الدولي الأسلامي وبعدها بفترة نقلت منه لأنه مايعطي قد ماأنا احتاج والكلام هذا سنة 2000 المهم نلقت للبنك الاول (؟) واخذت قرض وشريت به ارض حتى ابني لي بيت ولأهلي واخذت التعويض من الدولة 80,000 ريال لاغير والأرض كلفتني 200,000 من غير الفوائد وتذكروا اني الان في البنك الربوي الاول

واقصد بالأهل الوالد والوالدة واخواني وانا لسه متملك المهم جا دور العرس واعرست بمبلغ وقدرة ... واضطريت للنقل من البنك الاول للبنك الربوي الثاني حتى يعطيني لأن البنك الاول رفض واخذت قرض للعرس ومن ثم قرض لشراء سيارة بدال سيارتي القديمة اللي صراحة انتهت صلاحيتها .

نرجع لمحور حديثنا اللي هو البنك تتوقعوا كم علي لما سألته

قال 900 الف وزيادة انا هنا انصدمت :stop: قلت له ليش انا اخذت 200 الف و100 الف سيارة و200 الف زواج المجموع 500 الف ريال فقط قالوا الفوائد يالغالي:thumbup1:


المهم جائتني ظروف وطريت انقل للبنك الربوي الاخير
وسوى جدولة للمديونية.

صار المجموع 1,200,000 ريال

بعدها بعامين وانا ادفع كل شهر قصد 10000 ريال

قلت كم باقي قال 1,200,000 ريال :stop: ليش قال الفوائد اول شي وبعدين نسدد القرض.
قلت له طيب اخر قسط متى ؟؟؟

قال...




قال...:thumbdown:




قــ...ااا...ل سنة 2026 وانا كنت في سنة 2009

بكيت عنده من القهر ابي واحد منك ياخذ حساابة ويحسب
كم بكون دااافع 2026 دبل الدبل


المهم رجعت لبنكي الاسلامي الاول قل ابي ارجع قال اسفين مانقبل إلا تسدد 200 الف من القرض ونحن نتكفل بالباقي
انا وافقت واخوي ماقصر هو في البنك الاسلامي وسحب 200 الف ودفعها لبنك والبنك دفع المليون ونقلت للبنك الاسلامي اخيرا

على 8 سنوات والقسط 13000 والقرض بالفوائد 1,600,000

يعني سنة 2018 بكون خالص ان شاء الله

اللي ابي اقوله شوفوا الفرق في السنين ووالفوائد ياخوان

وفي الأخير اسأل الله الواحد الأحد ان يقضي الدين عن المدينين ويشفي جميع مرضى المسلمين

ويجعل بلدنا هذا بلدا امنا مطمنا والسلام هو الختام...


احييك اخي الكريم سهيل قطر على هذا الموضوع العام والمفيد وعسى ان يتعض اخواننا ممن زلت بهم أقدامهم طوعا أو كرها في هذا الوادي السحيق.

نفع الله بك وأثابك على قدر نيتك الطيبة.

[سهيل قطر]

اشكر الجميع على التفاعل والردود واتمنى من اللي عنده تجربة اوخبره او نصيحة


ينفعنى بها والسلام

[ساحر قطر]

الحمدلله اني طلعت من البنك الربوي الاول ودخلت الاسلامي الاول وجزاه الله خير اخوي الذي لم تلده امي بان جعلني انقل واشكره على هذه النصيحة ودمتم.