ليش قطع غيار السيارات في الدوحه اسعارها مضاعفه

[Hassan111]

ليش في الدوحه اسعارها مضاعفه؟؟

مقارنه مع الدول المجاوره و الانترنت، عن تجربه شخصيه او مع اكثر من ماركه من السيارات.

[][ iMedia ][]

خلها على الله
حتى البوالين اسعارها نكبه !
-______-

[عاشق الشهادة]

http://www.okaz.com.sa/new/Issues/20101221/Images/Cartoons/krkr.jpg



عندنا بقطر :weeping: خلها على ربك وانا اخوك

[Qt.1]

المشكله ماجات على قطع غيار سيارات ,, الاا طلع لي شي عندنا ارخص من دول ثانيه مستحيل اتحصل ,,, بقولك ليش !! لانه ايقولك القطريين اغنى شعب وافلوسهم وايد مافي اي مشكله نرفع الااسعار عليهم ماردهم بيشترون !!

[مسافر77]

نقول السبب بشكل مبسط وبدون تحليل إقتصادي لقطر:
والسبب
العرض أقل من الطلب
التكاليف مرتفعة من شحن وأجورنقل و أجور عمالة وأجور مخازن ومحلات...
الإحتكار
ويساعد الإحتكار قلة العرض وارتفاع التكاليف..

تقبل مروري
للبحث وراء الأسباب أجب:
وليش آجار المحل والمخزن في قطر أعلى من الحسا والخبر والشارقة , مثلا
وليش مستوى دخل الموظف الحكومي والخاص أعلى من الدخل في الحسا والخبر والشارقة , مثلا

[bo_Yousef1]

حتى الايل اغلى من الامارات والسعوديه
!!!!!!!!!!!!!!
اولا مافي الا كم موزع والسوق محتكر اصغير
والشعب مايفاصل يعني في شباب يدخل يبي غرض يقوله الهندي 196 ريال يدفعه 200 وهو ظاهر ماينزل من السعر وفوقها يدفع زياده

[Busin Lover]

لان في ناس تدفع

^_^

[الـقـاسـي]

مب لان في ناس تدفع لان الحكومة مهمله هالشي يمكن في ناس واصلين ومستفيدين وعاجبهم الوظع مايبون يتغير انا اقول يمكن

[أبو طلحه]

مب لان في ناس تدفع لان الحكومة مهمله هالشي يمكن في ناس واصلين ومستفيدين وعاجبهم الوظع مايبون يتغير انا اقول يمكن

انا بعد اقول لو الدولة تبي تنزل بالاسعار كان صار هاي الشي لكن :secret:

[انتر ميلان]

إدارة حماية المستهلك في سباااااات عمييييييق

[رذاذ]

صح كلامك كنت بشتري اغراض لموتر عندي من بعد حادث وانا غلطان به طلعت اربجات وسوالف كثيره
قلت مالي الى الشركه طلعت قيمتهم 13800
سالت برع بالمحلات الصغيره بعد طلعت علي بـ 12900

جبتهم من دبي وبالتحديد من الشارجة بـ 7550 والشحن كلفني 500 وصلو الاغراض لي لين شارع 10 بالصناعية .. ونفس الوكاله.

والكراج خذا 2000 شغل يده وبعد ما وصلت لقيمه القطع .

الى يبي رقم المحل حااضر له مخزنه للضرورة

في ناس تستفيد ع حساب الآخرين ..

[Hassan111]

وحده من الظواهر الغلط نلاحظا وايد اهي ان الناس تشتري الاغلى على اساس انه احسن و التجار في الدوحه مستغلين الناس هذي او فكرة ان السيارات في الدوحه مواصفاتها احسن مع ان الواحد لف في وكالات الدوحه و الدول المجاوره ولاحظ ان المواصفات نفسها لا او يمكن ان المواصفات لو فيها اختلاف يكون الاختيارات اكثر. لازم انغير طريقة تفكيرنا. لانها خلت التجار يستغلونا اكثر.

[Hassan111]

انا جربت طلب قطع الغيار من الانترنت في الوكاله في الدوحه ب ١٢٠٠٠و الانترنت طلع ٧٠٠٠ (اصلي من الموزع الرسمي للوكاله في بلاده) مع الشحن لين البيت مع ان الوزن ٧٠ كيلو واستلمتها بعد ٨ ايام في البيت.



صراحه قررت اطلب من النت احسن و ارخص من الوكالات.

[الزجاجي]

اخبر مره رحت الوكاله اشتري قطع طلعت لي 2000 ريال
من الموزع في قطر 760 ريال !!

[الكاسر99]

صدق أخوي أنتر ميلان


إدارة حماية المستهلك في سباااااات عمييييييق

والله كل ما أروح مكان وأشوف السعر مضاعف أسأل نفسي وين إدارة حماية


المستهلك ...........؟؟؟

[الحلال فقط]

كيف ممكن اطلب قطع غيار للروفر عن طريق النت
وهل هو مضمون

[عبد الرحمن77]

انا جربت طلب قطع الغيار من الانترنت في الوكاله في الدوحه ب ١٢٠٠٠و الانترنت طلع ٧٠٠٠ (اصلي من الموزع الرسمي للوكاله في بلاده) مع الشحن لين البيت مع ان الوزن ٧٠ كيلو واستلمتها بعد ٨ ايام في البيت.



صراحه قررت اطلب من النت احسن و ارخص من الوكالات.


:) كيف الطلب ووسيلة الشحن لوسمحت !!!!!!!!!!!!!!!!!!!.

[ابن وايل 55]

اسعار القطع في الخليج كلها غاليه

[المخضرم85]

هلا يا الربع اخباركم انا عندي سيارة اودي تي تي 2005 وديتها الشركة قلت بسويلها فحص المهم فحصتها قالولي 3000 انزين قلنا مب مشكله يوم خلص الفحص طلع التقرير سير مكينه ومساحات اماميه يعني شغل داخل المكينه طلع المبلغ كامل 15000الف وستميه قلت زين جا في بالي اسئل عن الصطاب الامامي كامل 6000 وبعدالخصم 5000 طبعن هاي الحبه ههههههههههههههههههههههه وسكت المهم قلت في خاطري اسئل قتله اذا بغير اربع اصطابات الي جدام والي ورا قالي عشرين الف والي يعرف حد في هاي الشركه يسعفني وشكرا لكم

[Hassan111]

ترا الروفر او الاودي قطعهم متوفره على الانترنت بس لازم اتحاسب مع اي شركه تتعامل.

في نقطه مهمه جدا لازم الي يطلب من النت ايعرفها، الا و هي القطع في الانترنت ٤ انواع.

١- القطع الاصليه مالت الشركه.
٢- القطع الي تصنعت للشركه (شركة السيارات) بدون شعار ماركة السياره يكون عليها شعار المصنع (بس هي الاصليه بدون شعار ماركة السياره). ينطبق الكلام على جميع الصغيره و معظم القطع الكبيره لان شركات السيارات صارت اتصمم القطع و اتخلي مصانع ثانيه اصنعها لها وهي اجمع السياره بس. مثل السفايف ٩٩٪ تصنعها شركات متخصصه في البريكات لصالح ماركة السياره.

او غالبا اتكون ارخص لان ماركة او شركة السيارات ما خذت عليها نسبه عليها.

٣- القطع الي تصنعها شركات متخصصه في مجال معين مثال فلاتر او سفايف او درامات ويل. تختلف الجوده باختلاف الشركه. في منها قطع غيار ممتازه بنص سعر الوكاله جربت شخصيا الفلاتر و السفايف و ادرامات الويل.

٤-وهو النوع الاخير التجاريه حاسبو منها ولا انصح حد ايجربها.

[jeep-srt8]

في مؤامرة ضد الشعب من حماية المستهلك واكيد لهم عون كبير

[Hassan111]

:) كيف الطلب ووسيلة الشحن لوسمحت !!!!!!!!!!!!!!!!!!!.

اولا : لازم اتكون عندك فيزا او ماستر.
ثانيا : لازم اتشوف موقع محترم ايبيع لك القطع على حسب الماركه.
ثالثا : الشحن بيكون عندك خيارين ١- تشحن على طول لين الدوحه ٢- عن طريق صناديق البريد الي توفرها شركات الشحن.

راسلني اذا كنت محتاج التفاصيل.

[جوال 11]

عدم وجود الرقابة
الأفضل تتصل بمحل قطع غيار في الحسى ويوفر لك أي قطعة تحتاجها أرخص وبالمجان وإذا القطع كثيرة يأخذ أجره توصيل 150 ريال فقط .
وخلها تصدي عند التجار في الدوحة .

[halcrow]

أقتباس

يذكر أن عضو مجلس إدارة غرفة قطر للتجارة والصناعة السيد أحمد يوسف حسين كمال ردَّ في مداخلته خلال ندوة سابقة على سؤال حول مدى تجاوب وكلاء السيارات مع الدعوة لتخفيض الأسعار بقوله: «هناك تنسيق بين وكلاء السيارات في هذا الأمر حيث خفضت بالفعل وكالات السيارات الأسعار استجابة لهذا الأمر وانتهت المشكلة الآن».
وأضاف: يوجد تنسيق بين وكلاء السيارات، والأمر يسير في اتجاهه الصحيح، وهناك اجتماعات دورية بين الوكلاء لحماية المستهلك، وتم تخفيض الأسعار بناء على هذا التنسيق، وأي مواطن لديه شكوى يمكن أن يتقدم بشكواه إلى «حماية المستهلك».
وأكد أن أسعار قطع الغيار أصبحت موحدة في دول المجلس، وذلك على حد قوله: أسعار قطع الغيار الأصلية في قطر اليوم بنفس أسعارها في دول الخليج المجاورة، حيث تم توحيد الأسعار في قطر مع الأسعار في السوق الخليجية.

لاتعليق :secret:

[عبد الرحمن77]

:nice: جزاك الله خيراً أخي العزيز hassan111 ما قصرت ..........

[Qatarianes]

ببساطه لانه الوكلاء اقوى من حماية المستهلك
والدليل عطو الاجتماع اقنور
واحنا الضحيه

[المخضرم85]

الله كريم

[العبدلي1]

الله كريم

[eqahtani]

اصطاب سيارتي في الدوحه ب 1500 والامارات ب 400
والله ظلم وهاي صطاب عيل شلون باقي القطع

[بوخالد911]

لا تعلييق

[الـــــــبرق]

لاتعليق
الجواب صعب اقوله لنه طويل بالحيل
وموفق اخوي

[Hassan111]

الاحتكار و عاداتنا في الشراء و التركيز على ماركات معينه له دور كبير في ارتفاع الاسعار.

عند المقارنه مع الدول الاخرى الناس تنوع في الماركات ولا تركز على ماركات بعينها.