بلاتر بكره الخميس في قطر(القرار بيد القطرين)

[بوبندر]

أعلن رئيس الاتحاد الدولي لكرة القدم (فيفا) السويسري جوزيف بلاتر أن استضافة بعض مباريات كأس العالم 2022 في الكويت أو دول خليجية أخرى مرتبط كليا بالقائمين على الملف القطري في تنظيم المونديال. وكانت قطر قد فازت باستضافة كاس العالم 2022 لتصبح أول دولة عربية في الشرق الأوسط تستضيف الحدث العالمي.

وقال بلاتر في المؤتمر الصحافي الذي عقده اليوم في الكويت بحضور رئيس الاتحاد الكويتي لكرة القدم الشيخ طلال الفهد: " أنا أعلنت عن اقتراح باستضافة بعض الدول الخليجية لمباريات المونديال ، ولكن القرار ليس بيدي بل لدى القطريين الذين سأتناقش معهم في زيارتي لهم غدا الخميس كل الخطوط العريضة المتعلقة بالتنظيم"، وأكد أن مباريات المونديال ستقام في نفس الموعد المعتاد عليه وهو بين شهري يونيو يوليو .

واستبعد بلاتر زيادة عدد المنتخبات في نهائيات كأس العالم ، وقال :" إن مشاركة 32 منتخبا في المونديال يعتبر عددا كافيا "، كما استبعد أيضا زيادة عدد المقاعد لقارتي أفريقيا وأسيا في البطولات المقبلة. وكان أمير الكويت الشيخ صباح الأحمد الجابر الصباح استقبل بلاتر بحضور رئيس اللجنة الاولمبية الكويتية

[السندان]

قطر توعد وتوفي .. ونحن قادرون على تقديم البطوله بالشكل الائق وزياده 49%

دار بومشعل وافيه بامكانياتها وشبابها

وحنكة سمو الامير وسياسته ماتخطي ان شاء الله

[غايه الطواش]

ان شاء الله البطوله كامله تقام في قطر .....
جهدنا لنا ......
ومانبي لحد فضل علينا .....

[@فهد@]

قطر عندها القدره والامكانيه بكل كفاءه للبطوله .. ومايصير نقل المباريات خارج قطر ...

اي دوله تبي تسوي بطوله في ارضها المجال مفتوح تروح تشارك وتنافس .. لكن قطر فازت وانتهي الموضوع

اتمني مانشوف اي مباره خارج قطر مهما كانت الاسباب

[@فهد@]

ان شاء الله البطوله كامله تقام في قطر .....
جهدنا لنا ......
ومانبي لحد فضل علينا .....

+1 :thumbup1:

[M007]

كلهم يبون قطعه من الكيكه

[ZURICH]

ماأظن الكويت والسعوديه بتتقبل شروط الفيفا لإقامة بعض مباريات المونديال على اراضيها

والسبب معروف

وقطر الله يحفظها قادره على اقامة المونديال بالكامل

ومااشوف ان من صالحنا اقامة المباريات في دول الخليج

خاصة ان ملفنا كلفنا الكثير لين فزنا به .... واعتبره تميز لقطر

[دانـة قطـر]

خاصة ان ملفنا كلفنا الكثير لين فزنا به .... واعتبره تميز لقطر
أي والله جهد سنتين وهم يعابلون فيه وحاله وناس ثانيه تجي تطالب بإقامات مباريات على أرضها؟!!
كان قدموا ملفهم يه

[أم غانم]

غريبة ..

على العموم .. محد " يتمنى" المنة من حد ؟


هل قطر قدها إذا الله راد ..

محد فية شدة طيايير من قطر لدول ثانية يلاحق مباريات ؟

[غير البشر]

ان شاء الله البطوله كامله تقام في قطر .....
جهدنا لنا ......
ومانبي لحد فضل علينا .....




كفوو عليج اختي غايه الطواش :thumbup1::thumbup1:

[الأصيلة]

طيب اللي يبغون يشاركونا في إقامة المباريات
وينهم ماشاركونا في إعداد الملف...
أنا أشوف التأييد مازاد إلا بعد الفوز...
إن شاء الله قطر ماتحتاج لعوار الراس
خل نصلح بلادنا أول... بعد نروح نصلح اللي حولنا...
وبلاتر وينه من أول ماقال خل التنظيم خليجي..
الحين طاري عليه يدور علينا باقتراحاته...
وأصلا الفهد في الأسياد قال ميزة الدورة في قطر
إن الملاعب قريبة من بعض
وسهل التنقل من مكان لمكان ومريح...
وتختلف عن أسياد الصين يقول كنا نعاني في التنقل لبعد المكان ومشقة الوصول...
نفس الشي بيتكرر لو وزعنا المباريات على الفريج...
اقول استريح يابلاتر...

[طــمــوحــة]

ان شاء الله البطوله كامله تقام في قطر .....
جهدنا لنا ......
ومانبي لحد فضل علينا .....

الله يسمع منج

[الخير كله]

القرار بيد راعي الطوله

[قطرية بعيون]

ان شاء الله البطوله كامله تقام في قطر .....
جهدنا لنا ......
ومانبي لحد فضل علينا .....

[شنايدر]

النقطه هنا .. حتى لو قبلت قطر بذلك مع تشكيك لهذا الامر لان قطر كان لها هدف سياسي عندما تقدمت للفوز بهذا التنظيم ...

الان حتى لو قطر فعلا قبلت بذلك .. المسآله مكلفه ماديا للاعبين ..

نحن نتكم عن عشرات الاف الذين لم يحسبو حساب السفر الى مناطق اخرى والبهذله هناك ..

في اعتقادي ان قطر لن ترضي بذلك لان سوف تفي بوعودها .. وهي وضعت ميزانيه خياليه لبناء البنيح التحتيه وما الي ذلك ..

اقد افسر رفض قطر كالاتي .. نجتهد ونعمل ونسهر الي تحقيق ما نريد وفي الناهيه يتقاسمون معنا لذه الفوز وهم لم يضعوا فلسا واحد ..@ــ@

[qaswed]

اليطولة ان شاء الله قطرية خالصه مانبي شراكة فيها

[Mr.1]

طيب اللي يبغون يشاركونا في إقامة المباريات
وينهم ماشاركونا في إعداد الملف...
أنا أشوف التأييد مازاد إلا بعد الفوز...
إن شاء الله قطر ماتحتاج لعوار الراس
خل نصلح بلادنا أول... بعد نروح نصلح اللي حولنا...
وبلاتر وينه من أول ماقال خل التنظيم خليجي..
الحين طاري عليه يدور علينا باقتراحاته...
وأصلا الفهد في الأسياد قال ميزة الدورة في قطر
إن الملاعب قريبة من بعض
وسهل التنقل من مكان لمكان ومريح...
وتختلف عن أسياد الصين يقول كنا نعاني في التنقل لبعد المكان ومشقة الوصول...
نفس الشي بيتكرر لو وزعنا المباريات على الفريج...
اقول استريح يابلاتر...


:ok::ok::ok:

[" Snake "]

الحين بعد ماقطر خسرت المليارات وتعبوا وسهروا وبنوا الافكار وتصميم الملاعب
وفكرة ملف قطر وسفراء ملف قطر
وبكل سهوله الحين تجي دوله ثانيه تقول نبي نستضيف مع قطر !!!
الصراحه مب حلوه والله
المصحله واضحه

[بوحارب]

لاااااااااااااااااااااااااااااااا والف لاااااااا

[الـقـاسـي]

مستحيل اصلا قطر ترضى ان تقام مباريات خارج ارضها مش لصعوبه السفر لانه ذاك الوقت بيكون الميترو الخليجي شغال باذن الله لكن بعد التعب والخساير والمحاتاه ماظن يوافقون يتنازلون عن جزء من المباريات لصالح اي دولة ثانيه ..

لو كان بيصير هالشي كان راح يكون الملف من البداية خليجي وليس قطري فقط ..

[Dobah]

بخصوص الكويت دوله شقيقه واخوانا واهلنا
لكن طول ماعندهم هالنوع من الادارات الرياضيه لا والف لا
ليش الاخ الكريم طلال الفهد يعتقد ان الناس عميا بقطر وماتعرف شيصير بالرياضه عندهم ومانشوف المافيا اللي صايره
والا يفتكر ان احنا نسينى حقدهم على محمد بن همام وشلون كانوا يرفضون يستقبلونه استقبال رسمي؟
والا ماندري ان الكويت وقفت ضد الملف في البدايا وابتزتنا عشان تايد يرتاحون ويخلون ملاعبهم ( ذات السمات العالميه لهم) وادارتهم الرياضيه اللي قالت عنها اسيل العوضي(( كله عشان ما يزعل ولدنا )) والكل عارف منو ولدنا اللي تقصده
سوري يالكويت قطر فاتحه بابها لكم وحياكم الله احنا كشعب نرفض هالقسمه الغير عادله

[£عبدالعزيز£]

مع احترامي للكويت

لو يلعبون البطولة في حديقة البدع بيكون احسن من انها تنلعب في الكويت

[الجسراوي]

اول شي الله لا يكتب هالشي يصير ان شاء الله ... مش راضيين والله العظيم وفكونا بس والله بنموت قهر عاد خلاص عاد ما نستحمل العطايا الخارجيه ... هالمره يابومشعل تكفى فكر فينا ولا تمد يدك برع ارجوك نبيها قطريه 100% وباسم قطر وبس ... اووووووووووووووووووف من هالملقوفين بس دايما يخربون علينا فرحتنا شنو ذيلا ما يحسووووووون ....

نبيها قطريه 100 %

[al.wajbah]

نهههي نهي
:anger1:

[bo_hamad]

الاستضافة قطرية 100%

[Chambray]

ما اشوف في مشكلة اذا 5 مباريات من الدور الاول توزعت على الدول الخليجية
لان بها مغزى سياسي اكثر من انه اقتصادي

وخليجنا واحد

[نمـر]

من اسباب نجاح الملف قرب الملاعب من بعضها شلون الحين بيسون مباريات في دوله ثانيه وين قال في كويت اتمنا من كل قلبي مايوافقون للكويت *

[blade]

ان شاء الله ابيض وجود اهل قطر قدامه

[خطوة]

توني افهم ليه عطو قطر حق استضافة كأس العالم

اثر لهم نوايا ثانية

واثرهم يدسون السم في العسل

الله يستر

[نوفا91]

يادول الخليج التنظيم والمباريات كلها بتقام فقطر..سنتين بهالملف وانتم تبونها بارده مبرده انا اقول كل واحد ينشغل بدولته وبشعبه وخلوا قطر لحالها تعرف شلون دبر امورها :)..عشان لانخسر بعض..

[الصريحه]

اللهم نسالك الخيره

[dream~qa]

والله ما في داعي لبعض الردود ياليت نرتقي شوي في ردودنا ومهما كانت الكويت دولة شقيقة وتستاهل أنها تشاركنا في فرحة الاستضافة والأمير بنفسه الله يطول لنا في عمره قال أن هذي الفرحة مب فرحة قطرية فقط .. هي فرحة لكل العرب وتمنى أن كل العرب يشاركونا فرحتنا

الكويت اقترحت مجرد اقتراح وخلنا نحسن الظن الاقتراح من باب المشاركة لفرحة قطر والموضوع في النهاية بيد قطر توافق أو ترفض وأحنا كلنا متأكدين من أن قطر مستحيل توافق لأي دولة بهالشي لأنها تعبت فيه ولأنها قادرة عليه .

[حالي الذوق]

الله يسامحك يابلاتر زرعت الفتنه بهكذا تصريح بين الاخوه

[الأصيلة]

الله يسامحك يابلاتر زرعت الفتنه بهكذا تصريح بين الاخوه


أصلا كرة القدم هدفها الأول والأخير كما هو معروف
زرع الفتنة وإشعال نار الحقد والكراهية في النفوس..
شوفوا ايش صار بين الجزائر ومصر...

[MAZEN37]

وتعاونوا على البر والتقوى

[عذب الكلام 1]

بعد التعب والاستلام والاستهزاء من الغير تروح برع اى نبيها قطريه 100%

[برق تلالا]

أسأل الله تعالى ان يعطينا خير هالملف ويكفينا شره
وربعن تعاونوا ما ذلوا

[أمير الذوق]

البطوله كلها بتقام بقطر
ان شاء الله

[شاهيناز]

لما فريق عمل كاس العالم يعمل ويلف العالم لعرض الملف كانو ينتظرون فشله والكثير تمنى ذلك
وبعد مافزنا والحمدلله يبون يشاركونا
نقول كل واحد يلزم حدوده ولا يحرج نفسه قطر باذن الله قادره على تنظيم كاس العالم

الغريب حتى ايران ومصر طالبين نعطيهم كم مباراه
والاكيد يبون ملعب يلعبون فيه والملعب من ميزانيه قطر

فشلونا في العالم ماصار ها الشئ الالما قطر فازت بتنظيم كاس العالم:no:

[بـــــــنت النوخـّــــذه]

هل ممكن يكون المثل مناسب لهذا الموقف ولا ,,<<<القرار لكم

7
7
7

قومن تعاونو ماذلو
escape


على فكره حتى لو وافقو على المشاركه تظل قطر هي المسيّره والمنظمه للاستضافه والقرار الاول والاخير والاوامر من عندها 00يعني جذيه جذاك رابحين فكرو بعقل 00000000000واتمنى لايستعجلون بالرفض لان ممكن يحتاجون مستقبلا" للمسانده لان العدد كبير مهب لعدم القدره بل لتنظيم عدد الزائرين 00على الاقل يتركون الموضوع مفتوح لسنتين للتفكير لحين اتضاح رؤيتهم واستكمال مشاريعهم وخططهم 00وللعلم الاستعانه بدول أخرى لايعني ضعف التنظيم بل قوه الاراده والسيطره والسياده

الفكره ممتازه خصوصا" اذا فيه دوله معروف ان مشجعينها مشاغبين ممكن احنا نحول هالمباراه لدوله مجاوره ^_* يعني الامر فيه ايجابيه وسلبيه

[ماجد]

اهم شي مبارة الافتتاح والختام تكون بقطر

[al-kaabi]

اتوقع اليمن ممكن تطلب نتفه من الكيكه
تحياتي:nice:

[HAYA]

لقد زرعت قطــــــــــر ....


ومن العــدل أن يكون الحصــــاد لأهل قطــــــــر ... بعيدا عن الطامعين والمتطفلين .