دموعج غاليه ياغاليه على البعض ..

[الدمعه]

بسم الله الرحمن الرحيم
في ظل انشغال المرأه بالوظيفه ولم تكتفي بالوقت الذي ينقضي في ساعات العمل وانما

بالطبع هناك ساعات راحه وساعات زيارات واجبه وساعات للتسوق .. ولكن اين هي

الساعات المخصصه لفلذات كبدها .. صارت الخادمه او المربيه هي المؤتمنه على الطفل

الذي لايعرف الشكوى الا بطريقه عدائيه او بالانطواء والعزله او بالتأتأه او بالخمول

والكسل والاعتماد الكلي على الغير مما يسبب له التخمه وماتليها من امراض ..

فنفاجأ عندما نذهب الى المجمعات التجاريه نرى اطفالا مع الخادمات بدون حسيب

ولارقيب .. هي من تاكل الوجبات وهي من تتعرف على باقي الخادمات وهي من تستمتع

بالرحله ان صح التعبير .. والطفل لانجده الايبكي من الجوع والعطش و يريد ان يلعب وهي

لاتريد ان تتحرك من مكانها او ان تترك الهاتف من يدها .. لاادري الى متى الامهات

غافلات في دنياههم الفارغه ..

الاتكفيهم الحوادث التي تحدث للاطفال من اعتداء بالضرب او الحرق او الاغتصاب او

التحرشات ..

بالامس حدث موقف امامي وهو سبب طرح هذا الموضوع الذي كثرت الاحاديث والاقاويل

فيه لكن دون جدوى .. كاننا نؤذن في خرابه لانسمع الاصدى صوتنا ..


كنت في العاب فيلاجيو مع زوجي وابنائي .. ذهب زوجي مع ابني وابنتي الى الالعاب

التي تناسب سنهم ..وانا انتظر بناتي الصغار الثلاثه عند القطار الصغير سمعت بكاء طفله

وخادمه تصرخ عليها فنظرت الى يميني الابهذه الخادمه التي تصرخ وتتنهزر الطفله التي

لايتعدى عمرها 4سنوات وتريدها ان تركب القطار غصبا عنها .. وهي تريد الذهاب الى لعبه

اخرى .. وراحت بها عند زاويه وامسكت بها من اكتافها وهزتها باليدين وهي تصرخ عليها

ترددت في البدايه ولكن عندما رايتها تفعلها اكثر مره ...لم اتمالك نفسي .. لان هذه الحركه

تفجر شرايين المخ وتسبب نزيف في الرقبه والمخ ..ذهبت عندها وسألتها هل هي ابنتك ..

طبعا الجواب لا .. اذا كيف تسمحين لنفسك بعمل هذا بالطفله ..

المهم طلبت اسم البنت ولم تقل سوى ان اسمها غاليه وعندما سالت عن الاب اجابت

الخادمه لااعرف والام نفس الجواب ..رقم الهاتف .. البيت الجوال لاحد الوالدين طبعا

الجواب لااعرف .. قلت لها انتي كاذبه وساراقبك الى ان تأتي امها وساخبرها بمافعلتي ..

وللاسف البنت لم تنطق ولابكلمه حاولت اعرف منها اسم امها او ابوها ولكن للاسف

البنت مرعوووبه ....

صورت البنت وحاولت ان اصورالخادمه لكنها الساحره لم تظهر صورها واضحه على

الجوال ..

طبعا زوجي بعد هاي كله هاوشني .. باعتبار ان ممكن امها تجي وتقول لي مالج خص بها ..

فكان ردي عليه اهم شي ان شفت موقف وماعجبني وماسكت يمكن بعيد الشر يصير

لعيالي نفس الموقف ويلاقون عيال الحلال اللي يوقفون معاهم ...

سؤال شنو الاجراء اللي ممكن نسويه غير ان احنا نكلم الخادمه ؟؟ حد عنده فكره

ممكن يفيدني ..
واسمحولي عالاطاله ..

[بوخالد911]

هلا

تكلمين البنت وتطلبين رقم امها

الله يكفيينا شر الخدم

[مرتبش]

لاحول ولاقوة الا بالله
تخيلوا عيالكم يصير فيهم هالشكل وهم متروكين بروحهم في كل مكان
للمدرسة بروحهم مع الخدم..في الالعاب بروحهم في البيت بروحهم

حرام قلة الاهتمام هذي...


في العاب المجمعات قليل ماتشاهد اب قطري مع عياله او ام قطرية..ليش هاليهال شنهو ايتام؟ لاحول ولاقوة الا بالله

[^امـ نواري^]

ماقصرتي ربي يسخر لج عيال الحلال ..

صراحة مثل هالمواقف ماتقدرين تشوفينها وتسكتين .. لازم تتدخلين ..
انا مثلج ماقدر اشوف هالمنظر وبنت صغيره تبكي جدام عيني واسكت .. الحمدلله قلوبنا مش حجر والرحمة موجوده وهالمواقف تعور القلب لازم نتدخل ونوقف هالمهازل وهالجرائم في حق الاطفال الابرياء عل وعسى الاهالي يحسون وعل عسى هالخادمات يخافون شوي لم كل واحد يوشفهم ويروح يكلمهم ويهددهم انه بيبلغ الام والاب عنهم ..

صراحة اذا كان فيه وقت انتظر يمكن اشوف حد من الاهل موجود
او البنت الصغيره اذا تعرف رقم التلفون
واقل الايمان اني اكلم الخادمة و انهرها و اوبخها على فعلتها ..

[كازانوفا]

والله ما اظن اني اقدر امسك نفسي.. هذا اذا ما صرت داعسه فوق بطنها هذا موضوع ثاني
بالفعل افعالهم هالخدم اعوذ بالله من غضب الله
الله يسامح اهليهم اللى رمو المسؤوليه كلها على عاتق الخدم
والخدم بشر لهم طاقه معينه مش اله حديد لازم الاهالي يفكرو شوي بالموضوع

[بنت سيف]

زين سويتي ..

عن أبي سعيد الخدري قال : سمعت رسول الله صلى الله عليه وسلم يقول : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان . رواه مسلم .

اللي عليج سويته .. والله يجزيج عليه الخير ..

وتبقى مشكلة الأهالي المهملين ..

تدرين في أمريكا .. في مثل هذا الإهمال من الأبوين .. يؤخذ الطفل من أبويه ويربى في دور تراعاها الدولة ..

المفروض .. يكون في رقابة من هالنوع ..

والله المستعان

بنت سيف

[Rider]

عاد وين الحريم الي يسمعون حتى الرجاجيل الي مهملين عيالهم مع السائقين والخادمات قلوب ميتة للاسف

[شيط ويط]

الحمدلله الذي عافانا من حاجتنا للخدم والدريوليه .. اللهم لك الحمد حمدا كثيييييرا

[alsubaiai]

الله المستعان

[بصمة قطرية]

حسبي الله عليها هالخدامة ..
ياما صارت قدامي مواقف من خدم ,,
كل ما آخذ عيالي للالعاب اشوف مواقف قريبة من هاي ..
بصراحــة ما اقدر اسكت ..
اروح للخدامة واهاوشها اقول لها ليش تسوين جذي ..
ومرات اهدد واقول اني اعرف الأم وراح ابلغها ..
بس عشان تخاف ..
والله قلبي يعورني ..
حرام هاليهال في ذمتنا ..
الخــدم يملون منهم واغلبهم مافي قلوبهم رحمة ~

[OTOsan]

الابناء .. مسؤولية وأمانة في عنق الاب والام ..

وهذه المسؤولية يجب ان يكونا على قدرها .. ويجب الا ينقلاها الى غيرهما بهدف الراحة !!

لا ادري متى سيعي من لم يع بعد .. انها امانة يجب ان توفى حقوقها كاملة ، وان الاخلال بها سيؤدي الى نشوء جيل ..به من الاختلال الشئ الكثير ،،

مع جزيل الشكر ،،

[الدمعه]

هلا

تكلمين البنت وتطلبين رقم امها

الله يكفيينا شر الخدم

هلاوين

كلمتها وراشيتها وحاولت انها تنطق بكلمه... ولاردت علي بس تطالعني .. والخدامه

مطبقه عليها بيدها اقول لها هديها مب راضيه ..


لاحول ولاقوة الا بالله
تخيلوا عيالكم يصير فيهم هالشكل وهم متروكين بروحهم في كل مكان
للمدرسة بروحهم مع الخدم..في الالعاب بروحهم في البيت بروحهم

حرام قلة الاهتمام هذي...


في العاب المجمعات قليل ماتشاهد اب قطري مع عياله او ام قطرية..ليش هاليهال شنهو ايتام؟ لاحول ولاقوة الا بالله

والله اني خليت عيالي مره مع خدامتين وعيالي الله يحفظهم فيهم الكبير وفيهم الصغير

في سنتر بوينت ورحت بيبي شوب وخليت عندهم التلفون ..

كل دقيقه متصلين لين خلاص ماقدرت اتحمل ولاشريت ماهياني قلبي اخليهم ..


ماقصرتي ربي يسخر لج عيال الحلال ..

صراحة مثل هالمواقف ماتقدرين تشوفينها وتسكتين .. لازم تتدخلين ..
انا مثلج ماقدر اشوف هالمنظر وبنت صغيره تبكي جدام عيني واسكت .. الحمدلله قلوبنا مش حجر والرحمة موجوده وهالمواقف تعور القلب لازم نتدخل ونوقف هالمهازل وهالجرائم في حق الاطفال الابرياء عل وعسى الاهالي يحسون وعل عسى هالخادمات يخافون شوي لم كل واحد يوشفهم ويروح يكلمهم ويهددهم انه بيبلغ الام والاب عنهم ..

صراحة اذا كان فيه وقت انتظر يمكن اشوف حد من الاهل موجود
او البنت الصغيره اذا تعرف رقم التلفون
واقل الايمان اني اكلم الخادمة و انهرها و اوبخها على فعلتها ..

نطرت قلت يمكن الام رايحه تاخذ غرض وتعود عليهم لكن للاسف ماجات قعدت

معاها حوالي نص ساعه .. بس بعد عيالي يبون يلعبون واذوني ..

غير ابو العيال اللي مب عاجبه اللي سويته ..

[الدمعه]

والله ما اظن اني اقدر امسك نفسي.. هذا اذا ما صرت داعسه فوق بطنها هذا موضوع ثاني
بالفعل افعالهم هالخدم اعوذ بالله من غضب الله
الله يسامح اهليهم اللى رمو المسؤوليه كلها على عاتق الخدم
والخدم بشر لهم طاقه معينه مش اله حديد لازم الاهالي يفكرو شوي بالموضوع

ياليتج كنتي معاي كان بردتي خاطري ههههههه

والله من الحره كنت ارجف مثل السعفه ..

وللاسف مايتوبون من فعايل الخدم..



زين سويتي ..

عن أبي سعيد الخدري قال : سمعت رسول الله صلى الله عليه وسلم يقول : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان . رواه مسلم .

اللي عليج سويته .. والله يجزيج عليه الخير ..

وتبقى مشكلة الأهالي المهملين ..

تدرين في أمريكا .. في مثل هذا الإهمال من الأبوين .. يؤخذ الطفل من أبويه ويربى في دور تراعاها الدولة ..

المفروض .. يكون في رقابة من هالنوع ..

والله المستعان

بنت سيف


احنا عندنا دريما بس مادري شسالفتهم ..

حق اللي محتاجينهم صج ماتحصلينهم..

وحده من هلي خلت بنتها عند الخدامه وراحت الشغل .. طاحت البنت وضرب راسها في المغسله

وماقالت شي الخدامه والبنت عمرها شهور المهم حست ببنتها انها تعبانه ومصخنه

ودتها المستشفى وسوولها اشعه وبينت الضربه في راسها .. اتهموها انها طاقه البنت

واتصلو بدريمه بياخذونها لكن الحمدلله اعترفت الخدامه باللي صار .. بس طبعا اتهموا

الام انها مهمله بيتها بالرغم ان هالشي صار وهي موجوده بالعمل .. واستقالت من

وظيفتها واللحين بالبيت تربي عيالها ..


عاد وين الحريم الي يسمعون حتى الرجاجيل الي مهملين عيالهم مع السائقين والخادمات قلوب ميتة للاسف

المفروض الهتمام يكون من الصوبين .. لكن لو صار الاهمال من الطرفين مالنا

الا الدعاء لهم ..الله يهديهم ويردهم لطريقهم ..

[الأصيلة]

حسبي الله عليها هالخدامة ..
ياما صارت قدامي مواقف من خدم ,,
كل ما آخذ عيالي للالعاب اشوف مواقف قريبة من هاي ..
بصراحــة ما اقدر اسكت ..
اروح للخدامة واهاوشها اقول لها ليش تسوين جذي ..
ومرات اهدد واقول اني اعرف الأم وراح ابلغها ..
بس عشان تخاف ..
والله قلبي يعورني ..
حرام هاليهال في ذمتنا ..
الخــدم يملون منهم واغلبهم مافي قلوبهم رحمة ~

المشكلة إن بعض الخدامات يعرفون إن الأم مايهمها
ويخافون من غضب الخدامة والا هروبها وينحرمون من خدمتها لهم
في ظل انشغالهم...
مايهمهم إذا ضربت الطفل أو صرخت عليه...
الله يكفينا شرهم يارب...

[الدمعه]

الحمدلله الذي عافانا من حاجتنا للخدم والدريوليه .. اللهم لك الحمد حمدا كثيييييرا

الحمدلله والفال لنا ان شاء الله ..


الله المستعان

والنعم بالله


حسبي الله عليها هالخدامة ..
ياما صارت قدامي مواقف من خدم ,,
كل ما آخذ عيالي للالعاب اشوف مواقف قريبة من هاي ..
بصراحــة ما اقدر اسكت ..
اروح للخدامة واهاوشها اقول لها ليش تسوين جذي ..
ومرات اهدد واقول اني اعرف الأم وراح ابلغها ..
بس عشان تخاف ..
والله قلبي يعورني ..
حرام هاليهال في ذمتنا ..
الخــدم يملون منهم واغلبهم مافي قلوبهم رحمة ~

ياختي الوحده منا تحاول بس مافي فايده انتي تروحين منيه وهي ترد على اللي كانت

تسويه وادمر .. وتخافين انج لو تكلمتي مع الخدامه تحط حرتها في الياهل عقب

ماتروحين عنها .. يعني مثل الرحى وين ماتفرينها تطحن ......<<<<< حلو التشبيه :nice:

[الصريحه]

اللهم احفظ اطفالنا بعينك التي لاتنام
اللهم لاتسلط عليهم من لايخافك فيهم ولايرحمهم
لاتسكتين وزين ماسويتي

[الدمعه]

الابناء .. مسؤولية وأمانة في عنق الاب والام ..

وهذه المسؤولية يجب ان يكونا على قدرها .. ويجب الا ينقلاها الى غيرهما بهدف الراحة !!

لا ادري متى سيعي من لم يع بعد .. انها امانة يجب ان توفى حقوقها كاملة ، وان الاخلال بها سيؤدي الى نشوء جيل ..به من الاختلال الشئ الكثير ،،

مع جزيل الشكر ،،

هاي المشكله انهم يبون يرتاحون من كل شي ..

بعد لو درزن يهال بنقول معليه لكن وحده مسكينه وين التعب فيها يافرحتي فيها ..

[الدمعه]

المشكلة إن بعض الخدامات يعرفون إن الأم مايهمها
ويخافون من غضب الخدامة والا هروبها وينحرمون من خدمتها لهم
في ظل انشغالهم...
مايهمهم إذا ضربت الطفل أو صرخت عليه...
الله يكفينا شرهم يارب...

صح كلامج حتى يوم قلت لها وين مدام ماتدري عن بنتها .. قالت لي لا تدري اني

اسوي فيها جيه .. تخيلي ردها بس..


اللهم احفظ اطفالنا بعينك التي لاتنام
اللهم لاتسلط عليهم من لايخافك فيهم ولايرحمهم
لاتسكتين وزين ماسويتي

اللهم امين ..

انا ماودي اسكت بس اخاف ازعل بعلي ..

[اسعاف]

المفروض تكلمين لجنة حماية الطفل

وتتصلين بالشرطة،حتى تحمى هذه الوردة من يد هذه الثعلبة المجرمة

[fhd4]

هالخدامة في نظري على بشاعتها واجرامها إلا انها أفضل من أم البنت ...

رفضت الخدامة انها تسلم البنت لشخص غريب اللي هو انتي ... لكن الام سلمت البنت لشخص غريب وليس من أهل البلد اللي هو الخدامة .. !!

[الدمعه]

المفروض تكلمين لجنة حماية الطفل

وتتصلين بالشرطة،حتى تحمى هذه الوردة من يد هذه الثعلبة المجرمة

شكلي بحفظ رقمهم بجوالي .. للحاجه وان شاء الله مااحتاجه ..





هالخدامة في نظري على بشاعتها واجرامها إلا انها أفضل من أم البنت ...

رفضت الخدامة انها تسلم البنت لشخص غريب اللي هو انتي ... لكن الام سلمت البنت لشخص غريب وليس من أهل البلد اللي هو الخدامة .. !!



الخدامه رفضت لانها خايفه على روحها مب خايفه عالبنت .. يوم شافت التلفون

تحسبني بتصل حق الشرطه ..

والام في غفله الله يسامحها وماراح تصحى الابضربه على راسها ..

[الدمعه]

نورتوا الموضوع بردودكم وارائكم ..