رنج سبورت ولا الاكس 6 [الأرشيف] - منتديات شبكة الأسهم القطرية

مشاهدة النسخة كاملة : رنج سبورت ولا الاكس 6

bond007

21-12-2010, 04:32 AM

السلام عليكم..
خاطري اخذلي موتر جديد ومحتار بين رنج سبورت و الاكس 6
طالب شوركم .. شنو الاحسن خصوصا من ناحية السيرفيس والصيانة... هل فعلا مكلفه؟
ياريت المجرب يعطينا رايه... وشنهي العيوب اللي الواحد لازم ياخذ باله منها..

بازار

21-12-2010, 06:41 AM

اذا موديل 2010 تقصد ... رنج ولا فيها كلام

والصيانة الشركة وحدة وفي نفس المكان ونفس العمال

لكن .. السعر الله يعينك في المشترى والله يعوض عليك في البيع

شعشوع

21-12-2010, 07:39 AM

الرنج ارز وافخم طبعا ..

ع قوله اخوي قارون .. الصيانه وحده "والبي ام دبليو" ضمانها أحسن من الرنج لانه يشمل قطع أكثر وومرنيين أكثر من الرنج وهذا من خلال خبرتي في هذه الشركه ..

ولاتنسى الموترين سعرهم يدق القاع ..

موفق خير ..

bond007

21-12-2010, 03:07 PM

مشكورين عالرد ..
بس لو السعر ينزل القاع بسرعة ، تنصحوني اخذ موتر مستعمل سنة يعني؟ ويكون عليه ضمان وسيرفس كم سنة..

بصراحة كنت افكر في الكيان .. بس بعد ماقريت شكاوي الاخوان في المنتدى غيرت رايي.. هل في مشاكل مشابهه في الرنج ولا الاكس 6؟

bond007

22-12-2010, 05:25 AM

رنج سبورت ولا الاكس 6

بازار

22-12-2010, 07:03 AM

النصيحة نبتغي فيها وجه الله

لا ذي ولا ذي

مالك الا التويوتا او اللكزس ..

لا تفكر في رنج او بي ام .. ترى بتخسر ما يقل عن نص السعر يا شيخ

انتر ميلان

22-12-2010, 07:39 AM

نصيحة:
اذا تفكر في الرنج أو الاكس 6 وماتبي الا هالموترين ( خذلك اكس 6 )
لأن الرنج انتشر بكل شارع ..
وأنصحك تاخذ مستعمل وعلى الضمان أو مرجع على الوكالة ..

بس اذا تبي موتر فخم وراحة في السواقة ويخدمك 5 سنوات قدام وقطع غيار متوفرة يعني ( دق سلف وتوكل على الله ) خذلك لكزس جديد من الشركة

والله يعطيك خيره ويكفيك شره

bond007

22-12-2010, 04:01 PM

Roooo7 Qtr

22-12-2010, 05:00 PM

عند اخونا بوسيف عنده رنج اسبورت ابيض وعليه ضمان

خدمات عامه

22-12-2010, 10:46 PM

بالتوفييييييييييييييييق

MBI

22-12-2010, 11:40 PM

اخوي سمعت الاكس 6 ضيق مب شي انا انصحك اذا تبغي موتر فخم البانيميرا

بـن عدوان

23-12-2010, 05:23 AM

خذ لك الرنج اليديد سبورت مستعمل

سوبر جارج بدي كت hst

والله انه رزززززززة

بس السؤال كم سنة راح تكشخ فيه ؟

خصوصا اذا خذته بالأقساط .. ؟

لاتنسى انه الشكل بيتغير كامل في 2013 اعتقد او 2014

احسب حساباتكــ وشوف

عندك الكايين الجديد ماراح يتغير الا عقب فترة طويلة

شعشوع

23-12-2010, 06:59 AM

مشكورين عالنصايح..
لحد الحين ما شفت حد يشتكي من الاكس 6 واشوف نفسي اميل اكثر حق البي ام .. مادري ليش !!

لو نقارن الاسعار للمستعمل سنة مثلا.. كم يطلع الاكس 6 والرنج السبورت واللكزس ؟؟
اتصور البي ام ارخص.. ولا شرايكم؟

أخوي اذا بتفكر من هالناحيه وايد وتحاتي ، عمرك مابتاخذ موتر من هالمواتر .. التويوتا ينزل بمعدل 10 الالاف كل سنه وبيكون أوفر لك ..

زبده كلامي لك: كل هالمواتر تنزل بشكل كبير .. وأنصحك تاخذ لك مستعمل شي بسيط لان بيكون نازل من سعره ..

مثل ماقالوا الأخوان ، اذا ماتهمك الكراسي الخلفيه .. تراها ضيقه وايد في الـ x6
على عكس الرنج ..

نقطه أخيره :
من وجهه نظري الرنج سياره رجاليه أكثر من الإكس 6 .. ومافي مقارنه في الأناقه والفخامه بين الرنج والبي أم .. لاحد ينقز لي ومادري شنو .. مجرد وجهه نظر من شخص مجرب الرنج والبي أم