المقاول يبني السور والملحقات الحين يصير ولا مايصير ؟؟؟ ذبحني جنني

[كبير المتداولين]

شباب بليز افيدوني المقاول جنني قام يبني السور من الحين حول الفله وللحين توه مسوي صبيه حق الجسور الارضيه والشي الثاني الحبيب قام يسوي المنهولات ويمد البيبات هالشي اوكي ولا شلون الي خذيت بنصيحتهم يقولون مب شي يركبهم من الحين .

[شموخ دائم]

,

,



مرحبا

المقاولين يجننون بلد كامله بس والله احبهم في الله ( الجيدين منهم )

ههههه

اخوي الكريم الموضوع له ترتيب معين ترتيب فني للعمل وترتيب مالي للدفعات

من الطبيعي يبتدي بالحفر اساس الفيلا ووضع القواعد والدفان ويطلع الفيلا
ومن ثم الملاحق والاسوار في الاخير
وخاصه السور الامامي المواجه للفيلا هذا يكون اخر شي

والسبب

يعني دفعه السور تلاقيها بالعقد الدفعه السادسه مثلا
والمقاول استلم الدفعه الاولى ويروح يبني الاسوار
ويبي الدفعه ( السادسه ) طبعا بيعمل خربطه كبيره بنظام الدفعات للبنك او للمالك
هذا المقاول بيطلع للناس قرون
ههههه

بالنسبه للمنهولات والتمديدات من المفترض تكون من المراحل المتاخره شوي
حتى السيارات والمعدات الثقيله داشه وطالعه بالبيت ( ما تخرب ) او تكسر في هذا العمل

اعتقد السبب الي عنده
ممكن يكون ( عمال صف الطابوق ) فاضين وقاعدين بالسكن ويبي يشغلهم
بدل جلستهم

والله يعينك على الشغل

الناس تشتكي من ( كسل المقاول وبطء العمل ) الي عندك باين عليه نشيط
هههههه

شكلك مو ملحق معاة

:)

نصيحتي لك

تكلم الاستشاري يخاطب المقاول بكتاب رسمي يطلب منه الالتزام ( بمراحل العمل حسب نظام الدفعات )

والله يوفقك يارب
,

,



اخوك



شموخ دائم

[كبير المتداولين]

يعطيك العافيه اخوي والله ماقصرت كلام جميل

المشكله المقاول الي عندي كسول وين النشاط الي فيه ياخوك صار له شهرين ماخلص من الاساس للحين لا وقام يبني السور والمنهولات بس على كلامك بكلم الاستشاري اخليه يرصه شوي مادري على شنو مستعجل مشكله المقاولين يبي يوفر بكل شي حتى الماي مستخسر يرش الصبيات لازم اروحله انا بنفسي عشان يرش .

[khaldoon]

اوافق اخونا العزيز شموخ دائم

السور و المانهولات في المراحل المتأخره ....لو يبي يني مناهل من غير تمديدات معلش و يحميها زين وما يخلي السيارات و الترطات تمر فوقها لانها ممكن تتكسر خصوصا انها من الطابوق مش خرسانه

لو يبي يصب قاعدة السور بس معلش بس انه يسوي السور بكره راح يتوهق يوم يبي يدخل الردي ميكس والا اي ترك محمل بمواد وما يلاقي فتحه في السور...الله يكون في عونك عليه

[khaldoon]

يعطيك العافيه اخوي والله ماقصرت كلام جميل

المشكله المقاول الي عندي كسول وين النشاط الي فيه ياخوك صار له شهرين ماخلص من الاساس للحين لا وقام يبني السور والمنهولات بس على كلامك بكلم الاستشاري اخليه يرصه شوي مادري على شنو مستعجل مشكله المقاولين يبي يوفر بكل شي حتى الماي مستخسر يرش الصبيات لازم اروحله انا بنفسي عشان يرش .

مهمه جدا رش الماء للخرسانات علشان تعوض النقص في الماء اللي يفقد من الخرسانه بسبب ارتفاع درجات الحراره و التفاعل الكيميائي اللي يصير بالخرسانه بعد الصب فيرفع حرارتها وتصل للقوة المطلوبه

لو ما يبي يرش ماي على طول ما مشكله يسويها مره باليوم و الطريقه انه يرش ماي و يحط عليه خيش مباشره و عليه نايلون (بوليثين شيت)...الماي بتظل في الخرسانه طول اليوم

اما لو بس رش ماي فراح تنشف خلال دقائق خصوصا في الصيف وما راح يلحق عليها

[كبير المتداولين]

مهمه جدا رش الماء للخرسانات علشان تعوض النقص في الماء اللي يفقد من الخرسانه بسبب ارتفاع درجات الحراره و التفاعل الكيميائي اللي يصير بالخرسانه بعد الصب فيرفع حرارتها وتصل للقوة المطلوبه

لو ما يبي يرش ماي على طول ما مشكله يسويها مره باليوم و الطريقه انه يرش ماي و يحط عليه خيش مباشره و عليه نايلون (بوليثين شيت)...الماي بتظل في الخرسانه طول اليوم

اما لو بس رش ماي فراح تنشف خلال دقائق خصوصا في الصيف وما راح يلحق عليها

يعطيك العافيه اخوي ماقصرت انا كلمته بخصوص الرش يقولي انه الحين الجو بارد وماله لزوم يرشها بأستمرارت شرايك انت امس مسوين صبيه الجسور واليوم مبطلين التخشيبه يقولي بيرشها اليوم بس باجر شكله خلاص مافيه رش .

[khaldoon]

يعطيك العافيه اخوي ماقصرت انا كلمته بخصوص الرش يقولي انه الحين الجو بارد وماله لزوم يرشها بأستمرارت شرايك انت امس مسوين صبيه الجسور واليوم مبطلين التخشيبه يقولي بيرشها اليوم بس باجر شكله خلاص مافيه رش .

اخوي الرش المفروض لمده سبع ايام من تاريخ الصب بحيث تظل الخرسانه مرطبه و مبلوله...صحيح الجو بارد بس حط يدك على الخرسانه وشوف انها حاره جدا جدا و هذا بسبب التفاعل الكيميائي اللي يصير فيها و اللي يفقدها جزء من الماء اللي فيها و لذلك يلزم رشها بالماء على طول

اكيد المقاول اللي عندك ما راح يسمع كلامك ولا راح يرش و يعتبر انه هالاشياء سخافات وما لها داعي

علشان هذا السبب قلت لك خليه يحط نايلون و يصير الرش بالبخار بهالطريقه يعني يرش مره واحده و بس على الاقل و مغطيه بنايلون بشكل جيد راح تلاقيها مرطبه على طول

في مقاولين يدهون الخرسانه بماده عازله تفي بالغرض و تمنع خروج الماء بتلاقيها عند الشركات المتخصصه مثل تدمر على سبيل المثال مب دعايه
بس اكيد انه ما راح يسمع الكلام..انا اعرف هذا النوع من المقاولين

[بويوسف]

خل يرشها في اليوم مرة على الاقل اما انه يقول مالازم .. مب كيفه خل الاستشاري يكلمه ويتفاهم معاه ..

[خليفـة]

البنيان بشكل عام له مراحل متعددة
ولكن من المفترض ان تكون هالمراحل مرتبه بالترتيب

ما يصير نبتدي بالخطوة رقم 8 قبل الخطوة رقم 7
الا فيما ندر

انا اتفق في كل ما تفضل به استاذي واخوي شموخ دائم
ولا على البقية قصور ان شاء الله

انصحك بترك مسألة الحوار والمحاسبة مابين المقاول والأستشاري

وموفق اخوي ان شاء الله

[khaldoon]

يعطيك العافيه اخوي ماقصرت انا كلمته بخصوص الرش يقولي انه الحين الجو بارد وماله لزوم يرشها بأستمرارت شرايك انت امس مسوين صبيه الجسور واليوم مبطلين التخشيبه يقولي بيرشها اليوم بس باجر شكله خلاص مافيه رش .


في المستقبل اخوي يوم يصب الاعمده ان شاء الله لا تخليه يفك الخشب عن الاعمده قبل مرور 24 ساعه على الاقل من وقت انتهاء الصب و ليس من وقت بدايته حتى تضمن تماسك الخرسانه على الحديد داخل العامود و انه لن يحدث فصل بينهم

طبعا اقصد الخشب كامل من الواح و خشب تثبيت و جكات و تدعيمات و كل شيء تماما قبل الصب....لو انه فك التدعيمات و ابقى الالواح لمدة 24 ساعه فكأنه ما سوى شي

و ايضا لو خليت الخشب على الاعمده مده اطول و اكتفى برش الاعمده من فوق لا بأس خصوصا انه مقاول كسول جدا في رش الماء بس الافضل دائما الرش مع تغطية الاعمده او الخرسانه بشكل عام بالنايلون و هذا افضل شي

يوم تصب الاسقف ان شاء الله خلي الخشب الجانبي للجسور ايضا موجود بكامل تدعيماته لمدة 24 ساعه

مشكلة المقاولين (اغلبهم و ربما كلهم لو ما عليهم مشرف متابع بشكل جيد) انهم ينظرون لموضوع رش الماء و دفع تكاليف تناكر من الماء انها مصاريف كبيره ما لها اي داعي و رمي فلوس في التراب

[كبير المتداولين]

يعطيكم العافيه شباب ماقصرتو والله

انا رحت للاستشاري ويقولي انه مكلمه بخصوص الرش بس الي يصير بأرض الواقع شي ثاني المشكله ان المقاول مايشتغل الا الصباح وانا في الدوام يعني اروح اشوفه كل اسبوع يوم السبت عشان الاجازه وكل ما اوصل اقولهم رشيتو يقولون ايه عاد مايندرى صج ولا يقصون علي .

عندي شي بخصوص المقاسات لازم تكون بالملي ولا يفرق لو زاد او نقص 0.10 سم او اكثر لاني يوم سويت مقاسات احسه في فروقات .
الشي الثاني صار عندي تعديل لاعمده الواجه كانت المسافه بين عمودين 1.2 عدلتها 2 م وهالشي تطلب مني تعديل في مساحه صبيه سقف الدور الاول زياده المساحه هالشي لازم موافقه من البلديه ولا بس الاستشاري

[بويوسف]

اخوي كبير المتداولين بحبها مع الناطور وعطه مية ريال ووصه انه يرش .. بتلقاه اربع وعشرين ساعة يرش بيتك :)

[khaldoon]

يعطيكم العافيه شباب ماقصرتو والله

انا رحت للاستشاري ويقولي انه مكلمه بخصوص الرش بس الي يصير بأرض الواقع شي ثاني المشكله ان المقاول مايشتغل الا الصباح وانا في الدوام يعني اروح اشوفه كل اسبوع يوم السبت عشان الاجازه وكل ما اوصل اقولهم رشيتو يقولون ايه عاد مايندرى صج ولا يقصون علي .

عندي شي بخصوص المقاسات لازم تكون بالملي ولا يفرق لو زاد او نقص 0.10 سم او اكثر لاني يوم سويت مقاسات احسه في فروقات .
الشي الثاني صار عندي تعديل لاعمده الواجه كانت المسافه بين عمودين 1.2 عدلتها 2 م وهالشي تطلب مني تعديل في مساحه صبيه سقف الدور الاول زياده المساحه هالشي لازم موافقه من البلديه ولا بس الاستشاري


بخصوص المقاسات اكيد في تسامح في المقاسات و انت تتكلم عن 0.1 سم و التسامح ممكن يصل الى نصف سم الى سم و لكن حسب وين هالشي يعني كل مكان او جزء له tolerance معين بالطول او في العرض او كم يميل العامود في المتر او كم يزيح ....

اما انك تقول انك عدلت من 1.2م الى 2.0م فأكيد يحتاج موافقة البلديه لانهم يوم يجون يفحصون البيت راح يقارنون بين المبني على ارض الواقع و بين الخرائط و الفرق ما راح يقبلون فيه و ممكن يكون في مخالفات ماليه

اخوي المهم الحين انت زحت العامود ...طيب في اساسات تحت العامود بعد الازاحه و هل تتحمل هذه الاساسات ان وجدت مكان العامود الجديد و الاحمال اللي عليه.... يعني هل احد فحص انها موجوده و تتحمل التغيير اللي سويته والا لا؟

[السد]

كلمة هامة
افسخ العقد معاه واعمل معاه مخالصة
وشوف لك مقاول آخر

[كبير المتداولين]

اخوي كبير المتداولين بحبها مع الناطور وعطه مية ريال ووصه انه يرش .. بتلقاه اربع وعشرين ساعة يرش بيتك :)

هو المقاول جاب لي ناطور يارجال خلها على ربك بس ابي اخلص مع هالمقاول وافتك توه باني غرفه الحارس وللحين ماجابه

[كبير المتداولين]

بخصوص المقاسات اكيد في تسامح في المقاسات و انت تتكلم عن 0.1 سم و التسامح ممكن يصل الى نصف سم الى سم و لكن حسب وين هالشي يعني كل مكان او جزء له tolerance معين بالطول او في العرض او كم يميل العامود في المتر او كم يزيح ....

اما انك تقول انك عدلت من 1.2م الى 2.0م فأكيد يحتاج موافقة البلديه لانهم يوم يجون يفحصون البيت راح يقارنون بين المبني على ارض الواقع و بين الخرائط و الفرق ما راح يقبلون فيه و ممكن يكون في مخالفات ماليه

اخوي المهم الحين انت زحت العامود ...طيب في اساسات تحت العامود بعد الازاحه و هل تتحمل هذه الاساسات ان وجدت مكان العامود الجديد و الاحمال اللي عليه.... يعني هل احد فحص انها موجوده و تتحمل التغيير اللي سويته والا لا؟


والله ياخوك بالنسبه للزياده في الصبيه ومساحه العمود انا كلمت الاستشاري اليوم يقولي مافيه داعي موافقه البلديه بيسويها على طول هل اذا صارت مخالفه انا اتحملها ولا المكتب الاستشاري ؟
وبالنسبه للعمود احنا سوينا اساسات كبيره عشان تتحمل هالازاحه للعمود .

[كبير المتداولين]

كلمة هامة
افسخ العقد معاه واعمل معاه مخالصة
وشوف لك مقاول آخر

ودي اسوي هالشي بس ياخوك مابي اوجع راسي من جديد وانت تدري كلهم نفس الطينه والشي الثاني عطاني سعر ماحصله في السوق في الوقت الحالي ويمكن عشان جذي اهو يسوي هالحركات يدورها من الله افسخ وياه

[بويوسف]

ليش العقد مافيه توفير ناطور ؟
ازاحة عمود ماتحتاج موافقة من البلدية .. ولكن مثل ماقالوا الاخوان العمود تحته اساس لازم الازاحة تكون متوافقة مع الاساس .. وهذا شغل الاستشاري

انت من حقك توقف الشغل اذا مب عاجبك .. ما ادري كم الفرق بينه وبين المقاولين غيره ولكن اذا بتكون دافع ملايين مفروض ماتستخسر عشر الاف او عشرين او ثلاثين او حتى خمسين الف في سبيل ان المشروع يكون ناجح ووفق اصول الصنعة ..

[khaldoon]

والله ياخوك بالنسبه للزياده في الصبيه ومساحه العمود انا كلمت الاستشاري اليوم يقولي مافيه داعي موافقه البلديه بيسويها على طول هل اذا صارت مخالفه انا اتحملها ولا المكتب الاستشاري ؟
وبالنسبه للعمود احنا سوينا اساسات كبيره عشان تتحمل هالازاحه للعمود .

اخوي العزيز....لو تغير الشكل المعماري في الوقع عن الخرائط فراح تعتبر مخالفه و البلديه ما راح توافق وقت تسليم المشروع

و المخالفه راح تطالبك البلديه فيها علشان تخلص امورك..عاد انت تخصمها على الاستشاري و يقبل هذا بينك و بينه

اخوي ما يصير نقول سوينا اساسات كبيره علشان تتحمل هالازاحه و نكتفي بهالكلام
الكلام هذا ما احد يقدر يقرره الا الاستشاري بعد ما يسوي تصميم انشائي و يعطيك رسالة اقرار بهالشي و تكون واضحه تماما انه الازاحه اللي صارت في العامود كذا بين اكس...و اكس...مع قاعدته قد تم مراجعتها و وجدت كافيه و تتحمل الاحمال الموجوده فوقها و انها امان من ناحية انشائيه

[khaldoon]

ليش العقد مافيه توفير ناطور ؟
ازاحة عمود ماتحتاج موافقة من البلدية .. ولكن مثل ماقالوا الاخوان العمود تحته اساس لازم الازاحة تكون متوافقة مع الاساس .. وهذا شغل الاستشاري

انت من حقك توقف الشغل اذا مب عاجبك .. ما ادري كم الفرق بينه وبين المقاولين غيره ولكن اذا بتكون دافع ملايين مفروض ماتستخسر عشر الاف او عشرين او ثلاثين او حتى خمسين الف في سبيل ان المشروع يكون ناجح ووفق اصول الصنعة ..


و الله يا استاذي اخاف يغير المقاول و يندم...في مثل يقولك خليك على منحوسك و الا يجيك الانحس منه

و مثل ثاني ما تعرف غيره الا لما تجرب غيره


اخوي من الصعب جدا طرد المقاول...صعب بس مب مستحيل لانه في كفالات بنكيه و معدات و مواد في الموقع و لو المقاول نكد و مب نظيف راح تلاقيه يرفع قضيه على المالك و لو سواها راح يتوقف العمل و تيجي لجنة معينه حياديه من الطرف المحكمه تشوف ايش صار و ايش تم و ايش باقي و ترفع تقرير للمحكمه و راح تضع الحق على كلا الطرفيه في نقاط مختلفه و كل واحد راح يحتاج اثباتات و ربما تصير فيها اشياء كيديه من اجل تخسير الطرف الاخر

و لما يسمح للمالك بمتابعة العمل بعد عمل جرد لكل ما فيه من اعمال ومعدات و مواد و احتسابها و على فكره في مواد راح تحمل على المالك لانها عنده و قد تنتهي صلاحيتها بس لانها موجوده في موقعه و راح تحتسب للمقاول

راح يبحث المالك عن مقاول جديد و ثق تماما انه من الصعب انه يلاقي مقاول اخر يرضى يكمل الشغل بسعر طبيعي...لازم يرفع السعر لانه يتمم في البناء و ليس من الصفر

المقاول ممكن يكون مثل اللي تبي تتطلق وخايفه تخسر المؤخر و يدفع المالك للطلاق علشان ياخذ فلوسه على داير مليم خصوصا لو انه المشروع مب مرتاح فيه وما راح يكسب فيه مثل ما هو مقرر....

و ممكن يتفادى المالك المحكمه لو جلسوا و تصافوا و اكيد واحد راح يشتري راحته و يخسر بفلوسه من الطرفين و غالبا المالك لانه بيته متعطل


هو بالنهايه لو استرخصنا في السعر اصلا راح ندفع الثمن في مرحلة البناء و الله يكون في العون

[sepasteyn]

اضن والله اعلم المقاول يريد يسبق الاحداث ، ويستعجل في اجراءات دخول الكهرباء + الماء للبيت .

[بويوسف]

و الله يا استاذي اخاف يغير المقاول و يندم...في مثل يقولك خليك على منحوسك و الا يجيك الانحس منه

و مثل ثاني ما تعرف غيره الا لما تجرب غيره


اخوي من الصعب جدا طرد المقاول...صعب بس مب مستحيل لانه في كفالات بنكيه و معدات و مواد في الموقع و لو المقاول نكد و مب نظيف راح تلاقيه يرفع قضيه على المالك و لو سواها راح يتوقف العمل و تيجي لجنة معينه حياديه من الطرف المحكمه تشوف ايش صار و ايش تم و ايش باقي و ترفع تقرير للمحكمه و راح تضع الحق على كلا الطرفيه في نقاط مختلفه و كل واحد راح يحتاج اثباتات و ربما تصير فيها اشياء كيديه من اجل تخسير الطرف الاخر

و لما يسمح للمالك بمتابعة العمل بعد عمل جرد لكل ما فيه من اعمال ومعدات و مواد و احتسابها و على فكره في مواد راح تحمل على المالك لانها عنده و قد تنتهي صلاحيتها بس لانها موجوده في موقعه و راح تحتسب للمقاول

راح يبحث المالك عن مقاول جديد و ثق تماما انه من الصعب انه يلاقي مقاول اخر يرضى يكمل الشغل بسعر طبيعي...لازم يرفع السعر لانه يتمم في البناء و ليس من الصفر

المقاول ممكن يكون مثل اللي تبي تتطلق وخايفه تخسر المؤخر و يدفع المالك للطلاق علشان ياخذ فلوسه على داير مليم خصوصا لو انه المشروع مب مرتاح فيه وما راح يكسب فيه مثل ما هو مقرر....

و ممكن يتفادى المالك المحكمه لو جلسوا و تصافوا و اكيد واحد راح يشتري راحته و يخسر بفلوسه من الطرفين و غالبا المالك لانه بيته متعطل


هو بالنهايه لو استرخصنا في السعر اصلا راح ندفع الثمن في مرحلة البناء و الله يكون في العون


اتفق معاك اخوي خلدون انه المشاكل المترتبة على تغيير المقاول بتكون كبيرة ومتعبة .. لهذا فالتغيير هو اخر الحلول كما هو الطلاق :nice:

لكن مش معنى هذا ان المالك هو الطرف الاضعف !! خصوصا اذا كان العقد والدفعات مترتبة بطريقة صحيحة فتقدر توجهه على اساس انه يشتغل عدل ويهتم في الشغل .. ولأن اذا قلنا ان احنا مانقدر نستغني عن المقاول فكل مقاول بيركب راسه وبيلعب علينا ..

اذا العقد يتضمن امكانية فسخ العقد فما في اي مشكلة .. خصوصا في حالة حدوث مشكلات كبيرة في التنفيذ .. يتم فسخ العقد والبحث عن غيره .. وما اكثر المقاولين هذي الايام ..

[naklan]

مرحبا فيك اخوي كبير المتداولين

اخوي المقاول شكله يبي يفتك من اعمال الاساسات كلها

يعني شغله الي تحت الارض يكون جاهز يمكن هاذااسلوبه في الشغل

ويبي يعمل اساسات السور ويترك الواجهه الاماميه مفتوحه

لازم تتناقش معاه وتشوف وجهة نظره ايش في الموضوع

وبالنسبه لرش الماي لا يقل عن اسبوع ولازم تجبره

لانه ياثر على قوه ومتانه العمل وبتجني مشاكل

في المستقبل اجتمع وناقش وهاذا اقل

حقوقك ولسلامه مبناك

بالتوفيق

اخوك/naklan

[khaldoon]

اتفق معاك اخوي خلدون انه المشاكل المترتبة على تغيير المقاول بتكون كبيرة ومتعبة .. لهذا فالتغيير هو اخر الحلول كما هو الطلاق :nice:

لكن مش معنى هذا ان المالك هو الطرف الاضعف !! خصوصا اذا كان العقد والدفعات مترتبة بطريقة صحيحة فتقدر توجهه على اساس انه يشتغل عدل ويهتم في الشغل .. ولأن اذا قلنا ان احنا مانقدر نستغني عن المقاول فكل مقاول بيركب راسه وبيلعب علينا ..

اذا العقد يتضمن امكانية فسخ العقد فما في اي مشكلة .. خصوصا في حالة حدوث مشكلات كبيرة في التنفيذ .. يتم فسخ العقد والبحث عن غيره .. وما اكثر المقاولين هذي الايام ..

اتفق معاك يا الغالي...المالك مب الطرف الاضعف بس انا اقصد انه لانه بالاخير يبي يبني البيت و يخلصه فهو محتاج لانهاء البناء اكثر من المقاول...المقاول بالنسبه له الموضوع صفقه او ملف ربحان او خسران و عنده ملفات غيره قد تكون اكثر ربحيه و فائده له و يعطيها الاوليه

ان شاء الله ما في حاجه لفسخ العقد و الظاهر انه هذا هو اسلوب البناء عند هذا المقاول و كل واحد حسب خبرته وفهمه للامور و حسب الامكانيات المتوفره عنده ...يعني شكله يب يخلص كل ال dirty works اللي تحت الارض ....اخاف بس يبلط الحوش قبل لا يصب السقف الاول:rolleyes2:

[بوفصول]

كيفه .. خله على راحته .. اهم شي تستلم نظيف

بالتوفيق

[كبير المتداولين]

والله ياجماعه انا قعدت مع المقاول يوم السبت الي هو امس وكلمته بخصوص المنهولات يقولي انه شغلهم بعدين راح يكون فيه تكلفه عليه وتعب وهو يبي يسويهم الحين عشان مايتعب فيهم ويكلف على نفسه ويقولي انت لك الشغل مكتمل اخر شي ونظيف وكل ماقوله شي يحاول يسوي مبررات وانا بصراحه ماعرف كثير في البنيان احاول امشي وياه . بالنسبه لفسخ العقد ياشباب العقد الي سويناه يحق للمقاول فسخ العقد بس مافي للمالك حق فسخ العقد عاد انا ماكنت ادري بهالشي انه مهم وانا بصراحه اشوف سالفه فسخ العقد شي صعب ووجع راس ومشوار طويل في البناء اصبر على مجنوني لايجيني الي اجن منه .

المشكله هالمقاول كل يوم يظهر لي بشي جديد الحين يبي يدفن بنفس الرمل الي مطلعينه من الارض وهالرمل فيه حجار كبيره وانا كاتب بالعقد انه لازم يصفي الحجار الكبيره , الله يعيني عليه . شاسوي ياشباب اوقف العمل وارفع عليه قضيه . ولا امشي معاه ولا ابي حل الكلام ماينفع وياه

[naklan]

والله ياجماعه انا قعدت مع المقاول يوم السبت الي هو امس وكلمته بخصوص المنهولات يقولي انه شغلهم بعدين راح يكون فيه تكلفه عليه وتعب وهو يبي يسويهم الحين عشان مايتعب فيهم ويكلف على نفسه ويقولي انت لك الشغل مكتمل اخر شي ونظيف وكل ماقوله شي يحاول يسوي مبررات وانا بصراحه ماعرف كثير في البنيان احاول امشي وياه . بالنسبه لفسخ العقد ياشباب العقد الي سويناه يحق للمقاول فسخ العقد بس مافي للمالك حق فسخ العقد عاد انا ماكنت ادري بهالشي انه مهم وانا بصراحه اشوف سالفه فسخ العقد شي صعب ووجع راس ومشوار طويل في البناء اصبر على مجنوني لايجيني الي اجن منه .

المشكله هالمقاول كل يوم يظهر لي بشي جديد الحين يبي يدفن بنفس الرمل الي مطلعينه من الارض وهالرمل فيه حجار كبيره وانا كاتب بالعقد انه لازم يصفي الحجار الكبيره , الله يعيني عليه . شاسوي ياشباب اوقف العمل وارفع عليه قضيه . ولا امشي معاه ولا ابي حل الكلام ماينفع وياه

الله يعينك على هالمقاول مبين انه ذمته واسعه

ومراعاه الله اخر اهتماماته وهمه الربح على حساب الجوده

وواضح انك بتتعب معه في المستقبل المفروض اكبر حجر في

الدفان يكون قد حبه البرتقال وبعد ما يدفن يغرق الفان

بالماي وبعدين تاتي مرحله الدك للتماسك

خله يغربل الدفان ومالك الى كذا لفصل الحجر الكبير

حاول اترصه واشرف على شغلك بنفسك

ماقول الى الله يعينك عليه :(


اخوك/naklan

[بويوسف]

عطه العين الحارة ..

[khaldoon]

والله ياجماعه انا قعدت مع المقاول يوم السبت الي هو امس وكلمته بخصوص المنهولات يقولي انه شغلهم بعدين راح يكون فيه تكلفه عليه وتعب وهو يبي يسويهم الحين عشان مايتعب فيهم ويكلف على نفسه ويقولي انت لك الشغل مكتمل اخر شي ونظيف وكل ماقوله شي يحاول يسوي مبررات وانا بصراحه ماعرف كثير في البنيان احاول امشي وياه . بالنسبه لفسخ العقد ياشباب العقد الي سويناه يحق للمقاول فسخ العقد بس مافي للمالك حق فسخ العقد عاد انا ماكنت ادري بهالشي انه مهم وانا بصراحه اشوف سالفه فسخ العقد شي صعب ووجع راس ومشوار طويل في البناء اصبر على مجنوني لايجيني الي اجن منه .

المشكله هالمقاول كل يوم يظهر لي بشي جديد الحين يبي يدفن بنفس الرمل الي مطلعينه من الارض وهالرمل فيه حجار كبيره وانا كاتب بالعقد انه لازم يصفي الحجار الكبيره , الله يعيني عليه . شاسوي ياشباب اوقف العمل وارفع عليه قضيه . ولا امشي معاه ولا ابي حل الكلام ماينفع وياه


يقصد شغل المناهل تعب عليه اكثر يوم يدفن و يدك الارض و بعدين يرجع يحفرها مره ثانيه علشنا يبني المناهل و يمد خطوط المجاري

بس لو تكسرت الحين بيتكون مسؤولته و يمكن انها تفحص بعد انتهاء العمل وما في اي خوف

طريقة الفحص انه بعد انتهاء الاعمال و عمل قنوات داخل المانهل نفسه و يدهن نقوم بصب ماء في المانهل الاعلى ارتفاعا و نراقب سريان الماء في المناهل من الاعى الى الاخفض

قبل ان يقوم بدفن خطوط المجاري ممكن فحص الارتفاعات بواسطة جهاز قياس الارتفاعات عن طريق مساح و نصب ماء علشنا نتاكد انه ما في تسريب للماء عند نقاط الوصل بين البايبات


بخصوص العقد انه ما تقدر تفسخه خلاص انسى الموضوع و خليك معاه...تقدر تستبدل الاستشاري لو انت ما شفت انه يرضيك و انه قد حاله بالشغل و تغيير الاستشاري المشرف اسهل و اسرع وما يبيله شي

بخصوص انه يبي يدفن بنفس الرمل ما في مشكله لو انه قام بتنخيل الدفان و اخراج الحجاره الكبيره بحيث انه ما يزيد طول الحجر عن 20 سم في (لاتجاه الواحد كحد اقصى و يفضل انه يكون اقل) و قبل الدفان قوم بوضع علامات بالسبراي على الحائط تحت الجسر كل 15 سم و رقم كل خط و هذا يمثل الطبقات بحيث تعرف كم طبقه لازم يدفن حتى يصل لمنسوب خرسانة الارضيه
طبعا هو ما راح يدفن كل 15 سم مثل ما انا اقول بس على الاقل ما يروح يدفن 50 سم او 50 سم او مثر مره واحده مثل ما يوسي كثير مقاولين ...تخيل يدفن متر في اليوم كطبقه واحده مع انه الاصول 15 سم فقط

يعني لو دفن كل 30 سم و سوا فحص و حقق 95 مقبول جدا...في حالة انه بنى طابوق تحت الجسور الداخليه بحيث انه كل غرفة مقسمة و مقطعه بالطابوق من تحت الجسور الارضيه فيكون افضل اما لو انه بنى الطابوق فقط تحت الجسور الخارجيه و في النص فاضي كقطعه واحده فلازم الدفان نهتم فيه اكثر و نراقب و نشد عليه

[كبير المتداولين]

يعطيك العافيه اخوي خلدون والله ماقصرت معلومات قيمه وان شاء الله نستفيد منها

عندي الحفره الرئيسيه الي تصب فيها المجاري وانتو بكرامه عمقها 3 امتار
عندي بعد مشكله واجهتني يوم امس الي هي انسيابيه المنهولات من الاعلى الى الادنى راح توصل في الحفره الرئيسيه عند مستوى 1.5 يعني راح يوصل انبوب الصب الى نصف الحفره ماراح يوصل الى اعلى الحفره . الاستشاري يقولي هالشكل .

[khaldoon]

يعطيك العافيه اخوي خلدون والله ماقصرت معلومات قيمه وان شاء الله نستفيد منها

عندي الحفره الرئيسيه الي تصب فيها المجاري وانتو بكرامه عمقها 3 امتار
عندي بعد مشكله واجهتني يوم امس الي هي انسيابيه المنهولات من الاعلى الى الادنى راح توصل في الحفره الرئيسيه عند مستوى 1.5 يعني راح يوصل انبوب الصب الى نصف الحفره ماراح يوصل الى اعلى الحفره . الاستشاري يقولي هالشكل .

حياك الله يا الغالي انا بالخدمه دائما ان شاء الله

اعتذر عن الاخطاء الاملائيه في المشاركه السابقه لاني ارسلتها و انا مستعجل بدون مراجعه و خرجت من المنتدى وقتها

بخصوص الحفرة الرئيسيه لازم يحفر اكثر علشان يقدر يخلي البايب من المانهل الاخير في اعلى الحفرة و الا راح ترجع المجاري الى البايبات و تمتلىء المناهل و تطلع الريحه ...يعني انت بصراحه ما راح تستفيد من عمق 3م للحفره .....تستطيع ان تعمل فتحات صغيره 10*10سم في حوائط ال septic tank اللي هي حفرة المجاري النهائيه اللي نتكلم عنها او انك تزيد من مساحتها علشان تعوض النقص في العمق ان لم تتمكن من الحفر اكثر

طبعا هالحلول لتأخير امتلاء الحفره او الغرفه ولا يعتبر بديل عن الحفر اكثر والا ستعتبر انه الغرفه بعمق 1.5 وليس 3م

[باحث علم]

اخوي اكتب فيه شكوى وارسلها للتخطيط العمراني
اسأل عن الاقتراحات والشكاوى في خدمة العملاء
وهم بدورهم بيرفعون هالتقارير للجنة قبول المهندسين
اللجنة الان اصبح لها دور اساسي في تقييم مثل هالامور
وتجديد رخص هالاشكال هذي
الله يعينك

[كبير المتداولين]

حياك الله يا الغالي انا بالخدمه دائما ان شاء الله

اعتذر عن الاخطاء الاملائيه في المشاركه السابقه لاني ارسلتها و انا مستعجل بدون مراجعه و خرجت من المنتدى وقتها

بخصوص الحفرة الرئيسيه لازم يحفر اكثر علشان يقدر يخلي البايب من المانهل الاخير في اعلى الحفرة و الا راح ترجع المجاري الى البايبات و تمتلىء المناهل و تطلع الريحه ...يعني انت بصراحه ما راح تستفيد من عمق 3م للحفره .....تستطيع ان تعمل فتحات صغيره 10*10سم في حوائط ال septic tank اللي هي حفرة المجاري النهائيه اللي نتكلم عنها او انك تزيد من مساحتها علشان تعوض النقص في العمق ان لم تتمكن من الحفر اكثر

طبعا هالحلول لتأخير امتلاء الحفره او الغرفه ولا يعتبر بديل عن الحفر اكثر والا ستعتبر انه الغرفه بعمق 1.5 وليس 3م

اخوي مافي حل الا اخلي الحفره اعمق لان الاستشاري يقولي ماقدر اسوي لك منسوب اكثر من كذا بحيث ان نهايه البيب يوصل لين منتصف الحفره يعني على كلامك بس بيكون 1.5 عمق الحفره .

اخوي باحث علم تونا في البدايه انا بمشي وياه بشوف اذا تعثرت المواضيع اكثر مب اشتكي عليه بذبحه من الاخر .

يعطيكم العافيه ماقصرتو وبيض الله وجيهكم

[khaldoon]

والله ياجماعه انا قعدت مع المقاول يوم السبت الي هو امس وكلمته بخصوص المنهولات يقولي انه شغلهم بعدين راح يكون فيه تكلفه عليه وتعب وهو يبي يسويهم الحين عشان مايتعب فيهم ويكلف على نفسه ويقولي انت لك الشغل مكتمل اخر شي ونظيف وكل ماقوله شي يحاول يسوي مبررات وانا بصراحه ماعرف كثير في البنيان احاول امشي وياه . بالنسبه لفسخ العقد ياشباب العقد الي سويناه يحق للمقاول فسخ العقد بس مافي للمالك حق فسخ العقد عاد انا ماكنت ادري بهالشي انه مهم وانا بصراحه اشوف سالفه فسخ العقد شي صعب ووجع راس ومشوار طويل في البناء اصبر على مجنوني لايجيني الي اجن منه .

المشكله هالمقاول كل يوم يظهر لي بشي جديد الحين يبي يدفن بنفس الرمل الي مطلعينه من الارض وهالرمل فيه حجار كبيره وانا كاتب بالعقد انه لازم يصفي الحجار الكبيره , الله يعيني عليه . شاسوي ياشباب اوقف العمل وارفع عليه قضيه . ولا امشي معاه ولا ابي حل الكلام ماينفع وياه


اخوي اخاف انك بديت تشك في اي شي هو يسويه و تفترض انه اي شي راح يقوم فيه المقاول هو غش واحتيال...انا ما ادافع عنه بس شوف اي مقاول راح تلاقيه يدفن بنفس الرمل اللي حفره بالاول و هذا رمل طبيعي لانه ما راح يقوم ببيع الرمل اللي كان في ارضك و يشتري رمل مصنع مب طبيعي او dune sand او البودره او حتى يشتري رمل طبيعي و اصلا كان عنده

اهم شي انه ينخله مثل ما قلت لك اول

اخوي انتبه لنفسك الحين هل بديت تحس انك تعامل المقاول على انه حرامي ونصاب وانك بس تبحث عن الادله؟

عين استشاري كفؤ بريحك

و راقب الاستشاري و المقاول و شوف انهم يسوون شغلهم صح والا لا...مثلا الحين سجل عندك تواريخ كل صبيه ولله الحمد انت في البدايه يعني ما فاتك شي....بحيث بعد سبع ايام من تاريخ الصب اسال الاستشاري عندك نتائج الفحص و كسر المكعبات بعد سبع ايام...ما تصدق شي الا عنيك يعني ما تكتفي بقول نعم عندي...خذها و شوفها و بتلاقي عليها تاريخ الصب و اي جزء مصبوب من المبنى و قوة الخرسانه و رقم المشروع و عنوانه و اسمه علشان تتأكد ان هذه النتائج تابعه لك فعلا مب لمشروع ثاني وشوف حجم الصبيه و كم مكعب لازم يسوي لك بناء على حجم الصب و خلي الاستشاري دائما يوريك بعنيك بالمواصفات مب بس كلام انه يكفي و زياده وما نبي اكثر وما يلزم ومن هالكلام....شغلهم و بتصير نص مهندس :nice:

و نفس الشيء بعد 28 يوم من تاريخ الصب

لما تتابع هالشكل راح تخوف المقاول و الاستشاري و تعرف مين يلعب معاك

[كبير المتداولين]

اخوي اخاف انك بديت تشك في اي شي هو يسويه و تفترض انه اي شي راح يقوم فيه المقاول هو غش واحتيال...انا ما ادافع عنه بس شوف اي مقاول راح تلاقيه يدفن بنفس الرمل اللي حفره بالاول و هذا رمل طبيعي لانه ما راح يقوم ببيع الرمل اللي كان في ارضك و يشتري رمل مصنع مب طبيعي او dune sand او البودره او حتى يشتري رمل طبيعي و اصلا كان عنده

اهم شي انه ينخله مثل ما قلت لك اول

اخوي انتبه لنفسك الحين هل بديت تحس انك تعامل المقاول على انه حرامي ونصاب وانك بس تبحث عن الادله؟

عين استشاري كفؤ بريحك

و راقب الاستشاري و المقاول و شوف انهم يسوون شغلهم صح والا لا...مثلا الحين سجل عندك تواريخ كل صبيه ولله الحمد انت في البدايه يعني ما فاتك شي....بحيث بعد سبع ايام من تاريخ الصب اسال الاستشاري عندك نتائج الفحص و كسر المكعبات بعد سبع ايام...ما تصدق شي الا عنيك يعني ما تكتفي بقول نعم عندي...خذها و شوفها و بتلاقي عليها تاريخ الصب و اي جزء مصبوب من المبنى و قوة الخرسانه و رقم المشروع و عنوانه و اسمه علشان تتأكد ان هذه النتائج تابعه لك فعلا مب لمشروع ثاني وشوف حجم الصبيه و كم مكعب لازم يسوي لك بناء على حجم الصب و خلي الاستشاري دائما يوريك بعنيك بالمواصفات مب بس كلام انه يكفي و زياده وما نبي اكثر وما يلزم ومن هالكلام....شغلهم و بتصير نص مهندس :nice:

و نفس الشيء بعد 28 يوم من تاريخ الصب

لما تتابع هالشكل راح تخوف المقاول و الاستشاري و تعرف مين يلعب معاك

سالفه اني اشك اي والله احس كل شي يسويه يغشني فيه المقاول اهو الي يخليك تشك فيه .
بالنسبه للاستشاري هالبيانات احصلها عنده يعني اهم يسجلونها لانه بصراحه الاستشاري تعبان يارجال مكتبهم جنه عزبه مب مكتب استشاري .؟

[بويوسف]

كبير المتداولين لو كنت سألت عن استشاري كنا بنساعدك بإذن الله .. والمقاول ايضا .. ما ابي القي اللوم عليك .. ولكن المهم تستطيع في هالوقت انك تغير الاستشاري على الاقل .. بلغ الاستشاري بعدم رغبتك فيه وروح حق واحد زين .. والله يوفقك ..

[khaldoon]

سالفه اني اشك اي والله احس كل شي يسويه يغشني فيه المقاول اهو الي يخليك تشك فيه .
بالنسبه للاستشاري هالبيانات احصلها عنده يعني اهم يسجلونها لانه بصراحه الاستشاري تعبان يارجال مكتبهم جنه عزبه مب مكتب استشاري .؟

اخوي كل هالبيانات لازم تكون عنده و الا هالاستشاري ما يتابع ابسط التفاصيل و لا يعرف شي عن مشروعك ولا يشرف عليه و ياخذ فلوسك من غير وجه حق

اهم شي هو مرحلة الصب و الخرسانات لانها امان للمبنى من الانهيار لا قدر الله

اما مرحلة حدوث شروخ في الحوائط و الا تسرب بالمياه و غيرها فهذه مب حياة و موت و امرها سهل ان شاء الله

[كبير المتداولين]

كبير المتداولين لو كنت سألت عن استشاري كنا بنساعدك بإذن الله .. والمقاول ايضا .. ما ابي القي اللوم عليك .. ولكن المهم تستطيع في هالوقت انك تغير الاستشاري على الاقل .. بلغ الاستشاري بعدم رغبتك فيه وروح حق واحد زين .. والله يوفقك ..

شاسوي ياخوك هاي توصيات واحد من الربع وبصراحه تروح عند واحد ماتعرفه ابرك من الي تعرفه !


اخوي كل هالبيانات لازم تكون عنده و الا هالاستشاري ما يتابع ابسط التفاصيل و لا يعرف شي عن مشروعك ولا يشرف عليه و ياخذ فلوسك من غير وجه حق

اهم شي هو مرحلة الصب و الخرسانات لانها امان للمبنى من الانهيار لا قدر الله

اما مرحلة حدوث شروخ في الحوائط و الا تسرب بالمياه و غيرها فهذه مب حياة و موت و امرها سهل ان شاء الله

ربك كريم الله يبعدنا من اشرار الناس

[wadha-qa]

سؤال مهم جدا منهو هالمقاول ياليت تقول عشان محد يتوهق وياه

[Bo_Fahad_Qtr]

مابي اخوفك اخوي بس لازم اقول اللي عندي

فيه مقاول استلم في البداية : المقدم ودفعة الملاحق ودفعة السور !!!!! (لحد يسألني اشلون لاني مثلكم مستغرب) ، وبعدها سوى الجسور الارضية والسور والملحق ماكمله ،

طبعا في النهاية شرد المقاول (من جنسية عربيه) ، لانه كان مبيت النية وخذ 3 دفعات ، المالك يتحمل المسؤولية كاملة لانه اعطى المقاول 3 دفعات مره وحدة ومن غير الالتزام بالترتيب.

فتحمل أخوي من هالحركة تصير وياك ...