عاجل >>>خلو التجاره لأهلها

[روان قطر]

انا ماراح اكتب لكم قصه مفصله
انا بعطيكم السالفه على بلاطه
انا شريت براتبي كله (الي هو للأسف مصدر دخلي الوحيد :oops: ) اغراض للعيد الوطني ابواق علم قطر جارخي علم قطر اعلام قطر مضيئه كميه كبيره <<< الله يهداني مسويه تاجره

المهم البظاعه طاحت في جبدي ماحد شراها :weeping:ا صلا مافكرت شلون بسوقها
تلتهو خدامتي ودريولي سويتهم بياعين لا وليتهم ساكتين يتحلطمون :anger1: يقولون واجد شغل ماما

الحين ابغيها تروح لو مايجيني الا راس مالي بس جاتني حاله نفسيه كل ما اشوفها ابكي على خيبتي :cry2:

وتووووووووووووووبه والله لاخلي التجاره لأهلها ولا اقرب صوبها مره ثانيه :sorry: هذي موب قرصه هذي طعنه تذكرني كل ماحاولت اتاجر او اصير تاجره

من الي يقدر يساعدني اكون شاكره له :shy:

[airbus]

ربي يكون في عونك


وماشاء الله اول موضوع و اول مشاركة في المنتدى

[BeYoNd]

وديهم اختي سوق واقف وبيعهم ب الجمله احسنلج والله يرزق ان شاءالله

وديهم حق لهنود الي يبيعون هناك

[sepasteyn]

ههههههههههههههههههههه - مالك نصيب ان شالله تعوضي خسارتك في اليوم الوطني لسنة ديسمبر 2011

[airbus]

ايه صحيح وديهم للهنود الي يبيعوا في الشارع ادا بتعطيهم بسعر زين بيشتروا منك

[روان قطر]

وين في سوق واقف اي مكان اوديهم ينطردون
والدريول خديه وقفته في الشارع طردوه الهنود يقولون مكانا
حسسوني انهم العصابات الي في شيكاغو

[روان قطر]

فيه موضوع للأخ freedam تحت موضوعي عنوانه عاجل مطلوب عطر
كتبت له هالرد كمزحه خفيفه تبرد على جبدي هههههههههههههه
اقول اخوي وشلك بالعطر ترا ييب حسسيه موب زين
شرايك تشتري علم مضيئ من عندي ولا شراخي وناسه ولا بوق كله موجود بقطر
اما العطر ذي مامنه فايده
هاه وش قلت

[محمد الجفيري]

روان

الله يسهلج دايما قولي اللهم اغنني بحلالك عن حرامك وبفضلك عمن سواك
والله يرزقج يارب

[روان قطر]

اللهم اغنني بحلالك عن حرامك وبفضلك عمن سواك

مشكور اخوي محمد على الدعاء

ومشكورين يالي رديتو علي كلكم والله يوفقكم يارب

[السهم الذهبي 1]

انا ماراح اكتب لكم قصه مفصله
انا بعطيكم السالفه على بلاطه
انا شريت براتبي كله (الي هو للأسف مصدر دخلي الوحيد :oops: ) اغراض للعيد الوطني ابواق علم قطر جارخي علم قطر اعلام قطر مضيئه كميه كبيره <<< الله يهداني مسويه تاجره

المهم البظاعه طاحت في جبدي ماحد شراها :weeping:ا صلا مافكرت شلون بسوقها
تلتهو خدامتي ودريولي سويتهم بياعين لا وليتهم ساكتين يتحلطمون :anger1: يقولون واجد شغل ماما

الحين ابغيها تروح لو مايجيني الا راس مالي بس جاتني حاله نفسيه كل ما اشوفها ابكي على خيبتي :cry2:

وتووووووووووووووبه والله لاخلي التجاره لأهلها ولا اقرب صوبها مره ثانيه :sorry: هذي موب قرصه هذي طعنه تذكرني كل ماحاولت اتاجر او اصير تاجره

من الي يقدر يساعدني اكون شاكره له :shy:
انا شاء الله اتوفقين
شوفي على طول ولا تتاخريين تعطين لدريول كمية من البضاعة الي عندك وتخلينة يوقف على احد الشوراع الي فية حركة ولا تقولين له بيع وجيب لي لفلوس هشكل مب بايع لك شيء لكن تقولين له باعطيك نسبة على كل قطعة من البضاعة الي تبيعها وذيك الساعة بيتحرك لدريول وان شاء الله تتوفقين

[aljuri]

الله يعوضج خير اختي

[الكواري 1972]

طيب اسردي بضاعتج
بالعدد والسعر وان شاءالله بشترون منج بس بسرعه

[روان قطر]

مشكور اخوي السهم الذهبي1
المشكله اخوي اني قلت له بعطيك نسبه 10% يعني ماقصرت معاه بس ماقول الا اللهم افتح لي ابواب رزقك

[المخفي]

بيعيها على هلج و جماعتج اذا عندج بلاك بيري عطيهم خبر و خل يطرشون درليتهم يستلمون البضاعة

[BURBERRY]

خلي الدريول يبيع على الدوار و ترى انتي مب خسرانه بعد عندج بطولة كأس اسيا بتدى يوم 7/1 و بيعو الاعلام عشان المنتخب :)

اخوج بربري

[روان قطر]

2000 حبة من علم قطر مضيئ العلم 10
300حبة من جراخي علم قطر الحبه 20
100حبة من أبواق علم قطر الحبه 30

اللهم اني اسألك التوفيق
ومشكور اخوي الكواري

[روان قطر]

الجوري و المخفي و بربري
تسلمون حبايبي على الردود وموفقين انشالله

[pure]

2000 حبة من علم قطر مضيئ العلم 10
300حبة من جراخي علم قطر الحبه 20
100حبة من أبواق علم قطر الحبه 30

اللهم اني اسألك التوفيق
ومشكور اخوي الكواري

ههههههههههههههههههههههه بااال

كل هاي !!

الله يرزقج ,, و خليه يوقف بالمسيره و بالكورنيش و بالدوارت ,, والله يوفقج

[روان قطر]

pure تضحك علي الله يسامحك

بعدين تعال جني سمعت انه ممنوع يبيعون في المسيره؟؟؟

[simsim1963]

ربي يكون في عونك
بس خليهم 2022 بتطير بسرعه

[airbus]

2000 حبة من علم قطر مضيئ العلم 10
300حبة من جراخي علم قطر الحبه 20
100حبة من أبواق علم قطر الحبه 30

اللهم اني اسألك التوفيق
ومشكور اخوي الكواري

مشاء الله كل هدا

طلعتي هامور اعلام :tease:

ادا قبل اسبوعين كنتي الموزع الاول في قطر مشاء الله عليك

[روان قطر]

سم سم ضحكتني
هع هع هع
ياخف دمك مثل الخروع مشالله
بتشتري ولا لاتحطم بليززز
<<<< انقهرت من سمسم
بعدين انا بكون في عز شبابي سنه 2022
موب مثلك بتصك الستين
يالشيبه <<<< قفلت معاي

[روان قطر]

airbus
أمـــــــا هاموره كثر منها
شكلي بطلع سردينه موب هاموره

[روان قطر]

اللهم اغنني بحلالك عن حرامك وبفضلك عمن سواك

[فارس الكلمة]

إذا تبين راس مالج .. ردي البضاعة على إللي شريتهم من عنده ..

يمكن يقبل ياخذهم مرة ثانية .. :)

[روان قطر]

إذا تبين راس مالج .. ردي البضاعة على إللي شريتهم من عنده ..

يمكن يقبل ياخذهم مرة ثانية .. :)



لا والله احلف
انا فيه شي في خاطري باط جبدي يا اخ فارس هل هو من صجك ولا تستخف دمك مثلا

اذا هو من صجك فأرجوك غير نكك
واذا كنت تستخف دمك فتكفىىىىى لاتعودها
طيب ياماما

[مهل]

السلام عليكم

اخت روان الله يعوض عليك و تعاملي مع الموضوع بمقوله كل طقه بتعلومه. اتوقع فيه تجار كبار حاليا في العالم كان موقف مشابه للي انتي فيه كان سبب انهم يكافحون ويعوضون خسارتهم فقط و كان هذا همهم وشغلهم الشاغل ولكن استمرو في التجاره و تعلمو من الخطا و لله الحمد انتي براتج اشتريتي مش بكل فلوسج او بمبالغ انتي محوشتها.
استهدي بالله و ترى دام الواحد الله منعم عليه بالصحه و الامن هذا غايت المنى.

و ردج على اخونا فارس ترى مش حلو. الرجل ماقال شي غلط ابدا و كلامه حل من الحلول على الاقل لو يرد ياخذ البضاعه باقل من سعرها بعد انتي الربحانه. على الاقل نص البلا ولا البلا كله.

ختاما الله يعوض عليج و يغنيج بحلاله عن حرامه

[طالب]

الله يعينج

كان المفروض تسوين لهم دعاية وتسوفيينها أول ما شريتي البضاعة

أشوف الحين ماراح يكون في إقبال وايد عليها (( وإقتراح الأخ بربري أحسن إقتراح )) :)

بعد ممكن تخلين الدريول يجيك عند محلات زينة السيارات

والله يوفقج

[روان قطر]

نورتو ياصامت ويا اخت مهل

ومشكورين على الردود الحلوه

ملاحضه
اختي مهل حبيبت قلبي انتي انا امزح مع فارس واضني هو فهم ولا اشوف في ردي اني اخطيت في حقه
ليه انتي شفتي غير جذي لاسمح الله ؟؟؟؟؟؟؟؟

[الكواري 1972]

50 حبة من علم قطر مضيئ العلم 10
50 حبة من جراخي علم قطر الحبه 20
وين الاستلام

ابي حق اليوم مب باجر

[الكواري 1972]

لا جواب

[حمد 2002]

بيعيهم في كأس اسيا

[روان قطر]

كفووووووووووووووووو ياااااااالكووووووووواري سلمت بس اخوي ممكن دز لي رقمك لئنه مقدر ادز رساله خاصه في انتظارك

[بو عذاب]

خوي شنو الجراغيات اللي عندك

لاني بغيت
20 حبة من جراخي علم قطر الحبه 20

وعندك رش رغوة وغيوط ؟

[الكواري 1972]

طرشت الرقم

[الكواري 1972]

ردي ع كل رد بتوصلين 50 بسرعه

[الكواري 1972]

اشفيه تلفوني مايرن

[روان قطر]

خوي شنو الجراغيات اللي عندك

لاني بغيت
20 حبة من جراخي علم قطر الحبه 20

وعندك رش رغوة وغيوط ؟

ايه اااخوي الجراخي علم قطر وعندي رغوه بس كرتونين 48 حبه ياريت دز لي رقمك لأنه ما اقدر ارسل خاااص

[الكواري 1972]

على كم الرش

[روان قطر]

انشااااا الله

[الجووري]

بالتووووفيق يالغاليه

[روان قطر]

مشكورين يالي طلبو مني والله يوفقني وياكم يارب

[تركي محمد]

التجارة فيها ربح وفيها خسارة

والشغلات الوطنية مطلوبة مب شرط لليوم الوطني
في بطولة كاس اسيا اول يناير يعني بعد اسبوعين تقريبا

و صفي نيتج بالبيع ولاتطمعين والله يغنيج انشالله*

[روان قطر]

نورتي يالجوري بمرورج

تركي والله ان النيه صافيه والطمع موب في نيتي وربي بيغنيني انشالله

وجزاك الله خير على النصيحه

[محمد الجفيري]

والله روان بتتوفقين باذن الله بس يبيلج شوي صبر ولاتنسين الدعاء الي قلته لج بالتوفيق يارب

[الكواري 1972]

مشكوره اختي الكميه اوصلت
وكل شئ تمام

[روان قطر]

اشكرك اخوي الكواري على تعاملك الراقي

[روان قطر]

محمد الجفيري الله يجزاك خير على هالدعاء
والله يوفقك دنيا واخره انت وكل واحد تفاعل مع موضوعي

[الكواري 1972]

اما سايقكم بكل امانه مفهي

اعطيه الفلوس يقولي لاخلاص صج كريم سايقكم

[روان قطر]

ههههههههههههههههههههههههههه
شفت يالكواري شكثر اعاني

[حزينه]

روان شكلج عندج طموح مشاء الله عليج

الله يوفقج ان شاء الله

[روان قطر]

هلا حزين الله يبعد الحزن عنج يارب
اما الطموح وكلي الله كان وكان فعل ماضي
كان عندي طموح بس توبه بعد هالنوبه ^-^

[الكواري 1972]

توني منتبه على المسج

يالله بالتوفيق ان شاءالله الكمية كلها تروح
لا تستعجلين اعرضيهم مثل ماتفضلو الاخوان لبطولة اسيا

[روان قطر]

بو عذاب وينك رد على جوالك الدريول يصيح يقول يبي ينام وانت مارديت عليه

[روان قطر]

بو عذاااااب شكلك غيرت رايك ^-^
على راحتك لاتشيل هم

[PLATINUM]

مافيها خسارة انشالله
اليوم الوطني كل سنه
والأغراض موجوده عندك اعرضيها كل سنة
ليش مستعجله الربح
وخلي الدريول ينام

[روان قطر]

Platinum
لا تعليق
وشكرا على مرورك

[روان قطر]

اللهم اغنني بحلالك عن حرامك وبفضلك عمن سواك

[طالب]

ما شاء الله عليج أختي ..

شفتي شلون

مع اول موضوع فالمنتدى قدرتي تبيعين ولو كمية بسيطة

وان شاء الله مع الأيام تغيرين رايج في التجارة وتصبحين تاجرة ناجحة :)
والله يبارك لج في رزقج
وبالتوفيق

[روان قطر]

صامت منور
انت بس خل البضاعه الي عندي تروح
عقبها بسحب على ام التجاره
بلا تجاره بلا هم وخساير

[Markato]

ممكن اعرف الموجود عندج مع الكميات والسعر

[روان قطر]

2000 حبة من علم قطر مضيئ العلم 10
300حبة من جراخي علم قطر الحبه 20
100حبة من أبواق علم قطر الحبه 30
وعندي كرتونيين بخاخات رش الكرتون فيه 48 حبه والحبه 15

[miss.qa]

هههه بالله يعينج انا حق عيالي ماشريت لهم شي حق اليوم الوطني كل شي جاني هديه شلون فكرتي شسمه شيسمونه <<< تبي اتحسفج

ربي يعينج ويوفقج ياقلبي ... ومالج الا هالحل تقولين حق دريولكم 20% زيديها وافتكي !

وخله يروح باجر قريب من الكورنيش ويتخلص منهم

[روان قطر]

مس قطر
شكرا على التحطيم

[Nesreen]

ان شاء الله ربنا بيفتحها بوجهك وبيعوضك عن صبرك خير

[روان قطر]

تسلمين حبيبتي نسرين على الكلام الي يرفع المعنويات

[وحش العديد]

لوعندج الميدليه مالة اليوم الوطني الي وزعوها عاليهال فالمدارس انا بشتريها ؟؟؟

[روان قطر]

للأسف ياوحش
ماعندي بس ترا الابواق فله حق المسيره اصرف لك من الميداليات محد بشايفها

[بو راشد87]

الجراخي شسالفته ...........يعني نشغله ويطلع شرار .......ولا شلون ...

[روان قطر]

طيب لحضه انا بنزل صورت الجراخي

[روان قطر]

http://www4.0zz0.com/2010/12/18/10/461549510.jpg (http://www.0zz0.com)

وهذي صورت الجراخي

[روان قطر]

:unsure:شفيهم العالم مايبون الابواق توقعتها اكثر شي بتروح

[وحش العديد]

للأسف ياوحش
ماعندي بس ترا الابواق فله حق المسيره اصرف لك من الميداليات محد بشايفها

هههههههههه

انتي جنج دلاله تحرج على بضاعتها :nice: روحي سوق بدل

الابواق امس ماخذ والله مابي حطمج بـ 10 ريال ترى ههههههههه

اخذهم منج بـ 20

الميدليه اخليها شكلها حلو وعاجبني :tease:

[وحش العديد]

عالعموووم الله يوفقج حجيه :p

ونصيحتي والله صج خليهم لين السنه الجايه وبيعيهم معتقين

يصيرووون اغلا كل ماتعتق الشي هههههههه

[روان قطر]

وحش العديد مدري ضبع العديد

ثانكس على ردك الي ان دل على شي فهو يدل على حسن تعاملك:thumbdown:


اللهم اغنني بحلالك عن حرامك وبفضلك عمن سوااااك

[روان قطر]

هههههههههه

انتي جنج دلاله تحرج على بضاعتها :nice: روحي سوق بدل

:tease:

لا تعلييييييييييييييييق

[روان قطر]

اللهم اغنني بحلالك عن حرامك وبفضلك عمن سواك

[روان قطر]

اللهم اغنني بحلالك عن حرامك وبفضلك عمن سوالك اللهم امين

[00soma00]

الله يرزقك يارب وتصرفى البضاعة ومشكلتك نفس مشكلتى والله شريت بضاعة وللان مابعت شى منها

[روان قطر]

soma00
يسلمو ياقلبي

[Galbi]

الله يعوضك اختي
وان شاء الله بضاعتك بتصرفينها بأقرب وقت
ومثل ما قالوا الاخوان كاس آسيا قريب والكل محتاج هالشغلات
ربي يوفقك

[روان قطر]

Galbi نورت موضوعي بمرورك

[ام البطل]

موفقة يا قلبى الله يعينج بس ان شاء الله بكرة تكسبى كثير وراح تتذكرى هاى الطيحة وراح تضحكين عليها

[روان قطر]

ام البطل
تسلمين ياحبي على الرد الحلو

[freedam]

بتوفيق اختي روان بس حبيت اشارك بمشاركة خفيفة و انتي بعد ما قصرتي معاي و شاركتيني في مو ضوعي و هذا دعاااااء اتمن انج اتقولينة وانتي صادقة و اللة الموفق
:victory:

-( اللهم سخر لى رزقى، واعصمنى من الحرص والتعب فى طلبه، ومن شغل الهم، ومن الذل للخلق، اللهم يسر لى رزقاً حلالاً، وعجل لى به يا نعم المجيب)

[hasss1969]

2000 حبة من علم قطر مضيئ العلم 10
300حبة من جراخي علم قطر الحبه 20
100حبة من أبواق علم قطر الحبه 30

اللهم اني اسألك التوفيق
ومشكور اخوي الكواري

ماشاء الله عليكي اختي...كل هالكمية شريتيها....داخل التجارة على واسع....:omg:

[روان قطر]

freedam يسلمو على الدعاء
وتستاهل كل خير والله

[روان قطر]

هاس
شفت ماربحت كله من عينك
هههههههههههههه

[qatar1111]

الله يرزقج من حيث لا تحتسبيين

[وحش العديد]

وحش العديد مدري ضبع العديد

ثانكس على ردك الي ان دل على شي فهو يدل على حسن تعاملك:thumbdown:


اللهم اغنني بحلالك عن حرامك وبفضلك عمن سوااااك


:eek5:

الله يسامحج تمزحين ولين حد مزح معاج مديتي البوز :rolleyes2:

عالعموم الله يوفقج ويرزقج خير الشيخه :nice:

[روان قطر]

:waiting:ايه مبين انك تمزح ياوحش

[qatarstores]

تذكريني بتاجر كان فاشل فالبداية وكان يقول لي التجارة مغامرة وكله يخسر هههههههههه
مع الزمن صار تاجر وطلع من شغله وفضى للتجارته^^
انشالله الله يوفقك من غير خسارة ثانيه
نصيحه: لا تغامرين بكل اللي عندك :)

[ahad]

والله مادري شقول,,مرة تعلم ماتضر

خليهم للسنه الجاية ,,اذا محد شراهم ,,مافي الا كذا

[روان قطر]

:)qatarstores و ahad

منورين موضوعي بمروركم

[روان قطر]

اللهم اغنني بحلالك عن حرامك وبفضلك عمن سواك

[وحش العديد]

:waiting:ايه مبين انك تمزح ياوحش

بل بل بل

مايسوى علي

انزين بثبت لج اني امزح

وعشانج

لو تموا الاغراض عندج لين كاس اسيا

وعد مني انا باخذ من الجراخيات 20 حبه بس ترخصين لي :victory:

[lifeqatar]

يبى خالوا الصيد لاهله
وعطو الخباز خبزه
والله مادري اذا صح ولا لاء

[lifeqatar]

تبيعيين بالجملة انا شراي
او اعطيكم دورة في التجاره وانواعها ... ايش رايج

[مشتاقة لقطر]

موووووووووووووووفقة غاليتي


وترى الربح ما يجي بين يوم وليلة .. ممكن يبيلهم سنة الين تربحين عادي

مثلا خل اعطيج مثال انا اشتري كمية 400حبة تقريبا من شي معين اصرفهم خلال 6 اشهر تقريبا

عادي يالغلا اشغل نفسي ببضاعة ثانية سريعة وبنفس الوقت اصرف ال400 حبة

[روان قطر]

وحش شفت شلون كنت حاقده عليك بكل روح رياضيه <<< ماتعرف تعبر :tease:

[روان قطر]

life qatar ومشتاقه لقطر منورين مضوعي بمروركم

[باسكن روبنز]

الرش ،

أبغي آشوف الصور وكم الكميه والسعر النهائي ،

شكـراً ،

[اناقه]

وين في سوق واقف اي مكان اوديهم ينطردون
والدريول خديه وقفته في الشارع طردوه الهنود يقولون مكانا
حسسوني انهم العصابات الي في شيكاغو

هههههههههههه

مب هينيين الهنود

اختي اذا مب مستعجلة على بيعتهم خليهم للعيد الوطني الجاي و سويهم بكج و بيعيهم عن طريق المنتدى

بس ا1ا بعتيهم الحين بياخذونهم منج بخسارة حراااام


و الله يوفقج

[salem10]

بالتوفيق

[فالكـ GOOD]

الله يوفقج وينباعو

[Xx QATARI xX]

الله يوفقج اختي
وانتي ماخسرتي شي وان شالله الله بتشوفين الخير
محد قاص علينا الا هالبنقاليه .. والهنود طول يومهم على الدوار والعالم تشتري
ويوم جات وحده منا وفينا اترزق قلتو غالي ؟؟؟؟ ادعو لها بالتوفيق

[غايه الطواش]

اختي انت هالايام تابعي الجريده الرياضيه وشوفي البطولات التي يتم المشاركه فيها باسم المنتخب وبيعي اعلامج والابواق بالقرب من مكان البطوله

والله يوفقج ان شاء الله

[أم غانم]

أختي أصبري وبيعيهم هالأيام "كاس آسيا" في الملاعب ..

تسوينهم كأنهم Package كامل .. ويكون لها سعر رمزي مثلآ 50 ريال ..

وعندج الأخت دبلوماسية طرحت موضوع ،بعنوان معرض في مدرسة مستقلة ..

تقدرين تبيعينهم فية ، المدارس أكثر جهات تحتاج الأعلام وهالشغلآت ..

الحل الثالث إنج تبيعينهم على محل ، سواء شارع معيذر التجاري أو السلآم ، سوق واقف ، سوق العلي


موفقة

[d.romance]

الله يوفقك وتبعيهم ويعوضك خير ان شاء الله

[سوق واقف]

2000 حبة من علم قطر مضيئ العلم 10
300حبة من جراخي علم قطر الحبه 20
100حبة من أبواق علم قطر الحبه 30

اللهم اني اسألك التوفيق
ومشكور اخوي الكواري

كأس آسيا بعد كم يوم :nice:

[جود 88]

بالتوفيق اختي روان وبعدين خلي روحج رياضية فديتج وان شاء الله بتسير امورج

وان شاء الله ماهي خسارة ولا تعتبرينها خسارة قولي تاخر شوي بالربح التجارة يبغى لها صبر شوي انا ادري ان قلبج ع فلوسج اللي راحت لكن ان شاء الله ماارح في خسارة يارب وماتدرين وش بيصير بكرة
بما انج دخلتي ببضاعة وكمية كبيرة معناته انج غامرتي مغامرة كونج ماعندج خلفية لكن ماشاء الله عليج انا احس عندج الارداة القوية واعتبريها مغامرة كبيرة في حياتج وان شاء الله انج قدها وقدود وبعدين الحياة تجارب وانا خيتج ^_^والحياة حلووووووووووة

وان شاء الله يرجع راس مالج وفوقها الربح الكثير قولي امين قاعدة ادعي لج بين الاذان والاقامة

وع فكره اسعارج حلوة ومناسبة والمحلات واللي ع الدورات يبيعون اغلى وماعليج من باقي الناس

وطمنينا عليج فديتج