تركيب الحجر

[بو نايف]

السلام عليكم ورحمة الله وبركاته ,,








بيتي قيد الانشاء ,,

وحاب استفسر عن اسعار تركيب الحجر من خلال تجاربكم ,,,

وافضل الشركات لتركيبه ,,

[sepasteyn]

راجع الخاص

[بويوسف]

سباستاين احنا ماعرفنا لك انت راعي جبس والا راعي حجر والا بتاع كلو ؟

[sepasteyn]

بويوسف شكرا على مداخلتك ، فديتك انا لله الحمد علاقات عامة (انشاءات مباني) (مشاريع استثمارية) (بيع شراء عقارات ثقيلة) واقدر اخدمك من الالف الى الياء بس مو بتاع كله ، حلمي انافس الوليد بن طلال .

[sweety]

راجع الخاص

ارسل لي الارقام على الخاص لوسمحت

[بو نايف]

شكراً لكل من رد ..

احتاج معلومات اكثر عن الحجر ,,

[بويوسف]

اخوي نايف سعر الحجر يعتمد على امرين اساسين هما:
- نوع الحجر (السعودي - السوري - الاردني) ولكل نوع مميزات
- طريقة تركيب الحجر والشائع في الدوحة هو الاسمنت (المونة) مع استعمال لاصق او تجريح الجزء الخلفي من الحجر ..

كم ميزانيتك وكل واجهة تحتاج تركبها للبيت ؟ وعلى اساسها ان شالله بقدم لك النصيحة ..

بخصوص المحلات واللي يركبون .. وايد ناس تركب ولكن تأنى في الاختيار وبتعاني مع الشركات لانهم عرب وكل واحد يقول انه اللي اعرف والباقي يركبون غلط .. بتدوخ سبع دوخات نتيجة عدم الامانة هذي ..

[شموخ دائم]

,

,


السلام عليكم ورحمه الله


اخوي الكريم

انا بنصحك بالحجر الاردني اثبت نجاحه لجو قطر

وجربناه من زمن طويل

لكن للاسف ومثل ما ذكر اخوي ومشرفنا العزيز بويوسف

مافي مكان معين ناجح نقدر ننصح فيه اخوانا هنا والسوق محتاج لشركه موثوقه وفيها عماله مهره ومورد نثق بالتعامل معاه
ولكن باذن الله نقدر نفيد بالي تعاملنا معاه وجربناه
من موردين وعمال تركيب
الان انا انصح بالاردني
والسعودي اقل جوده ولكن لو تركب بالاسمنت الابيض راح يكون ممتاز وبدون مشاكل الرطوبه
وبالتوفيق

,

,

اخوكم

شموخ دائم

[فرسان الخليج]

شيك الخاص

[ابو علاوي]

بالتوفيق

[ابو علاوي]

سباستاين احنا ماعرفنا لك انت راعي جبس والا راعي حجر والا بتاع كلو ؟

هههههههههههه الرجال يبغي يخدم الاعضاء
شتبي منه يابو يوسف؟؟:nice::nice:

[بو نايف]

اخوي نايف سعر الحجر يعتمد على امرين اساسين هما:
- نوع الحجر (السعودي - السوري - الاردني) ولكل نوع مميزات
- طريقة تركيب الحجر والشائع في الدوحة هو الاسمنت (المونة) مع استعمال لاصق او تجريح الجزء الخلفي من الحجر ..

كم ميزانيتك وكل واجهة تحتاج تركبها للبيت ؟ وعلى اساسها ان شالله بقدم لك النصيحة ..

بخصوص المحلات واللي يركبون .. وايد ناس تركب ولكن تأنى في الاختيار وبتعاني مع الشركات لانهم عرب وكل واحد يقول انه اللي اعرف والباقي يركبون غلط .. بتدوخ سبع دوخات نتيجة عدم الامانة هذي ..

هلا والله باخوي بو يوسف ’’:nice:

انا افكر بالسعودي المجلي شفته واعجبني ,,

وللاسف ما اقدر اركب تركيب ميكانيكي (بالبراغي) لاني باني البيت بالطابوق الاحمر’’

ابي اركب لجهتين والمجلس,,’

انا صراحه بتجنب كثر ما اقدر اني اتعامل مع بعض الجنسيات اللي اثبتت نصبها بهالموضوع ’’ الا من رحم ربي ’’

[بويوسف]

هلا والله باخوي بو يوسف ’’:nice:

انا افكر بالسعودي المجلي شفته واعجبني ,,

وللاسف ما اقدر اركب تركيب ميكانيكي (بالبراغي) لاني باني البيت بالطابوق الاحمر’’

ابي اركب لجهتين والمجلس,,’

انا صراحه بتجنب كثر ما اقدر اني اتعامل مع بعض الجنسيات اللي اثبتت نصبها بهالموضوع ’’ الا من رحم ربي ’’

بونايف

انه اتفق معك انك تتجنب التعامل مع العرب .. ولكن معظم اللي يشتغلون هالشغلة من جنسية عربية .. الله يعينك .. كل واحد بيعطيك كلام ...

بخصوص الطابوق الاحمر فما عندي فكرة هل ممكن تركيب الحجر عليه او لا ؟؟

[بو نايف]

,

,


السلام عليكم ورحمه الله


اخوي الكريم

انا بنصحك بالحجر الاردني اثبت نجاحه لجو قطر

وجربناه من زمن طويل

لكن للاسف ومثل ما ذكر اخوي ومشرفنا العزيز بويوسف

مافي مكان معين ناجح نقدر ننصح فيه اخوانا هنا والسوق محتاج لشركه موثوقه وفيها عماله مهره ومورد نثق بالتعامل معاه
ولكن باذن الله نقدر نفيد بالي تعاملنا معاه وجربناه
من موردين وعمال تركيب
الان انا انصح بالاردني
والسعودي اقل جوده ولكن لو تركب بالاسمنت الابيض راح يكون ممتاز وبدون مشاكل الرطوبه
وبالتوفيق

,

,

اخوكم

شموخ دائم

الله يزيدك شموخ يا شيخ ,,:nice::nice:

استفدنا من اضافاتك الكثير ,, في هالقسم :nice::nice:

انا ما اختلف ان الاردني هو الافضل ولكنه اغلى وحسب ما سمعت ان الغش فيه اكثر ’’

انا شفت السعودي البيج المجلي مشطوف واعجبني ,,

جزاك الله خير على ردك ,, :nice::):nice:

[sweety]

بالتوفيق ان شاء الله

[بو نايف]

الله يوفق الجميع ...

[بــوعــوف]

جعله بيت مبارك .. والله يوفقك ..


عندي شركة متخصصة في تركيب الحجر بكل أنواعه والرخام والجرانيت ..

لو بغيت التفاصيل أخوي راسلني عالخاص وفالك طيب ..

[sepasteyn]

بو علاوي تسلم لي يالغالي دوم واقف في صفي اشكرك ‘ طبعا مو زعلان من بويوسف بس شكله غيران شوي
على كلا الاخ الكريم طالب تركيب الحجر ارسلي رقمك على الخاص ولاتحاتي والحجر السعودي جيد والسوري افضل وفي الحالتين اجيب لك من ارضه بسعر ممتاااااز وبتركيب مضمووووون ، اما الاردني مالي معرفة بمصادره وغالي الثمن وتري في كل الاحوال السوري + الاردني موغالي للجودة لا ابدا وان كانا جيدين لكن كل الحكاية النقل ، النقل غاالي .

[naklan]

هلا والله باخوي بو يوسف ’’:nice:

انا افكر بالسعودي المجلي شفته واعجبني ,,

وللاسف ما اقدر اركب تركيب ميكانيكي (بالبراغي) لاني باني البيت بالطابوق الاحمر’’
ابي اركب لجهتين والمجلس,,’

انا صراحه بتجنب كثر ما اقدر اني اتعامل مع بعض الجنسيات اللي اثبتت نصبها بهالموضوع ’’ الا من رحم ربي ’’

حياك الله اخوي بو نايف

اخوي العزيز التركيب الميكانيكي ينفع مع الطابوق الاحمر عادي

بس يلزمه المسايسه والبراغي اتكون طويله شوي يعني 6 او7 سنتي واذا اردت

انك تطمئن اكثر ركبه ببراغي وصب اسمنت وماده لاصقه سوى يعني

تركيب مزدوج وعلى تجربه ما تقدر تشيل حتى حجر واحد

وهو اقوى الطرق للتركيب اما التركيب بالاسمنت غير مضمون الى

اذا الى يركبه محترف محترف وانا شخصياً اركب بالطريقه المزدوجه

ولا اقبل بالاسمنت فقط لاني شفت وجربت وحصل تساقط للحجر

واعدت التركيب والحين ما اركب الا ميكانيكي مهما كانت

الضروف ان شاء الله اكون افدتك

وتحياتي لك اخي الكريم

اخوك/naklan

:)

[بويوسف]

اخوي نكلان ممكن شرح الطريقة المزدوجة ؟

[naklan]

اخوي نكلان ممكن شرح الطريقة المزدوجة ؟


حياك الله اخوي العزيز بويوسف

الطريقه المزدوجه هي يجرح الحجر من الداخل ويتركب ميكانيكي

يعني كليب وبرغي الاصفر للعلم يشيل 5 طن البرغي الاصفر قوي

وبعد ذالك يصب اسمنت داخل الحجر ويمسح سطح الحجر من الخارج

والاسمنت هو عباره عن خليط مشترك لمادتين

ماده لصق البلاط مخلوط مع اسمنت مناصفه وبدون رمل

تحياتي اخوي الغالي ابو يوسف

اخوك/naklan

:)

[بويوسف]

جزاك الله خير يا اخوي نكلان ..

بنشوف موضوع البراغي شلون على الموقع