تغيير موعد عرضات القبايل الى الخميس والجمعه بدلا من الجمعه والسبت ..

[شموع قطريه]

السلام عليكم ..

سمعنا ان مواعيد العرضات تغيرت بقرار من الديوان من االجمعه والسبت الى الخميس والجمعه .. الظاهر علشان كل القبايل تشارك في اكبر عرضه قطريه في اليوم الوطني يوم السبت .. اللي عنده اضافه يتفضل ..

[pure]

المفروض يبلغونهم ,, قبل القرار بوقت !! عموما مابي افتي مادري ما سمعت :looking:

[عاشق الشهادة]

انا جاني اتصال من الأخ العزيز / صالح عفصان الكواري رئيس تحرير جريدة الراية مساء اليوم الاربعاء يبلغني بتقديم موعد حفل بني تميم والبوكوارة والسلطه من يوم الجمعة الى يوم الخميس وهذا بطلب من سمو الامير حفظه الله ,
واما باقي القبايل لايوجد عندي خبر عنها هل تم التغير او لا .

[هبوب الكوس]

وانا كنت عند احد السؤولين وماذكر شي

الجمعه والسبت هوا الموعد

[MoneyMaker]

نعم اخوي الخبر صحيح لجميع القبايل بامر من الديوان
بس اللي عرفته بتكون الخميس الجمعه والسبت.

[qatari1]

صحيح..

الاحتفالات ستبدأ منذ اليوم الخميس. هل هناك عرضة في الكورنيش؟!

لا علم لدي.

[بوحارب]

يسلمو على الخبر :(

[أم غانم]

تختلف الأيام لكن تبقى الفرحة ..

ربي يديمها عليكم إن شاء الله ..

[بو الجوري]

والله أنا بلغوني إن العرضه بتبدأ اليوم :.. بس ماسألت إذا السبت في وإلا :..

بس ماعتقد يمكن خميس جمعه سبت :..

بسأل إن شاء الله :..

[بن جلبان]

عرضتـنا اليوم الخميس والجمـعه حسب أمر الديوان ..

وهالسنه اخر سنه يكون فيها عرضات قبايل والقرار من الديوان والسنه الجايه بيكون حفل عام لكل لأهل قطر وراح تتكنسل امور احتفالات القبايل ..

[M!$s ĀŁ!eN]

ليش ...
انا معااارضه وبشدد الموضوع العرضات انه يتكنسل اهو احلا شي ...
الصراحه وناسه كل القبايل اتشاارك فيه ..
احس اني في عرس وطني كبير
الكل يفرح بطريقته ليش
العراضات احلي شي ف اليوم الوطني .. اشتاانس عليها ..

[عابر سبيل]

عرضتـنا اليوم الخميس والجمـعه حسب أمر الديوان ..

وهالسنه اخر سنه يكون فيها عرضات قبايل والقرار من الديوان والسنه الجايه بيكون حفل عام لكل لأهل قطر وراح تتكنسل امور احتفالات القبايل ..



إلا....اللي يبون يسوونها
بدون "الدعم" المادي الرسمي!

[عذب الكلام 1]

عرضتـنا اليوم الخميس والجمـعه حسب أمر الديوان ..

وهالسنه اخر سنه يكون فيها عرضات قبايل والقرار من الديوان والسنه الجايه بيكون حفل عام لكل لأهل قطر وراح تتكنسل امور احتفالات القبايل ..
اى والله عاى الاقل تجتمع في مكان واحد كلام طيب ويثلج الصدر :nice:

[بن جلبان]

إلا....اللي يبي يسوونها
بدون "الدعم" المادي الرسمي!


صــدقت .. لأن من العام الجاي اللي يبي يسوي يسوي بحسابة الخــاص ..


ولكن الحفل العام راح يتم .. بيصير نفس حفل الجنــادريه بالسعويه الكل يشــارك فيه .

[الحجاجي]

اى والله عاى الاقل تجتمع في مكان واحد كلام طيب ويثلج الصدر :nice:


كلام طيب ..

ونتمنى يصير

[restricted_1]

عرضتـنا اليوم الخميس والجمـعه حسب أمر الديوان ..

وهالسنه اخر سنه يكون فيها عرضات قبايل والقرار من الديوان والسنه الجايه بيكون حفل عام لكل لأهل قطر وراح تتكنسل امور احتفالات القبايل ..

أذا كلامك صحيح !!

بيختلط الحابل بالنابل

يعني توقع تشوف سيوف وخناجر :rolleyes2:

[الخط الساخن]

والله أحس أحسن تتكنسل لأنه الموضوع أصبح بدون ترتيب
اللي يحط عرضته على الجزيرة بين الشارعين

[شموخ العز]

الله يديم الافراح في كل قطر والله فكره يكون حفل عام زززين وفوق الزين يجتمعون في مكان واحد

والله يديم الفرح

[<اضرب واشرد>]

صــدقت .. لأن من العام الجاي اللي يبي يسوي يسوي بحسابة الخــاص ..

ولكن الحفل العام راح يتم .. بيصير نفس حفل الجنــادريه بالسعويه الكل يشــارك فيه .

عيل ماراح تنلغي العرضات لأن كل قبيلة بتقول شمعنى القبيلة الفلانية سوت بحسابها واحنا لا ..

بمعنى ثاني صارت العرضة اثبات وجود