أفضل جهازين منزليين لقياس الضغط والسكر

[قـطـر]

أبحث عن جهازين لقياس الضغط والسكر، على أن يكونا بحجم مناسب وسهلي الاستخدام .. أية اقتراحات من مجرب ..؟

[MAZEN37]

في جهاز صناعه امريكيه موجود بصيدليه الخلود بالمرخيه
للسكر وسهل

[ذكي جدااا]

والله بالنسبة لجهااز السكر مو مشكله لأن معظم الاجهزة جييده ما فيها اختلااف انا رحت المركز الصحي وشريت نفس الجهاز اللي عندهم . بالنسبة لجهااز الضغط هذا المصيبه عندي جهاازين في البيت كل جهاز يعطي قراءة وروح المركز الصحي الصحي ويعطيني قرااءة ثالثه يعني ثلاث قراءات مختلفه فعلااا انا محتااار . على العموم انا شريت جهاز للضغط اللي يلتف حول اليد نفس اللي بالمستشفى وتقدر تأخذه من صيدلية خلووود

[الجوكر]

فيه جهاز واحد يشمل قياس السكر والضغط والجهاز حجمه حلو وقرائته جيده
الجهاز وكيله صيدلية الكوثر ومكان الصيدليه الريان في المحطة الي عند دوار الهواجر
والسعر 375 ريال يوم خذته من اكثر من سنه

[الكبير الله]

انا باعطيك تجربتي مع جهاز السكر .. فقط

اذا قــالك الصيــدلي : هــذا جهاز جديد وحــديث واحســن مــن اللي فالســوق !! لا تاخذه

ليش ؟؟؟ مهوب عشان الجهاز فاشل !! المشكلة في الشرائط اللي تنحط عليها عينة الدم

تكون نادرة فالسوق او يمكن ما تحصلها بعد ........... خذ جهاز موجود فالسوق منذ فترة

عشان ليش ؟؟؟ الاشرطة متوفرة في كل الصيدليان .. وصلت الفكــــــــــــــــــــــــــــــــــرة

[بنوته]

السلام عليكم ورحمة الله وبركاته

مستشفى حمد يعطونك جهاز مجاني وهم تاخذ الابر والمسحه الطبيه والشرائط من عندهم كل شهرين ...اما جهاز الظغط ماعرف له... بالنسبه لاختلاف نتيجة الظغط الافضل تخلي الممرض يقيس لك منول على ماعتقد كذا اسمه اللي يلف قطعه حول اليد مع سماعه هذا ادق قياس ..لاني دايما مع الاجهزه ظغطي يكون مرتفع والدكتوره تخرع وتقيس لي منول ويطلع طبيعي ولله الحمد ...

الله يشفيكم