حصل في احد المحلات ..

[Miss]

السلام عليكم ..

عندي موضووع حصل لصديقتي وسبب لي حيره اني ما فهمت المقصد..

صديقتي من كم يوم كانت رايحه هي وزوجها السوق .. ودخلت احد المحلات ..

وهي تلف مع زوجها على المعروض .. حضر شخص من الدول الاسيويه وسلم لصاحب المحل

ورقه .. وصاحب المحل من جنسيه عربيه ..

طبعا لين هالوقت ما كان فيه شي غريب .. لكن صاحب المحل جا عند زوج صديقتي

وعطاه الورقه :omen2: .. تقول صاحب المحل قال لزوجها هذا الاسيوي يبغيك تقراها ..

:eek5: تقول قعدت هي وزوجها يقرون الورقه .. وهنا الطامه .. واترك لكم الحكم :

السلام عليكم .. انا شخص عاجز عن العمل وعندي 7 اخوات

وكلهم لا يعملون .. وانا اخوهم الوحيد

وكلهن لائقات للزواج وبصحه جيده :eek5: ..

تقول انصدمنا بالمكتوب .. وكان مكتوب عن طريق الكمبيوتر باللغه العربيه .. يعني مهب كتابه

عن طريق اليد .. زوجها عطاه المقسوم وطلعت هي وزوجها من المحل ..

تقول وهم يدورون في السوق .. شافوا هالاسيوي راح لاكثر من شخص ..

احنا كلنا نشوف في السوق اشخاص عندهم اوراق ويلفون على العالم انهم محتاجين فلوس

وعندهم تقارير مستشفيات وهذا مهب غريب .. لكن الغريب انه شدخل خواته في الموضووع

وما معنى انهم لائقات للزواج ؟؟؟

صديقتي اللي اطلبت مني اكتب هالموضووع وهي نفسي مهب فاهمين المقصد .. وفي نفس

الوقت نعطيكم خبر يمكن حد منكم صادفه نفس الموضووع ..

[CH Engineer]

اتصلي فالعضيد قوليلهم كيف الحال!!

[بدون]

لا حول و لا قوة إلا بالله العلي العظيم

طريقة جديدة للطرارة تخلي المرة تدفع بسرعة علشان الزوج ما يفكر في الزواج من الجنسية الأسيوية

يعني مقصة على المرأة الخوافة :)

[مشتاقة لقطر]

لا حبيبتي .. في هذي الاحوال هو متحرز ضد الناس الخلوقين بانه قصده طيب .. لانه ممكن يصادف ناس سيئين وبيعرض لهم بنات ( اسيويات طبعا مب خواته ) عرض دعارةمغلف باطار انساني اسلامي

والله اعلم

[toomi9]

صج ماعندي خبر فهـ الموضوع
بس الموضوع يحير

[غيور]

الشغلة (الحرفة) قديمة وجديدة عندنا , باالعربي الفصيح الحلاوة تقسم بين الأسيوي وصاحب المكان ( البائع),
وفي حالة ( الأخ المتسوق ) صاحب قلب أخضر ( اعتقد الشباب فاهميني ) ؟
تختلف الحسبة ؟ أي يدخل فيها موضوع البنات السبع والدعارة وسوف يقنعون المتسوق الى رؤيتهم ؟

واسف على بعض الكلمات الغير لائقة

[خطوة]

سترك يارب

[غير البشر]

طراره من نوع جديد

الظاهر الاسيوي يلف على الرجال الي مع زوجته عشان يتوهق ههههههههههه
ويدري ان الرجال بتوهق ويبغي الفكه منه وماراح يقول له باخذ وحده من خواتك

وعشان يفتك من وجهه بيعطيه المقسوم مادري اعتقد السالفه جذي


وانتي اشرايج miss شنو اتشوفين من المقصد :omen2:

[الدمعه]

اسمحيلي اختي .. ليش عطوه المقسوم .. مايستحقه كان طرده او طلب له الشرطه

هو وراعي المحل لان ممنوع الطراره والكل يدري هذا واحد.. والشي الثاني من المكتوب

مبين ان له نيه شينه ودعاره وكان لازم حد يردع هالخمه..اسمحولي ..

[airbus]

الموضوع مب طرار الموضوع دعارة!!


سترك يارب

[العـوا]

دعارة مقنعه ... فقط

[Miss]

لا .. مستحيل قصده مثل ما قلتوا ..

لانه لو قصده مهب شريف .. كان ما قال لائقات للزواج وحدد عددهم
<<< بعد انتوا يا الشباب ابخص بهالامور:secret:


طراره من نوع جديد

الظاهر الاسيوي يلف على الرجال الي مع زوجته عشان يتوهق ههههههههههه
ويدري ان الرجال بتوهق ويبغي الفكه منه وماراح يقول له باخذ وحده من خواتك

وعشان يفتك من وجهه بيعطيه المقسوم مادري اعتقد السالفه جذي


وانتي اشرايج miss شنو اتشوفين من المقصد :omen2:



والله انا قلت لها يمكن يبي يخفف من مسؤليته .. ويبي يمشي خواته بالحلال.. ما ينلام 7 خوات .. خلي ريلج يساعده ويخفف من مسؤليته

<< سكرت في ويهي عقب ما قلت لها هالكلام :rolleyes2:

[شمس]

اسمحيلي اختي .. ليش عطوه المقسوم .. مايستحقه كان طرده او طلب له الشرطه

هو وراعي المحل لان ممنوع الطراره والكل يدري هذا واحد.. والشي الثاني من المكتوب

مبين ان له نيه شينه ودعاره وكان لازم حد يردع هالخمه..اسمحولي ..

:nice::nice::nice:

[ANONYMOUS]

الله أعلم

الله يقطع حاجة كل مسلم

[R 7 A L]

يجب تثقيف الموطنين عن كيفية التصرف اذا حصلت مثل هذه الحالة او ماشابهها
ويجب ان يكون فية خط ثابت لتلقى هذه الملاحظات

[Miss]

يجب تثقيف الموطنين عن كيفية التصرف اذا حصلت مثل هذه الحالة او ماشابهها
ويجب ان يكون فية خط ثابت لتلقى هذه الملاحظات


هذا المقصد من طرح هالموضووع .. اغلب اللي ردوا ما عندهم خبر عن هالموضووع

فيجب تنبيههم

[كازانوفا]

واضح الموضوع دامه في عرض للنساء بالورقه

[ضوى]

الله اعلم بالنوايا

المهم الواحد يطلع من ذمته المقسوم ويكون قاصد فيها وجه الله

[الحره]

انا اختلف مع الي قالوا ان المقصود في الورقه شيء مش شريف لسبب فكرت فيه

انه لو نيته غير شريفه ليش يروح لرجال ومعاه أمرأه ممكن تكون زوجته او اخته او امه

اكيد بيروح لشاب واقف بروحه! << وجهة نظر صح!

[GAS]

المقصد واضح

الرجل الاسيوي شغال في مهنة قديمة والعياذ بالله

والسبع خوات الائقات والرجل القطري ما هو الا زبون مفترض

يقصد بهم سبع بقرات في الحضيرة وبصحة جيدة ويدرون له فلوس

هذا والله اعلم بنوايا كل انسان ... وعلى نياتكم ترزقون

استغفرالله

[الدبلوماسيـه]

اتصلي فالعضيد قوليلهم كيف الحال!!

:nice::nice::nice:

[al_lord]

انا اختلف مع الي قالوا ان المقصود في الورقه شيء مش شريف لسبب فكرت فيه

انه لو نيته غير شريفه ليش يروح لرجال ومعاه أمرأه ممكن تكون زوجته او اخته او امه

اكيد بيروح لشاب واقف بروحه! << وجهة نظر صح!

صحيح وهذا اللي فكرت فيه اللي يشتغل في مثل هذه الشغلات راح يتجه للشباب العزابيه

ولن يتجه لرجل مع زوجته

اعتقد انه مجرد استعطاف فقط لكسب المال تحت بند الطراره

[الكبير الله]

ياااااا انه نيتكم شينه

في الهند النسوان هم اللي يدفعوون المهر للزووج

والولد يبي يستر خواته ................ هذي السالفة

بل على طوووول شكيتو فالرجال

[الماريّة]

وما معنى انهم لائقات للزواج ؟؟؟

مس تقولين مكتوب لائقين لزواج

يمكن الريال يبي يزوج خواته ويستر عليهم

مب نيته شينه

والله يستر على بنات المسلمين

[ضوى]

ياااااا انه نيتكم شينه

في الهند النسوان هم اللي يدفعوون المهر للزووج

والولد يبي يستر خواته ................ هذي السالفة

بل على طوووول شكيتو فالرجال


هذا هو الكلام

جزاك الله خير وبيض الله ويهك

صفوا النية ياناس

[علالي]

اسمحولي انا اخالفكم الراي اعتقد والعلم عند الله انه مثل ما انتوا عارفين الهندي عشان يزوج خواته لازم يدفع مهر للي بياخذها واهو يمكن حد مترجم له الورقة او مترجمها على قوقل
وبعدين هو ما قال ان خواته في الدوحة يمكن برى الدوحة هذا والله اعلم (( انا خمنت انه هندي))
واحسنوا الظن يااخوان اهو لو دعارة ماراح للرجال ومرته

[الخزرجي قطر]

اختلفت الأرأ بين تعاطف مع الحاله وسؤ النيه
شكرا لصاحب الموضوع على هذا التنبيه
يجب اخذ الحيطه والحذر منهم.............
والأجر والثواب من الله في حالة المساعده
الماديه.

[بـــــــنت النوخـّــــذه]

اممممممممم:telephone:

مره شفت هندي يطق علينا دريشه السياره كنا واقفين عند مطعم والله لوع كبدي :( كشف عن بطنه مركب قسطره وحاط فيها سائل لونه بني يابلفيت دم وعاد طالع منها البيب وين واصل الله واعلم 00بس صج كان منظر مقرف وماسك ورقه يبغي يستعين وصدفه كان ورانا سياره الفزعه نازل شرطي يطلب وجبه الا بسرعه نزل قميصه الهندي قلت له هاه تبيني اعلم عليك الحين وراح شرد 000

نصيحه لوجه الله لايكسرون خاطركم ترى (كلهم ) حراميه ونصابين واغلبهم ياخذون الفلوس ويشترون بها ممنوعات ولا تاخذكم الشفقه اذا يبقون الاعانه يروحون الجمعيات الخيريه وبيعطونهم (اذا فعلا" محتاجين ) ترى ياجماعه الديره انتسرت بلاوي من كثر ما نطعاطف معهم 000

[المها قطر]

اللهم من اراد بهذة البلد سوء رد كيدةفي نحرة واشغلة في نفسة
حسبي الله ونعم الوكيل ..هذولا الاسيوين يدرون ان اهل قطر طيبين ويبون يستعطفون الناس ..ياليت نفوت عليهم هذة الفرصة ...وياما مروا علينا من هالهنود اللي ماسكين شيشة وراسمين جرح في بطنهم حسبي الله عليهم لازم يتعاون الجميع ويتصلون بالفزعة ولا العضيد عشان هالاسيوين لا يتمادون

[Miss]

شاكره لكم مروركم ..

واهم شي خذيتوا الحيطه من هالاشكال ..

مثل ما قلتي فسكره المشكله ان احنا اللي نعطيهم ويه :( لين تمادوا

[حكـاية غـربة]

هذولا شكلهم خريجين معاهد في علم الطرارة !

والله عليهم حيل ومهارات فنيّة

شكلهم ممثلين كومبارس محد عطاهم ويه في بلدهم

المشكلة تحتار وش تسوي
لا هاوشته كسر خاطرك ولا خليته كسر خاطرك
إليين لازم تحط في جيبه جم ريال تلصق دموعه التركيب !

والله صايدينها من قلب

الله يكفينا شرهم

[سبشل]

كاان اشتكو عليه واسدحوه في المركز

[نوفا91]

لاحول ولا قوه الا بالله ..

الله يستر عليه وع خواته ان كان نيته زينه وان كانت نيته شينه فالله يهديه ..

[بصمة قطرية]

بصراحة ما عدت اثق فيهم اللي يجيبون هالأوراق ..!!

الله يكفينا شرهم ..

[hxamad]

ليش مانقول أن الرجال صادق ومايفدر يكد على خواتة ويبى يزوجهم ويستر عليهم ؟؟؟؟؟

[Rider]

وفرحانيين بكأس العالم تو الناس الجاي قدام وللوعد قدام

[درع الوطن]

يقول الله تعالى:
{وَالضُّحَى(1)وَاللَّيْلِ إِذَا سَجَى(2)مَا وَدَّعَكَ رَبُّكَ وَمَا قَلَى(3)وَللآخِرَةُ خَيْرٌ لَكَ مِنَ الأُولَى(4)وَلَسَوْفَ يُعْطِيكَ رَبُّكَ فَتَرْضَى(5)أَلَمْ يَجِدْكَ يَتِيمًا فَآوَى(6)وَوَجَدَكَ ضَالا فَهَدَى(7)وَوَجَدَكَ عَائِلاً فَأَغْنَى(8)فَأَمَّا الْيَتِيمَ فَلا تَقْهَرْ(9)وَأَمَّا السَّائِلَ فَلا تَنْهَرْ(10)وَأَمَّا بِنِعْمَةِ رَبِّكَ فَحَدِّثْ(11) }.

والواجب ياأخوان أن الإنسان يحمد الله على نعمه الفضيله
ويتصدق من ما رزقه الله من نعم , فإن أعطى من نفس راضيه أو يسكت
ولا ينهر ولا يحقق مع السائل, وهناك الكثير من المحتالين ممن يفسدون على المساكين
فإن أعطيت من نفس راضية وقانعه فلك الأجر بإذن الله سواء كان هذا الشخص مسكين فعلاً أو محتال, وأمره لله يفعل به ما يشاء.

[شمس]

وفرحانيين بكأس العالم تو الناس الجاي قدام وللوعد قدام


:rolleyes2:

[ahad]

اتصلو في العضيد وعطوهم هالورقة,,

شي ينرفز وواضح

[امـ حمد]

طراره من نوع جديد

سترك يارب

[تغلبية]

ياااااا انه نيتكم شينه

في الهند النسوان هم اللي يدفعوون المهر للزووج

والولد يبي يستر خواته ................ هذي السالفة

بل على طوووول شكيتو فالرجال

انا شكيت على طووول

يقول : لائقين صحياً ..

قلت بنفسي: أبشوف :p

يالله تغفر لنا واتوب علينا :shy:

[MAZEN37]

الورقه مفتوحه امام القارء كل يغني على ليلاه