عودة التريلات للعمل بنشاط ...مرة اخرى

[البدع]

الي عنده تريلا اقوله

السوق رد واشتغل ولله الحمد

وفيه نشاط واضح بعد انهيار هذا السوق اخر سنتين

والي ماعنده تريلا .. نصيحة لاتشتري

الا اذا عندك خبرة او عقد جاهز او واسطة

وبالتوفيق للجميع

[بوجبر]

مبروك لملاك التريلات

الحين الناس بتهب على التريلات

[saadn]

انا عندي تريلة ولي بيشغلة بعطية كمشن

[الفتى]

والله هالشغله تخوف

[البدع]

مبروك لملاك التريلات

الحين الناس بتهب على التريلات

الي يريد تريلات يراجعني على الخاص

والي يبي يهب فبراحته

شخصيا لا انصح

[البدع]

انا عندي تريلة ولي بيشغلة بعطية كمشن

ابعث لي المواصفات على الخاص اخوي

وبالتوفيق

[ابو خليفه]

وانا بعد يالبدع عندي تريلات اذا عندك شغل طرش لي على الخاص ..

[ابو علاوي]

الحال مثل ماهو
لاتغير ولا شي
وشغل التريلات من سيء الى اسوء
انا عندي تريلات سطحات لو حد بيستاجرهم بأجرهم واللي يشتري يراسلني
شكراً لصاحب الموضوع

[البدع]

سطحات وتقول ماتغير

شكلك ماتعرف وين الرزق

نصيحة

روح شركة الحديد والصلب الي بمسعيد

مشغلين سوق السطحات عدل

[ابو علاوي]

سطحات وتقول ماتغير

شكلك ماتعرف وين الرزق

نصيحة

روح شركة الحديد والصلب الي بمسعيد

مشغلين سوق السطحات عدل

انا مشغلهم داخلي عالاسمنت
وشغل الحديد رخيص مثل المينا
السواق ياخذ 4 ومصاريف 3 ويبقالي 3
اخر السنة احطهم مخالفات عن السواقين او تواير هههههه
والله ياخوي انا ابو الشغل لكن الشغل الحين تعبااااااان وخصوصا التريلات
واذا عندك شغل تراني جاهز
شكراً

[البدع]

ابعث لي مواصفات التريلا الي عندك على الخاص

سلام

[بوعيسى1]

والله ياخوان انا ما انصح بشراء تريلات

[مخطط قطري]

وانا بعد مانصح........................ وانت يالبدع دايمن هذي سوالفك توهق الناس بس
يالله شغلهم لهم اذا انت صاج وتقول رجعت بقوه على يدك عندي تريلات يديده مع السواقين وين الشغل
وايد كلام ابوعلاوي في هذا الموضوع

[كركم]

في حركة في السوق ولكن الاسعار ثابته مثل قبل اعلان البطولة وبالنسبة لموضوع التريلات يتوقف بنسبة 80 % على امانة وشرف السائقين او الفورمان المسؤؤل عن السائقين والتريلات

[Diamond]

حاسبو يا اخوان ..اخطر شي التريلات 80% نصابين ..شغلها مربح ويدخل ملايين بس محكور بين فئه وناس معروفين من دول عربيه واسيويه واي حد يدخل من بينهم ياكلونه اكل .....لا تدخل بالتريلات الا اذا تعرف صاحب الموقع او المصنع عدل ..اما بعطي التريلا سواق وهو بيشغلها او شركه بتعطيني اجار شهري كله نصب بنصب ............حاسبو حاسبو حاسبو انا خسران فيها 170الف في عز شغل التريلات بس خسارتي ولا شي بالنسبه لخسارة اللي اعرفهم ...

[قناص الخليج]

عن خبره في هل المجال ماوراها الا عوار الراس

[قطري !]

أذا ما اشتغلنا ياقطريين من تبون يشتغل ؟؟؟؟؟


والله المفروض الدوله تسوي نفس الامارات يوم كان الشيخ زايد الله يرحمه مخلي الشغل حق الاماراتيين بس ... يعني اذا عندك تريله او شركة شاحنات كبيره تحلف على القران انها ملك لك انت ولا لك فيها شريك اجنبي ....ومن عقبه يسلمك مشرع بالملايين , واستفادوا اهل الامارات كلهم



الى متى وخيرنا واقتصاد البلد ينزف الى الخارج , الاجنبي صح بيشتغل بس مدخوله كامل لن يجلس في قطر بيستثمر في بلده , وهنا الدوله خسرانه ....




أنا اقول لابد من وقفه من غرفة التجاره في هذه الامور .... الاجنبي يي يشتغل , يشتغل في مشروه يديره قطري.


الشغل انشالله بيفتح عن قرب لجميع القطاعات ولا بد ان يستفيد المواطن اولا .....



اما بخصوص الشاحنات والسائقين .. ارجوكم ارجوكم ارجوكم ابتعدوا عن الجنسيه العربيه الوحيده التي نهبت وسرقت وعملت مشاكل في قطر ... لا تطلب هذه الفيزه ولا تشغل السائق من هذه الجنسيه ......

[الكيلاني]

السلام عليكم

أنا أفيدكم بالسائقين بس

أما كيف تلاقون شغل فما أعرف

أنا شخصيا كان عندي ناقلتين إسمنت و بعتهم قبل ما تصير الأزمة الإقتصادية

[الخبير العقاري]

أبحث عن قلاب مرسيدس بوز بوز من موديل 1980 وجايإلى موديل 1996 وهو أخر موديل للبوز عايدي أو سقس ويل ويفضل يكون نظيف والدفع نقداً

[MES]

للبيع 7 تريلات بسعر حلو لعدم القدرة على المتابعة

الرجاء من الجادين الاتصال على 55572793 أو على الخاص لمزيد من المعلومات

وشكراً

[AL_MUTAEM]

اي شغله الواحد مايعرف يديرها فاكيد راح يخسر بس من المفترض انه مايخوف الناس منها ..

شغل التريلات مش نفس شغل السوبرماركت فكل شي محدد بسعر .. شغل يبي له واحد يقوم من الفجر ويراقب سياراته او وضع فورمن ثقه بشرط مش نفس جنسية السائقين ..




للبيع 7 تريلات بسعر حلو لعدم القدرة على المتابعة

الرجاء من الجادين الاتصال على 55572793 أو على الخاص لمزيد من المعلومات

وشكراً


اخوي اذا فيهم موديل 2003 انا شراي بسعر السوق بس ياريت التفاصيل على الخاص

[البدع]

نصائحك في محلها

كلام سليم جدا

بالتوفيق