يالـخويا .. يالـفزعـة .. يـآالمرور - خربـتوا المسـيرة وفرحتها

[ألعب بعيد]

البارحة المسيرة كانت من افشل المسيرات اللي حصلت

الناس ممرت شوي من الكرنيش وعقبه سكروه وصرفوا السيارات من ورا ! سكروا الكورنيش كامل .. والاختناق المروري في المرخية @

زين ليششش !! ماتبونا نفرررح !!!!

وين ايام يوم تخلونا على راحتنا ولاتدخلون ابد اقسم بالله احسن من الحين

ان جو خربت وان راحو عمرت

هذه المثل على ادارة المرور

حتى ازدحام الشوارع محد متسبب فيه الا هم

شحلاتنا قبل صدق زحمة بس مهب نفس الحين بسبة المرور والاختناقات اللي مصدرها المرور

[khalid-qtr]

والله ياخوي كلامك هذا غير منطقي
ما قصروا والله نظموا السير وياخوي لازم تروح مسيرة الفرحة مو شرط تكون بمسيرة للاسف انة المسيرة اكثر الي اسمعها عنها مصخرة ومضايق العالم من الشباب والبنات المراهقات ترقص و اغاني لا احترام للحق العام وتحرشات وسيارات مزعجة وشباب طايشين امس و انا طالع بروح مع عيالي الحفل مروا من جنبي ثنين مغطين موترهم بالمخفي و اصوات سيارتهم مزعجة كدهم بيحولون فرحتي انا وعيالي لحزن قدهم بيحشرونا ويوم وقفوا على الدوار والله بزران اشكالهم يمكن لو اوقف اتكلم معهم مايعرفون حتى يتكلمون يبة روح للحتفالات وخل من الخرابيط و استانس با العقل والاخوية والمرور وغيرهم من الي ينضمون مو مقصرين انا شفتهم بعيني لو مو هم كان تسكرت الشوارع من الحوادث

[vtc_4.8]

هاي حركاتهم كل سنه

[Qatar-King]

في نظري لو يلغون المسيرة يكون أفضل ما وراها ألا الزحمة و المشاكل ,,,,


يكفي العرض العسكري اللي صار الصبح و الخيام و عرضات القبائل ,,,


و المرور ما قصروا يحاولون قدر الأمكان تنظيم الحركة الله يعطيهم ألف عافية ,,

[بوعبدالله779]

بصراحه خربوا الفرحه بكبرها لانه اهم شي في الاحتفالات المسيرة وانا وديت عيالي للمسيرة وبكل امانه ازدحام غير طبيعي ومافي اي تمشية على الكورنيش اتجاه الشيراتون يعني بكل امانه مافي فرحه مثل اللي صارت في مسيره 2022

[فيزيائية]

العب بعيد ....
والله خاطري اعرف شنو هدف المسيرة ؟؟
طبعا غير الرقص والهرانة والازعاج وتخويف خلق الله والرش ....
فشلونا جدام الاوادم...احتفال مايعرفون يحتفلون الا بتخريب ؟؟
والشرطة ماقصروا مساكين من الفجر وهم يحاولون ينظمون العالم بس البعض مايفهم يحتفل بنظام ....

[Roooo7 Qtr]

العب بعيد ....
والله خاطري اعرف شنو هدف المسيرة ؟؟
طبعا غير الرقص والهرانة والازعاج وتخويف خلق الله والرش ....
فشلونا جدام الاوادم...احتفال مايعرفون يحتفلون الا بتخريب ؟؟
والشرطة ماقصروا مساكين من الفجر وهم يحاولون ينظمون العالم بس البعض مايفهم يحتفل بنظام ....
اجمل رد صراحه

[شاهيناز]

المفروض كلنا نكون متعاونيين عشان قطر
اليوم الوطني والاحتفالات بتكون في الكورنيش لازم يسكرون الطرق
ليش احنا كله متذمريين ومتطلبيين نبي نبي ولا نقدم شي
من اجل قطر يهون كل تعب الطرق مسكره مشينا مسافات طويله حتى وصلنا لمكان الاستعراض وشاركنااميرنا في الاحتفال

مب كل يوم الاحتفالات ساعات في يوم في السنه مب قادرين نصبر
بس نتذمر وننتقد حماة الوطن بدل مانقول لهم الله يعطيكم العافيه

[الخزرجي قطر]

اختلاف الأرأ ووجهات النظر؟؟؟؟

[سكرمر]

اخوي صاحب الموضوع


انت فقط تفكيرك فى انك تقود سيارتك وتسمع اغاني وتدق هرن فقط ...


لكن رجال الامن تفكيرهم اكبر بكثير يفكرون كيف انك تروح وتتمشي وترجع لبيتك وانت بخير وسلامه بأذن الله


مافكرت فى حالات الدهس اللى تصــير ولا فكرت فى الحوادث والازعاج والاختناقات المروريه


رجال الامن يتواجوده ع 24 ساعه فى خدمه الناس وهذا شغلهم


وفى الاخير يجي واحد مثلك ويقول خربتوا فرحتنا



ما اقول الا بيض الله وجه رجال الامن لخويا والفزعه والمرور وكل وجهات الامن


تحياتي لكم

[بو الطيب]

اقولك كلمه وحده وهي بدري عليك تتكلم عن الوحوش

ذولا ماتعسكرو وعلقو الخيط الا بعد ماسوو شي انت ماتفكر تسوويه

انت الحين جاي تبي تعلمهم عيل ههههه اقول روح اقعد في المكيف وطالع تلفزيون

[ألعب بعيد]

انا ماغلطت على حد ولا على جهة !

واشوف ان بعض الردود يتهجمون علي كاني ساب الحكومة !!

انا اقول مالها داعي انهم يسكرون شارع يزحمون فيه شارع ثاني

توني جاي من المسيرة الحيين اقسم بالله ماوصلنا الكورنيش الكورنيش نصه فاضي والشوارع الخلفية زححمة الشر !

وليه طيب ؟

[ولد العديد]

لاعت جبدي اليوم واليهال من الملل متى نرجع البيت واللي نام من الملل
3 ساعات من دوار لين دوار شدعوه مللتونا وانا معاي كان ولدي عمره 3 اسابيع والله تعب حرام عليهم وغير هاي معاي العيوز مسكينه تعبت والله خربو علينا الفرحه

[الأصيلة]

في نظري لو يلغون المسيرة يكون أفضل ما وراها ألا الزحمة و المشاكل ,,,,


يكفي العرض العسكري اللي صار الصبح و الخيام و عرضات القبائل ,,,


و المرور ما قصروا يحاولون قدر الأمكان تنظيم الحركة الله يعطيهم ألف عافية ,,

ياليت والله مافيها إلا مسخرة
ولا أحد داري بالفرحة
حتى الأغاني مشغلين الحنطور وتوابعه...
بس تفريغ شحنات المياعة والحركات الغير طبيعية...

[سكرمر]

لاعت جبدي اليوم واليهال من الملل متى نرجع البيت واللي نام من الملل
3 ساعات من دوار لين دوار شدعوه مللتونا وانا معاي كان ولدي عمره 3 اسابيع والله تعب حرام عليهم وغير هاي معاي العيوز مسكينه تعبت والله خربو علينا الفرحه




الله يهديك اخوي وين تودي طفل عمره ثلاث اسابيع للمسيره ... والعيوز بعد شنو اللى موديها للمسيره


كلها ازعاج وزحمه ودخان سيارات وتواير

[الأصيلة]

كل التحذيرات اللي قبل كأنها هباء منثورا
مع إن الشرطة كانت تمشي وتخالف وتراقب بالقرب من مسرح قطر الوطني
لكن مافيه فايده
فاتحين أبواب السيارات ويرشون على خلق الله
وبنات كبار مراهقات طالعين من فتحة السيارة
عاد هم بنات هم أولاد من النوع الثاني.. الله أعلم؟؟؟
ويتهاوشون مع بعض
ويتضاربون ويتركون السيارات ويروحون يمشون يسولفون مع ربعهم
متى بتقنون ثقافة الإحتفال بالمناسبات...

[مهل]

الي هاز طوله و يتشكا من الازدحام او المرور او غيره و يبي الكورنيش ينفتح له بسبب المسيره اقوله دامك تبي تحتفل وتسوي مسيره ليش ماتوقف سيارتك و تسوون كلكم مسيه مشي على الاقدام ،، ايضا اسمها مسيره و تعبير عن الفرح .
المسيره مش لازم تكون في سيارتك و حاشر العالم بصوت الدبه المبطوطه والهرانه و المسجل و غيره من امور الكل سمع عنها او شافها .

اتمنى و ادعي انه ماتكون فيه مسيرات في قطر مره ثانيه ولكن ان صار اتمنى من الحكومه تجعل جميع فعالياتها في الكورنيش و يقومون باغلاق الكورنيش بالكامل و الي يبي يحضر و يسوي مسيره خل يدخل يمشي في الكورنيش بدون سياره

[bo_Yousef1]

صراحه مسيره مب لعيد الوظني اسميها مسيره المصخره والمغازل والتخلف وقله الادب

بنات وترقص ومكياج وسوالف مع شباب وترقم واغاني

وشباب مايع وحركات جنس ثالث واقنعه وتخرع بالعالم ورش بالسبيره على بعض

وهرانه وحشره العالم واستعراض وازعاج من دباب السيارات

هــــــــــــــــذي هـــــــــــــــــــي المسيره

!!!!!!!!!!!!!

وهذا الي شفته

[Nesreen]

والله انا براي صحيح انو الفرحة حلوة كتير بس مو بهالطريقة فعلا انا والوالد وولاد اخوي اليوم بالمسيرة وزحمة 3 ساعات فعلا انزعجنا كتير من الاصوات الي عملوها هالشباب والمعاكسات الي بين الشباب والبنات وكانو في كتير شباب بيمشو بين السيارات وبيكلمو سيارات فيها بنات والله عيب هالحركات بس اللوم مو ع الشباب بس ع البنات كمان الي اعطوهم وجه والله يعطي الفزعة والمرور الف عافية يارب ع تعبهم

[حزينه]

كفو يا شرطة المرور كفو يا ذيابة قطر

[a919]

بصراحه المسيره شي مخزي وللاسف البعض يعطي صورة غير حضاريه للبلد هل هذا تعبيرهم عن اليوم الوطني وحب الوطن؟ زين يوم سكروا الشوارع لان الاشياء اللي صارت في المسيره واللي قاموا فيها مجموعه من الشباب غير اخلاقيه وطبعا الكلام للبعض مش الكل في فئه من الشباب تحتفل بشكل حضاري وراقي ..

[R 7 A L]

اخوي صاحب الموضوع


انت فقط تفكيرك فى انك تقود سيارتك وتسمع اغاني وتدق هرن فقط ...


تفكير كل من يروح للمسيرة
خخخخخخخخخخخخخخخخخ

[القحطاني505]

ما يسمى بالمسيرات ما هي إلا خرابيط وقلة حياء ومسخرة ، والأفضل للواحد يقعد في البيت ويتابع الاحتفالات في التلفزيون

[MAZEN37]

اخوي صاحب الموضوع


انت فقط تفكيرك فى انك تقود سيارتك وتسمع اغاني وتدق هرن فقط ...


لكن رجال الامن تفكيرهم اكبر بكثير يفكرون كيف انك تروح وتتمشي وترجع لبيتك وانت بخير وسلامه بأذن الله


مافكرت فى حالات الدهس اللى تصــير ولا فكرت فى الحوادث والازعاج والاختناقات المروريه


رجال الامن يتواجوده ع 24 ساعه فى خدمه الناس وهذا شغلهم


وفى الاخير يجي واحد مثلك ويقول خربتوا فرحتنا



ما اقول الا بيض الله وجه رجال الامن لخويا والفزعه والمرور وكل وجهات الامن


تحياتي لكم

كلام سليم

[dream~qa]

يالخويا - يالفزعة - يالمرور ،،

الله يعطيكم ألف عافية ، وجزاكم الله خير على كل اللي سويتوه ، وبيض الله وجيهكم .

[@north_star@]

بالعكس وجود الشرطة وغيرهم من قوات الامن والدوريات من اهم الاشياء للتنظيم وانزال المخالفات بمن يستهينون بارواح الناس يعني مثلا واحد جاي مسيرة واسمها مسيرة جاي تستعرض بموترك ليش ؟؟؟!!!!! والا دايس ومستن تقول داش رالي والله يعطيهم العافيه الداخليه والمرور وما قصروا بصراحه

[milan]

للاسف موضوعك مب في محله

الله يعطيهم العافيه وبيض الله وجيهم على جهودهم

البعض تنقصهم ثقافة الاحتفال باليوم الوطني!!

[بلوتنيوم]

اخوي صاحب الموضوع


انت فقط تفكيرك فى انك تقود سيارتك وتسمع اغاني وتدق هرن فقط ...


لكن رجال الامن تفكيرهم اكبر بكثير يفكرون كيف انك تروح وتتمشي وترجع لبيتك وانت بخير وسلامه بأذن الله


مافكرت فى حالات الدهس اللى تصــير ولا فكرت فى الحوادث والازعاج والاختناقات المروريه


رجال الامن يتواجوده ع 24 ساعه فى خدمه الناس وهذا شغلهم


وفى الاخير يجي واحد مثلك ويقول خربتوا فرحتنا



ما اقول الا بيض الله وجه رجال الامن لخويا والفزعه والمرور وكل وجهات الامن


تحياتي لكم

:nice:





ياليت والله مافيها إلا مسخرة
ولا أحد داري بالفرحة
حتى الأغاني مشغلين الحنطور وتوابعه...
بس تفريغ شحنات المياعة والحركات الغير طبيعية...

الحنطور :rolleyes2:


بالعكس وجود الشرطة وغيرهم من قوات الامن والدوريات من اهم الاشياء للتنظيم وانزال المخالفات بمن يستهينون بارواح الناس يعني مثلا واحد جاي مسيرة واسمها مسيرة جاي تستعرض بموترك ليش ؟؟؟!!!!! والا دايس ومستن تقول داش رالي والله يعطيهم العافيه الداخليه والمرور وما قصروا بصراحه

للاسف البعض مايفكر الا بالشيء الى امامه
ابي استانس
واسوي كل الى خاطري فيه حتى لو ضد القانون
ومابي رادع
ومابي حد يتدخل
مايدري انه اهم شيء في الاجراءات التنظيمية الامن
ولولا تواجد رجال الامن بكل انواعهم
لصارت فوضى :victory:

[khaleeji]

احيي رجال الداخلية والخويا على ما قاموا به واتمنى منع المسيرات في المرات القادمة

[الكادي99]

كل التحية والشكر والتقدير لرجال الأمن باختلاف مسمياتهم ...
اكيد يقصد خربوا على اللي كان ناوي يستعرض ابعجلاته..او يخرب أجواء الفرح اللي عاشتها العائلات....فشكرا يا رجال الأمن ودمتم عيون ساهرة تحمي وطنا الغالي

[روضه الجنة]

الصراحة الشرطة ماقصرت .. وتأكد كل اللي تسوية لخدمة الشعب
ويعطيهم ألف عافية على المجهود اللي بذلوه

[شموخ العز]

اخوي صاحب الموضوع


انت فقط تفكيرك فى انك تقود سيارتك وتسمع اغاني وتدق هرن فقط ...


لكن رجال الامن تفكيرهم اكبر بكثير يفكرون كيف انك تروح وتتمشي وترجع لبيتك وانت بخير وسلامه بأذن الله


مافكرت فى حالات الدهس اللى تصــير ولا فكرت فى الحوادث والازعاج والاختناقات المروريه


رجال الامن يتواجوده ع 24 ساعه فى خدمه الناس وهذا شغلهم


وفى الاخير يجي واحد مثلك ويقول خربتوا فرحتنا



ما اقول الا بيض الله وجه رجال الامن لخويا والفزعه والمرور وكل وجهات الامن


تحياتي لكم


هذا الكلام العدل والله يعين رجال االامن في جميع مواقعهم على العمل

واخر شي يسمعون كلام من ناس فاضين همهم الاول والاخير الاستعراض والفوضى
غير اخوانا في دول الخليج خربو الدنيا استعراض وفوضى( سوال لو واحد من هل قطر سوى هالشي في ديرتهم راح يزعلون)
يعطيهم العافيه بيض الله وجيهم رايتهم بيضاء رجال الامن

وكل شخص جاي من ديرته يستعرض ويقل ادبه نقول له لالالالالالالالالالالالالالالالالالا

احترم نفسك نحترمك وفوق العين والراس

[متفااائل]

اضم صوتي لصوت اللي يطالب بإلغاء المسيرة وبيض الله وجيهكم يالخويا والمرور وكل من ساهم في الحد من الفوضى اللي بتيضعنا

[بوخالد911]

بالعكس

يوالييهم 1000 عافية

[قطر love]

بيض الله وجهكم يا رجال الامن مهما اختلفت مسمياتكم والله ماقصرتوووو وهذا المفروض الي يصير من زمااااااااااااااااااااااان

[كازانوفا]

الحمدلله ان مر اليوم على خير

[BuFaisal]

الله يجزاهم خير
لخويا بروحهم والمرور بروحهم والفزعة بروحهم ولا فيه تنيسق
كل واحد فيهم شغال بوادي بروحه

بس احتفلنا والحمد لله والله يديم بومشعل على رؤسنا :)

[الفتى]

يا الربع وش هل المسيرة اللي الكل يتكلم عنها هل الولاء بالرقص و المسخرة اللي صايرة (على حسب ما سمعت) أنا أقول تلغى المسيرة نهائياً .

[%حورية قطر%]

الله يعطيهم العافية لخويا والفزعه
والله انا وعيالي وابونا كان هدفنااا هو الالعاب النارية وغصبا عنا دشينا في معمعه الزحمة الخانقة وتسندرنا عدل من هرج المراهقين اللي رافع صوت الاغاني وياليت اغاني وطنية لا اغاني شبابية طااااااااااااايشة وطااااالعين من السيارة يهزونها ويرقصونها معاهم قمة السخافة واغلبهم يهااااااالو اعمارهم 16 او 17 وان كثرنا 19 سنة فاااااااهمين الاحتفالات بيوم الوطن خطأ
وغير صووووت البووق المزعج اللي لين الفجر صووووته
اول مامرت لخويا وقفوا واطلبوا من المزعجيين يركبون السيارة وبمجرد ماراحت سيااارة الشرطة نزلووا ورجعوووا حركاااات المهزله ... اللهم لاشماااااااااته

[شموخ-qtr]

بيض الله وجيهم وماقصرو ...

[غرفاوي قطري]

حركآتهم كل مسيره ..
يوم السبت العصر الكورنيش مفتوح .. ولازحمه ولا خرآبيط ..
وبخصوص اللي يقول شنو هدف المسيره .. !
آخوي الغالي ترى فرحه مب عزآ .. لازم بيسون مسيره النآس ..

[الكلدي]

شاركت العام بمسيره اليوم الوطني وكانت الامور طيبه

وهل سنه شاركت بمسيره كاس العالم 2022وشفت اللي شافه الجميع في المسيره
وبعدها حرمت اشارك باي مسيره والحمد لله ريحت راسي من المسيره الالخيره18/12
والى الامام يا قطر بدون مسيره