شتقولون عن هالصديق؟؟؟؟؟

[نجمة في سماه]

لو واحد منكم عنده صديق داش بيته او ماكل من اكله وانت بعد نفس الشي ويشاركك افراحك واحزانك وانت بعد نفس الشي بس تصرفاته غريبه !!! يعني حزات لشافك في مكان عام ما يسلم عليك او بعض المرات يسلم أو بعض المرات سبحان الله يشوفك او عينه في عينك يخليك ويسلم على ناس ثانيين .. والمشكله الأكبر انك تتصل فيه دوم عشان تسأل عن اخباره بستمرار بالمقابل هو يسفهك ولا يتصل فيك..يعني اتحسه انسان متناقض مره يسلم او مره جنه كلش خير شر ما يعرفك ؟؟؟ الي صار معاه هالموقف اشلون تصرف مع هالصديق.. أو إذا صار معاك هالموقف أشرايك في هالصداقه تستمر فيها ولا لا؟؟؟؟

[هدهد سليمان]

سلفته شي :) .. بعض الاحيان الفلوس تغير النفوس ..

[القيادة]

الصراحه

هذا الصديق الى تكلم عنه مافيه خير

مرت على هذي الاشكال اذا ماحد عطاه وجه رد لك

واذا حصل ربعه طنشلك تبي راي أرفسه


ونصيحه لك أخوي مو اي واحد تشاركة أفراحك وأحزانك.

[سما الوطن]

تحصل

هذا بكل تأكيد ليس بصديق ..هي معرفه لا اكثر

تحليلي للموضوع أن الطرف الاخر ليس عنده عواطف ..بل هو لا يعطي للمشاعر اي اعتبار لانه اصلا لا يحس يها
تصرفاته لحظيه لمنفعه يأخذها حتى لو كانت المنفعه هي وناسه عاديه
اقصد ممكن يكون معك وكل شي تمام ..بس لو كان موجود في المكان حد ممكن ان ينبسط معاه اكثر سيتركك ويروح له بل سيعمل نفسه ما يشوفك ..وبعد يومين يقابلك ولا كأنه شي صار

[ارين]

لو واحد منكم عنده صديق داش بيته او ماكل من اكله وانت بعد نفس الشي ويشاركك افراحك واحزانك وانت بعد نفس الشي بس تصرفاته غريبه !!! يعني حزات لشافك في مكان عام ما يسلم عليك او بعض المرات يسلم أو بعض المرات سبحان الله يشوفك او عينه في عينك يخليك ويسلم على ناس ثانيين .. والمشكله الأكبر انك تتصل فيه دوم عشان تسأل عن اخباره بستمرار بالمقابل هو يسفهك ولا يتصل فيك..يعني اتحسه انسان متناقض مره يسلم او مره جنه كلش خير شر ما يعرفك ؟؟؟ الي صار معاه هالموقف اشلون تصرف مع هالصديق.. أو إذا صار معاك هالموقف أشرايك في هالصداقه تستمر فيها ولا لا؟؟؟؟



ربما تصرف صديقك بهالطريقة لظروف لا تدري عنها ..

أنا أقول إنت أكثر شخص تستطيع الحكم عليه .. لقربك منه ..

ومن رأيي تعطيه فرصة أخيرة وتختبره باختبارات تبين صداقنه الحقيقية لك من عدمها وحتى تتضح لك الأمور بشكل أكير .. وهل هو يعتبر صدبق حقيقي لك أم لا

وفقـــــــك الله

[العقل الحر]

اصل هذا الصديق خجول في اعماقه


والمفروض منك لا تقيس سلامه عليك او عدمه بل تعرف مدى امانته واخلاصه لك

وعندها تحكم على الامور

[بـــــــنت النوخـّــــذه]

لو واحد منكم عنده صديق داش بيته او ماكل من اكله وانت بعد نفس الشي ويشاركك افراحك واحزانك وانت بعد نفس الشي بس تصرفاته غريبه !!! يعني حزات لشافك في مكان عام ما يسلم عليك او بعض المرات يسلم أو بعض المرات سبحان الله يشوفك او عينه في عينك يخليك ويسلم على ناس ثانيين .. والمشكله الأكبر انك تتصل فيه دوم عشان تسأل عن اخباره بستمرار بالمقابل هو يسفهك ولا يتصل فيك..يعني اتحسه انسان متناقض مره يسلم او مره جنه كلش خير شر ما يعرفك ؟؟؟ الي صار معاه هالموقف اشلون تصرف مع هالصديق.. أو إذا صار معاك هالموقف أشرايك في هالصداقه تستمر فيها ولا لا؟؟؟؟

بــــــــــــــــــــــــال ماداني الاشخاص المزاجيين صعب التعامل معاهم احس اميه شخصيه داخله مره معنفص ومره رايق ومره خامل ومره حزين 0:looking:0000

اخوي من الاخر صدقني انت الي عليك عامل الناس بالحسنى كما انت ومن بعدها طبق هذا المثل :

اللي مايعدك راس مال لاتعده فايده
ونصيحه لوجه الله لحد يضيع وقته بالتفكير والله الصحه اهم من كل شي والتفكير والمحاتاه ماوراهم إلا المرض 00 يعني يا اتواجهه واتشوف شسالفته او طنش ولا تعور راسك دام هذا طبعه 00

سلام (ن) عليكم

[الدبلوماسيـه]

بتمر عليك واآيد من هالنوعيآت من الناس ..

الواحد يحسن الظن ويبآدر هو بالسلام ..يمكن يحرجه

بس لو آستمر الوضع ..آغسل يدك منه ..وعامله بالمثل

[skittles]

اذا هذا رفيج يشوفك ومايسلم عليك
عيل شتقول عن اللي اهله ومعارفة يشوفونهم بالسوق او مكان عام ويسوون عمرهم مايشوفونهم
:)

[بلوتنيوم]

مافي احسن من التواصل والكلام بدل التحليلات من الخيال
روح له وجه بوجه
وقول له يافلان في بخاطرك علي شيء انا اشوفك متغير علي
شسالفة ؟؟!
ومع الكلام يبين كل شيء وقتها تقدر تاخذ قرارك عن قناعة
صدقني مافي احسن من المواجهة
ترا الناس نفسيات واسرار ويمكن ورا هالتصرفات بلاوي زرقاء انت ماتعرفها ؟؟!

[@north_star@]

تأكد يمكن ماخذ على خاطره منك بسبب موقف أو أي شي وانا لو منك اذا يعز عليك فاتحه بالموضوع واساله عن السبب واذا قال ما في شي وكل شي طبيعي فهذا مب صديق وفي ولا ينشد فيه الظهر

[vtc_4.8]

ياكثرهم الي مايعرفون السنع

الصديق الحقيقي موجود لكن صار نادر هالايام

[toomi9]

لا تحلل على كيفك
تبي رايى
قيس الموضوع من الطرفين
كلمه ،، صارحه ،، شوف ردة فعله شبيقول ،، ويمكن هو خجول من الداخل مثل ماقال العقل الحر
وماتدري شنهي ظروفه ولا تظلمه ،، يمكن طبعه جيه شخصيته
وبعد احب اضيف ....
يمكن انت تعتبره صديق بس هو يمكن لا
اوو كاان يعتبرك صديق والحين لا تغيرت نظرته لك ،،، وانا عن نفسي فهـ الموقف مازعل عليه لاني ماحب اجبر حد علي بس يمكن اتضايق عـ العشره وادعي ربي يعوضني خير عنه

وفـ النهايه احب اقولك ترا الصديق مايبين بسلامه ولا بكلامه
يبين صديق
اذا احتجت له ومد لك يد العون .. اذا طلبته وماردك .. صارت لك مشكله وقف معاك وفـ صفك


سلاام

[%حورية قطر%]

شخص مزاااااااجي .. ماحب هالنوعية من الناس

[الهمداني]

تقدر تحكم على الشخص من شخصيته اذا كان قوي الشخصية تقدر تقول بانه يتعمد هذه الافعال
واما اذا كانت شخصيته عاديه او ضعيفة وانت اكيد انك تعرفه فقدر ضرفه يمكن انه يستحي او عنده حالة نفسيه بعض الناس عندهم حالات نفسيه تاثيرها خفيف واحد من الشباب يقول احياناً ما اقدر اسلم على احد لاني احس بارهاق في جسمي واذا واجهت احد احس بارتباك

والصديق ينعرف وقت الشدة ووقت ضيقتك تشوف فزعته لك او اذا كلمته في شي يعنك ويساعدك فيه
وقد ضربت الامثال في الصديق منها الصديق وقت الضيق

ومن الاشعار قول الشاعر
إن أخاك الحق من كان معك *** ومن يضر نفسه لينفعك
و إذا ريب الزمان صــــدعك *** شتــــت شمله ليجمعك

[دكان عباس]

الحمدالله ماقد عرفت حد هالشكل

[mohd89]

في فرق بين الصاحب والصديق

[نورالهدى]

السلام عليكم ورحمة الله تعالى وبركاته
إنت تقول إنه صديق
هل معنى دخوله بيتك وأكله عندك أو العكس دخولك منزله أو أكله عندك وصل لمعنى الصداقة الحقيقي
هل كنت تعده صديق ويعدك صديق
أم شباب إلتقوا وتعرفوا على بعضهم معرفه وقتيه
لو كان صحيح صديقك
لماذا لم تسأله وتصارحه
أنت تهربت منه ودخلت المنتدى لتسألنا مع أنه كان لابد لنا نحن أن نسألك عن صديقك
فأكثر الناس أدرى الصاحب بصاحبه
راجع نفسك وانظر ماهية علاقتكما
فليس لي أن أحكم عليكما
فأنا لا أعرفكما
فقط إسأله واستفسر منه
ولا تسأل الغير لأن نوعية العلاقه بينكما لا يستطيع أي منا معرفتها وتقديرها
وشكرا

[بوعمير]

مفهوم الصداقة لديك خطاء.

[بوخالد911]

شووف لك غيره

[غزوله]

اذا مايسلم بمكان عام يمكن مانتبه وفيه بعض الناس مايحب يبادر فانت بادر بسلام يمكن هو بعد يقول انك تمر ماتسلم ليه ماسلمت


بس تقول انك انت تتصل وتسال وهو يسفهك فيه ناس واجد باردين ومايقصدون يمكن من النوع البارد

الواحد مايستعجل بالحكم انت جربه وشوفه او واجهه اذا هو قاصد نوعيته واجد فاسحب عليه وتركه ودور بداله

[الصريحه]

امسكه واساله وشوف اللي بخاطر
نفسيه الانسان والتعامل معها من اصعب الامور

[شبح الصمت]

أوف سم ضروسي هالمزاجي ( الي اليوم أوكي وبكره مب اوكي )

يوبه بسوي الي علي يمكن مسكين خويك مفهي أسمحو لي على هالكلمة

بس يمكن انسان يفكر وأيد كله عايش حياته على أحــلام يبي يحققها بس مب قادر

وتحصله يمشيء ويفكر يعني جسد بلا روح !!

أو يمكن أنسان مزاجي اليوم اهو مفرفش بكره تحصله قالب الموجه على عكر دم

وعقبه

المهم عن نفسـي بحاول أكون أحسـن منه وإن ما كنت أحسن منه بسوي نفسي مفهي وبفهي معاه

[الراقيه سبشل]

لازم تكلمة وتتفاهم معاه

يمكن عنده عذر مقنع

واذا ماكان مقنع وقتها تقدر (تطنشه)