شوركم في خاطري كمارو

[وحيد-الشوق]

السلام عليكم

شرايكم في الكمارو ss ياشباب مسوين عليها عرض الفل اوبشن ب 161 بدون التأمين*

[383 STROKER]

اخوي اصبر شوي الموستنج الجديد 2011 بينزل وتراه اقوى من الكمارو مكينته تغيرت من 4.6 لتر لين 5.0 لتر شوف تقرير عنه عاليوتيوب :)

[HAMAD2008]

انا اقولك لاتخلي شي في خاطرك...توكل على الله..وصل صلاه الاستخاره قبل لاتشتري الموتر
خل عنك كلام القيل والقال

شكرا

[][ iMedia ][]

يااااااالغالي لا تستعجل
كمارو ميييين والناس نايمين
شكله من داخل جنه اف جي

لا تاخذ غير الموسسسسسستنغ ..
شجاب لجاب

http://www.************/watch?v=tJHqbqGCCMc&feature=related

امسح النجوم وحط
youtube

ـتحياتي :victory:

[ليث العرين]

خذه والله انه موتر محترم

[HAMAD2008]

يالربع الرجال يسال عن سعر الكمارو..ايش جاب الموستنج فالسالفه:omen2: والله عجيب امركم ياشباب.

[ZURICH]

انا اقولك لاتخلي شي في خاطرك...توكل على الله..وصل صلاه الاستخاره قبل لاتشتري الموتر
خل عنك كلام القيل والقال

شكرا


يعجبني هالكلام :)


واللون الاسود على الكومارو خيال

[خيال شمر]

توكل على الله اذا في خاطرك
ومن وجهة نظري اشوف الرمادي او الرصاصي الفاتح حلو على الموتر والله يوفقك

[][ iMedia ][]

يالربع الرجال يسال عن سعر الكمارو..ايش جاب الموستنج فالسالفه:omen2: والله عجيب امركم ياشباب.


يالغالي هو قال :

شرايكم في الكمارو ss

واحنا ذكرنا اراءنا .. واللي يشوف موتر ثاني كبديل افضل
ينصح الرجال فيه
.. وفي النهايه هو حر بحلاله ..

والله يوفقه ويباركله فيه سواء اشترى موس او كمارو ..

تحياتي :)

[bo_Yousef1]

انا كنت باخذها
وحصلت 2010 ماشيه 6 الاف ب133 الف توماتيك
وحصلت صفره وارد امريكا قير عادي 127 الف ماشيه 5 الاف ميل
وكلهم الاس اس فول ابشن
لكن كل مسالت حد قالي موتر بيعته ثقيله ومحد يرغبه لانه سعره غالي وعقب هونت
وتحصل بالمعارض ولا اكثر منهم شوف معرض العين والواحه وسوق الخليج
ونصيحه لا تخذها اصفار لانه تبيعها بعد 4 اشهر عادي خساره 40 الف وماتحصل حد يشلها

[وحيد-الشوق]

جزاكم الله خير ماقصرتوا يا شباب

ماشاء الله الموستنج شكله قوي بس مب داش مزاجي وسعره نفس الكمارو تقريبا

بستخير والله يكتب الي فيه الخير*

[وحيد-الشوق]

انا كنت باخذها
وحصلت 2010 ماشيه 6 الاف ب133 الف توماتيك
وحصلت صفره وارد امريكا قير عادي 127 الف ماشيه 5 الاف ميل
وكلهم الاس اس فول ابشن
لكن كل مسالت حد قالي موتر بيعته ثقيله ومحد يرغبه لانه سعره غالي وعقب هونت
وتحصل بالمعارض ولا اكثر منهم شوف معرض العين والواحه وسوق الخليج
ونصيحه لا تخذها اصفار لانه تبيعها بعد 4 اشهر عادي خساره 40 الف وماتحصل حد يشلها

وين هذي الي ب133 الف خوش سعر صراحه

كلامك يخوف بس هذا سوق السبورت حتى البورش والبي ام اسعارهم تطيح بسرعه احنا القطريين قاص علينا وكيل التويوتا محد مربحه غيرنا شوف الكروزر جنه ذبان في الدوحة :anger1:

[qatari 111]

الموستنج افضل من الكومارو لان الموستنج امريكي اصلي كوالتي اما الكومارو استرالي وقطع الغيار غاليه
اس~ل المجرب والموستنج له شعبيه اكثر من الكومارو

وانت لك الخيار

[][ الوحيد ][]

السلام عليكم ,,

كثر الكلام عن الموستنق الجديد ,, والفيديوات تبين انه قوي لكن القوه مب كل شي ,,
ومب شرط اللي فالفيديو صج !! يمكن دعايه لا اكثر ولا اقل ,,

الكمارو موتر فنان صراحه ,, واذا لك نيه تزود مع اني ماعتقد لانك ماتبي عوار راس مع التحريات والشرطه ,, القير التماتيك يختلف عن العادي فالمكينه ,,
القير التماتيك في خاصيه الــ٤ سلندر ,, يعني لما تتمشى الموتر مايصرف بتروول ,,

وفيه بعد مثلا لو بغيت تزود ,,
القير العادي , هدرز فلتر يعطيك عدد احصنه اكثر من القير التماتيك لو عليه مثل الاغراض ,,

واقولك لو الموتر في خاطرك تراه رووعه ,, وانا عندي واحد في امريكا ,,
واذ حصلت شي مستعمل بسعر حلو توكل على الله ,,

http://www.************/watch?v=regYBQG4vv8

هاي موتري عالداينو :p

[simota uae]

http://autos.yahoo.com/used-cars/dodge-challenger-pictures-cars371807276;_ylt=AhK_DeL_dKZkuAJNgjXzG_o9ao54;_y lv=3?keywords=srt8&sortcol=price&sortdir=up&askpriceub=any&askpricelb=any&deliverymileageub=any&deliverymileagelb=any&listingtype=used&model=challenger&make=dodge&distance=any&picstart=13
عليك بالدوج حلو وكلاسك وقوي ووسيع ومريح ومواد التصنيع افضل من الكومارو اللي طبلونه بلاستيك

[silver stone]

استخير .. والله يوفقك

[bo_Yousef1]

وين هذي الي ب133 الف خوش سعر صراحه

كلامك يخوف بس هذا سوق السبورت حتى البورش والبي ام اسعارهم تطيح بسرعه احنا القطريين قاص علينا وكيل التويوتا محد مربحه غيرنا شوف الكروزر جنه ذبان في الدوحة :anger1:

كانت بمعرض العين من اسبوع انا شايفها عندهم واصله 130 من شهر وراعيها ماباعها
على كلام الموظف ان الرجال بيااااااااااااع
وعندك وحده حمره بمعرض هاي كلاس

[وحيد-الشوق]

ماقصرتوا يالربع

بستخير والله يكتب الي فيه الخير

[chevelle-ss]

سلام عليكم اخوي انا اؤيد كلامي مع الاخوان
الكمارو موتر حلو وانصحك تاخذه مستعمل لان سعره بيفرق واجد

ونصيحه لوجه الله اذا بتاخذ كمارو خذ ls3 وقير عادي احسن وافضل من ناحيه العزم والقوه والرغبه عند الشباب اهل السبورت
او اذا بتاخذ اوتوماتيك خذ توب ترونيك ست تبديلات ونظام تعشيق في السكان
والشخص اللي يقول ان الكمارو مب اصليه وقطع غيارها استراليه
شكله مايعرف في الامريكي شي
لان الكمارو امريكيه اصليه
بس هو يمكن يقصد اللومينا لان اللومينا استراليه من والى
واللومينا سياره بعد حلوه والصناعه الاستراليه ممتازه
معلومه شركه هولدن اللي تصنع اللومينا صار لها اكثر من 50 سنه وهي تصنع سيارات مثل اللومينا
وبخصوص الموستنغ ممتاز في امريكا لانه هم يعرفون له عدل
اما في قطر فاشل لابعد الحدود من ناحيه الوكيل والخدمه وقطع الغيار والرغبه الشرائيه في السوق
تووووووووووووووووووووكل على الله وخذ لك كمارو والله يبارك لك فيها ان شاء الله

[الخفاجي]

سبحان الله