أستشارة

[ايزو]

اذا واحد يقدر يفيدني فجزاه الله خير. مؤجر فيلا لشخص وهو مؤجرها بالباطن وهذا متفق عليه بس المشكلة صار له 4 شهور يتأخر في دفع الايجار وشيكات ترجع بعد ما اروح البنك وانتظر بالساعتين يقولون لك مافي رصيد والمؤجر يقول اصبر علي. وش الحل اخذ الشيك للمركز وقضايا سمعت تتأخر او في حل سريع؟

[القيادة]

اذا واحد يقدر يفيدني فجزاه الله خير. مؤجر فيلا لشخص وهو مؤجرها بالباطن وهذا متفق عليه بس المشكلة صار له 4 شهور يتأخر في دفع الايجار وشيكات ترجع بعد ما اروح البنك وانتظر بالساعتين يقولون لك مافي رصيد والمؤجر يقول اصبر علي. وش الحل اخذ الشيك للمركز وقضايا سمعت تتأخر او في حل سريع؟




الله يكون في عونك

طبعاً أنت خذيت من البنك مايفيد أنه لايوجد رصيد وبعدها أقرب مركز شرطة

تقدم الشيك وأهو بياخذون الاجراءات وياه وبيحولونه للنيابة وبيدفع غصب

ولا السجن.

أنا الى فهمته من كلامك أن الشخص الى أجر فلتك أهو مؤجرها من الباطن

أخوي أهو ياخذ القيمة الاجارية ولا يعطيك حقك صار الموضوع طناش عيني عينك.

[البارح]

الله يعينك اخوي
طبعا طالما عليه شيكات عليه الدفع وما يهم بالباطن او غيره
بس الله يعينك على المحاكم وغيره
ما تقول الا مخلينهم للدفاع عن الاجانب والمخالفين
وياريت القضية تنتهي بسرعه الا بعد طلعت روح
ويمكن الورثه يكملون الاجراءات عنك بعد عمراٌ طويل :shy:

[ايزو]

أخوي القيادة, مشكور على نصيحتك المشكلة الرجال يقول المؤجرين ما يدفعون وهو قطري والواحد ما يبغي توصل النيابة وبعدين الموضيع هذه اتطول وتضيع الوقت رايح جاي من المركز للنيابة للمحكمة وفي الاخير يطلع بكفالة

[القيادة]

أخوي القيادة, مشكور على نصيحتك المشكلة الرجال يقول المؤجرين ما يدفعون وهو قطري والواحد ما يبغي توصل النيابة وبعدين الموضيع هذه اتطول وتضيع الوقت رايح جاي من المركز للنيابة للمحكمة وفي الاخير يطلع بكفالة



أخوي الفاضل أنا عطيتك الطريقة بناء على طلبك

طبعاً أنت عارف العقد شريعة المتعاقدين ويجب على الواحد الالتزام

أخوي أهي بطول في المحكمة وأخر شي بيحكمون عليه بالدفع ولا السجن

يعني حقك مايضيع.

وأخيراً أنت براحتك هذا شي يخصك وأنت تشوف الى في مصلحتك سوه.

[GRNAS2002]

اخوي البارح عز الله انك صادق

اخوي صاحب الموضوع انصحك اول شي ترفع عليه قضيه عند محكمة فض المنازعات ألأيجاريه الي في المنتزه ولازم يكون عقدك مصدق من البلديه واذا ماكان مصدق روح وصدقه والا ماراح يقبلون وود معاك الشيكات وعليها توقيع البنك اذا مافيها رصيد
ثاني شي ود الشيكات الي مافيها رصيد لشرطه وهم بياخذون اجرائاتهم وتحمل يطوف على الشيك ست شهور وانت ماسلمته الشرطه والا بيكون ملغي
ثالث شي تعلم كيف تقدر تلحن وتغني يالييييييييييل ماطولك لأن المحاكم يبغيلها طولت بال وتحمل انك ماتحضر للمحكمه والا بيشطبون القضيه مع العلم انك راعي الحق
بس وسلامتك

[ايزو]

مشكور اخوي grnas
يكرهون الواحد في الـتأجير. الواحد يسوي له مشروع عشان يستفيد منه و يطلع عليه اغلى من بيع السوق. الله المستعان