أبناء دول مجلس التعاون الخليجي يحتفلون في قطر باليوم الوطني .. يا هلا ومرحبا بكم !!

[هجمة مرتدة]

مساء الخير وكل عام والجميع بألف خير

أفرح كثيرا ً حينما أرى أهلنا من دول الخليج المجاورة يشاركوننا الإحتفال باليوم الوطني ..

ما شاء الله رأيت اليوم الكثير من السيارات الإماراتية والسعودية .. (الإماراتية على وجه الخصوص) ! :)

وهذا إن دل فإنما يدل على قرب الشعوب الخليجية لبعضها البعض ..

عسى الله يديم المحبة بيننا ولا يفرق دول الخليج ..

وعز الله أن الدار داركم وإن ما شلتكم الأرض تشيلكم عيوننا ..

[مهل]

السلام عليكم


الله يحيي كثير منهم و اسمحلي اضيف اقتباس لمشاركه لي في موضوع اخر .




سؤال للجميع : هل تعتقد ان بعض مواطني دول الخليج من فئه الشباب الذين شاهدناهم متواجدين في الدوحه هذه الايام و مزينين سياراتهم و مدندشينها و رمز بن كود البلاك بيري بارز على جمب السياره ، هل تعتقدون انهم جايين الدوحه يشاركونا فرحتنا ؟؟ ولا جايين الدوحه يحتفلون ويستغلون الفرصه الثمينه و ينهشون اعراض بنات المسلمين ؟

للاسف وصلتني صوره على البلاك بيري توضح ما اعنيه ولكن للاسف مسحتها

[هجمة مرتدة]

المشاركة الفردية لا تمثل واقع الأغلبية أخي مهل

هذه الظاهرة وجدتها كثيرا ً منذ شهور على السيارات القطرية ..

موضة ومردها تروح :)

[حزينه]

بس الي فرحني وانا جايه من الريان شفت سيارة كويتيه ابو ومرته وبناته وعياله صغار
وكاتبين ورا السياره ( تستاهلين ياقطر 2022 ) وكانو فرحنيين

ولازم من كرمنا نرحب فيهم اهلا وسهلا بجميع مجلس التعاون الخليجي

[abdo222]

يعطيهم العافيه وبيض الله وجيههم ،،


يعطيهم العافيه تعنوا وياو واحتفلوا ويانا ،، وصح لساني اخوي baaas

[" Snake "]

هو والله شي حلو ان انشوف اخوانا الامارتيين معانا في الاحنفالات
بس بعضهم مب لله جايين واظن البعض فاهم

[العضو الماسي]

أحسنو الضن فالعالم وبسكم همز ولمز (( فديتهم أخوانا الاماراتيين من زمان هم ربعنا واخواننا وقطر والامارات يد واحده من زمان )) .

[مشتاقة لقطر]

اغلب اللي بمنطقتنا ( بالامارات ) سافرو قطر

لان من اسبوعين اهلنا بقطركلهم بالامارات يشاركونهم عيد الاتحاد

حلوة اللمة والحماس

[qatar1111]

الله يحيهم على مكانهم

[نتفـه]

فديت اهل الاmــارات والله ,,
وحياهـm الله ف اي وقت :) ,,

[R 7 A L]

حب اهل الخليج لبعض مايحتاج ذكر

كلنا نحب بعض وقلوبنا على بعض

[محمد عبدالرحمن]

شخصيا سعدت بتواجد اخواننا الخليجين ليشاركونا هذا اليوم، و اتمنى العام المقبل أن نرى في هذا اليوم، في نقاط:

تجمهر العائلة القطرية في الكورنيش بدون سيارات
خطابا من والدنا حمد و أخانا تميم لاستعراض الانجازات للعام نفسه
عمل فعاليات تبني روح العمل الجاد و التآلف للعائلة القطرية الواحدة مثل (اتمام بناء سفينة يشارك فيها على الاقل فرد من كل اسرة، و غيرها من الصناعات التي يمكن اتمامها في يوم لكثر عدد المشاركين)
عرضة على الكورنيش تشمل كل القبائل، الأسر، الأفراد القطريين لتعزيز منطق العائلة القطرية الواحدة
الصلاة الجماعية في وقتها يؤمها والدنا سمو الشيخ حمد


تحياتي،
محمد عبدالرحمن

[البحار00]

مشكلتكم ياهل قطر

انكم على نياتكم


شوف عيني اماراتي لاحق بنات ناس حاشمين عمرهم

وللعلم مب في الكورنيش

هالشي شفته صوب دوار سوق العلي

[الكادي99]

حياهم الله اضيوفنا ...بس احترام القوانين وجب على الكل....
انرحب بكل من يحترم قوانين البلاد ..
وحياكم الله في قطر

[dream~qa]

حياهم الله ... ونتمنى السنة الجاية من الشباب اللي تعنو بروحهم أنهم يجيبون عائلاتهم معاهم ونشوف العائلات الخليجية تشاركنا الفرحة .

[Sultan2011]

حياهم الله .. وخليجنا واحد وشعبنا واحد

الله يعطيك العافية

تحياتي

[غرفاوي قطري]

فديت هل الامارات والله ..
المسيره والدوحه منوره بوجودهم ..

بخصوص بعض النآس : مآتعرف تآخذ الاالسلبيآت .. !!

[بنت شيوخ]

ماقصرو اخوانا الامارتين ومو غريبه عليهم

حياهم الله في بلدهم