جاني مشروع .. وابي شوركم

[Moe.Z]

السلام عليكم

يا جماعة الخير .. في واحد عرض علي فكره وكالة شركة اسلاك كهربائيه , من نوع معين , والصراحه انا مالي اي خبره في هل مجال , قولتكم مجال الكيابل الكهربائيه مجال جيد , وشلون ابدا فيه ؟؟

وجزاكم الله الف خير

[ابو علاوي]

السلام عليكم

يا جماعة الخير .. في واحد عرض علي فكره وكالة شركة اسلاك كهربائيه , من نوع معين , والصراحه انا مالي اي خبره في هل مجال , قولتكم مجال الكيابل الكهربائيه مجال جيد , وشلون ابدا فيه ؟؟

وجزاكم الله الف خير

كيابل؟؟
مشروع حلو وخصوصا اني حاولت اشتغل فيه من قبل
شلون تبدأ : يعتمد على خطوط التصنيع وحاجات السوق تبدأ بمحلات مواد البناء وانتهاءً بالتوريد لمؤسسات الدولة والتابعة والمتعاملة معها
بس اهم شي للوكالة تكون الشركة مشهورة وشغلهم زين لان المنافسة قوية بقطر
وعندك الكيابل العمانية اشهر شي بقطر
وفيه البريطاني والهندي والصيني والاردني والسوري
خذلك لفة بالسوق واستفسر وحاول تعرف اسعار التوريد
تحياتي

[شموخ دائم]

,


,


مرحبا اخوي الكريم

الله يوفقك يارب ومجال التمديدات والكيبل مجال ممتاز


عندي نصيحتين لك

النصيحه الاولى اذا الشركه هذي الوكاله شركه صينيه اتركها
من الضروري تكون صناعه ممتازه لان قطر فيها مواصفات عاليه مواصفات انجليزيه
او ما يعادلها

النصيحه الثانية اذا مشترطين عليك تشتري ( كميه محدده كل سنه ) او مبلغ معين مطلوب منك تشتري فيه (اتركها احسن لك )

اذا قدرت بالتفاوض تقنعهم ان هذا سلعه جديده على قطر واانت راح تتعب بالترويج لها لان السوق فيه نوعيات ممتازه والناس والشركات متعوده عليها
ولازم يعطونك البضاعه وانت تسدد لهم بعد البيع بتكون انت مفاوض شاطر
:)

او تدفع جزء والباقي بعد البيع

اما اذا مطلوب منك تشتري كميات كبيره كل سنه فهذا لا تدخل فيه

الموضوع يبيله شطاره بالتفاوض
لان اسم وكاله اسم حلو والشروط الي معاها شروط ما يقدر عليها الشخص الي توه بالتجاره

واذا احتجت اي مساعده حاضرين لك
تقدر تحط شروطهم ونساعدك بالتفاوض

والله يوفقك يارب





,

,



اخوك



شموخ دائم

[sepasteyn]

توضيح للاخ الكريم اهم نقطتين هي :
نوع المنتج (الكوالتي) وعلى فكرة صار في تنافس قوي جدا في السوق لمنافسه المنتج العماني - الامارتي - التركي - وغيرهم للمنتج الانجليزي ، طبعا الصيني خارج المنافسة .
التوكيل مثل ماتفضل الاخ اذا في اشتراط شراء كميه محدده سنويا اتركهم واما اذا حق التوزيع توكل على الله .
وضروري جدا الاخ الكريم الي قدم لك العرض يكون على دراية كبييييره جدا بطريقة التسويق ومداخل ومخارج المنتج ومدى احتباجات السوق . والله يوفق الجميع .

[Moe.Z]

اخواني sepasteyn و شموخ دائم و ابو علاوي اول شي جزاكم الله الف خير على التوضيح
الصراحه انا مالي اي خبره في هل مجال لهل سبب رحت كلمت مهندس في مجال الكيابل وقال لي اطلب عينه وبعدين يصير خير
وهاي الي بسويه .. بطلب منه عينه وبعطيها للمهندس يشوفها اذا نوعيه ممتازه ببدا اتفاوض مع صاحب الوكاله واخذ منه باقي التفاصيل

تحياتي للجميع
والله يكتب الي فيه الخير

[البدع]

سوق ماعندك خبرة فيه فنسبة فشلك ٩٠٪

واضح ان العقار ينمو خاصة مع كاس العالم والمشروع له مستقبل

خله يشاركك بفلوسه حتى تضمن الجدية

[Moe.Z]

هلا اخوي البدع .. بس المشروع مب صعب ولا معقد .. الفكره الاساسيه تسويق لمنتج

يعني اذا طلع المنتج ممتاز لازم وقتها دراسة سوق هل منتج .. ووقتها بحدد اذا كان مشورع نافع ولا لا

وانا اكيد بخليه يشارك بفلوسه .. على الاقل اكون ضامن نفسي

وتسلم على النصيحه

[الجووري]

بالتوفيق ان شاءالله

[البسطة]

بالتوفيق ،،

[اهل قطر]

سوق ماعندك خبرة فيه فنسبة فشلك ٩٠٪

واضح ان العقار ينمو خاصة مع كاس العالم والمشروع له مستقبل

خله يشاركك بفلوسه حتى تضمن الجدية

نفس الراي

[Moe.Z]

جزاكم الله خير

[alpatros]

الله يوفقك اخوي تاكد من المنتج انه يكون مطابق للمواصفات القطريه وكهرماء ممكن يفيدونك عن المنتج بشكل كبير

[khater500]

السلام عليكم

يا جماعة الخير .. في واحد عرض علي فكره وكالة شركة اسلاك كهربائيه , من نوع معين , والصراحه انا مالي اي خبره في هل مجال , قولتكم مجال الكيابل الكهربائيه مجال جيد , وشلون ابدا فيه ؟؟

وجزاكم الله الف خير



بما اني بمجال الكهرباء فهو مجال مربح لكن نصيحة اخي اذا مالك بهذا المجال دع الخبز لخبازة وابحث عن فكرة تناسب رغباتك وراس مالك ومجالك ايضا ولا تفكر بتسليمها لاشخاص ابدااا

بالتوفيق

.........