استشار بخصوص النمل

[الخاتم]

لو سمحتوا اخواني في المنتدى اذا حد يفيدني بمكان لحقن النمل الابيض وذلك لان في البلديه لايوجد مبيدات وحقن للوقت الحالي اذا حد عنده تجربه عن المحلات اللي تقدر تسويلي حقن للنمل الابيض مع نصايح وخاصه انني قمت بعمل الصبيه فوق الرمل المدكوك لنسياني موضوع الحقن قبل الدفان

[شموخ دائم]

,

,



مرحبا

اخواني للتوضيح لازم نعرف ان رش البيت الجديد ضد النمل الابيض في قطر
ليس من الضروره الا في بعض المناطق الي يثبت وجوده بكثره
اما باقي المناطق فلايشكل مشكله بدوله قطر

بالنسبه للبيت الجديد اي مرحله يكون البيت حتى ولو سكنت البيت
تقدر تعمل الحقن عادي اذا المنطقه الي انت ساكن فيها يكثر فيها النمل الابيض

http://arbstars.com/vb/uploaded/3_1248774154.jpg

( النمل الابيض الي ياكل الاخشاب )
مثل ما نسميه بقطر الارضه او القرضه

وليس النمل العادي

عندك شركة درة الدوحه
وشركه ذي قار( عندهم حقن الارض)
وشركة المناعي

وللامانه انا جربت فقط شركه المناعي من فتره طويلة


والي يبي يرش بنفسه ترى العملية مو صعبه :) ولا هي تحتاج لمهارات خارقه
حتى السائق عندكم يقدر يرش المبيد

http://up.arab-x.com/July09/hST19633.png

صورة المبيد واسمه دورسبان موجود في محلات بيع البذور والمبيدات الزراعية وتقريبا قيمته من 70_80 ريال

http://up.arab-x.com/July09/YBu21090.png

طريقة أستخدامه / نلبس ( القفازات البلاستيكيه) و ( كمام ) لان الماده سامه ونحط شوية من المبيد في هالبخاخ ونقوم بتحليته بالماء يعني(وطبعا موجود عندهم قيمته 30 ريال)

http://www10.0zz0.com/2010/12/22/11/143293003.png

هذا شلكه الماده لونها احمر وهي سامه والكميه شويه

http://up.arab-x.com/July09/qRW24309.png

هذا شكلها بعد ما نضيف عليها الماء والكميه واضحه

ونصبها في عليه البخاخ

وهجوم على النمل

:)

علينا الانتباة بالذات اللي عندهم أطفال او مصابين بالربو لأنه ريحته قوية
والأفضل رش البيت في الاجازه نهايه الاسبوع يعني نجلس عند الاهل يومين نفضي البيت
وبعدين لما نرجع نفتح النوافذعشان التهوية

وفرنا عليكم 1500 ريال

:)

اما البيت الجديد فهو بالحقن نحفر ( بالدريل ) ونحقن التربه
والافضل تعملها شركه متخصصه


بالتوفيق لك



,

,



اخوك



شموخ دائم

[SomeOne]

جزاك الله خير ، معلومات مفيدة

[الخاتم]

بارك الله فيك كفيت ووفيت اخوي شموخ دائم

[العقل زينة]

أخوي الخاتم

في طريقة ثانية سويناها عندنا في البيت مثل حالتك
حفرنا بالدريل في البلاط و صبينا زيت سيارة مستهلك في الحفر اللي سويناها صج ريحته تبط الراس بس بعدين سكرناها بالسميد و راحت الريحة على طول و هالكلام من كم سنة و ليومك ما شفنا نمل أبيض ولا أسود في البيت

أتمنى لك التوفيق