كلمه حق البنات .. اتمنى ماشوف اختلاط باليوم الوطني

[باسورد]

ظاهره دخيله على مجتمعنا قمنا نشوفها وهي مشاركه البنات

الشباب في اي مناسبه او احتفال لبلادنا مثل اليوم الوطني

طبعا ما ابي افصل بالموضوع لان العام شفنا امور الواحد

يستحي من ذكرها لكن اتمنى فعلا من بناتنا الابتعاد عن التجمعات

الشبابيه واختيار اماكن تناسبهم او البقاء بالمنزل

[toomi9]

اممم
المسيره شي حلوو بصراحه ومافيها شي
بس اذا يروحون
يروحون ويردون باحترام واحتشام
واذا عـ المهازل والمصخره الي بتصير لوو المسيره مافيها ولا بنت وحده بتصير مصخره بعد
الي نبيه انهم يحترمون نفسهم ولا يمصخرون نفسهم ولا يقطون نفسهم فـ مشاكل ولا يراددون الي يتحرشون فيهم عشان ماتصير مشاكل واذا حد تعرض لهم يخلون شعارهم الكلاب تنبح والغافله تسير ماله داعي يردون عليهم
واهمممم شي عن الرقص والاحتشام

[ولد الخال]

ما فيه أحسن من مشاهدة نقل الاحتفال في التلفزيون للبنات

فنحن مجتمع ذكوري

ولذلك على الذكور التعبير عن فرحتهم بالاحتفال بالعيد الوطني دون الإناث

فالبنات مكانهم المنزل

وبسبب التكنولوجيا التي سخرها الله لنا عبر التلفزيون والنت عليهم متابعة الاحتفال في البيت أو المنزل

[حزينه]

انا اقول لو ينزلون من السياره ويقعدون عالحشيش وينطرون اللعاب الناريه يكون افضل

[ولد الخال]

انا اقول لو ينزلون من السياره ويقعدون عالحشيش وينطرون اللعاب الناريه يكون افضل

ما فيه ألعاب نارية الساعة السابعة صباحا

[بوناصر1]

اخوي للاسف في بعض بعض بعض (علشان محد يتكلم)
البنات ينطرون اتسير مسيره بفارق الصبر علشان ياخذون راحتهم في المصخره وقلت الادب

[حزينه]

ما فيه ألعاب نارية الساعة السابعة صباحا


اقصد السابعه مسائا

[ارين]

شـــــــكرا لك أخوي على هـالنصيحة وجزاك الله خير

[غزلان]

جزاك الله خير اخوي على النصيحه

[La Bella]

أنا أقول خلو الكرنيش للبنات والعوائل والأطفال
و الشباب الله لا يهينكم روحو عرضات القبايل أحسن لكم وش تبون بااللعاب النارية أنتو
وساحة الأستعراض أكيد الشيخ خالد بن حمد ما راح يقصر ويفتحها لكم بهذي المناسبة

[نوفا91]

مشكور اخوي ع النصيحه ..والبنت بصراحه المفروض انها ماتروح ابد هالاماكن وخصوصا مسيره ونقل فتلفزيون
...
انا بتكلم عن هلي يعني هلي مايخلونا نروج مجمعات حتى للتسوق بيوم خميس وجمعه واذا رحنا نادرا وضروري ..وفيوم المسيره اكيد فالبيت وبنشوفها من التلفزيون ترى نفسها هي هي اللي بالكورنيش ماتفرق يعني ..واذا بيطلعونا بس يوم الجمعه اسباير <<وشاكررين لهم بعد ..

تحياتي ..

[Miss]

ترى اللي تطلبه مستحيل في نظرهم ..

هم ينتظرون هالشي بفارغ الصبر .. ويمكن يحجزون الشارع قبلكم بعد :)

الشي المطلوب ان الجهات المسؤوله تمنعهم ولا هن ما راح يردعهن رادع

[Super Cool]

اذا يروحون بأدب و احترام فحياهم و بياهم

و هالشي ينطبق على الاثنين الرجل و المرأة

[عاشق الشهادة]

والله آخر مسيرة احضرها كانت بمناسبة فوز منتخب قطر بخليجي 11 ,
ولكن انا نقلت الكلام الي وصلني من صديقي ان البنات الي يرقصون بالكورنيش وتطلع من الفتحه وضاربه لثمه واديني يـ كدع هذولا عاهرات ,
وانا يوم ذكرت ماقاله لي صديقي لاني اول مرة اسمع ان فيه بنات يعرضون نفسهم لمثل هذه المناسبات ؟

[deema117]

البنت اللي فيها خير ما تروح هالأماكن ( مسيرة ) شتسوين وسط الرياييل !!!


واحد يتصيد لج ويصور ،، وواحد يرش الاسبري بوجهج .... وغيره من هالحركات :con2:


الصراحة لا المكان ولا الجو يناسب البنات إلا إذا رايحة مع أبوها أخوها زوجها <<<


والغالبية ما يحبون يودون اهلهم معاهم

[لمعة الالماس]

انا اشوف الشباب يفكرون بانانية !!!!


الحين مسوين لكم درب الساعي ..... وكل قبليه مسوين لها مكان للعرضه ....

وبعد المسيرة والكورنيش تقولون ما نبي البنات

ما اتفق معاكم مثل ما انتوا تبون تستانسون بعد البنات والعوايل يبون يفرحون

والمشاهده بالتلفزيون غير عن لما الواحد يحضر بنفسه واعتقد الكل مجرب هالشي

طول السنه قاعدين جدام التلفزيون والنت وجات على هاليوم ما يصير

واذا على المصخره اللي تصير فكل واحد وتربيته سواء شاب او بنت

المحترم يبيقى محترم في كل مكان

[s.a]

ياصاحب الموضوع مالك حق تمنع على كيفك وتصرح بكيفك من يجي
ومن يروح المسيرة :)

مواضيع مادري من وين تجيبونها كل كلمة تدور ببالكم كتبتوها بموضوع وصار قضية

[الأصيلة]

المسخرة اللي تصدر من البنات ما جات من فراغ...
طبعا هم بنات وخوات اللي أستباحوا أعراض غيرهم..
والمستورة اللي مع اهلها تطلع مسيرة أو احتفال محد يتجرأ عليها أبدا...
أنا أقول كل واحد يستر خواته وياخذهم معاه يفرجهم ويفسحهم ...
بدل ما يترقص في الشوارع ويرش على السيارات ...
والحل المفروض يكون من الشرطة:
بمنع استخدام الرشاش وياليت يسحبونه من الأسواق
يكون بين المسيرات شرطة آداب تراقب أي خلل وتحذر الشباب من التعرض للبنات والعكس...
تنشر في الجرائد ووسائل الإعلام ثقافة الإحتفال بالمناسبات.
لأن اللي قاعد يصير همجية مابعدها همجية...
والله يديم أفراح قطر...

[لمعة الالماس]

عندي سؤال للي يقول خل البنت تطلع مع محارمها سواء اخوها او زوجها او ابوها


omen




كم واحد منكم فرحه هله وخواته وقال لهم يلا بوديكم المسيرة :con2::thumbdown: ؟؟؟؟؟




منها يستر عليهم ويحميهم من الشباب والتحرشات ومنها يفرحهم

[بوخالد911]

نتمنى ذلك

[JN000N]

ظاهره دخيله على مجتمعنا قمنا نشوفها وهي مشاركه البنات

الشباب في اي مناسبه او احتفال لبلادنا مثل اليوم الوطني

طبعا ما ابي افصل بالموضوع لان العام شفنا امور الواحد

يستحي من ذكرها لكن اتمنى فعلا من بناتنا الابتعاد عن التجمعات

الشبابيه واختيار اماكن تناسبهم او البقاء بالمنزل



ليش مب قطريات واليوم الوطني مايخصهم؟

بالعكس مافيها شي لو رحنا مع اهالينا وتونسنا وونسنا اليهال ويانا
حتا من اليوم الوطني بتقولون خلو البنات ييلسون فبيوتهم؟ ماصارت الصراحه

معاك لو كان كاس الخليج او رالي او سباق او اي شي شبابي.. لكنه شي وطني يوم وطني مايخصه فنوع الجندر.. شاب او شابه كله واحد
ولكن قول ما نبي نجوف مصخره

اذا البنت بتحصل تشجيع بتزيد والعكس كذلك

[حزينه]

أنا أقول خلو الكرنيش للبنات والعوائل والأطفال
و الشباب الله لا يهينكم روحو عرضات القبايل أحسن لكم وش تبون بااللعاب النارية أنتو
وساحة الأستعراض أكيد الشيخ خالد بن حمد ما راح يقصر ويفتحها لكم بهذي المناسبة




فله انت

اي صج عاد هالمره خلوا الكورنيش لنا هههه

يعني بالعقل الشباب في العيد الوطني عندهم اختيارات وايد عندهم العرضات والكورنيش وحلبة الاستعراض ومتى مايبون يردون البيت يردون حتى لو 5 الصبح

اما احنا اوقاتنا محدوده وماعندنا شي غير التلفزيون , الصبح عادي روحوا الكورنيش بس في المساء من 5 الى 9 خلوا لنا وبعد 9 كيفكم اسهروا في الكونيش حرام عليكم نبي انغير جو :(

ها شقلتوا :)

[بوحارب]

فيه مثل بس ماعرفه عدل

يقول لقد ناديت لو اسمعت ....... مادري وشي التكملة !!

والله يهدي قليلات الأدب اللي يحشرون بنفسهم بين الرجال !!!!!!

[إينشتاين]

فيه مثل بس ماعرفه عدل

يقول لقد ناديت لو اسمعت ....... ولكن لاحياة لمن تنادي !!

صح لسانك omen

والله يهدي قليلات الأدب اللي يحشرون بنفسهم بين الرجال !!!!!!

..............

[R 7 A L]

ياجماعة شكثر اعرف ناس يروحون مع اهلهم ومن بعيد مايدشون المسيرات ياخذون لفة ويطلعون
والدرايش كلها مخفي ومسكرة

مافية مانع يشوفون الاحتفالات على الهواء مباشرة وهن مع اهلهم

[ابو مشعل]

فيه مثل بس ماعرفه عدل

يقول لقد ناديت لو اسمعت ....... مادري وشي التكملة !!

والله يهدي قليلات الأدب اللي يحشرون بنفسهم بين الرجال !!!!!!


ابو حارب الله يهداك جبت العيد
قد اسمعت لو ناديت حيا .. ولكن لا حياة لمن تنادي

شكلك ما كركت عدل اليوم :)

[فلتة زمانها]

يا بنات وش لكم بالمسيره
روحوا استانسوا باماكن ثانيه ابرك لكم
ترى حب الوطن مب بالمسيره والاحتفالات
الواحد يسال نفسه انا شاللي قدمته لديرتي

[بوفهد 5555]

اخوي للاسف في بعض بعض بعض (علشان محد يتكلم)
البنات ينطرون اتسير مسيره بفارق الصبر علشان ياخذون راحتهم في المصخره وقلت الادب


:thumbup1::thumbup1::thumbup1::thumbup1::thumbup1:

[bo_hamad]

أنا أقول خلو الكرنيش للبنات والعوائل والأطفال
و الشباب الله لا يهينكم روحو عرضات القبايل أحسن لكم وش تبون بااللعاب النارية أنتو
وساحة الأستعراض أكيد الشيخ خالد بن حمد ما راح يقصر ويفتحها لكم بهذي المناسبة

:thumbup1::thumbup1::thumbup1::thumbup1:

[al.wajbah]

والحل المفروض يكون من الشرطة:

بمنع استخدام الرشاش وياليت يسحبونه من الأسواق

يكون بين المسيرات شرطة آداب تراقب أي خلل وتحذر الشباب من التعرض للبنات والعكس...

تنشر في الجرائد ووسائل الإعلام ثقافة الإحتفال بالمناسبات.

لأن اللي قاعد يصير همجية مابعدها همجية...

والله يديم أفراح قطر...


والأفضل للبنت بيتهااااااااااا