دعوة لمشاهدة قناة الجزيرة للأطفال الآن

[ام السعف]

عمره 15 سنة
مدير مبيعات ،، مصمم ديكور محل ابوه و... و ...

لا يفوتكم

[ام السعف]

معتز بنفسه ،، دخل السوق وعمره 7 سنوات برغبة من والده
يقول كنت اتمنى اللعب يوم عمري 7 سنوات بس اليوم هو فخور بنفسه
،، صمم محل ابوه ،، مدير مبيعات لديه مكتب وسكرتيره
و30 عامل تحت يده ،،

تقول له يخافون منك والا يحترمونك ؟
يقول بكل بساطة يحترمون ويخافون والسلطة لها دور ،،

[ام السعف]

تقول له المذيعة انت طفل وعمرك 15 سنة وتقول عندك خبرة
عجل لو صار عمرك 40 او 50 اشبتقول ؟
يقول كل دقيقة وكل ثانية كنز ..

تسأله هل انت مغرور ؟

يقول حسب الموقف واليوم ،، ممكن اكون مغرور او لا ،،

تقول له بماذا تحلم ما دام لديك كل شي ؟

يقول من قال لج اني عندي كل شي ؟
عندي اشياء ثانية ،،

اسمه عادل ،، بجد شخصيته قوية وردوده متزنة وكله ثقة بنفسه ،،

[ANONYMOUS]

عاد مالحقنا الا دقيقتين...

بس يبين عليه ان عنده شي يقدمه

[ام السعف]

عاد مالحقنا الا دقيقتين...

بس يبين عليه ان عنده شي يقدمه

ابتسامته ثقة ،، باين عليه ضليع ما شاءالله عليه
رده صارم حازم ما اربشته المذيعة وبل كان لها صد ويرد عليها
تقول واحد بالفعل له خبرة كبيييييييرة في الحياة ،،

نموذج يحفر من نور ويدرس من خلال سطور ،،
ما شاءالله تبارك الرحمن لاقوة الا بالله الله يحفظه لهله وبارك الله فيه

[ام السعف]

http://www.jcctv.net/index-20786720010007.52218.html

الرابط السابق للي حاب يتابع الحلقة بعد نزولها على موقع الجزيرة ،، لأني حسب وجهة نظري
شخصية تستحق المتابعة عن قرب ،، كل اللي عرفته ان اسمه عادل

[دلة الرسلان]

http://www.jcctv.net/index-20786720010007.52218.html

الرابط السابق للي حاب يتابع الحلقة بعد نزولها على موقع الجزيرة ،، لأني حسب وجهة نظري
شخصية تستحق المتابعة عن قرب ،، كل اللي عرفته ان اسمه عادل

مشكورة اختي ام السعف وان شاء الله اتابع الحلقة وارويها فلذات كبدي الله يخليه لأهله

ويبارك فيه :)

[ام السعف]

مشكورة اختي ام السعف وان شاء الله اتابع الحلقة وارويها فلذات كبدي الله يخليه لأهله

ويبارك فيه :)

العفو يا دلة ،،، فكرة جدا حلوة منج ،، يبي لنا اجتماع على مستوى العيال
يشوفونه وان شاءالله ربنا يوفق الجميع ،،

[الراقيه سبشل]

ام السعف حبيبتي أي فيديو بالموقع؟
ماحصلت واحد اسمه عادل

[Arab!an]

فتحت الرابط مافي شي يدل على هالبرنامج
على الاقل اسم البرنامج

[الرويـس]

هالشخصية كانت فيني من عمر 18 سنة وعقب تبلدت فيني من فعل فاعل
:(

تبا للمخربون

[ام السعف]

ام السعف حبيبتي أي فيديو بالموقع؟
ماحصلت واحد اسمه عادل


فتحت الرابط مافي شي يدل على هالبرنامج
على الاقل اسم البرنامج

امممم،،، اشتبوني اسوي فيكم ؟

ازعل منكم ؟
ما اقدر ،،
كتبت

الرابط السابق للي حاب يتابع الحلقة بعد نزولها على موقع الجزيرة ،، لأني حسب وجهة نظري
شخصية تستحق المتابعة عن قرب ،، كل اللي عرفته ان اسمه عادل

يعني بعدها ما انزلت ،،

[ام السعف]

هالشخصية كانت فيني من عمر 18 سنة وعقب تبلدت فيني من فعل فاعل
:(

تبا للمخربون

بالفعل حتى امس كنت امدحك في اجتماعنا المغلق
وعندي شاهد في هالموضوع ( مب صح يا عربيان ؟) :shy:

[الرويـس]

برد لكم اليوم المسا او الفجر اذا الله اراد

[Arab!an]

بالفعل حتى امس كنت امدحك في اجتماعنا المغلق
وعندي شاهد في هالموضوع ( مب صح يا عربيان ؟) :shy:

ها

مادري قلتي كلام عن الرويس مادري مدح والا ذم ..

ما انتبهت كنت مشغول بالصبوره

[قلب صادق]

السلام عليكم ورحمة الله وبركاته

شكرا لك اختي ام السعف على الموضوع
اظن انه سيتم انزاله في الموقع خلال 48 ساعة

[تحداني]

اسمعي هالسالفه ام السعف .. قبل يومين مر علينا واحد في المكتب عمره 19 سنه ..
انهى الثانويه العامه بعمر ال12 سنه وحاصل على الدكتوراه قبل سنه
... واليوم مركون في كورنيل ويعمل في المدينه التعليميه
وهو قطري واخاف كل من حوله



للقصه بقيه ولكن مجهوله وننتظرها بفارغ الصبر


في طاقات بشريه هائله واعيالنا الله يحفظهم خاصه الشباب عندهم ذكاء خارق للعاده
بس ما اعرف ليه ما يحبون يستغلونه بطريقه ايضا خارقه للعاده


شوفيهم كيف شطار بعضهم في الشي الي يحبونه
اما في الدراسه والشهاده لج عليهم طبعا البعض الاكثر



جملك الله برضى الرحمن

[شيط ويط]

نفسي يوم كنت اصغير :)

[naklan]

ان شاء الله اعيالنا يتعلمون منه اعيالنا اذا صار عمره 15

حلمه انه يسوق ويركب دبات حق العراوي ويسابق ويروح النقيان

ويروح يستعرض ويكسر العراوي مالت البيت :eek2:

صج الله خلق وفرق يا ام السعف :)

[بلوتنيوم]

ابنك على ما تربيه
وجوزك على ماتعوديه
صدق الاخوة المصريون:omen2:

نعلق لما تنزل الحلقة اذا الله عطانا عمر
وتذكرنا
وشاهدنا:omen2:

[deema117]

مشكوووورة يا أم السعف .. شوقتينا نشوف الحلقة كل يوم بفتح الرابط لين أشوف عادل :nice:

[عنوووود]

ام السعف دخلت الرابط الي قلتي عنه ، لكن للحين مانزلوووه ، فشدتني فكرة البرنامج " بصراحة حلوووة "

فتحت على كل فيديو فيه قطريين ابي اشووف شلوون يتكلمووون " آآآآآآآآآآآآآآآآآآآآآآآآخ يا أم السعف " أتمنى عيالنا القطرييين يتكلمووون بثقة وتكون عنده أهداف حتى لو بسيطة على قده أتمنى يبهر كل من يتحاااور معه " لكن إذا مازلن المدرسات يعلمون اولادنا بنفس طريقة اول الصرااااخ " عز الله مافيه شخصيات بتبهرك .

أرجوج شوفي هذا الرابط للولد اللبناني : عبدالله وليد

شووووفي شنو يقول عن دور ابوه في تربيته ، ياااريت الأباء يعطووون عيالنا مسئوليات وهم صغاااار لأن هذا إلي يصقل شخصياااتهم .


هذا الرابط :

http://www.jcctv.net/index-20786720010068.2607999.html

[ام السعف]

السلام عليكم ورحمة الله وبركاته

شكرا لك اختي ام السعف على الموضوع
اظن انه سيتم انزاله في الموقع خلال 48 ساعة

وعليكم السلام ورحمة الله وبركاته
العفو ،، ان شاءالله ان نزل كلنا ندعو ( مثل دلة رسلان ) عيالنا يشوفونه ويتعلمون
عن قرب انهم ممكن يكونون مثل عادل و ممكن احسن منه ،،
لازم نبث في عيالنا روح التحدي في الوصول لمستوى عادل واحسن بعد ،،



اسمعي هالسالفه ام السعف .. قبل يومين مر علينا واحد في المكتب عمره 19 سنه ..
انهى الثانويه العامه بعمر ال12 سنه وحاصل على الدكتوراه قبل سنه
... واليوم مركون في كورنيل ويعمل في المدينه التعليميه
وهو قطري واخاف كل من حوله



للقصه بقيه ولكن مجهوله وننتظرها بفارغ الصبر


في طاقات بشريه هائله واعيالنا الله يحفظهم خاصه الشباب عندهم ذكاء خارق للعاده
بس ما اعرف ليه ما يحبون يستغلونه بطريقه ايضا خارقه للعاده


شوفيهم كيف شطار بعضهم في الشي الي يحبونه
اما في الدراسه والشهاده لج عليهم طبعا البعض الاكثر



جملك الله برضى الرحمن

شوقتيني لمعرفة الكثير عن هذا القطري الذي ضربتي فيه المثال ،،

عيالنا ذابحتهم الكورة ،، وكأن الواحد مب ممكن يثبت نفسه الا من خلالها
ومن هنا وهناك وفي زاويا منزوية نلقى نماذج تستحق كتابة اسماءها بماء
من ذهب ،،

بالفعل الأكثر ما يحب الدراسة ،، وياليته يفيد نفسه في شي
تعود عليه وعلى كيانه في هذه الأرض ،،

والله يجملج برضاه ومغفرته واحنا وياج :shy:

[ام السعف]

نفسي يوم كنت اصغير :)

:rolleyes2:


ان شاء الله اعيالنا يتعلمون منه اعيالنا اذا صار عمره 15

حلمه انه يسوق ويركب دبات حق العراوي ويسابق ويروح النقيان

ويروح يستعرض ويكسر العراوي مالت البيت :eek2:

صج الله خلق وفرق يا ام السعف :)

صج ربنا خلق وفرق بس دايما اقول للأسرة دو كبير ،، الدور هذا يبدأ من اول سنة
في عمر الطفل ،، مب اول سنة من الشهور الأولى ،، او يوم ما يكون هذا الطفل في بطن امه ،،

الطفل اللي يلقى رعاية كبيرة لملأ افكاره بكل ما هو مفيد راح تلقين شخصيته
قوية وثقته بنفسه اكبر واقوى ،، لكن طفل ما يلقى غير الأكل والشرب واشوية
كلمات يرددها ،، ويدخل المدرسة وننتظر من المدرسة يحولونه عبقري ،،وكل
سنة يحمل صعوبة في كتابة كلمة او فهم معلومة او تفسير حادثة
من الطبيعي جدا ان وصل لعمر 15 تلقونه يهتم في امور تافهة لأن فكره
ما تعبأ بأمور مهمة ،،

ارجع اقول : ما زال هناك أمل كبير الطفل عمره 15 يعني بعده بعده بعده صفحة
ممكن مسح الماضي عنها ،، واعادة تأهيله وسد النواقص في بنيانه واعادة زراعة
الثقة بنفسه ودعمه وتعزيزه ،، بس هل احنا نقدر نستحمل كل الصعوبات
اللي بتواجهنا ؟
سؤال لكل أم وأب يحب يصلح اخطاءه في تربية عياله :shy:


ابنك على ما تربيه
وجوزك على ماتعوديه
صدق الاخوة المصريون:omen2:

نعلق لما تنزل الحلقة اذا الله عطانا عمر
وتذكرنا
وشاهدنا:omen2:

اتفق معاك مليون بالمية ،،

الرجل بو 15 سنة يوم اسئلته المذيعة
مكتوب في الكارد انك مصمم ديكور ومدير مبيعات
قال لها : ايه انا مصمم ديكور ،، قالت له : مصمم ديكور مب بحاجة الى شهادة جامعية؟

قال لها ومن قال لج ؟!!

انا ممكن اصير مصمم ديكور ، انا صممت محل الوالد ،،
فهل محتاج للشهادة علشان اصمم محل ابوي ؟

فكرت في كلامه بالفعل ،، يوم حولنا بيتنا من زل لي لبورسلان
اللي ادخلوا البيت حرفيين عرب من مصر ،، المعلم الكبير مصري شاب واخوه
تخيل ما شاءالله الشغلة هذي اشكثر اتدخل عليهم ؟!!

فهل الشهادة فادتهم ؟

اعتقد مب شرط شهادة المهم الانسان يقدر نفسه ويحطها في المكان اللي
ممكن يبدع فيه ويدر عليه رزقه ويرفعه ،،

عظماء في التاريخ ما كانت عندهم شهادات جامعية لكن اسماؤهم محفورة حفر
في ذاكرتها ،،

[شرشووووورة]

الصراحة في نماذج وايد نشوفها في طلاب النموذجية

اكثر من جيدين في كل شي الا الدراسة ان لم اقل اني انبهر منهم

ونحن لا نشد على ايديهم تجاه مواهبهم ان لم تكن مقرونة بنجاحهم وتفوقهم في المدرسة

لذلك نلقاهم في نهاية المطاف مفصولين من المدارس

وعلى طول العسكرية

يعني احنا بمناهجنا وتربيتنا وتوجهاتنا احيانا ندفن وندمر هالمواهب

[شرشووووورة]

اذكر فيما اذكر

طالبة كانت معانا في الثانوية .. وتعتبر اكسل طالبة

وكل يوم تهزيئ من المدرسات ومن الطالبات بعد

ولكنها كانت فنانة في الرسم .. ونجحت بالدز والضرب والرفس

وجابت نسبة ادخلها الجامعة على ايام النسب الجامعية الحلوة

وتخصصت تربية الفنية .. وكانت من تفوقها في هالتخصص وهالمادة تأثرت باقي المواد وكانت نوعا ما جيدة

والحين ماشاء الله عليها من افضل الفنانات

[ام السعف]

مشكوووورة يا أم السعف .. شوقتينا نشوف الحلقة كل يوم بفتح الرابط لين أشوف عادل :nice:

وانا مثلج متشوقة اشوف الحلقة من البداية ،،
العفو ،، واي شخص يلقى الحلقة قبل اتمنى يحط الرابط :nice:




ام السعف دخلت الرابط الي قلتي عنه ، لكن للحين مانزلوووه ، فشدتني فكرة البرنامج " بصراحة حلوووة "

فتحت على كل فيديو فيه قطريين ابي اشووف شلوون يتكلمووون " آآآآآآآآآآآآآآآآآآآآآآآآخ يا أم السعف " أتمنى عيالنا القطرييين يتكلمووون بثقة وتكون عنده أهداف حتى لو بسيطة على قده أتمنى يبهر كل من يتحاااور معه " لكن إذا مازلن المدرسات يعلمون اولادنا بنفس طريقة اول الصرااااخ " عز الله مافيه شخصيات بتبهرك .

أرجوج شوفي هذا الرابط للولد اللبناني : عبدالله وليد

شووووفي شنو يقول عن دور ابوه في تربيته ، ياااريت الأباء يعطووون عيالنا مسئوليات وهم صغاااار لأن هذا إلي يصقل شخصياااتهم .


هذا الرابط :

http://www.jcctv.net/index-20786720010068.2607999.html

شفت رابط الطفل اللبناني ،، الله يحفظه لأهله ،،
الا ان الطفل عادل غيييييييييييير
غييييييييييييييير ،، غيييييييييييييييير ،،
لاحظي على المخرج يدقق على حركات اليدين ،، وهالشي لاحظته مع لقاء عادل
كان مثبت يده على كرسي كأنه مسؤول ويتكلم ويحرك يد وحدة بينما يده الثانية ثابتة ،،

للأمانة عيالي انصقلوا في المدارس ،، ان كان هناك دعم من البيت
الا ان كل مدرسة التحقوا فيها عيالي دور كبير في دفعهم لصقل شخصياتهم ،،

ارجع واقول البيت له دور كبير ،، والدور هذا يساعد المدرسة
الشيء هذا مؤمنة فيه مليون بالمية ،،

ما اعتقد ان الطفل اللي يلقى دعم واهتمام في البيت واكتشاف لمواهبه في البيت
راح يعاني من الاحباط على مر مراحل سنوات دراسته ،،

لكن اعتقد المشكلة تكمن في ،، عدم معرفة الاسرة بقدرات الإبن ومن ثم
ضياع الإبن في المدرسة ،،

اذا تبين تعرفين مدى قدرة الطفل على الكلام راجعي قدرة الأم والأب ،،
او واحد منهم ،، اهنيه بتعرفين الطفل هذا من وين تمكن من القدرة هذي ،،

[بلوتنيوم]

معتز بنفسه ،، دخل السوق وعمره 7 سنوات برغبة من والده
يقول كنت اتمنى اللعب يوم عمري 7 سنوات بس اليوم هو فخور بنفسه
،، صمم محل ابوه ،، مدير مبيعات لديه مكتب وسكرتيره
و30 عامل تحت يده ،،

تقول له يخافون منك والا يحترمونك ؟
يقول بكل بساطة يحترمون ويخافون والسلطة لها دور ،،

امس كنت الدكتور جيكل واليوم الصبح المستر هايد
بس حبيت اعلق
انه دائما في القصص المنقولة اعلاميا مايبرزون الصورة كاملة
يعني طفل من 7 سنين خليته يركز في الشغل
وحرمته من انه يعيش طفولته
هذا الشيء اكيد بينعكس سلبيا عليه في المستقبل
مافي احسن من الاتزان في الاشياء
والمهم والاهم التربية الصحيحة
مافي تفريط ولا افراط
يعني مب غلط انه احاول ادخل طفلي مجال البزنس والعمل
بس طبعا ماياثر هذا على تعليمه (الاساسي)
وماياثر على انه يستمتع (بطفولته)
والا بعدها يمكن نشوف مأسي مع مرور السنين
قد لا تنقلها الكاميرات:omen2:

[ام السعف]

الصراحة في نماذج وايد نشوفها في طلاب النموذجية
اكثر من جيدين في كل شي الا الدراسة ان لم اقل اني انبهر منهم
ونحن لا نشد على ايديهم تجاه مواهبهم ان لم تكن مقرونة بنجاحهم وتفوقهم في المدرسة
لذلك نلقاهم في نهاية المطاف مفصولين من المدارس
وعلى طول العسكرية
يعني احنا بمناهجنا وتربيتنا وتوجهاتنا احيانا ندفن وندمر هالمواهب

الطفل الضعيف ،، مب لأنه غبي او كسلان ،، الطفل ضعيف لأنه مب مأسس صح ،،
حتى مرات كثيرة موهبته راح تندفن معاه لأنه راح يحس انه مب فالح الا في هالشي ،،
واحنا كمجتمع خليجي دائما نركز على الشهادة كمطلب اساسي لحاجة بلادنا
للمناصب الاددارية او الفنية اللي تكون نتاج شهادات جامعية ،،

بس خليني اوضح نقطة مهمة بخصوص عدم تفوق الطلاب في المدارس ،،

يوم يكون ولدي في الصف الأول الإعدادي ونسبته 85% في الانجليزي
واشوفه يكره المادة الانجليزية ،، فهل هذا لأن الانجليزي صعب او لأنه ضعيف
او لأنه بالفعل ما يحب اللغة ؟

اترك كل الاحتمالات على صوب و ابحث عن طريقة يتأسس فيها صح
وبدل مدرس 2 ،، وبدل حصة حصتين ،، وبدل حصتين 3 و4 و 5
وهو يرفض ويقول انا اكره الانجليزي ،، انا اكره الانجليزي ما افهم ما حبه ،
وتلقينا كل مرة نفتح نقاش كبير طويل واساسه انه ما يحب وانه ما يحب
وانه ينفرض عليه شي ما يحبه وانه من حقه يختار اللي هو يبيه ،،

فهل تلقين من السهل تركه لمجرد قال انا ما بي ؟
انا ما احب ؟
انا ما اقدر اعطي ؟
لا مب سهل التحدي في تربية وتوجيه الأبناء يبدأ من امثال هالشخصيات
يوم يلقون دعم وصرامة وحزم من الأسرة ،، فشوفي هذا الطفل اللي كان يقول
ما احب واكره وما بي شنهو اليوم ؟

اليوم يفوز بالهيدبوي في مدرسته: لأن خطابه باللغة الانجليزية ومواجهته للجنة والتصويت الكاسح له خلاه يتخطى طلاب من الأوائل على المدرسة اللي هو فيها ،،
وتم اختياره لفريق المدرسة للمناظرات ( وباللغة الانجليزية مب بالعربية )
تقرب من الإدارة جدا ،، مع انه كان يكره الإدارة او خليني اقول تقربت منه الإدارة
وصار قريب منهم جدا ليش كل هذا ؟ لأنه مازال يكره اللغة الإنجليزية ؟
لأن في طلاب احسن منه في اللغة الإنجليزية ؟
ايه في طلاب احسن منه في اللغة الانجليزية بس في شي خلاه يقول انا موجود
انا حاضر ،، انا تغلبت على ضعفي ،، انا تأسست صح تغلبت على نقاط الضعف
اكتسبت الثقة في نفسي و غامرت ورشحت نفسي وكسبت الرهان وفزت بالمنصب
وفوقهم امور كثيرة ما كانت على البال ،،

فأقول : الطفل اللي يكره شي وخاصة في الدراسة يكره هالشي لأنه ضعيف
يكره القراية لأنه ضعيف في القراية ،، يكره الكتابة لأنه ضعيف في القراية

ولاحظي دائما يا شرشورة ان الطفل المتفوق في الدراسة تلقينه متفوق
ومبدع في امور كثيرة ،، وتلقينه متعدد المواهب ليش ؟

لأنه تمكن من شي ويحاول انه يجرب شي ثاني فتتعدد المواهب عنده ،،

فحاولوا تحلون مكامن الضعف في العيال ،، تحلونها ذاتيا في البيت ان لقيتوا
صعوبة تفهم من المدرسة ،، رصوا على عيالكم ولا ترحمونهم في مسائل
فهم اساسيات المواد ومن ثم خلوهم يلعبون لكن مب طول اليوم ،،

وشوفوا النتايج اشلون بتكون مرضية لكم ولهم وما التوفيق الا بالله ،،

[ام السعف]

اذكر فيما اذكر

طالبة كانت معانا في الثانوية .. وتعتبر اكسل طالبة

وكل يوم تهزيئ من المدرسات ومن الطالبات بعد

ولكنها كانت فنانة في الرسم .. ونجحت بالدز والضرب والرفس

وجابت نسبة ادخلها الجامعة على ايام النسب الجامعية الحلوة

وتخصصت تربية الفنية .. وكانت من تفوقها في هالتخصص وهالمادة تأثرت باقي المواد وكانت نوعا ما جيدة

والحين ماشاء الله عليها من افضل الفنانات

الله يوفقها وييسر لها امورها لكن اسمحي لي
اعيد واسأل واقول ،، صحيح كانت متفوقة في الرسم ،، لكن هل ممكن
تدرك ان اطفالها بيكونون بحاجة الى دعمها بشكل أكبر علشان ما يمرون
باللي هي مرت فيه ؟

هي موهبتها ادعمتها وساعدتها ،، لكن اللي ما عنده موهبة ممكن تدعمه
هل مصيره يكون التخلف الدراسي لأن مافي دعم من البيت او المدرسة ؟

هي نصيحة لله اقولها لكل أم و أب الأسرة هي الأساس ولا تنتظرون من المدرسة
الكثير ،، ازرعوا في ابناءكم حب العلم والمعرفة و ساعدوهم على تخطي
مكامن الضعف في المواد والنفس والعقل وان شاءالله ربنا ما بينسى عملكم ،،

[ام السعف]

امس كنت الدكتور جيكل واليوم الصبح المستر هايد
بس حبيت اعلق
انه دائما في القصص المنقولة اعلاميا مايبرزون الصورة كاملة
يعني طفل من 7 سنين خليته يركز في الشغل
وحرمته من انه يعيش طفولته
هذا الشيء اكيد بينعكس سلبيا عليه في المستقبل
مافي احسن من الاتزان في الاشياء
والمهم والاهم التربية الصحيحة
مافي تفريط ولا افراط
يعني مب غلط انه احاول ادخل طفلي مجال البزنس والعمل
بس طبعا ماياثر هذا على تعليمه (الاساسي)
وماياثر على انه يستمتع (بطفولته)
والا بعدها يمكن نشوف مأسي مع مرور السنين
قد لا تنقلها الكاميرات:omen2:

شوف ،، الطفل من ما كان لو تركته راح تلقاه يلعب طووول اليوم ،،
وان قلت له تعال خمس دقايق نقرأ قصة لاحظ تعابير و يهه كأنك ناوي تجلده ،،

طبعا ما اعتقد بتوصل القسوة فينا لدرجة حرمان الطفل من اللعب لكن من العدالة
تقسيم وقته ما بين شي يفيده وما بين اللعب ،،
لو قلنا عنده 10 ساعات فاضيين وفري بالنسبة لي 6 ساعات يتعلم فيهم امور
زينة والباقي يلعب فيهم امور تفيده وامور تروح عن نفسه ،،

اليوم انشوف امور عجيبة : السوني محطوط،، الكمبيوترات شغالة ،، والايبادات
مفتوحة ومشبوكة في ايام الدراسة وفي الأخير الطفل ما يعرف يتكلم كلمتين فوق بعض
ومستواه في المدرسة تاح توح ويالله يمشي عمره ،،

ونقطة عدم نقل الوجه الآخر اعلاميا،، راح اقول لك ان الاطفال اللي يلعبون
تلقاهم اكثر مآساة في حياتهم وحياة من يعولونهم في المستقبل ،،
الاعتدال مطلوب ،، لكني اميل الى جهة على كثر ما يعطي راح امنحه وقت
للعب ،، لكنه يلعب لأنه طفل هذي ما كانت عندي كلش :(

[دلة الرسلان]

شفت المقابلة على قناة الجزيرة وكنت ادعوا له أن الله يتمه ما كنت عارفه أنه نفس الولد

لأني توقعت أن اللي تتكلمين عنه لبناني على العموم كانوا عيالي عندي ومستغربين منه

اشلون يشتغل وهو صغير شخصيا عجبتني مقولة دون العاشرة طفل وفوقها شاب لأنه

مكلف بالصلاة الله يبلغ هله فيه ويكون مميز في المجتمع مستقبلا :)

بالنسبة لتربية الابناء أحد الأخوات في بداية زواجي كانت تقول لي انا اربي عيالي على اساس

يكونون شيء في المجتمع وزراء ولا مدراء مهمين ما اربيهم على اساس يكونون موظفين

عاديين .

ومن حديث عاادي مع احد الاخوات الاميات كانت تقول انا ما اعرف اقرأ ولا اكتب وما اقدر

اراجع لعيالي !!

قلت لها وليش ما تدرسين البيت متروس خدم وانتي صغيرة سن قومي تعلمي . صراحة

كنت محترة من سلبيتها بس في الأخير هل نتوقع أن الاولي بيكونون عيالها فعلا في مناصب والثانية

بما أنها وزوجها مش مهتمين بدراسة عيالهم بيكونون عيالهم من المتسربين من التعليم ؟

[الرويـس]

عشان كذا محتاجين (بادية)
:(

[دلة الرسلان]

عشان كذا محتاجين (بادية)
:(

افصح بادية ثريد ولا باجله !!

[ام السعف]

شفت المقابلة على قناة الجزيرة وكنت ادعوا له أن الله يتمه ما كنت عارفه أنه نفس الولد

لأني توقعت أن اللي تتكلمين عنه لبناني على العموم كانوا عيالي عندي ومستغربين منه

اشلون يشتغل وهو صغير شخصيا عجبتني مقولة دون العاشرة طفل وفوقها شاب لأنه

مكلف بالصلاة الله يبلغ هله فيه ويكون مميز في المجتمع مستقبلا :)

بالنسبة لتربية الابناء أحد الأخوات في بداية زواجي كانت تقول لي انا اربي عيالي على اساس

يكونون شيء في المجتمع وزراء ولا مدراء مهمين ما اربيهم على اساس يكونون موظفين

عاديين .

ومن حديث عاادي مع احد الاخوات الاميات كانت تقول انا ما اعرف اقرأ ولا اكتب وما اقدر

اراجع لعيالي !!

قلت لها وليش ما تدرسين البيت متروس خدم وانتي صغيرة سن قومي تعلمي . صراحة

كنت محترة من سلبيتها بس في الأخير هل نتوقع أن الاولي بيكونون عيالها فعلا في مناصب والثانية

بما أنها وزوجها مش مهتمين بدراسة عيالهم بيكونون عيالهم من المتسربين من التعليم ؟

الدكتور عبدالعزيز الحر من النماذج القطرية التي يضرب بها المثل واخوه الدكتور يوسف الحر لا يقل عنه في شيء ،، هل تربوا في بيئة الام والأب جامعيين ؟

كنت احضر مجلس امهات لعيالي ،، التكريم كان لطفلتين امهم كبيرة في العمر
أمية وبناتها الثنتين مكرمات لتفوقهن ،،

المهم الاهتمام يكون بكل الطرق المتاحة ،،الاهتمام بكل انواعه يكون من البيت
وان شفنا حالات راح تكون حالات استثنائية برزت من غير اهتمام الاسرة ،،

نزرع فيهم حب العطاء والبروز ( ركوا على البروز ) لأن حب البروز اشوفه
مهم للعطاء ودافع كبير للتطور ،، طبعا ما بقول بروز لمجرد البروز
انما بروز كي يكون نموذج محتفى به وقدوة للآخرين ،،

بس بجد ما شاءالله تبارك الرحمن على الرجل الكبير في عقله الصغير في عمره
عادل :shy:

[ام السعف]

عشان كذا محتاجين (بادية)
:(

:unsure:

[شيط ويط]

:rolleyes2:




قصدت .. مثله في (الغرور) .. كنت (مغرور) :)

[ام السعف]

قصدت .. مثله في (الغرور) .. كنت (مغرور) :)

هو مب مغرور البتة،، واثق ويستحق الثقة اللي هو فيها:shy:

[عنوووود]

الطفل الضعيف ،، مب لأنه غبي او كسلان ،، الطفل ضعيف لأنه مب مأسس صح ،،
حتى مرات كثيرة موهبته راح تندفن معاه لأنه راح يحس انه مب فالح الا في هالشي ،،
واحنا كمجتمع خليجي دائما نركز على الشهادة كمطلب اساسي لحاجة بلادنا
للمناصب الاددارية او الفنية اللي تكون نتاج شهادات جامعية ،،

بس خليني اوضح نقطة مهمة بخصوص عدم تفوق الطلاب في المدارس ،،

يوم يكون ولدي في الصف الأول الإعدادي ونسبته 85% في الانجليزي
واشوفه يكره المادة الانجليزية ،، فهل هذا لأن الانجليزي صعب او لأنه ضعيف
او لأنه بالفعل ما يحب اللغة ؟

اترك كل الاحتمالات على صوب و ابحث عن طريقة يتأسس فيها صح
وبدل مدرس 2 ،، وبدل حصة حصتين ،، وبدل حصتين 3 و4 و 5
وهو يرفض ويقول انا اكره الانجليزي ،، انا اكره الانجليزي ما افهم ما حبه ،
وتلقينا كل مرة نفتح نقاش كبير طويل واساسه انه ما يحب وانه ما يحب
وانه ينفرض عليه شي ما يحبه وانه من حقه يختار اللي هو يبيه ،،

فهل تلقين من السهل تركه لمجرد قال انا ما بي ؟
انا ما احب ؟
انا ما اقدر اعطي ؟
لا مب سهل التحدي في تربية وتوجيه الأبناء يبدأ من امثال هالشخصيات
يوم يلقون دعم وصرامة وحزم من الأسرة ،، فشوفي هذا الطفل اللي كان يقول
ما احب واكره وما بي شنهو اليوم ؟

اليوم يفوز بالهيدبوي في مدرسته: لأن خطابه باللغة الانجليزية ومواجهته للجنة والتصويت الكاسح له خلاه يتخطى طلاب من الأوائل على المدرسة اللي هو فيها ،،
وتم اختياره لفريق المدرسة للمناظرات ( وباللغة الانجليزية مب بالعربية )
تقرب من الإدارة جدا ،، مع انه كان يكره الإدارة او خليني اقول تقربت منه الإدارة
وصار قريب منهم جدا ليش كل هذا ؟ لأنه مازال يكره اللغة الإنجليزية ؟
لأن في طلاب احسن منه في اللغة الإنجليزية ؟
ايه في طلاب احسن منه في اللغة الانجليزية بس في شي خلاه يقول انا موجود
انا حاضر ،، انا تغلبت على ضعفي ،، انا تأسست صح تغلبت على نقاط الضعف
اكتسبت الثقة في نفسي و غامرت ورشحت نفسي وكسبت الرهان وفزت بالمنصب
وفوقهم امور كثيرة ما كانت على البال ،،

فأقول : الطفل اللي يكره شي وخاصة في الدراسة يكره هالشي لأنه ضعيف
يكره القراية لأنه ضعيف في القراية ،، يكره الكتابة لأنه ضعيف في القراية

ولاحظي دائما يا شرشورة ان الطفل المتفوق في الدراسة تلقينه متفوق
ومبدع في امور كثيرة ،، وتلقينه متعدد المواهب ليش ؟

لأنه تمكن من شي ويحاول انه يجرب شي ثاني فتتعدد المواهب عنده ،،

فحاولوا تحلون مكامن الضعف في العيال ،، تحلونها ذاتيا في البيت ان لقيتوا
صعوبة تفهم من المدرسة ،، رصوا على عيالكم ولا ترحمونهم في مسائل
فهم اساسيات المواد ومن ثم خلوهم يلعبون لكن مب طول اليوم ،،

وشوفوا النتايج اشلون بتكون مرضية لكم ولهم وما التوفيق الا بالله ،،

مشالله عليج أم السعف " ترى أستفدت من تعليقج هذا وايد وخليتيني انظر لموضوع كرة الطفل لشي من منظور وزاوية اخرى

[ام السعف]

مشالله عليج أم السعف " ترى أستفدت من تعليقج هذا وايد وخليتيني انظر لموضوع كرة الطفل لشي من منظور وزاوية اخرى

حياج الله ،، وكلنا نتعلم ونستفيد من هالدنيا ،،

[الرويـس]

سنة لين حصلت الموضوع
:(

[ام السعف]

سنة لين حصلت الموضوع
:(

فيه بربرة زايدة اطلع منه قبل لا يعور لك عيونك :shy:

[الرويـس]

^

لا .. ما صدقت حصلت أمر يخص فكرة مشروعي
لعل وعسى يكون وجه خير عليه
:(

[الصريحه]

ونعم التربيه
ماجاب له بلي ستيشن ولااي بود ولا اي فون

[عنوووود]

ام السعف أنا لاحظت ملاحظة أزعجتني جدا جدا

هذه القناة " الجزيرة للأطفال " إكتشفت التالي :



برنامج أطفال المهجر : طبعا يخدم الغير قطريين مب مشكلة وفكرة حلوة

برنامج كلمني : عدد القطريين المشاركين 2 من أصل 26 ليش


برنامج طريق النجاح : عدد القطرييين ضئيل يمكن بس واحد ليييييييييييييييش


ووووووووووووووووووين عيالنا

عندي في المدرسة نماذج والله العظيم عباقرة ومتحدثين لبقين ومتفوووووقين

وووووووووووووووووووووووين القناة عنهم

ليش مايوصلنا تعميم بإختيار طلاب قطريييييين أصحاب مواهب لإستضافتهم في القناة

لما يطلعووون عيالنا يتعودون على الجرءة وثقة إن إلي عنده موهبة مب شي عادي ويصبح عنده دافع اكثر ويحس ويصدق إن فيه احد مهتم فيهم


أنا بصراحة لااااااااااااااااازم أرسل أسماؤهم للقناة ويعطوووووونهم ويه مثل غيرهم

[ام السعف]

العنود.... بكل صراحة تراني مب من متتبعي التلفزيون... من سنيين طويلة اعتزلت هالمهنة بعد ان احكم بو العيال سيطرته على الريموت....
فاللي حصل ان ذالك اليوم كنت نايمة واعتقد اني كنت في بداية مشروع حلم
والا اسمع اصوات في الغرفة. . اهاا بو العيال قرر يفتح التلفزيون حزة نومي الصباحي. ..... اكيد في شي جايد. .... قعدت على السرير وانا ارسم ابتسامة
مصطنعة. اسئله خير شسالفة ؟؟
الا يقول لي العرض بيبدأ اللحين. .. قلت له اها زين اوكي تمام. ..
تابعت العرض واستانست وقمت تريقت وخذت جوالي العب فيه واشوف شنهي سالفته. .. الا بدينا العرض الابدي في التجوال على كل القنوات والتأكد من وجودها على الحياة. ... طبعا مشاعر البلادة تجاه العرض هذا اكسب حياتي الزوجية الكثير من الاستقرار. ... الى ان وصل العرض عند قناة الجزيرة للاطفال سمعت صوت عادل. ... رفعت راسي شفته لابس غترة وعقال. ... وتوه بو العيال بيفر القناة. .. الا اقول له خله خله لوووو سمحت خلني ابي اشوفه..

طبعا من حسن حظي و طالعي يومها. .. ان القناة تغيرت ثلاا ث مرات وفي كل مرة اطلب رجوعها. .. الى ان المذيعة خلصت والا القنوات استعرضوا بشكل متتالي وسريع. ..
بس تمام اني قبضت شي من اللقاء..

الحين اللي ابي اقوله اني ما ادري شي عن الموضوع ذيه
بس يبي لنا حركة لاابراز عيالنا القطريين. . وانا تحت امرج في اي ح
ركة مطلوبة. ..

[ام السعف]

ونعم التربيه
ماجاب له بلي ستيشن ولااي بود ولا اي فون

ايييه...صدقتي. .بس ممكن كل الاأمور المذكورة تنسحب منه لو مستواه تردى...

[كازانوفا]

سبحان الله

اكبر دليل ان الاب امفضي وقت لابنه لانه له حق عليه كيف يربيه ويعلمه

جزيتي خير

[ام السعف]

سبحان الله

اكبر دليل ان الاب امفضي وقت لابنه لانه له حق عليه كيف يربيه ويعلمه

جزيتي خير

لاحظي على اسلوبه في الكلام لو شفتي الحلقة انه اسلوب رجل سوق
اسلوب التاجر في كلامه و رزة رجل الاعمال في قعدته ،،
تنقصه كلمات منمقة ومرتبة حتى نقول انه مب ناقصه شي ،،

اعتقد للأب دور كبير في اللي هو عليه ،،، ياليت الأباء يلتفتون لعيالهم
من هم اعمارهم شهور ,, ولا يقولون لكبر بنخاويه ،،

لأن لو كبر الطفل وابوه في الشيشة راح يكبر الطفل من غير داعم له ،،
هالشيشة اللي ماخذة عقول اباء هالأيام اخذ :omen2:

[عنوووود]

العنود.... بكل صراحة تراني مب من متتبعي التلفزيون... من سنيين طويلة اعتزلت هالمهنة بعد ان احكم بو العيال سيطرته على الريموت....
فاللي حصل ان ذالك اليوم كنت نايمة واعتقد اني كنت في بداية مشروع حلم
والا اسمع اصوات في الغرفة. . اهاا بو العيال قرر يفتح التلفزيون حزة نومي الصباحي. ..... اكيد في شي جايد. .... قعدت على السرير وانا ارسم ابتسامة
مصطنعة. اسئله خير شسالفة ؟؟
الا يقول لي العرض بيبدأ اللحين. .. قلت له اها زين اوكي تمام. ..
تابعت العرض واستانست وقمت تريقت وخذت جوالي العب فيه واشوف شنهي سالفته. .. الا بدينا العرض الابدي في التجوال على كل القنوات والتأكد من وجودها على الحياة. ... طبعا مشاعر البلادة تجاه العرض هذا اكسب حياتي الزوجية الكثير من الاستقرار. ... الى ان وصل العرض عند قناة الجزيرة للاطفال سمعت صوت عادل. ... رفعت راسي شفته لابس غترة وعقال. ... وتوه بو العيال بيفر القناة. .. الا اقول له خله خله لوووو سمحت خلني ابي اشوفه..

طبعا من حسن حظي و طالعي يومها. .. ان القناة تغيرت ثلاا ث مرات وفي كل مرة اطلب رجوعها. .. الى ان المذيعة خلصت والا القنوات استعرضوا بشكل متتالي وسريع. ..
بس تمام اني قبضت شي من اللقاء..

الحين اللي ابي اقوله اني ما ادري شي عن الموضوع ذيه
بس يبي لنا حركة لاابراز عيالنا القطريين. . وانا تحت امرج في اي ح
ركة مطلوبة. ..

هههههههههه الله يعين عندنا وعندج خير

ترى انا بعد ماأتابعها بس يوم دخلت الرابط الله وكيلج امس تصفحت موقعهم كامل حته حته

وطلعت بالملاحظة المزعجة " الحلو إني بعد ماشفت حلقة عبدالله وليد رحت وعطيت ولدي مسمار ومطرقة " منشان مايدئو لهلمسار " :shy:

[ريتال]

اتوقع ان الطفل هو يطلب المشاركة في البرنامج عن طريق الموقع

انا تابعت حلقة عادل جذبني بثقته بنفسه ما شاء الله عليه رغم اني حسيت انه فيه شوية غرور

بس اتوقع هالشي طبيعي في سنه

[الرويـس]

http://www.jcctv.net/index-20786720010068.2917439.html

أحس ان عنده زحمة حكي ويبي يسولف
:(

[ام السعف]

http://www.jcctv.net/index-20786720010068.2917439.html

أحس ان عنده زحمة حكي ويبي يسولف
:(

اسمه عادل عكسر ،،

هل يترى هو ولد عسكر صاحب محل الموانيع ( على قولة بنتي )

بس عجيب ،، الله يبارك فيه ،،

[الرويـس]

^
والله ما عندي علم حضرة المستشارة
:(

عطفا على ردي الخاص بالبادية

القصد من البادية هو (تعاملك مع الأرض) ، الأمر اللي يخليك على تواصل مع ما يمكن ان يصبح حدث ينتج عنه تجربة
مسألة الخوض في أعمال توكل لي وانا في سن مبكر تصنع مني خبير في (تجربه) بشكل مبكر
وتعاملي بشكل (حسي) مع ما يدور من حولي بشكل أو بآخر يساعدني في اني اكتشف ما يلي تلك المرحلة
ومع الوقت (انضج) واسبق غيري

:(

[Arab!an]

مرات يكون التوتر عامل ايجابي ..

انا احس انه اعد نفسه مزبوووط حق اللقاء وشحن نفسه لدرجه انه حاول مايخلي فراغات في اللقاء =) المذيعه مسكينه تنطره يسكت علشان تسأل .. وهو اذا شافها ساكته مايسكت لازم يسد الفراغات

ضحكني يوم يقول " هيه عطني باص" ههههههه

عجيب .. الله يخليه حق هله

بـرب اكمل اللقاء

[ام السعف]

مرات يكون التوتر عامل ايجابي ..

انا احس انه اعد نفسه مزبوووط حق اللقاء وشحن نفسه لدرجه انه حاول مايخلي فراغات في اللقاء =) المذيعه مسكينه تنطره يسكت علشان تسأل .. وهو اذا شافها ساكته مايسكت لازم يسد الفراغات

ضحكني يوم يقول " هيه عطني باص" ههههههه

عجيب .. الله يخليه حق هله

بـرب اكمل اللقاء

ما اعتقد انه شحن نفسه ،، والدليل انه كان يتجاوب مع الاسئلة
هل تعتقد كان على علم بالاسئلة قبل لا يدخل الحلقة ؟

اعتقد اقول اعتقد من اسلوبه مع المذيعة يدل انه ما كان على علم،،

الله يخليه ويحفظه حق هله :shy: