ماهي عيوب سيارة بورش بناميرا

[القطرية1]

ممكن اللي عنده باناميرا
من تجربة .. يقولي ايش عيوب هذه السيارة
وهل ادق في شوارع الدوحة
هل تستاهل سعرها
وبكم تبدأ

[وسمي2016]

عمليا لا يوجد بها عيوب,,,,بل العكس احللى
موتر سبورت +انه اربع ابواب ,,,روعه,,,

عموما جديد وتيربو مهب اقل من 670 الف,,

بس العيب في شوارعنا,,,,الموتر ما يصلح لها

[lonely]

اللي سمعته صعب انك تشوف الرصيف الرفرف مرتفع فوق يحجب لك الرويه

هذا اللي سمعته من شخص جربها شخصيأ

[N7eEeS]

شوفي من واقع تجربه السياره حلوه وفخمه جدا لين الحين ماشفت فيها عيوب تذكر، يمكن السياره فيها وعوره شوي وذي طبيعة السيارات السبورت.
ماقد حكت معاي يمكن لان استخدامي لها بسيط ومشاوير معينه.
البانميرا انواع كان عندهم عرض من فتره تبداء تقريبا من 333000 ريال السته سلندر ويزيد سعرها على حسب المواصفات.
حاليا مسوين عرض على الثمانيه السلندر بس على موديلات 2010 واعتقد 22 سياره وبسعر يبداء من 400 الف ريال تقريبا.
بالنسبه لي السياره كفخامه وشكل احلى من باقي السيارات الصالون المرسيدس وال بي ام.

[القطرية1]

البانميرا انواع كان عندهم عرض من فتره تبداء تقريبا من 333000 ريال السته سلندر ويزيد سعرها على حسب المواصفات.
حاليا مسوين عرض على الثمانيه السلندر بس على موديلات 2010 واعتقد 22 سياره وبسعر يبداء من 400 الف ريال تقريبا.
.


هل راح يتغير شكلها 2011 علشان جذي امسوين عليها عرض
وهل الشكل الخارجي لسيارة 8 سلندر نفس 6

شكرا لكم

[v_h3]

الموتر اختي توااا من سنة ونص نازل الشركة وموديلة جديد وماراح يتغير شكلة وانا اشوف البانميرا موتر سبورت ورزة

^
^
^

وبالتوفيق ان شاء الله ،،،،

[هداف]

تصرف بترول مش اقتصاديه :)

[صليب الراي]

عيبها الشرعي الوكيل التعبان
انا احب البورش لكن عشان وكالتها مستحيل اشتري منهم لتجارب سابقة سيئة جداً

[مجهول قطر]

عيوب السياره انها بالخليج لوووول
وشوارع طبعا تدرين فيها

نصيحه خذي لكزس فوريل ولا لكزس is 2011 الجديده

http://www.************/watch?v=7SqYJkQjwG4
وهذا الفيديو

[ALKUWARI101]

بالعكسسسسس وكيلهااااااا ولا اروووووع

وخصوصا بعد مامسكها الدرويش .......


والموترر ولا ارووع بس ماينفع حق بناات


لاني احسه ضخم وينفع اكثر شي لواحد توه متزوج

[qatar1111]

بالعكسسسسس وكيلهااااااا ولا اروووووع

وخصوصا بعد مامسكها الدرويش .......


والموترر ولا ارووع بس ماينفع حق بناات


لاني احسه ضخم وينفع اكثر شي لواحد توه متزوج

وين ولا اروع الله يرحم والديك

ازفت وكاله في قطر

وكاله الديهاتسو ابرك منها

ومن ناحيه السياره انا اشوفهااا حلوووه بس الوكيل زفت

وبالتووفيق

[السد]

وين ولا اروع الله يرحم والديك

ازفت وكاله في قطر

وكاله الديهاتسو ابرك منها

ومن ناحيه السياره انا اشوفهااا حلوووه بس الوكيل زفت

وبالتووفيق

100 %

[قـــطر]

عيب السياره انك من تركب فيها والناس تطالعك تقول نازل من السما :d

[adel777]

اانا اضم صوتي لصوت الشباب ......... العيب الوحيد شوارع الدوحه ولا البروش احلى سياره

[قناص قطر]

السلام عليكم

من استخدام شخصي

فئة اس ثمانيه سلندر

السيارة ماتصرف بترول

ومستحيل يتغير الشكل لانها جديده

لا توجد عيوب والحمدلله

عيبها الوحيد

ملفته للانظار الكل يشوفك

[BuFaisal]

وين ولا اروع الله يرحم والديك
ازفت وكاله في قطر
وكاله الديهاتسو ابرك منها
ومن ناحيه السياره انا اشوفهااا حلوووه بس الوكيل زفت
وبالتووفيق

ذكرتني بوكالة الجمس (المناعي) :anger1:

[N7eEeS]

هل راح يتغير شكلها 2011 علشان جذي امسوين عليها عرض
وهل الشكل الخارجي لسيارة 8 سلندر نفس 6

شكرا لكم

اختي السياره جديده ومانزلت الا في 2010.
الشكل الخارجي نفس الشي بالضبط.
العرض كان بمناسبة مرور 5 سنوات على أخذ وكالة البورش من قبل الدرويش، وكان السعر مخفض مع خدمة سنتين وضمان 3 سنوات

[A-Alansari]

شكل ومواصفات الموتر ماعليه كلام

بس فيه مشكلتين

الاولى الوكاله كجره من واقع تجربه

الثانيه الموتر وعر سواقته مو مريحه وايد

[qatarma]

بالعكسسسسس وكيلهااااااا ولا اروووووع

وخصوصا بعد مامسكها الدرويش .......


والموترر ولا ارووع بس ماينفع حق بناات


لاني احسه ضخم وينفع اكثر شي لواحد توه متزوج

كلاااااااام سليم بس خاطري اعرف ليش حق واحد توه متزوج؟؟؟

[Index Signal]

كلاااااااام سليم بس خاطري اعرف ليش حق واحد توه متزوج؟؟؟


أتوقع لأن هالموتر يعتبر مرحله إنتقاليه بين السبورت (حياة العزوبيه) إلى الصالون (مرحلة الزواج) :)

عشان الزوج ما تصيده صدمه عاطفيه .

[qatarma]

أتوقع لأن هالموتر يعتبر مرحله إنتقاليه بين السبورت (حياة العزوبيه) إلى الصالون (مرحلة الزواج) :)

عشان الزوج ما تصيده صدمه عاطفيه .

اعتقد هالموتر يسبب صدمااااااات عاطفيه ويعتبر سبورت اكثر من انها سياره عاديه

[القطرية1]

ارجو عدم الخروج عن الموضوع
شكرا لكل من ابدى رأيه

[بن غنيّم]

الموتر اخوي ماخذنه الاس سافر من فتره والموتر خلاه عندي استخدمته اسبوع صرفه عادي و من يقول يصرف بترول غلطان .. استخدام جدا رائع وملفت للانظار وحلو للشباب والبنات كحد السواء .. سواقته حلو وصوته يطررب ماحك عندي معنى في مطبات كبيره في فريجنا .. اخوي طلعه من وكاله النابوده على 440 وانا الحين طالب واحد 2011 بيوصلني في نص 1 بورش باناميرا اس كلفني مع الاوبشنات تبريد كراسي ..كراسي جلد 14 حركه مش السبورت لاني مارتحت له مع لون داخلي احمر مثل البورش 911 تربو مع رنقات البورش 20 انج التوربو 911 مع كت 4 اسس مع كيمرات مع رادار مع تبريد الكراسي وبعض المواصفات الاخر على 520 ونلاحظ ارتفاع الاسعار انا تقريبا مثل مواصفات اخوي يعني يفرق الكت والرنقات اما المواصفات تقريبا مثل الشيء بس الفرق طلع 80 الف ... انا اتعامل في التجيكات مع قراج من ايام البورش 911 تجيكاتهم ارخص عن الوكاله بنص السعر واقل يفتحون كل ملف ويعاملونك ويحطونك على راسهم ..... موفقه

[القطرية1]

في الوكالة عاملين عرض على بناميرا اس 8 سلندر من 480 الف امسوينها 400 بس موديل 2010
اما نفسها 6 سلندر موديل 2011 اب 380 الف
في اعتقلدكم من الافضل دام السعر ما يفرق وايد
شكرا لنصايحكم

[EXOTIC]

وين ولا اروع الله يرحم والديك

ازفت وكاله في قطر

وكاله الديهاتسو ابرك منها

ومن ناحيه السياره انا اشوفهااا حلوووه بس الوكيل زفت

وبالتووفيق

1000000% klaamk sleem

[بن غنيّم]

في الوكالة عاملين عرض على بناميرا اس 8 سلندر من 480 الف امسوينها 400 بس موديل 2010
اما نفسها 6 سلندر موديل 2011 اب 380 الف
في اعتقلدكم من الافضل دام السعر ما يفرق وايد
شكرا لنصايحكم

الاس طبعا حرام تاخذين سياره ب380 وفي الاخير تكون 6 سلندر :rolleyes2:
بس انا مأدري انتو عندكم في قطر السياره بمواصفات على كيفكم ولا كيف بالضبط
نظامكم :secret:

[القطرية1]

انا اتعامل في التجيكات مع قراج من ايام البورش 911 تجيكاتهم ارخص عن الوكاله بنص السعر واقل يفتحون كل ملف ويعاملونك ويحطونك على راسهم ..... موفقه

ممكن تعطينا اسم الكراج ومكانه
شكرا لك

[بن غنيّم]

^
القراج في الامارات يالشيخه .... :)

[المريش]

البورش ما عليه كلام كموتر احسن الالماني
لا مرسيدس ولا بي ام

والبانميرا ما عليها كلام صالون وسبورت

الفرق بين ال ٦ وال ٨ العزم وقوة المكينة والمواصفات تقدرين تطلبين اللي تبين

ان اشوف ان ال ٨ سلندر ما يصلح للبنات لان استعمال البنات موب مداعس مثل الشباب

فإذا الفرق بين ٢٠١١ ال ٦ وال ٨ بالسعر بسيط خذي ٨ واذا عالي خذي ٦ وحرام تاخذين ٢٠١٠ واحنا في ٢٠١١

والموتر خفيف يعني ٦ سلندر مكينة بورش مناسبة للموتر وزيادة

وفي الاخير لازم تفكرين اذا فكرتي في بيعته بعدين ال٨ يروح اسرع

[@فهد@]

البورش كاين تغير شكله شرايك تشوفينه ...

البناميرا مميزه ماعليها كلام .. مثل ماقالوا الاخوان الكل يطالع السياره ... اختاري لون غامق احلا ...
وبالتوفيق .. وعندك نوع التيربو عجيب ..

[Index Signal]

شريتيها وإلا للحين ..؟!

[القطرية1]

الحمدلله شريتها
بس بالفعل سلموها لي وهي وصخة من الداخل
قالوا لي بيعوضوني ( بعد ما نظفوها ) بيعطوني المفتاح بلون السيارة
وبعد كم يوم قالوا ما يصير لازم تدفعين
بس بنعوضج بنعطيج تامين ( والسيارة عليها تامين )
بالفعل الكلام اللي انقال في الوكيل

[Index Signal]

الحمدلله شريتها
بس بالفعل سلموها لي وهي وصخة من الداخل
قالوا لي بيعوضوني ( بعد ما نظفوها ) بيعطوني المفتاح بلون السيارة
وبعد كم يوم قالوا ما يصير لازم تدفعين
بس بنعوضج بنعطيج تامين ( والسيارة عليها تامين )
بالفعل الكلام اللي انقال في الوكيل


يعطيج خيرها و يكافيج شرها ..

ياليت تأكدين أو تنفين العيوب إللي ذكروها الإخوان بهالموضوع عشان الكل يستفيد .. غير الوكيل طبعاً .

[القطرية1]

السيارة مو لي
وبالتالي ما عرف اسواقتها
كل اللي اعرفة انها ما ادق في المطبات
وانها كشخة وايد وايد
بالفعل هي اكشخ سيارة صالون لحد الآن
اما الوكاله فكتبنا فيهم اكتاب وشكوه للشركه الام
وياريت كل واحد يتعرض لمشاكل معاهم يكتبون ايميل للشركة الام
شكرا لكم

[MANSOOR75]

أتوقع لأن هالموتر يعتبر مرحله إنتقاليه بين السبورت (حياة العزوبيه) إلى الصالون (مرحلة الزواج) :)

عشان الزوج ما تصيده صدمه عاطفيه .


صراحه ردك ماله حل هههههههههه والله خليتني اضحك في المكتب بروحي كأني مجنون
يعطيك العافيه اخوي مع الاعتذار لصاحبه الموضوع

[سلطان911]

بالتوفيق ان شاء الله...