قبة البيت والعازل الحراري

[حالي الذوق]

السلام عليكم جميعا

بخصوص القبه الزجاجيه والدرايش المواجه للشمس هل تنصحوني اركب لها عازل حراري مثل الي يركب على السيارات امثال في كوول او غيرها مع انها من نوع الفي بي سي ودبل جلاس عاكس من الخارج برونزي ( بني خفيف) من الداخل.

منتظر ارئكم وخاصه للمجربين وذوي الخبره:shy:

[شموخ دائم]

,

,


مرحبا

منزل مبارك ان شاء الله

ما تحتاج تركب شي باذن الله طالما انه دبل قلاص امورك طيبه

الحراره بالبيت ما تجي من الشبابيك

الحراره تجي من الحوائط الطابوق العادي يمتص الحراره الى داخل البيت

لذلك الطابوق العازل بكل انواعه مهم جدا بقطر

هو الي يعمل الفرق بحراره البيت من الداخل

دمت بطيب



,

,



اخوك



شموخ دائم

[حالي الذوق]

رحم الله والديك اخوي

طيب وبخصوص القبه وبخاصه انها تتوسط البيت من البنت هاوس لغاية الدور الارضي ( مفتوحين على بعض) هل تعتقد انها تحتاج او لا وخاصه ان الشمس ضاربه فيها من تشرق لما تغيب

[jassimqtr]

انا من رأيي تركب عازل 200 % احتياط لان لو تحسب الصالات مفتوين على بعض وفوقهم القبه يبيلك 5 الى 7 مكيفات 3 طن للتبريد وغير ان فتره الصيف النهار طويل والشمس بتكون عموديه على القبه وتدخل الحراره للدور الارضي والله يعينك علي الحر ف انا انصحك تركب بدل عازل او اذا تقدر تركب مضله على القبه نصف او ربع دائريه متحركه بتجاه الشروق والغروب يكون افضل

[naklan]

حياك الله اخوي حالي الذوق

انا من راي اخوي شموخ بالنسبه للنوافذ

اذا دبل قلاس ما يحتاج عازل وتطمن من هالناحيه

وبالنسبه للقبب انواع هل الي عندك قلاس كامل والمنيوم

او غير ذالك اذا كانت كلها زجاج ومش دبل ركب

عازل حراري ما يضر واذا كانت خرسانيه وبها

نوافذ دبل قلاس يكفي نفس الدرايش

موفق اخوي وتحياتي لك


اخوك/naklan

[naklan]

عندي سوال اخوي عن حجم القبه

هل هي صغيره او كبيره

للعلم كل ما صغرت

يقل التاثر بالحراره

[حالي الذوق]

مرحبا بكم جميعا وشاكر لكم

بالفعل اخوي جاسم كثرت مكيفات بالصالات المفتوحه على بعض بعدد ستة مكيفات طنين ونص لمحاولة التغلب على الحراره وفكرتك بخصوص المضله جيده . بارك الله فيك وما قصرت

مرحبا اخوي نكلان القبه هي عباره عن المنيوم كامل بدون خرسانات ودبل جلاس من الخارج عاكس ومن الداخل برونزي
قطر القبه تقريبا 3 متر وارتفاعها متر و75 سم
بارك الله فيك وما قصرت اخوي نكلان

[sweety]

بالتوفيق ان شاء الله

[حسن إمام]

بالتوفيق ان شاء الله

[naklan]

مرحبا اخوي نكلان القبه هي عباره عن المنيوم كامل بدون خرسانات ودبل جلاس من الخارج عاكس ومن الداخل برونزي
قطر القبه تقريبا 3 متر وارتفاعها متر و75 سم
بارك الله فيك وما قصرت اخوي نكلان

اخوي حالي الذوق عندي قبه نفس المقاس تقريبا

ومالها اي اضرار ولا اعتقد انها يلزم لها كل هالامور الى دارت في الحديث

القبه تدخل اضاءه فقط وعلى مسئوليتي لا تقلق وبتكون عاديه وما دام دبل قلاس

اعتقد يكفي ويزيد عندي مجلس واجهته كلها زجاج ومقابل الشمس وزجاج عادي

وما اشتكيت من شي تطمن امورك في السليم اقترح عليك تسكن

واذا حسيت بحراره تقدر تركب عازل حراري مستقبلا

موفق ياغالي ومسكن مبارك باذن الله

اخوكnaklan

:)

[حالي الذوق]

يعطيك العافيه اخوي نكلان