استفسار ..............بالنسبة للاسكان؟؟؟؟؟؟؟؟؟؟؟؟؟؟؟؟

[لاجل QT]

السلام عليكم


قدمت على الاسكان..تقريبا من اسبوعين.. على اساس بابنى فلا.. ...وقالو لي بيتصلون على بعد شهر ...

للى عندة فكرة شنهو اللى بيصير الحين في المرحلة الجاية..بيعطونى ارض ومبلغ ابنى عليها ولا شسالفة؟؟؟؟؟؟؟؟؟؟؟؟؟


ممكن تفيدونى:shy:

[لاجل QT]

في انتظار الرد:yawn:

[لاجل QT]

:waiting:

جاوبو على سؤالي

[بيانو]

إن شاء الله قرض وأرض

بس لا تنسى الحلاوه

[كازانوفا]

ان شالله ربي يقدملك اللى فيه الخير
لا تستعجلي على رد الاعضاء مش فاضيين مشغولين هاليومين :)

[لاجل QT]

إن شاء الله قرض وأرض

بس لا تنسى الحلاوه

:nice:

[لاجل QT]

ان شالله ربي يقدملك اللى فيه الخير
لا تستعجلي على رد الاعضاء مش فاضيين مشغولين هاليومين :)

مهب مستعجلة بانطر :(

وشكرا على الدعوة الطيبة

[شرشووووورة]

المفروض يعطونج ورقة فيها رقم .. تتصلين عليه بعد شهر تقريبا عقب ما يسوون بحث حالة في ادارة الجنسية

بيردون عليج بالموافقة او الرفض

اذا موافقة .. تراجعين الاسكان .. بيوقعونج على ورقة تعهد ..

ان محد غيرج من البنات من نفس الاب او الام طالبت بسكن حكومي

واذا طالبوا اتعهدين انهم يسكنون معاج خاصة اذا كانوا عازبات او مطلقات بدون ابناء

وبعدها يحولونج على التخطيط .. ويقولون لج في وين الارض

والباقي .. لين الحين ماردوا علي به

اتمنى فدتج

[captin]

مراحب

بالنسبة لإجراءات الانتفاع بالسكن الحكومي
يبتدي من إدارة الاسكان بوزارة الشؤون الاجتماعية
تقديم طلب الانتفاع بمسكن حكومي
يتم دراسة الطلب وبحث الحالة ومدى انطباق شروط الاستحقاق
خصوصا للنساء ( ينظم ذلك القانون رقم 2 لسنة 2007)

في حالة الموافقة ورؤية استحقاق المسكن الحكومي
يتم مخاطبة هيئة التخطيط العمراني لتخصيص أرض

وفي هاذي الحالة يتم مراجعة التخطيط العمراني ولج أكثر من طريقة
اما الانتظار الى ان يتم تخصيص الارض وحسب المنطقة وسرعة تخطيط الأراضي فيها
او تشترين أرض في المنطقة اللي حابة تبنين فيها ويتم التعويض نقدا

وبعد ماتنتهي اجراءات الارض وتخصيصها واصدار سند ملكية مشروط
يتم احالة الطلب الى بنك التنمية الصناعية للوضع على قائمة المنتفعين بقرض الاسكان
في هاذي الحالة تقومين بتصميم المخططات على الأرض اللي تم تخصيصها والاتفاق مع شركة مقاولات مبدئيا واخذ كتاب تعهد مقاول وكتاب تعهد اشراف من أحد مكاتب الاستشارات الهندسية للبنك وبعد ما ينزل اسمج في القائمة تروحين البنك توقعين عقد اسمه عقد استصناع مع البنك وبس تنزل الدفعة في حسابج وتعطينها المقاول يبتدي يجهز ويحفر الموقع

في طريقة تختصر الوقت وهي انج بعد موافقة وزارة الشؤون الاجتماعية ادارة الاسكان
تشوفين لج فيلا جاهزة في احد المناطق اللي تبين تسكنين فيها وتاخذين فيها عرض السعر وتودينه بنك التنمية يشتري لج الفيلا


ومبروك الفيلا مقدما :)

[بوجبر]

اذا تملكين ارض الامور طيبة وفي السليم والاجراات ماطول

[صعبة وصوفه]

يتم دراسة الطلب وبحث الحالة ومدى انطباق شروط الاستحقاق
خصوصا للنساء ( ينظم ذلك القانون رقم 2 لسنة 2007)


اخوي لو سمحت ممكن تذكر لنا ايش هي شروط الاستحقاق؟
وبعد اذا مافيها كلافه ماهو نص(قانون رقم 2 لسنه 2007)؟؟

فقط للعلم.. وشكرا مقدما

[لاجل QT]

المفروض يعطونج ورقة فيها رقم .. تتصلين عليه بعد شهر تقريبا عقب ما يسوون بحث حالة في ادارة الجنسية

بيردون عليج بالموافقة او الرفض

اذا موافقة .. تراجعين الاسكان .. بيوقعونج على ورقة تعهد ..

ان محد غيرج من البنات من نفس الاب او الام طالبت بسكن حكومي

واذا طالبوا اتعهدين انهم يسكنون معاج خاصة اذا كانوا عازبات او مطلقات بدون ابناء

وبعدها يحولونج على التخطيط .. ويقولون لج في وين الارض

والباقي .. لين الحين ماردوا علي به

اتمنى فدتج

عطونى الورقة بعد ان عبيت البيانات بس قلت الموظفة بيسون بحث جنسية :)..وهل ورقعة التعهد توقع عليها لمنفصلة بعد ؟؟..انا منفصلة وابنائي في حضانتى وجبت لهم الاثباتات

جزاج لله خير على الرد اختى

[لاجل QT]

مراحب

بالنسبة لإجراءات الانتفاع بالسكن الحكومي
يبتدي من إدارة الاسكان بوزارة الشؤون الاجتماعية
تقديم طلب الانتفاع بمسكن حكومي
يتم دراسة الطلب وبحث الحالة ومدى انطباق شروط الاستحقاق
خصوصا للنساء ( ينظم ذلك القانون رقم 2 لسنة 2007)

في حالة الموافقة ورؤية استحقاق المسكن الحكومي
يتم مخاطبة هيئة التخطيط العمراني لتخصيص أرض

وفي هاذي الحالة يتم مراجعة التخطيط العمراني ولج أكثر من طريقة
اما الانتظار الى ان يتم تخصيص الارض وحسب المنطقة وسرعة تخطيط الأراضي فيها
او تشترين أرض في المنطقة اللي حابة تبنين فيها ويتم التعويض نقدا

وبعد ماتنتهي اجراءات الارض وتخصيصها واصدار سند ملكية مشروط
يتم احالة الطلب الى بنك التنمية الصناعية للوضع على قائمة المنتفعين بقرض الاسكان
في هاذي الحالة تقومين بتصميم المخططات على الأرض اللي تم تخصيصها والاتفاق مع شركة مقاولات مبدئيا واخذ كتاب تعهد مقاول وكتاب تعهد اشراف من أحد مكاتب الاستشارات الهندسية للبنك وبعد ما ينزل اسمج في القائمة تروحين البنك توقعين عقد اسمه عقد استصناع مع البنك وبس تنزل الدفعة في حسابج وتعطينها المقاول يبتدي يجهز ويحفر الموقع

في طريقة تختصر الوقت وهي انج بعد موافقة وزارة الشؤون الاجتماعية ادارة الاسكان
تشوفين لج فيلا جاهزة في احد المناطق اللي تبين تسكنين فيها وتاخذين فيها عرض السعر وتودينه بنك التنمية يشتري لج الفيلا


ومبروك الفيلا مقدما :)



والله ساالفة طويلة يبيلها مراكض

بالنسبة لشراء فلا جاهزة...مااعتقد باحصل لن مبلغ القرض قليل بالنسبة لشراء فلا

وعندك فكرة اخوى كم بيعطونى بالضبط؟؟ومن افضل وارخص مقاول بما ان لك خلفية بالموضوع

وماقصرت:nice:

[لاجل QT]

اذا تملكين ارض الامور طيبة وفي السليم والاجراات ماطول

لا والله ماعندي ارض..:nice:

[R 7 A L]

اذا ماعندك ارض
أصبري مثل صبرنا

[captin]

اخوي لو سمحت ممكن تذكر لنا ايش هي شروط الاستحقاق؟
وبعد اذا مافيها كلافه ماهو نص(قانون رقم 2 لسنه 2007)؟؟

فقط للعلم.. وشكرا مقدما

حددت المادة (6) من القانون المشار اليه شرط أن يكون المنتفع
قطري الجنسية دون تحديد الجنس ذكر أم انثى
وان لايقل عمره عن 22 سنة
وعلى مجلس الوزراء اصدار القرارات والضوابط للانتفاع بالاسكان
وقد صدرت القرارات بضوابط استحقاق السكن للأرامل والمطلقات
والمتجنسين.
يمكن قرأة تفاصيل القرار في موقع وزارة الشؤون الاجتماعية

وفي كل الأحوال يمكن مراجعة وزارة الشؤون الاجتماعية إدارة الاسكان ومقابلة الاخوات القائمات على بحث حالات استحقاق السكن والحصول على المزيد من المعلومات التفصيلية كونها هي الجهة التنفيذية للقانون

http://www.mosa.gov.qa/Arabic/AboutMinistry/NewsCenter/Pages/78o8.aspx

[لاجل QT]

اذا ماعندك ارض
أصبري مثل صبرنا

ومش المفروض الارض يعطونا اياها اول ماتخلص الاجراءات؟؟؟

[شرشووووورة]

عطونى الورقة بعد ان عبيت البيانات بس قلت الموظفة بيسون بحث جنسية :)..وهل ورقعة التعهد توقع عليها لمنفصلة بعد ؟؟..انا منفصلة وابنائي في حضانتى وجبت لهم الاثباتات

جزاج لله خير على الرد اختى

عاد انتي اتصلي عليهم بعد 3 اسابيع على الرقم الموجود في الورقة
اذا تمت الموافقة خذي لج اسبوع وعقب روحي الاسكان

بالنسبة للتعهد للمنفصلة وحاضن في نفس الوقت .. والله مادري .. بس ما اظن

والله يوفقج وييسر أمرج

[captin]

والله ساالفة طويلة يبيلها مراكض

بالنسبة لشراء فلا جاهزة...مااعتقد باحصل لن مبلغ القرض قليل بالنسبة لشراء فلا

وعندك فكرة اخوى كم بيعطونى بالضبط؟؟ومن افضل وارخص مقاول بما ان لك خلفية بالموضوع

وماقصرت:nice:

مبلغ القرض الأساسي 600 الف ريال ويجوز الواحد يطلب مبلغ ثاني بنفس القيمة
يعني يوصل مليون ومئتين الف ريال بعد موافقة البنك على حسب الراتب والقدرة على السداد.

بالنسبة للفلل الجاهزة فعلا اليوم اقل سعر في مناطق خارج الدوحة ما يقل عن مليون ونص
اذا بتشترين فيلا جاهزة يعني البنك بيمولج بمليون ومئتين والباقي من عندج او مصدر تمويل ثاني مثل احد المصارف الاسلامية او الاولى للتمويل وهذا كله يعتمد على القدرة على السداد

بالنسبة للمقاولين
للعلم ما في مقاول زين ورخيص المقاول الزين والشركة المصنفة وذات المعايير والدقة في العمل سعرها عالي والسبب انها تصرف على المستوى العالي مكاتب وسيارات ومعدات وموارد بشرية مدربة من مهندسين ومشرفين مواقع وعمال مدربين وادوات امنية للحفاظ على الممتلكات وغيرها من امور معروفة عند المقاولين

اما المقاول الرخيص انا اسميه مقاول

بو بيك اب وعشر عمال وجوال هذا كل راس ماله في الشغل ما وراه الاعوار الراس
وحرقة الاعصاب مشربك نفسه مع عشرين زبون كل شهر يشتغل شوي في موقع وطبعا المواصفات الفنية ما لها اي اعتبار عنده واحيان يسوي خلطة الخرسانة في الموقع يخلط المواد دون التأكد من الكميات الصحيحة للاسمنت والرمل والكنكري.

انا انصح اذا مستعجلة وتقدرين تشترين فيلا جاهزة وعندج مصادر التمويل الاضافية توكلي على الله بتختصرين الكثير من الوقت واليوم المتوفر في السوق كثير ويمكن الاختيار بسهولة لان صرف الاراضي عندنا ياخذ سنين وسنين وذا مب مستعجلة ابتدي اجراءات التقديم
والله الموفق

[لاجل QT]

مبلغ القرض الأساسي 600 الف ريال ويجوز الواحد يطلب مبلغ ثاني بنفس القيمة
يعني يوصل مليون ومئتين الف ريال بعد موافقة البنك على حسب الراتب والقدرة على السداد.بالنسبة للفلل الجاهزة فعلا اليوم اقل سعر في مناطق خارج الدوحة ما يقل عن مليون ونص
اذا بتشترين فيلا جاهزة يعني البنك بيمولج بمليون ومئتين والباقي من عندج او مصدر تمويل ثاني مثل احد المصارف الاسلامية او الاولى للتمويل وهذا كله يعتمد على القدرة على السداد

بالنسبة للمقاولين
للعلم ما في مقاول زين ورخيص المقاول الزين والشركة المصنفة وذات المعايير والدقة في العمل سعرها عالي والسبب انها تصرف على المستوى العالي مكاتب وسيارات ومعدات وموارد بشرية مدربة من مهندسين ومشرفين مواقع وعمال مدربين وادوات امنية للحفاظ على الممتلكات وغيرها من امور معروفة عند المقاولين

اما المقاول الرخيص انا اسميه مقاول

بو بيك اب وعشر عمال وجوال هذا كل راس ماله في الشغل ما وراه الاعوار الراس
وحرقة الاعصاب مشربك نفسه مع عشرين زبون كل شهر يشتغل شوي في موقع وطبعا المواصفات الفنية ما لها اي اعتبار عنده واحيان يسوي خلطة الخرسانة في الموقع يخلط المواد دون التأكد من الكميات الصحيحة للاسمنت والرمل والكنكري.

انا انصح اذا مستعجلة وتقدرين تشترين فيلا جاهزة وعندج مصادر التمويل الاضافية توكلي على الله بتختصرين الكثير من الوقت واليوم المتوفر في السوق كثير ويمكن الاختيار بسهولة لان صرف الاراضي عندنا ياخذ سنين وسنين وذا مب مستعجلة ابتدي اجراءات التقديم
والله الموفق

مشكور اخوي كفيت وفيت

بس راتبي مايبقى منة لا القليل فاشلون بخصمون ؟؟؟...وهل في القانون في استثناء للى رواتبهم ضعيفة وماتكفي؟؟ ..بمعنى الاقصاد تكون رمزية ..او مايكون علينا اقصاد .. للى رواتبهم ضعيفة وماتسمح؟؟

ولا راحت علي الفلا في ارض بلادي:)

[R 7 A L]

ومش المفروض الارض يعطونا اياها اول ماتخلص الاجراءات؟؟؟



توزيع الاراضي بالدور يعني لازم يخلصون من الى قبلك

[لاجل QT]

توزيع الاراضي بالدور يعني لازم يخلصون من الى قبلك


ربك يعين :(