كيف امسح النقاط المحتسبه لمخالفة المرور ؟

[الماريّة]

السلام عليكم ..

كيف الحال ؟

اخواني الي عندهم معرفه لمخالفات المرور

انا اخوي الصغير عمره 19 عليه مخالفة لكن المبلغ 0,00 ريال بس النقاط المحتسبه الي عليه (( 4 )) والحين المسكين يقولي كيف يمسحهم ويشيلهم

هو اتصل حق ربعه قالوا له راح تزيل بعد سنه

يعني المخالفه الي عليه من تاريخ 3-12-2010 .. هي بتنمسح تاريخ 3-12-2011 ؟؟؟؟؟

بس هي راح تنمسح كلها الأربع نقاط بعد سنه بالضبط ولا بتزيل نقطه نقطه

يعني السنه اليايه بتصير 3 والي وراها 2 والي بعدها 1 .. يعني جي ؟؟:(

بليييز ساعدوني لازم اعرف شسالفه عشان اخبر اخوي

وناطرتكم ..:shy:

[الماريّة]

وين مساعداتكم ؟؟

[qatar1111]

اختي شلون مخالفه بس 0 ريال ؟

مخالفه بدون نقاط ممكن

نقاط بدون مخالفه مستحيل

انا اتوقعها مخالفه صفريه

يعني السياره مطلوبه وبيتحول النيابه

واكثر الضن يكون رادار فوق السرعه المحدده بواجد

يعني السرعه 120كم وصاده الرادار 180 كم

وبخصوص النقاط اتروح كامله مب نقطه نقطه من تاريخه بمرور سنه

وامر النقاط ثراها سهله اهم شي ماتكون مخالفه صفريه والله يعينه

[بوحارب]

الأمر بسيط

يروح حق اي ضابط مسؤول في المخالفات ويطلب منه يشيل النقاط وما راح يقصر معاه :)

[abdulla4u]

واذا مايبي وجع راس بخصوص النقاط يروح اقرب مرور ويسجلها على ليسنه وسنه من تاريخ تسجيل النقاط مش سنه من تسجيل المخالفه وتروح توماتيك على طول .
وبخصوص المخالفه اصفار هذي مخالفه صفريه يعني بيروح للمعموره ويدونون افادته ليش مسرع وجي وعقب يروح النيابه ويتكفل ب الف او الفين ريال ...

[بازار]

اخوي الكريم الكلام اللي قالوله صحيح

راح تختفي النقاط من آخر تاريخ دفع للمخالفات .. على سبيل المثال

عليك اربع نقاط ومخالفاتك 4.000 ...

دفعت شهر 1 .. 2.000
ودفعت شهر 2 ... 2.000

رايح يحسبون لك من شهر اثنين مش شهر واحد

[الماريّة]

يعطيكم العافيه على الردود والمعلومات

الرجاء عدم الرد + إغلاق الموضوع :)

[Hassan111]

بس انا علي نقاط من اكثر من سنه ماراحت ؟؟؟ المشكله كلها مخالفات موقف عند الدوام لان ما عندي موقف خاص في الدوام (منطقة الابراج).

[Hassan111]

بس انا علي نقاط من اكثر من سنه ماراحت ؟؟؟ المشكله كلها مخالفات موقف عند الدوام لان ما عندي موقف خاص في الدوام (منطقة الابراج).

محد عنده فكره عن نظام النقاط في المرور؟؟؟؟

لان النقاط علي من شهر ٨ سنه ٢٠٠٨ او ماراحة لين الحين.

[jajassim]

محد عنده فكره عن نظام النقاط في المرور؟؟؟؟

لان النقاط علي من شهر ٨ سنه ٢٠٠٨ او ماراحة لين الحين.


ممكن رقم السيارة ، عالخاص ، :telephone:

[ممنوع اللمس]

يدخل عالخرجي يكلمه يحول الصفريه لـ 1000 ريال وتنشال النقاط


عن تجربه