هل يعقل هالمناظر امام اطفالنا ؟

[MAZEN37]

السلام عليكم ورحمة الله وبركاته
والله يستر علينا
كنت اتمشى بحديقة سباير امس بعد المغرب وكان ابني معاي
(الجو روعه لايفوتكم )
بصراحه رجعت محبط من الي شافه ابني وانا معاه
رجال ماشي ويتمشى مع امرأه - ما اعتقد زوجته ومتنقبه ( عرب اكيد بدون ذكر جنسيتهم)
فجأه قام الرجال وحمل المرأه ومشى فيها نوع من المداعبه ويحضنها ويمسك ايدها
واشياء ثانيه وكل هذا قدام الناس والاطفال.
كنت زمان اقول ماله داعي يكون في قانون للاداب العامه وكل انسان حر بتصرفاته والموضوع اكبر من الازم بمطالبة الاخوان بالمنتدى بقوانين
لكن بصراحه في ناس ما ينفع معاهم الا القانون يردعهم -مش معقول مب لهدرجه الاستهزاء
بمشاعر الناس والادب -قسما بالله اني استحيت وغيرت طريقي عنهم .:shy:

[abdulla999]

عادي ماشفت شئي
الحين بيقولون انك متخلف

[دااانة قطر]

وين عاايشين ؟؟
شكلهم متأثرين بالأفلااام الهنديه

[كازانوفا]

رجال ماشي ويتمشى مع امرأه - ما اعتقد زوجته ومتنقبه ( عرب اكيد بدون ذكر جنسيتهم)



اهم شي لا تحط بذمتك :)

ادعي لهم بالهدايه وزين انك غيرت طريقك هههه

[الوان]

لو قايل حق الامن يمكن يكلمونه

على الاقل قدام رب العالمين انك سويت شي

سواء كانت زوجته او مب زوجته

ما يصير يتصرفون بهالطريقة

[MAZEN37]

لو قايل حق الامن يمكن يكلمونه

على الاقل قدام رب العالمين انك سويت شي

سواء كانت زوجته او مب زوجته

ما يصير يتصرفون بهالطريقة
اي امن شكلهم ولا لهم بالامن ولا امان
ان لم تستحي فافعل ما شئت -المشكله الواحد بيشوف اشياء غريبه

[شبح الصمت]

مشكلة روميو وجوليت

لي راحو سباير

وحصلوا عدنان ولينا

وسوى فيلم اكشن

قصته

ميري وكومار

امحق في ذمتي

[MAZEN37]

مشكلة روميو وجوليت

لي راحو سباير

وحصلوا عدنان ولينا

وسوى فيلم اكشن

قصته

ميري وكومار

امحق في ذمتي
:victory: كأنك كنت معاي
صحيح مسوين على اساس قصه رومانسيه

[Bo Khalid]

السلام عليكم ورحمة الله وبركاته
والله يستر علينا
كنت اتمشى بحديقة سباير امس بعد المغرب وكان ابني معاي
(الجو روعه لايفوتكم )
بصراحه رجعت محبط من الي شافه ابني وانا معاه
رجال ماشي ويتمشى مع امرأه - ما اعتقد زوجته ومتنقبه ( عرب اكيد بدون ذكر جنسيتهم)
فجأه قام الرجال وحمل المرأه ومشى فيها نوع من المداعبه ويحضنها ويمسك ايدها
واشياء ثانيه وكل هذا قدام الناس والاطفال.
كنت زمان اقول ماله داعي يكون في قانون للاداب العامه وكل انسان حر بتصرفاته والموضوع اكبر من الازم بمطالبة الاخوان بالمنتدى بقوانين
لكن بصراحه في ناس ما ينفع معاهم الا القانون يردعهم -مش معقول مب لهدرجه الاستهزاء
بمشاعر الناس والادب -قسما بالله اني استحيت وغيرت طريقي عنهم .:shy:


من راقب الناس مات هماً

هتونا متاتا :nice:

[الوفي]

وليش ما طيته كم كلمه في العضل امام الناس علشان يكون عبره لغيرة من المنحطين النجسين الي لا دين لهم ولا مله

[MAZEN37]

وليش ما طيته كم كلمه في العضل امام الناس علشان يكون عبره لغيرة من المنحطين النجسين الي لا دين لهم ولا مله
فكرت اكلمه
بعدين توقعت يكون وقح وبالتاكيد بيكون وقح ووقح جدا

[شبح الصمت]

فكرت اكلمه
بعدين توقعت يكون وقح وبالتاكيد بيكون وقح ووقح جدا



لو منك صراحة واسوي نفسي اتكلم في التلفون

ومر عليهم وقول صج اشكال غلط في ذمتي اشكال ما تستحي على وجها

ولو جاني يكلمني وشك في نفسه ذيج الحزه بقوله اي عندك مانع او اسكت واحترم نفسك وسوى هالحركات في بيتكم

:anger1:

[ولد الذيب]

لم يعد غريباً في مجتمعنا؛ وجود بعض الممارسات السلبية، والظواهر السيئة،والتصرفات المسيئة، والتي كانت تعدّ سابقاً من الأمور المنكرة، والقضايا المستهجنة.

مشاهد كثيرة لا نجد فيها لباس الحياء ، هذا الخلق العظيم، والسمت الجليل ؛ الذي يكشف لنا حالة الوعي والفكر والأخلاق ، ومستوى السلوك الديني ، ووضع التربية الأسرية ، ودرجة الإيمان والالتزام، الحياء والإيمان قرناء وأصدقاء لا يفترقان، إذا رفع أحدهما؛ رفع الآخر

اذا قل ماء الوجه قل حياءه .................. ولا خير في وجه قل حياؤه

[MAZEN37]

[quote=ولد الذيب;6717207]لم يعد غريباً في مجتمعنا؛ وجود بعض الممارسات السلبية، والظواهر السيئة،والتصرفات المسيئة، والتي كانت تعدّ سابقاً من الأمور المنكرة، والقضايا المستهجنة.

مشاهد كثيرة لا نجد فيها لباس الحياء ، هذا الخلق العظيم، والسمت الجليل ؛ الذي يكشف لنا حالة الوعي والفكر والأخلاق ، ومستوى السلوك الديني ، ووضع التربية الأسرية ، ودرجة الإيمان والالتزام، الحياء والإيمان قرناء وأصدقاء لا يفترقان، إذا رفع أحدهما؛ رفع الآخر

اذا قل ماء الوجه قل حياءه .................. ولا خير في وجه قل حياؤه[/quotوالله كلامك صحيح
ياخي احمد ربنا اني من الناس الي تربوا قبل ايام الحشمه والاحترام والبساطه
الايام هذه الله المستعان جيل وقح وفاسد وما يستحي الا من رحم الله

[قطريه ماركه]

الحمدلله و الشكر خير ان شاء الله يبي يحيي زمن روميو و جولييت !!!!

خل يشيلها في بيتهم و يلف فيها لين ينكسر ظهره *__*

[بوخالد911]

الكلام هنا لا يفييد

لو خبرت الأمن أفضل لك

[MAZEN37]

الكلام هنا لا يفييد

لو خبرت الأمن أفضل لك
فكرتي في التصرفات العلنيه امام الناس والاطفال خاصه
انت قولي كيف راح ينشاء الطفل لما يشوف هالتصرفات امامه
ومطلبي بوضع قانون علشان الناس تحاسب حتى في لباسها الخادش للحياء في المجمعات

[Rider]

يارجال حديقة اسباير صارت مرتع لكل لقاء محرم وحركات لا أخلاقيه خاطري اعرف السكيورتي الي في الحديقة شنو دورهم لكن لو منك كان استلمته والله ماخليه

[هبوب الكوس]

الله يستر علينا دنيا واخره

الله يرحم زمان اول يوم الواحد مب كفوا يسوي شي في ارضج ياقطر

------------------------------

هلا بصديقي روح انت ولدك سيف سميسمه احسن وابرك :nice:

[MAZEN37]

الله يستر علينا دنيا واخره

الله يرحم زمان اول يوم الواحد مب كفوا يسوي شي في ارضج ياقطر

------------------------------

هلا بصديقي روح انت ولدك سيف سميسمه احسن وابرك :nice:
منور هبوب
هذا الي يحز بالنفس زمان اول تحول

[دااانة قطر]

زماانا خراااب

[دااانة قطر]

مشكلة روميو وجوليت
لي راحو سباير
وحصلوا عدنان ولينا
وسوى فيلم اكشن
قصته
ميري وكومار
امحق في ذمتي


:eek5::eek5::eek5:

شدخل عدناان ولينا

[شيط ويط]

جللللليييييييين الحيا

[شبح الصمت]

:eek5::eek5::eek5:

شدخل عدناان ولينا



مب عدنان كله يشل لينه ويركض فيها

:tease:

[النائب]

ياما بتشوف خل القرعا ترعا مادام الراعي يرعى

[بـــــــنت النوخـّــــذه]

السلام عليكم ورحمة الله وبركاته
فجأه قام الرجال وحمل المرأه ومشى فيها نوع من المداعبه ويحضنها ويمسك ايدها
واشياء ثانيه وكل هذا قدام الناس والاطفال.
.:shy:

اههههههه الحمد الله والشكر يعني اول انشوف الافلام الهنديه ونضحك عليهم انقول شهالحركات والله زمن صارت الافلام الهنديه واقع في ديرتنا حلاتها بعد يطق عليهم مطر :p


المهم ترى مره رحت مجمع تجاري كلنا تسمرنا بمكانه واحد مع بنتين طبعا من دوله عربيه وحده متحجبه وادخن اههه تناقض ووحده فاصخه الحيا بدون حجاب وزعلانه عاد ياها الواوي وقالها قومي (اغنيه سباله قاعده على الشط ^_^) وقام ضمها ورفعها اشوي من الارض ويبوسها عشان ترضى وانا وهلي واليهال جذيه شكلنى >>>
:eek5::eek5::eek5:

وعلى فكره مهب بس الاجانب بعد القطريين استخفو بعد صدت وحده ماسكه يد زوجها ولا مادري من وحاطه يده على صدرها وضمتها والعالم بعد شكلهم جذيه .>>>:eek5::eek5:

[الطائر الحائر]

يمكن نسى نفسه ويضن انه يمشي بحوش بيته

[%حورية قطر%]

ههههههههههههههه ينطبق عليهــــــم كلمة وحدة :ان لم تستحي فافعل ماشئت
زمـــــن العجااايـــــب!!!1

[بنت الطائي]

لو منك صراحة واسوي نفسي اتكلم في التلفون

ومر عليهم وقول صج اشكال غلط في ذمتي اشكال ما تستحي على وجها

ولو جاني يكلمني وشك في نفسه ذيج الحزه بقوله اي عندك مانع او اسكت واحترم نفسك وسوى هالحركات في بيتكم

:anger1:

هذا ريلي دوووووووووم يسوي جذيه
والصراحة يخافون شوي

ومرة في المخازن ريلي هاوش واحد هواش لانه باس زوجته امام الملأ
ولا قدر يقول شي خاف

[الراقيه سبشل]

ترى يمكن تكون زوجته حرام لاتحط بذمتك

والله يهديهم

[شبح الصمت]

ترى يمكن تكون زوجته حرام لاتحط بذمتك

والله يهديهم


:eek5:
:weeping:
:secret:
:omen2:

[الراقيه سبشل]

:eek5:
:weeping:
:secret:
:omen2:

:con2: ؟؟

[شبح الصمت]

:con2: ؟؟

مدري اختي تقولين اذا زوجها عادي استغربت من ردج بس !!!


يعني عادي قدامج يسوون هالحركات !!!


اتوقع أختي الراقيه خانج التعبير

عادي كلنا نغلط

:omen2:

[بـــــــنت النوخـّــــذه]

ترى يمكن تكون زوجته حرام لاتحط بذمتك

والله يهديهم

انزين آمنا بالله زوجته بس ماعندهم بيت حبكت هالمشاعر الجياشه في الشارع العام :)

[بوخالد911]

اههههههه الحمد الله والشكر يعني اول انشوف الافلام الهنديه ونضحك عليهم انقول شهالحركات والله زمن صارت الافلام الهنديه واقع في ديرتنا حلاتها بعد يطق عليهم مطر :p


المهم ترى مره رحت مجمع تجاري كلنا تسمرنا بمكانه واحد مع بنتين طبعا من دوله عربيه وحده متحجبه وادخن اههه تناقض ووحده فاصخه الحيا بدون حجاب وزعلانه عاد ياها الواوي وقالها قومي (اغنيه سباله قاعده على الشط ^_^) وقام ضمها ورفعها اشوي من الارض ويبوسها عشان ترضى وانا وهلي واليهال جذيه شكلنى >>>
:eek5::eek5::eek5:

وعلى فكره مهب بس الاجانب بعد القطريين استخفو بعد صدت وحده ماسكه يد زوجها ولا مادري من وحاطه يده على صدرها وضمتها والعالم بعد شكلهم جذيه .>>>:eek5::eek5:
:eek5::secret::secret::secret::eek5:

[وهم قطر]

يوم شالها كمل طريقه ولا قام يدورها لأن في فرق بين الرومنسيه والوصل

الرومنسيه :يشيلها ويتم يدورها لين يدور راسه عشان تشعر انها في الجو مع العصافير

الوصل : ربما كانت تعبانه من المشي ومب قادره تواصل للسياره وعلى ذلك حملها بين ذراعيه

فأحسن الضن وأطلب من الله الهدايه لهم

[بير بترول]

ايه والله ما يستحون

[بـــــــنت النوخـّــــذه]

:eek5::secret::secret::secret::eek5:

لايروح فكرك بعيد انا ماعرفت اعبر اشلون يعني بس اهي ماسكه يده وضمتها عند قلبها وتم جذيه ماشيه فتره طويله ^_^<<<اعتقد الحين المصطلح ادق وعشان لحد يفهم اني مصطلحاتي فيها اباحيه :nice: :)

[بيانو]

هذه نسميه

اللى ماشاف التفاح

شاف الطمام اتجن

بمعنى انه عنده كبت واول ما يطلع مع وحده يبى يوجهه رساله للناس

ياعالم طالعونى انا معاى وحده

انا احسها كده

[ms-qtr]

أخوي لو متصل بالعضيد
بيجونك و بيكلمونهم
لكن المشكلة إن في وايدمن المواطنين ما يتصلون

[CH Engineer]

يمكن كان تحدي بينهم ههههههههه

[jeep-srt8]

يومياً هالمناظر في الكورنيش وعلى عيون الملأ ومحد يقدر يسوي شي لانه ماشفنا قانون !!!!!!!!!!!!!!!!!!!!!!!!!!!! قهررررررررررررررررر لما نكون بدولة مسلمة ومانعرف نتصرف بكيفنا حسب اصولنا ودينا

[روضة]

يقال أن الحياء قطره فأذا سقطت تلك القطره عندها يستطيع الانسان أن يفعل مايشاء حتى ولو كان مخالفا للعادات والقيم

[القطو السمين]

اكيد مرته ضعيفة لو دبة مااعتقد يشيلها

[كورديليا]

اوبس حملها:eek5::eek5:

[هدهد سليمان]

البلد باظت يا جدعان .. والتعليم باظ .. وكلوا بيعملاي حاجه في اي حته .. ربنا على المفتري .. قال ايه العلم لا يكل بالبدنجان ..
http://www.hayah.cc/forum/imgcache/36171.png

[تاجر121]

يارجال حديقة اسباير صارت مرتع لكل لقاء محرم وحركات لا أخلاقيه خاطري اعرف السكيورتي الي في الحديقة شنو دورهم لكن لو منك كان استلمته والله ماخليه

السيكورتي الي اهناك ما شغل مسكين الا اذا شخص جاهم وسوا بلاغ رسمي عليهم عقب يطلبونهم ويسلمونهم حق الجهات المختصه مالهم اي ذنب
اعرف واحد من الربع بحديقه الوكره سيكيورتي يقول شاف واحد ووحده يسون اشياء غير اخلاقيه ويوم طلب لهم الشرطه وكلمهم انقلب الغلط عليهم وبوووس اخشوم وووافق المدعي عليه يتنازل عن موظف الامن وقلب الحق عليهم والله يستر

[بوحارب]

زين مارقد معاها على الحشيش :(

[فيزيائية]

يمكن صادها هبوط وخاف يغمى عليها قام شالها من طريج المسلمين !!

<<<قاعدة تدور عذر ..!

[الصريحه]

اللهم اهدي الجميع
اهم في دوله مسلمه ومحافظه
تعدوا علينا بهذا التصرف السخيف

[شويهينــه]

يمكن كان يتمرن يشيل اثقال:secret:

[الراقيه سبشل]

مدري اختي تقولين اذا زوجها عادي استغربت من ردج بس !!!


يعني عادي قدامج يسوون هالحركات !!!


اتوقع أختي الراقيه خانج التعبير

عادي كلنا نغلط

:omen2:

هههههههههههه

لا مو عادي طبعا:shy:

وانا لهالسبب دعيتلهم بالهداية:nice:

[الراقيه سبشل]

انزين آمنا بالله زوجته بس ماعندهم بيت حبكت هالمشاعر الجياشه في الشارع العام :)

مادري عنهم الاخوان :rolleyes2:

المهم ادعولهم بالهداية وبس:shy:

[^امـ نواري^]

هالاشكال يبون من يردعهم
ياليتك بس كلمتهم او قطيت عليهم جم كلمة يمكن يحسون بدمهم ولا يجاهرون بالمعصية عيني عينك

( ياليت كل الرجاجيل لين شافو الغلط مايسكتون عنه ..... )

[الخفاجي]

الله يهديهم .. بعض الناس تقول بتطير مرته متمسك فيها

عيب والله عيب

[نجمة في سماه]

من راقب الناس مات هماً

هتونا متاتا :nice:

الله يهداك بس اي مراقبه الي تتكلم عنها؟؟؟ الريال يقول لك أنه شالها جدام الناس !!! ؟؟؟؟ يبيلنا شرطة أداب الصراحه علشان يوقفون هالأشكال عند حدهم؟؟؟؟؟لا حيا ولا مستحا!!!!

[%حورية قطر%]

يبااااااااا هو حـــــــل واااااااحد ياليت ينشرون هيئة الامر بالمعروووف وكل واحد من رجال الهيئة في يده خيزرانة منقوعه بملح اسبوووع كامـــــل وبس ومن عقبهااااا ماراح تشوووفون البلاوي الخضراا والزرقاااا هاذي :anger1:....

[toomi9]

مب ريال الي معاها ريلها ولا غيره
وهاذول ناس مب محترمين وقااحه وقلة ادب
وان لم تستحي ،، اصنع ما تشاء

[Bo Khalid]

الله يهداك بس اي مراقبه الي تتكلم عنها؟؟؟ الريال يقول لك أنه شالها جدام الناس !!! ؟؟؟؟ يبيلنا شرطة أداب الصراحه علشان يوقفون هالأشكال عند حدهم؟؟؟؟؟لا حيا ولا مستحا!!!!

شفيك معصب

أقول خف علينا بس

وهذي الأمور ما زادت عندنا إلى لأن كثير من الناس يروحون بلاد برة ويسون ألعن من كذا فتلف وتلف السالفة وترجع على نفس الناس أو ترجع على محارمة

يا الله سترك

[فريج النصر]

وليش ما طيته كم كلمه في العضل امام الناس علشان يكون عبره لغيرة من المنحطين النجسين الي لا دين لهم ولا مله

السلام عليكم اخوي الكريم هاذا زمن العلم والتنولوجيا وليس زمان الظرب لانهو اذا قال لهو ذالك فسوف يظربه وقد يرظخهو وشكرا

[غايه الطواش]

العام في لاند مارك شفت ايراني يقبل زوجته بطريقه محرجه "كانت زعلانه ويراضيها "
\رحت عنهم ورجعت لهم مره ثانيه مايهاني قلبي
وشرشحتهم ولابعد زوجته محجبه قلت له انت ماقريت التعليمات على الباب قالي لا وانا زاير وجوازي كندي >>>>>يعني بخاف
قله انت زاير ومسلم لازم تحترم البلاد الي انت والا فيها والا اطللع برا>>>>>>>>>وين يطلع برا مادري

واعتذر

[عنوووود]

ماأعتقد أنه متعمد أنه مايراعي تقاليد المجتمع " المحافظة "

لكن هو في النهاية ماعمل شي حرام أبداً يعني الموقف يمكن كان مدته ثلاث او اربع ثواني وكان تعبير عن فرحة معينة ، وعلى طوووووول حكمنا عليه وتضايقنا منه .

أكييد إنها زوجته ويمكن سمع منها خبر حلووو أو حب يعبر لها وخذه الحمااااس .

يعني يااااااااااااناااااااس انظرووووووو دائما للجاااانب الايجااااااااابي من كل شي ونحسن الظن "

[شبح الصمت]

ماأعتقد أنه متعمد أنه مايراعي تقاليد المجتمع " المحافظة "

لكن هو في النهاية ماعمل شي حرام أبداً يعني الموقف يمكن كان مدته ثلاث او اربع ثواني وكان تعبير عن فرحة معينة ، وعلى طوووووول حكمنا عليه وتضايقنا منه .

أكييد إنها زوجته ويمكن سمع منها خبر حلووو أو حب يعبر لها وخذه الحمااااس .

يعني يااااااااااااناااااااس انظرووووووو دائما للجاااانب الايجااااااااابي من كل شي ونحسن الظن "



أشلون يعني فرحه وتأخذه !!

يعني انتي عادي عندكم تسوون هالاشياء !!

مسموح فيها قدام خلق الله سهلات يعني الدعوة !!

النظرة الايجابيه تكون حشمه واحترام لنفسه ولغيره من البشر

والنظرة السلبية هي عدم حشمة الناس وعدم اللامبلاه فيهم ولا كانهم قدامهم

وثاني شيء لاحدن ينسى انه هالمكان في الآونه الأخيرة صار ملتقى الأحبـه !!!

:rolleyes2:

[فريج النصر]

ماأعتقد أنه متعمد أنه مايراعي تقاليد المجتمع " المحافظة "

لكن هو في النهاية ماعمل شي حرام أبداً يعني الموقف يمكن كان مدته ثلاث او اربع ثواني وكان تعبير عن فرحة معينة ، وعلى طوووووول حكمنا عليه وتضايقنا منه .

أكييد إنها زوجته ويمكن سمع منها خبر حلووو أو حب يعبر لها وخذه الحمااااس .

يعني يااااااااااااناااااااس انظرووووووو دائما للجاااانب الايجااااااااابي من كل شي ونحسن الظن "

السلام عليكم عادي عندش هل تسوين هالشي وتشوفينه عادي وشكرا

[ابو خليفه]

عادي ماشفت شئي
الحين بيقولون انك متخلف
هههههههههه
لا وانت الصادق يقولون معقد

[نوفا91]

اسباير صايره قمهة المصخررره ..

مره رحت مع الاهل اسباير ..وشفنا واحد مواعد الحبيبه <<شلون عرفنا قعد رايج جاي قدامنا يحجز المكان ع ماتوصل الاخت ويوصف لها <<يعني صوته عااالي ويبينا نسمع اشحقه مادري..بس اللي استغربت منه ان البنت جايبه وياها حصير ودلة شاي وقهوه واختها الصغيره <<علشان محد يشك يعني ..المهم وقعدوا والله العظيم ان اشكالهم ملفته للنظر مابقى حد من اسباير لا بنت ولا طفل ولا شيبه ولا عجوز الا ومر عليهم والبعض كان يمشي ويقط كلاااام لان عصافير الحب ع بالهم بروحهم فسباير
((قسم بالله تشوفهم تقول عرسان .نيو))عاد انا ماكسر خاطري الا البنت الصغيره طول الوقت منزله راسها وكأنها مستحيه من اختها ..واللي قهرني عجوز مرت عليهم وقالت حق الرجال انت ماعندك خوات ويأشر لها بأيده وهو يضحك لا

[Qatar-King]

لو أذكر لكم كل المواقف المشابهه اللي مرت علي ماراح أخلص ,, الله يعين


و بخصوص بعض الردود بأنه الحل خيزرانه و ضرب و مدري شنو !!!


احنا بلد قانون وليس غابة كلن يضرب الثاني !!! المفروض تصير السالفة مثل القوانين ,,,


يعني مثلا لو يوزعون منشورات تتكلم عن عادات أهل قطر و التصرفات الغير مقبولة كان أفضل ؟؟


أنا مستعد و أكيد أي شخص يقدر نوزع هالمنشورات في كل المجمعات التجارية و الحدائق .,,,


هالطريقة في نظري حضارية أكثر من الضرب و السب لكن الموضوع الظاهر خرج عن السيطرة !!!!


أتمنى نتخلص من هذه المظاهر الغير محببة في أقرب وقت قولوا آميييين ...