العنصرية في مبنى qp الجديد بمسيعيد والاحتفال باليوم الوطني

[mrs.spoon]

طبعا كلا شفنا وعشنا يوم الخميس الاحتفال باليوم الوطني في معظم وزارات وأدارات ومؤوسسات الدوله والهيئات شارك فيه الموظف والمدير والمدرس والعامل والاداري ... يعني بالعربي الكل بلاتميز، لكن الصدمه اللي صارت كانت في مبنى مسيعيد الجديد قطر للبترول اول شي المبنى كان فيه عنصريه في اختيار الموظفين اللي انتقلوا للمبنى الجديد وترك البقية من الموظفين والمهندسين واللي تجاوز سنوات عملهم و خبرتهم لأكثر من 15 سنه
وصاروا من المغضوب عليهم ناهيك عن العامل ولا العاملين اللي كانوا يسوون الشاي وينظفون المكاتب والحمامات الله يعزكم كانوا من ضمن الناس اللي راحوا المبنى الجديد بما معناه (( سووا الشاي ونظفوا المكاتب بروحكم كل واحد مسؤول عن مكانه)).
واللي صار يوم الخميس الصراحه شي ماينسكت عليه، مبنى قطر للبترول اللي في مسيعيد احتفلوا باليوم الوطني وحضر الحفل الموظفين والإداريين والمهندسين وعامل الشاي( التي بوي) وجابوا كيكه وتم توزيع الاعلام والتذكارات وكأنه الولاء والاحتفال باليوم الوطني ماكان اللي للموظفين اللي بالمبنى الجديد انا اقصد لث يتم دعوة اي مهندس من مهندسيين الصيانه والمهندسين القطريين اللي في المبنى القديم لأسباب الله اعلم فيها، تخيلوا اشلون بيكون إحساس المهندسين القطريين اللي طول اليوم مجابلين شغلهم في خدمة الوطن وفي الاخير يجي له عامل الشاي شايل الاعلام والتذكارت ويبغي يبيعهم ع المهندسسين اللي مااحضروا الحفل!!!!!
مب من المفروض كل قطري سواء كان موظف او عامل او مدير المشاركة بالاحتفالات اللي تقيمه إدارتهم ، مب من المفروض المهندس القطري يحس بمكانته وانه كوجود لخدمة بلاده والمشاركه في ابداء حبه لوطنه، ولا بس اذا فيه call out يكون اسمه من الأوائل في لائحة الأسامي الموجوده لخدمة العمل
ليلا ونهارا، انا اعتقد القطري ماراح يقصر في عمله وهذا واجبه وحق عليه للغالية قطر، بس بعد اعتقد ان من حق المواطن التعبير عن حبه وولاءه بالاحتفال في هذا اليوم .
أتمني اشوف اراءكم في هذا الموضوع ، واسمحوا لي ع الإطالة في الموضوع.

*

[ahad]

شي غريب فعلا,,

ناس ونااااس!

[mrs.spoon]

شفت اشلون ناس وناس!!!!!

[OREO]

ما جيتي بشئ جديد سيدة ملعقة ...

و اللي اشوفه بأن المنطقه الصناعية ( امسيعيد ) هي الوحيده اللي متأخره و متحجرة بين خواتها ..

اعتقادي و الله اعلم .. بأن المنقطة محتاجه تنظيف و اعادة هيكلة ..

اما بخصوص العنصرية لا تعليق ..

[بويوسف]

اختي الموضوع مش مفهوم شلون كان في عنصرية في انتقال الموظفين ؟ وهل يعقل ترك المهندسين القطريين في المبنى القديم ؟ ليش الانتقال عن طريق ادارات او عن طريق جنسيات معينة !!

بإنتظار التوضيح بشكل مفهوم ودقيق ..

ثم هل تم توزيع هدايا لبعض الموظفين وبيعها للبعض اللآخر ؟

[mrs.spoon]

اختي الموضوع مش مفهوم شلون كان في عنصرية في انتقال الموظفين ؟ وهل يعقل ترك المهندسين القطريين في المبنى القديم ؟ ليش الانتقال عن طريق ادارات او عن طريق جنسيات معينة !!

بإنتظار التوضيح بشكل مفهوم ودقيق ..

ثم هل تم توزيع هدايا لبعض الموظفين وبيعها للبعض اللآخر ؟

هذا اللي صار بالضبط اللي قصدته اخوي تم أخذ بعض الدرجات من المهندسسين وترك الاخرين من المهندسين القطريين في المبنى القديم
بالنسبه للهدايا انا وضحت اخوي اصلا ماعزموا المهندسين والموظفين اللي في المبنى القديم علشان يحضرون للحفل وتم دعوة البعض ، وعمال التنظيف واللي يصبون الشاي التي بوي حصلوا ع التذكارات والإعلام. وراحوا المبنى القديم يعرضونه للبيع للموظفين اللي ماانعزموا لاحتفال اليوم الوطني.
وان شاالله اكون وضحت اللي ماكان واضح في الموضوع.

[Petroleum]

اصلاً من زمان التفرقة في التعامل مع القطريين واضحة في قطر للبترول وغيرها

و مثل ماقلتي هو حق لستاتهم جاهزين يحطون القطري

شاطرين يجون ياخذون غدا بلاش حق اهاليهم و القطري مالك غير هالوجبة ووين تبغي توديها

حسبنا الله ونعم الوكيل

[mrs.spoon]

اصلاً من زمان التفرقة في التعامل مع القطريين واضحة في قطر للبترول وغيرها

و مثل ماقلتي هو حق لستاتهم جاهزين يحطون القطري

شاطرين يجون ياخذون غدا بلاش حق اهاليهم و القطري مالك غير هالوجبة ووين تبغي توديها

حسبنا الله ونعم الوكيل

تسلم ع الرد اخوي
المشكله التفرقه صايره بين ابناء الوطن....

[ريم الشمال]

حتى لو كانوا يبغونكم تمون في مكاتبكم كان الاولى من المنظمين الحفل ان يرسلون لكم كيكه وبوفيه خاص بكم وتذكاراتكم توصل لكم وانتم في مكتبكم

بس التعامل بهذه الطريقه مع موظف قطري على راس عمله وفي هيئة تحتفل لابد الكل تصل لهم قواسم الحفل ولا يتم التفرقه بينكم

لعل لديهم تفسير لعملهم هذا

ريم الشمال

[mrs.spoon]

حتى لو كانوا يبغونكم تمون في مكاتبكم كان الاولى من المنظمين الحفل ان يرسلون لكم كيكه وبوفيه خاص بكم وتذكاراتكم توصل لكم وانتم في مكتبكم

بس التعامل بهذه الطريقه مع موظف قطري على راس عمله وفي هيئة تحتفل لابد الكل تصل لهم قواسم الحفل ولا يتم التفرقه بينكم

لعل لديهم تفسير لعملهم هذا

ريم الشمال
صح كلامك اختي ريم الشمال
ومااعتقد في تفسير يوضح سبب للاحتفال باليوم الوطني لموظفين دون الاخرين............

[البارح]

هههههههههههههه
وين بوراشد محامي كيو بي كان رد عليكم
يدافع عنهم بالحق وبالباطل
اكيد يعطونه فلوس او بترول والا محد يدافع عن حد ببلاش

هههههههههه بوراشد باند :eek5:
اكيد مسوي بلاوي :secret:

[mrs.spoon]

هههههههههههههه
وين بوراشد محامي كيو بي كان رد عليكم
يدافع عنهم بالحق وبالباطل
اكيد يعطونه فلوس او بترول والا محد يدافع عن حد ببلاش

هههههههههه بوراشد باند :eek5:
اكيد مسوي بلاوي :secret:


مافهمت ردك اخوي!!!

[البارح]

مافهمت ردك اخوي!!!



الله يعطيج الصحة والعافية اختي
عندنا عضو بالمنتدى اسمه بوراشد بالانجليزي
يدافع عن كيو بي سواء ان كانوا على خطا او صواب
يعني صاير محامي لهم
شيكت على اسمه طلع معطينه باند :victory:
ان شاء الله اتضحت الصوره الان

[mrs.spoon]

تسلم البارح
أكيد وضح

[الـقـاسـي]

حسبي الله عليهم مداني هالحركات ..
بس تدرين لو انا وياكم ودريت انه في احتفال والله لا اروح لهم الاحتفال واملغ عليهم واعطيهم فالوجه كاش ليش مسوين هالمصخره ولا هذي بلادكم لحالكم

[Qataraholic]

مجرد رأي:
اعتقد وصف الموضوع السابق بالعنصرية مجرد تكبير وتهويل الموضوع , واعتقد ايضا ان الاحتفال بمناسبة مثل اليوم الوطني لكل شخص لاتخرج عن نطاق القلب ولا تحتاج الزعل من عدم توجيه دعوة او تقديم هدايا...
لربما الاخوه في منطقة مسيعيد الصناعية لهم اسبابهم واعذارهم لعدم تقديم الدعوة لباقي المنتسبين
انا موظف في مسيعيد ولم استلم دعوة ولم اصفهم بالعنصرية ولا حتى فكرت بها لأن حدودي واسعة وسعادتي لاتقاس بحضور حفل بل اني سعيد باصطحاب ابنائي الى الكورنيش والاستمتاع معهم وبصحبتهم مع باقي الناس
اتمنى عدم اخذ رأيي كمناصر للعنصرية المذكورة
لكم تحياتي

[mrs.spoon]

مجرد رأي:
اعتقد وصف الموضوع السابق بالعنصرية مجرد تكبير وتهويل الموضوع , واعتقد ايضا ان الاحتفال بمناسبة مثل اليوم الوطني لكل شخص لاتخرج عن نطاق القلب ولا تحتاج الزعل من عدم توجيه دعوة او تقديم هدايا...
لربما الاخوه في منطقة مسيعيد الصناعية لهم اسبابهم واعذارهم لعدم تقديم الدعوة لباقي المنتسبين
انا موظف في مسيعيد ولم استلم دعوة ولم اصفهم بالعنصرية ولا حتى فكرت بها لأن حدودي واسعة وسعادتي لاتقاس بحضور حفل بل اني سعيد باصطحاب ابنائي الى الكورنيش والاستمتاع معهم وبصحبتهم مع باقي الناس
اتمنى عدم اخذ رأيي كمناصر للعنصرية المذكورة
لكم تحياتي
اخوي الموضوع مش موضوع دعوه ولا هدايا تتوزع ، انا ممكن أخذ الهدايا وأحصلها باي مكان ، وشكلك انت مب عايش في الجو او انك في أداره ثانيه
الموضوع اكبر من كذي ، الانسان له حقوق انا قبل كتبت اولا عن الانتقال للمبنى الجديد مع ترك بعض المهندسين في المبنى القديم مثل ماقلت بدون مايكون لهم اقل الحقوق منها عمال لتنظيف المكاتب والحمامات الله يعزكم، وغير وغير، ولما جاه الاحتفال باليوم الوطني ماعطوهم حقهم في الاحتفال بهذه الكناسبه، الواحد يقدر يزين سيارته وياخذ عياله المسيره، بس انا مع ان الواحد يحس بالانتماء الى جهة عمله، اذا الواحد ماحس هالاحساس في شغله اللي معظم يومه فيه ماراح يحس بالرغبه في الاستمرار بالعمل ، لانه الواحد لازم يحس بالانتماء....

[طاش]

الله المستعان شنو بيدنا

[جرير]

طبعا اللي راحو مدراء الاقسام وكبار المهندسين . . . واللي خلوهم المهندسين اللي لهم علاقه مباشره بالعمل

ومحد ينظف مكتبه بروحه او يسويله شاي . . . الحمد لله كل شي موجود عمال نظافه واللي يسوون الشاي موجودين بعد

اما من ناحيه احتفال . . . مايصير الكل يروحون و يحتفلون باليوم الوطني والشغل بيكون على من بعدين

[الخزرجي قطر]

متابع دون اي تعليق على الموضوع؟؟؟؟؟؟؟؟؟؟؟؟؟

[R 7 A L]

يمكن الى انتقلوا للمبنى الجديد إدارات بجميع كادرها الوظيفي
والادارت الاخرى بقيت في المبنى الجديد
واذا على الاحتفال يمكن كان الاحتفال للجميع بدون دعوة ونسوا انكم مادرون بالاحتفال
احسنوا النية

[mrs.spoon]

بس الدعوه وصلت للبعض!!!!!
يمكن نسوا مثلا!!!!!!!!!!!!!!!!!!!!!

[القطري554]

صحيح جابولي الوشاح الي مكتوب علية قطر للبترول

[mrs.spoon]

مبررروك الوشاح اخوي

[القطري554]

مبررروك الوشاح اخوي
يبارك فيج

[خالد32]

بدون زعل..... بين المصنع و المبنى الجديد 12 كيلو
اشوفها ما تستاهل الروحه عشان علم بثلاثة ريالات
او كيكه طعمها روتي بو زبد عليها صورة جيب رانجلر

و ما اشوف كلمة عنصرية لها مكان
ليش مديرك خلاك في المصنع يوم ان ما لك شغل هناك؟ روحي للأو أم و اشتكي عليه
الصراحة انا هناك و اتمنى ارجع المصنع. مكاتب ضيقه و برد ومواقف حق كرولا و سفك

و بالنسبه للحفل كان نص الموجودين من المصنع و 80% قطريين. شوفي صورهم الي توزعت


لكن في عتب على المنظمين كان لازم يسوون ولو شي بسيط حق الي في المصنع لانهم يستاهلون حالهم من بعض و الي صار لازم ما يتكرر خاصه ان محد كل الكيك و السندويشات ثلاث ارباعها انقطت لان الفراشين خلصت اكياسهم.

[مجنون الفتك]

الأعلام هو عمل شغل كبير في عملية العنصرية الإعلام اعطى صورة بأن جميع المواظفين القطريين والمواطنين ملياردرية ,ولا يحتجون اي شىء والمواظف الغير قطري مسكين مقلوب على امره فتعالو نرفع المواظف الغير قطري لأنه مسكين المواظف القطري خلاص أموره طيبة اش يبي اكثر من هيك وهذه الصوره اصبحت منسوخة بين المسؤلين والعكس صحيح .

[خالد32]

الأعلام هو عمل شغل كبير في عملية العنصرية الإعلام اعطى صورة بأن جميع المواظفين القطريين والمواطنين ملياردرية ,ولا يحتجون اي شىء والمواظف الغير قطري مسكين مقلوب على امره فتعالو نرفع المواظف الغير قطري لأنه مسكين المواظف القطري خلاص أموره طيبة اش يبي اكثر من هيك وهذه الصوره اصبحت منسوخة بين المسؤلين والعكس صحيح .

هكرت حق الموضوع
شدخل الاعلام و الموظف المسكين في السالفة؟
السالفة ان موظفين كيو بي ادارتهم ما تعاملهم بالمساواة ..

[mrs.spoon]

يعطيكم العافيه ع الردود الطيبه.

[بوحمد111]

فقط للعلم والتوضيح بأن يوم الاثنين بعد الاجازه مباشرة صارت نفس الحفله اللي في المبنى الجديد في الميز اقصد المطعم والكل كان مدعوا البنات والرجال اللي ما انتقلوا للمبنى الجديد والحمد لله الكل كان راضي بالوضع اللي هو فيه وعن انتقال بعض الموظفين للمبنى الجديد طبعاً صار هذا الشي على حسب كل وظيفه على سبيل المثال الاداري اللي ماله بالمصنع الا القليل القليل ليش ما ينتقل للمبنى الجديد والمهندس والفني اللي شغله يتوجب عليه ان يكون قريب من المصنع ما يحتاج ينتقل للمبنى الجديد وأحسن له يبقى قريب المصنع وانا كل اللي معاي فضلوا البقاء في المباني القديمه الا القليل منهم والحمد لله ما احد منهم اشتكى لي بموضوع الخدمات الثانيه من التنظيف والتي بوي

[بوخالد911]

الله يعيين

[متسامح]

الوطن للجميع وحتى لو ما عزموكم المفروض واحد منكم جاب لة كيكة وحتفلتو على طريقتكم ابرك من مقابل وجيهم

[كازانوفا]

متابعه لكم ...

[mrs.spoon]

الله يعطيكم العافيه، فعلا تم عمل حفل ( بمعنى حفله) وتم تبليغ الموظفين بالحفله بأقل من ساعه، بس كان الهدف من الحفلة ارضاء اللي ماكانوا معزومين ع الحفله بالمبنى الجديد.
واعتقد ان الموظفين ولله الحمد اقتنعوا وتم ارضاءهم.