كل محل نظارات يعطيني فحص عيون مختلف .. شسووي

[seeyou55]

السلام عليكم

انا البس نظارة طبيه من فترة، الحين ناوي اسوي نظارة جديدة.. والصراحة احترت كل محل يعطيني فحص غير... وانا عندي استكماتزم

ما ادري هل اسوي فحص في المركز الصحي عند دكتور احسن
او اي محل احسن؟؟؟؟؟؟؟

[روح الاطلس]

والله انا نفسك !!

الظاهر محد يعرف يسوي فحص بهالبلد
رغم ان الفحص بالكمبيوتر

ولما اخذ العدسات القاها غير مناسبه

الله يعين مالنا غير الليزر

[مساهم فنان]

أنا بعد حصل لي نفس الشي وهذا كان من شهر ... رحت محل النظارات ورحت لدكتور في المركز الصحي ودكتور خاص وكل واحد من الثلاثة عطاني رقم مختلف لكل عين ....شالحالة .

[][ iMedia ][]

والللله صادق ..
نظري قام يتدهور من ورا المقاسات الغلط
اخر شي قطيت النظاره وقمت اسوق بدونها
عشان جي كل يومين داش بشاحنه ولا باص مدرسه
مادري احساس يقول اي بدش في باص تاتا قريبا هههههههههه

واحد يقولك استجماتيزم
واحد طول نظر
والثالث بعد نظر
الرابع يقولك شلل اطفال .. اي شي عندهم يمشي !!

الله يعين

[Marboosh]

كنت اعاني نفس معاناتك ، روح لمغربي اللي في
المستشفى الاهلي وبيسوونلك فحص كمبيوتر نفس اللي في المحلات وفحص يدوي عشان يتأكد ان القياس مضبوط

[muraikhi77]

شوف اخوي. انك تحصل ان جميع محلات النظارات راح تعطيه نفس المقاس هذا مستحيل بسبب اختلاف نوعية الأجهزة
وسبب اخر هو اختلاف تقديرك انت احيانا في نفس المحل عندما يسألك اي احسن هذا او هذا. فستجد احيانا انه ليس هناك فرق ولكن بالتدقيق ستجد فرق.
عيب محلات النظارات عندنا ان معظم اجهزة الفحص تكون عدستها غير نظيفة يعني مثل الضباب. وسب ثاني ان ان المكان يجب ان تكون فيه إضاءة خافتة. وهم يسكرون او يشغلون الليتات.
فالربع او النصف درجة لن تأثر معاك. ولكن الانحراف ضروري ان يكون دقيق

واذا بغيت قياس مئة بالمائة خل العين ترتاح من اي نظارة او عدسة يومين. وبعدين توجه لمحل نظارات كبير مثل الجابر وأنصحك بالجبر في الدائري الثالث او مغربي. وبأذن الله كل شي أوكي
وهناك اختبار مهم كذلك حيث سيضعون ضوء احمر وأخضر وسيطلبون منك تحديد أيهم اشد قوة فانتبه جيدا. وان كان بعض المحلات لا يجرونها ولكنها مهمة لتحديد شي فني وتقني للعدسة المطلوبة

وعقب ماتخلص منهم اشتر لك جزر. وعليك بالعافية *:nice:

[العقل المدمر]

المشكله ان القياس يعتمد ع جواب الشخص نفسه
انا نظري ناقص شويه بس
وكل محل يعطيني قياس
اخر شي طنشت لاني الحمد لله ماحس اني احتاج النظاره
الله يعينك

[الدمعه]

الله يعينكم ..

مركز العيون التخصصي وايد زين عند د. احمد بدوي

صوب اشارات السينما .. خلف التنميه تقريبا

عمت عيني اليسار لمده 2شهرين ..نهائيا ماكنت اشوف منها .. ورحت المركز عطوني قطره :eek5: ..

وبعدها رحت عندهم قابلتني دكتوره بعد عطتني نوعين من القطرات المهم حولت

على د البدوي .. وطلع من عيني خيطين وغسلهم وحولني رميله عطوني ابر كورتيزون ..

واللهم لك الحمد والشكر .. كل شي تمام ..