وين أحصل أحواض سمك شكلها راقي؟

[المزن الرياني]

السلام عليكم

مثل ماهو بالعنوان ... بغيت حوض سمك بس كوالتي
رحت للمحل اللي بسوق المرخيه واللي بسوق العلي ومالقيت شي يسوى

[Qtr95]

لا تروح حق اللي في سوق العلي كلش !!
تراه اكبر نصاب .. والاحواض مب كواليتي ..

اذا تبي حوض روح محل اكوا ارت في شارع سلوى ..

او انصحك سولك حوض تفصيل احسن ..
انت بس قولي شنو الحجم اللي تبيه وانا بعطيك المقاسات وكم لتر يستوعب
:nice:

[المزن الرياني]

كان زين أقدر أفصل
انا بغيت حوض طوله متر وعرضه 40سم وأرتفاع 40سم
تقريباً

[حمد بن سعد]

نصيحه ان مجرب ارخص مكان في قطر ايبيع احواض السمج سوق واقف روح فيه كذا محل وفيه اشياء حلوه

بس الله يعينك على اتنظيف ان عندي حوض ومبهدلني والله كل اسبوع انظفه يعني خذلك حوض اصغير عن العباله ولاتحط فيه سمج وايد عشان مايتوصخ ابسرعه

والله يوفقنا وياك

[حزينه]

شف واحد كبير وشكله حلو في انصار ستي في الطابق الثاني

بس مثل ما قال حمد سوق واقف فيه اشكال والوان

[مهل]

عليك بالمحل الي في خط سلوى يفتح شمال مقابل هارديز جمب كوفي كاريبو

[المزن الرياني]

يعطيكم العافيه جميعاً

بالنسبه لعمليه التنظيف .. واحد من الربع عنده حوض يقول ان الاوساخ وانتوا بكرامه تتجمع على سطح الماي فيسهل تنظيفه

مادري هل هذه ميزه بالحوض تجي بالطلب والا الموضوع يتعلق بشي نركبه بالحوض؟

[.. الكاش ..]

مرحبا اخوي انا صارلي عشر سنين اعتني بسماك الزينه اذا ميزانيتك مفتوحه روح محل اكوا ارت فشارع سلوى مقابل هارديز واذا ماتبي تخسر فصل احسن واخذ فلتر الماني من عند اكوا ارت صج غالي بس يعيش وانضف