ماقول غير حسبي الله ونعم الوكيل فيك يا راعي الاستاندر ()()()()()()()()()

[الجوكر90]

السلام عليكم ورحمه الله وبركاته
شحالكم


بدخل فالموضوع ع طول




قبل شوي وانا طالع من المسيره

كنت صاف موتري عند دوار المرخيه

وعاد المرور خلونا نروح من خط ريفيرا

الا رفيجي وهو يسوق وشاف من المنظره واحد يسوق ويستهبل بلفيت يبي يستعرض ويودي الموتر يمين ويسار وهو مايستعرض بس يستهبل والا يشوح عليه الموتر ويدش فموتر كان صاف والمشكله ان السياره الوحيده الي صافه كومورو صفرا ع طول خذنا الدوار وعودنا الا الهيس شرد ماوقف

الحين شذنبه راعي الكومورو وشي معروف ان مواتر السبورت مالها تامين شامل
يعني يصلح الموتر بفلوسه

وانا رجعت وشفت الموتر الرفرف اليمين متعور والتاير اليسار ضرب فالرصيف ووتكسر

ماقول غير حسبي الله والنعم الوكيل فيك ياراعي الاستاندر

والله اني مقهور منه يعني لو وقفت شراح يصير فيك التامين راح يصلح له

اتمنى يصيدونه وراعي الكومورو مايتنازل عشان هالياهل يتادب

والله يعينه راعي الكومورو

[vtc_4.8]

والله للأسف

نطالب المرور بالتخفيف عالشباب ويطلعون شوية همج ويسوون عالحركات

[qatar1111]

الله يكون في عون راعي الكومارو

[وحيد-الشوق]

حسبي الله عليه

مسكين راعي الكمارو الله يعوضه :(

[][ iMedia ][]

يالغالي ما قدرت تاخذ رقم الستاندر ؟
والله يعين راعي الكمارو ! :(

[R 7 A L]

لو رقم راعي الاستاندرعدك روح بلغ علية

[كازانوفا]

صحيح ليش ما اخدت رقم الاستاندر ؟؟؟

[الـقـاسـي]

حسبي الله عليه اللي مايخاف الله .. انت بلغت اخوي عطهم اوصاف الموتر وان شاء الله بيصيدونه

[حلم الطفولة]

بصراحه مادري ليش بعض الناس ماعاد فيهم خوف من الله

ياريت كنت اخذت رقمه... اللحين مسكين صاحب الكمارو بيصلح السيارة من جيبه كما حدث

معي قبل اسبوع والمرور لاحس ولا خبر.. حتى لو تعطيهم اوصاف السيارة غير مهم اهم

شي تعطيهم الارقام

الله يكون في عون الناس بصراحه زادوا المستهترين

من امن العقوبة اساء الادب

[الراقيه سبشل]

حسبي الله ونعم الوكيل فكل الي ماعندهم ضمير

[lifeqatar]

يا خوي جان كسب أجر في راعي الكمارو وخذت رقم السيارة أو جان لحكت السيارة على الأقل وخت رقمة
وعادي هالسوالف ي المسيرات الوطنية والرياضية

[الجوكر90]

السلام عليكم

يااخوان لاحظت شي

يا انا ماعرف اكتب

او انتوا ماتقرون عدل

او ماتعرفون تقرون

اشلون الحقه او اخذ رقم الاستاندر اذا انا جدامه ومسافه بعيده
وثاني شي انا شعرفني انه راح يشرد الهيس
وثالث شي انا خذت الدوار وعودت له وشفته شرد



وابشركم كلمني راعي الكومورو وقالي ان في واحد خذ رقم الاستاندر وبلغ عنه
وحتى وصيته مايتنازل عن السالفه

الرجاء اغلاق الموضوع