محتار في طريقة الأستفادة من المزرعة

[بودحوم]

بسم الله الرحمن الرحيم


بادخل في الموضوع على طول .

عندي مزرعة وتعبت عليها من قلب وكلفتني مبالغ مايعلم بها إلا الله
وسبق أن نزلت موضوع عن المزرعة في هذا الرابط .


http://www.qatarshares.com/vb/showthread.php?t=346145


الحمدلله المزرعة منتجه والأنتاج يعتبر في السوق درجة أولى ونسبة بسيطة لاتتجاوز 10%درجة ثانية وثالثه .

والمشكلة ليست في الأنتاج .

مشكلتي في التسويق . يعني أحنا اللي نتعب ونصرف مبالغ شهرية لاتقل عن 30 الف تصل في بعض الشهور 40 الف ريال شهرياً من رواتب وبذور وصيانة معدات وآليات وغيرها .

ولكن الفائدة الأكبر تروح للتجار وشركة المزادات اللي أتعامل معها .
يمكن في بعض الشهور الأيراد يغطي المصروفات ولكن في أكثر الشهور بالكثير يكون الإيراد يغطي نصف التكاليف والمصروفات .

طبعاً هذا الوضع ماقدر أستمر عليه .

الأفكار اللي في بالي حالياً .

1- تحويل المزرعة من أنتاج الخضروات إلى مشروع ( لاند سكيب ) وطبعاً راح احتاج دراسة جدوى .

2- تحويل المزرعة إلى مصنع مياه معدنية نظراً لوجود محطة تحلية في المزرعة . وأيضاً أحتاج لدراسة جدوى .

علماً بإن المزرعة فيها 29 بيت زراعي محمي بالإضافة إلى 9 بيوت للحين ماركبتها
وكذلك محطة تحلية مياه تنتج يومياً 40 الف جالون .
وبها عدد 19 عامل من ضمنهم مهندس زراعي .
وفيها مايقارب من 300 نخلة منتجة ( أنواع مختلفة )

المطلوب من الأخوان ( أهل الخبرة ) إفادتي بالحلول المناسبة للأستفادة من المزرعة بالشكل الأمثل .

وجزاكم الله خير .

[متداول عالمي]

ازرع برسيم وان شاء الله بتلقى خير من وراها

[ماجستك]

اولا الله ايبارك لك فيما تملك ويزيدك من فضله

اقترح كما قرات في بعض الافكار الزراعيه ان تزرع نوع واحد ويكون عليه طلب كبير ..مثلا (الليمون) تزرع 1000 شجره ليمون وكل موسم تنزل اطنان للسوق..اعتقد افضل من انك تزرع اشياء مختلفه

وطبعا السقي ايكون تقطير بذلك تقلص عدد العمال وتحتاج عمال فقط للحصاد ممكن تستاجرهم من برى

[alsenator]

السلام عليكم

الله يوفقك اول شي
انا صاحب شركة خضروات وفواكة وعلى استعداد للشراء منك في حاله كون بضاعتك في المستوى الي ابيه

دز لي رقمك عالخاص

[وسمي2016]

اخوي الله يبارك لك فيما اعطاك ويزيدك من فضله,,,,

مزرعه روعه,,,,,وواضح تعبك فيها,,,,

ودي اعرف موقعها ولو تقريبي,,,,والمساحه,,,وواصلها الاسفلت

ام لا,,,,,,

[بودحوم]

ازرع برسيم وان شاء الله بتلقى خير من وراها

زراعة البرسيم والرودس فكرة ممتازة

ولافيها تعب ولا تكاليف .
والتسويق سهل جداً بالنسبة لي خصوصاً أن عندي محل لبيع الأعلاف

بس المشكلة زراعة الأعلاف تحتاج مساحة كبيرة .

وجزاك الله خير على الأقتراح أخوي متداول عالمي .

[المزن الرياني]

ماشاءالله.. تبارك الله
الصراحه مزرعه روعه الله يبارك لك بها

[بودحوم]

اولا الله ايبارك لك فيما تملك ويزيدك من فضله

اقترح كما قرات في بعض الافكار الزراعيه ان تزرع نوع واحد ويكون عليه طلب كبير ..مثلا (الليمون) تزرع 1000 شجره ليمون وكل موسم تنزل اطنان للسوق..اعتقد افضل من انك تزرع اشياء مختلفه

وطبعا السقي ايكون تقطير بذلك تقلص عدد العمال وتحتاج عمال فقط للحصاد ممكن تستاجرهم من برى

جزاك الله خير أخوي ماجستك

بالنسبة لزراع نوع واحد فقط أتصور بتكون مغامرة .
خصوصاً في التسويق . يعني راح أظطر أني أنزل كميات كبيرة من المنتج وهذا الشئ يؤثر على السعر . ( من واقع تجربة )
مع العلم أن نظام الري في المزرعة نظام التقطير

[بودحوم]

السلام عليكم

الله يوفقك اول شي
انا صاحب شركة خضروات وفواكة وعلى استعداد للشراء منك في حاله كون بضاعتك في المستوى الي ابيه

دز لي رقمك عالخاص

وعليكم السلام ورحمة الله وبركاته


شيك الخاص أخوي

[بودحوم]

اخوي الله يبارك لك فيما اعطاك ويزيدك من فضله,,,,

مزرعه روعه,,,,,وواضح تعبك فيها,,,,

ودي اعرف موقعها ولو تقريبي,,,,والمساحه,,,وواصلها الاسفلت

ام لا,,,,,,

ويبارك فيك يالغالي

الموقع في الشمال في منطقة ينقال لها ( لغديره ) وهي جنوب أم جاسم بـ 4كم والمنطقة وعرة

ولكن في محاولات لتوصيل الأسفلت وأن شاء الله تتم الموافقة من البلدية والبيئة

[بودحوم]

ماشاءالله.. تبارك الله
الصراحه مزرعه روعه الله يبارك لك بها

جزاك الله خير ياخوي المزن الرياني

[وسمي2016]

ويبارك فيك يالغالي

الموقع في الشمال في منطقة ينقال لها ( لغديره ) وهي جنوب أم جاسم بـ 4كم والمنطقة وعرة

ولكن في محاولات لتوصيل الأسفلت وأن شاء الله تتم الموافقة من البلدية والبيئة

تسلم للاستجابه,,,,اخوي اذا هي للبيع او الايجار

حياك عالخاص,,,,,,,,,,وربي يوفقك بكل الاحوال,,,,,

[شموخ دائم]

,

,



الله يبارك لك في حلالك والله يوفقك يارب

ما شاء الله عليك احييك من قلبي على الجهد الي قمت فيه

مثال رائع للشباب المنتج والمساهم في بلدة

اتمنى من كل قلبي ان الدولة توقف بجانبك وصوتك يوصل الى المسئولين
الي دائما تصريحاتهم تشجع الزراعه نبي وقفه منهم وليس مجرد تصريحات

انت مثال الشاب القطري

الجميع يطالب بالعمل في الزراعة وخاصه الفواكه والخضروات والجميع عرف الان قيمه الزراعه داخل البلد هي مسئله بغايه الاهميه

يجب على المسئولين في البلد حمايه هذا النوع من المشاريع وتوفير كامل الرعاية لتحقيق النجاح وتذليل الصعاب

على قدر ما افرحني مشروعك وانا اشوف الخضروات وهي تنمو على قدر ما احزني
دخولك في خسارة بسبب التسويق داخل قطر وخاصه ( المزاد والوسيط ) والدوله لا تمد يدها لك وترعى انتاجك بالكامل بسعر يضمن لك الربحيه والاستمرارية

في كل دول العالم الدول تحمي انتاجها من الخساره امام المنتجات الاخرى
اتمنى تدخل المسئولين ( لحمايتك ) من الخساره
مشاريع الغذاء والزراعه تحتاج حمايه من الحكومات
لانها تشكل امن غذائي وليس مجرد سلعه


اتمنى هذا الموضوع والصور يتم عمل تحقيق لها
في احد الجرائد القطريه تستحق ذلك حتى توصل لكل مسئول
لعل وعسى يتحرك الحماس فيهم


ما املك الا دعوة صادقة لك

الله يوفقك يارب ويكثر من امثالك ويبارك لك في حلالك



اخوكم


شموخ دائم

[QtrGate]

اخوي عندي فكرة بس مادري توافق البلدية او لا

المهم

تشتري شاحنة حافظة مثل الي يوزعون العصاير للدكاكين والجمعيات

وتسوي تسويق لمنتجاتك في المنتدى وبعض دكاكين الخضراوات

ولأبيه بسعر نفس سعر السوق وتزيد خدمة التوصيل

أتكون بسعر رمزي ويكون الطلب قبل يوم

واليوم الي بعدة تكلم الدريول وتعطية جدول فيه اماكن البيوت وأرقامهم وقيمة الشراء

راح تستفيد والكل بيطلب

وخل خضراوات ازيادة موجودة في الشاحنة يمكن العميل نسى يطلب شي

والدريول يسوي دعاية لكل شي موجود والعميل يمكن يعجبة شي ويشتري

بس اول شي والمهم تشوف البلدية او طريقة التصريح*

[بودحوم]

تسلم للاستجابه,,,,اخوي اذا هي للبيع او الايجار

حياك عالخاص,,,,,,,,,,وربي يوفقك بكل الاحوال,,,,,

الله يسلمك Almowafaq

والله ياخوي مالي نية آجار أو بيع

وربي يوفقك باللي احسن منها ان شاء الله .

[بودحوم]

,

,



الله يبارك لك في حلالك والله يوفقك يارب

ما شاء الله عليك احييك من قلبي على الجهد الي قمت فيه

مثال رائع للشباب المنتج والمساهم في بلدة

اتمنى من كل قلبي ان الدولة توقف بجانبك وصوتك يوصل الى المسئولين
الي دائما تصريحاتهم تشجع الزراعه نبي وقفه منهم وليس مجرد تصريحات

انت مثال الشاب القطري

الجميع يطالب بالعمل في الزراعة وخاصه الفواكه والخضروات والجميع عرف الان قيمه الزراعه داخل البلد هي مسئله بغايه الاهميه

يجب على المسئولين في البلد حمايه هذا النوع من المشاريع وتوفير كامل الرعاية لتحقيق النجاح وتذليل الصعاب

على قدر ما افرحني مشروعك وانا اشوف الخضروات وهي تنمو على قدر ما احزني
دخولك في خسارة بسبب التسويق داخل قطر وخاصه ( المزاد والوسيط ) والدوله لا تمد يدها لك وترعى انتاجك بالكامل بسعر يضمن لك الربحيه والاستمرارية

في كل دول العالم الدول تحمي انتاجها من الخساره امام المنتجات الاخرى
اتمنى تدخل المسئولين ( لحمايتك ) من الخساره
مشاريع الغذاء والزراعه تحتاج حمايه من الحكومات
لانها تشكل امن غذائي وليس مجرد سلعه


اتمنى هذا الموضوع والصور يتم عمل تحقيق لها
في احد الجرائد القطريه تستحق ذلك حتى توصل لكل مسئول
لعل وعسى يتحرك الحماس فيهم


ما املك الا دعوة صادقة لك

الله يوفقك يارب ويكثر من امثالك ويبارك لك في حلالك



اخوكم


شموخ دائم


هلا بك والله ياخوي شموخ دائم

وجزاك الله خير على كل حرف كتبته . والله ياليتك مسؤول في إدارة التنمية الزراعية وعندك صلاحيات .

بالنسبة لصوتي وأصوات غيري من المهتمين بالأنتاج الزراعي . أكيد أنه وصل للمسؤولين
والوعود كثيرة . لكنها تبقى مجرد وعود .

مابي أتكلم عن الدعم اللي الجميع يسمعه في المقابلات التلفزيونية وفي الجرايد .

زين منهم يعطونك معدات ( بسعر رمزي ) وبذور ( بسعر مدعوم ) وخلال أسبوعين يقولون لك
خلصت البذور .
وهذي الأشياء مقدور عليها .
الدعم اللي نحتاجة ( فقط ) دعم المنتج المحلي . ومثل ماذكرت أنت في كل الدول تحمي المنتج المحلي . إلا عندنا والله مايفكرون فيك دبر نفسك بنفسك . وهذا الشي صعب في وجود عصابات السوق من الأسيوين اللي ماكلينها بارده مبرده وهم جالسين مكانهم .

من ثلاث أيام كنت جالس مع أحد المهندسين من إدارة التنمية الزراعية . ويقولي أن ثلاث مزارع وقفت ومعاد تنزل منتجاتها للسوق . بالرغم من أنهم كانوا يغطون جزء كبير من المنتج المحلي . ولكنهم تعرضوا لخسائر كبيرة اجبرتهم على التوقف عن الزراعة .

بالنسبة لي الدعم اللي أطلبه والله مهب صعب ولاهو مستحيل
أنا اللي أبيه . أنهم يعطون أصحاب المزارع المنتجة محلات في السوق المركزي لعرض وبيع منتجاتنا بدون لايجبرونا على البيع عن طريق وسطاء اللي ياخذون السلعة بسعر زهيد جداً
ويبيعونها على الناس بعشرة أضعاف .
والضحيه هنا هو المزارع و المستهلك . والمستفيد فقط شركة الوساطة والتجار اللي مضبطين وياهم .

والحمدلله في كل الأحوال

أنا فعلاً أفكر حالياً في موضوع المياه المعدنية ( مجرد فكرة ) وأجمع حالياً معلومات عن خطوط الأنتاج أنواعها و أسعارها . والمشاكل اللي ممكن تواجهني في السوق .

وإذا عندك فكره عن مكتب ثقة لعمل جدوى للمشروع أكون شاكر لك .

رايك دائماً محل ثقة

الله يبارك لك في حياتك ويوفقك أن شاء الله .

[بودحوم]

اخوي عندي فكرة بس مادري توافق البلدية او لا

المهم

تشتري شاحنة حافظة مثل الي يوزعون العصاير للدكاكين والجمعيات

وتسوي تسويق لمنتجاتك في المنتدى وبعض دكاكين الخضراوات

ولأبيه بسعر نفس سعر السوق وتزيد خدمة التوصيل

أتكون بسعر رمزي ويكون الطلب قبل يوم

واليوم الي بعدة تكلم الدريول وتعطية جدول فيه اماكن البيوت وأرقامهم وقيمة الشراء

راح تستفيد والكل بيطلب

وخل خضراوات ازيادة موجودة في الشاحنة يمكن العميل نسى يطلب شي

والدريول يسوي دعاية لكل شي موجود والعميل يمكن يعجبة شي ويشتري

بس اول شي والمهم تشوف البلدية او طريقة التصريح*

ياهلا بك أخوي QtrGate

والله ياخوي أحس ان الفكره صعبة شوي
بس انها تستحق دراسه أكثر

بالنسبه للجمعيات ومحلات الخضروات واللي أصحابها أسيويين مايشترون منك
حتى إذا جبت لهم سعر أقل من السوق .
لأنهم ببساطه عصابات مسيطرين على السوق

وكل واحد عنده أكثر من محل في عدة مناطق في الدوحة
ويشترون بكميات كبيرة يوزعونها على محلاتهم بطريقتهم .

وسبق لي أن تعاملت مع بعض المجمعات لكن ماقدرت أواصل وياهم لأسباب كثيره

ومشكور يالغالي على أقتراحك

[تغلبية]

ما ادري بصراحة .. اذا كان في امكانية انك تفكر بافكار وحلول ابداعية اكثر

لان اذا بتم على ادارة التنمية والجماعة اللي هناك مع احترامي لهم .. ماراح يفيدونك بشي

ماعندهم الا الزراعة التقليدية ومافي اي تفكير تجديدي ابداعي.

طبعا عصابات السوق هذي صعبة وماتقدر تقاومها ..

لكن بامكانك تزرع صنف غير موجود منه وفرة في السوق ؟

يعني .. في بعض اصناف الخضراوات الخاصة بجنوب شرق اسيا ..

ينزرع في اراضي قطر بمتطلبات عادية جداً مافهيا تكلفة اضافية وانتاجها موفق وغزير ..

لان عندك الجالية الاجنبية اكثر واكبر من المواطنين ...

وماشاءالله مزرعة منظمة وفيها امكانيات مثل مزرعتك .. بتغرق السوق بمثل هذي الاصناف .


فكرة ثانية ..

انا اعرف ان في بعض المؤسسات الكبيرة مثل الجيش والفنادق ..

تتعاقد مع شركة تكون هي المورد لها لاحتياجاتها من الخضار بزراعة اصناف معينة ...

فهل في امكانية انك تعقد مثل هذي الاتفاقيات مع اسباير .. او الشرطة او غيرها من

الموسسات اللي فيها مخيمات ؟


فكرة ثالثة ..

غير اسلوب زراعتك بالكامل !!

وخلك المزرعة القطرية الاولى اللي تتجه للزراعة العضوية

كل الناس تشكي من الامراض .. والزراعة العضوية صديقة للبيئة .. خاصة ان الاجانب

يموتون في هالسوالف ..

وفي الحقيقة احنا ودنا بمزارع رائدة في هالمجال

وفي تجارب لمثل هالمزارع الخاصة في الامارات.



ان شاءالله قدرت افيدك .... وبالتوفيق،،

[al_lord]

بو دحوووم


هل انت منضم الى لجنة المزارعين ؟

طيب

اذا أحد المعترف بهم لدى اللجنه او الهيئه او الكونجرس او البيت الابيض يقول لي بالحرف الواحد عندما

نذهب بمحصولنا كمزارعين كقطرين تأتي البلديه ووزارة الصحه ويأتي الخ الخ الى ( الكبره)

( الشبره ) في بيع الجمله لكي يتم فحصها !!

ولكن عندما يأتي منتج غير قطري في سوق الخضروات تختفتي هذه اللجان التفتيشيه ؟!!!

هل هذا صحيح

أذا كان كلام هذا الشخص صحيح فأنه يدعم النظريه لدينا بأن الدوله لاتدعم المزارعين في قطر !!

[sepasteyn]

انصحك تروح السوق المركزي وتتفق مع المختصين هناك ، او شركات اعداد التموين مثل ماتفضل الاخ ، او تاخذي سيارة او سيارتين (ثلاجة) وتشغل عليها هندي للتوزيع لمحلات بيع الخضروات والفواكة في قطر او تفتح انت مكان خاص فيك وتبيع وتعمل له فروع . واذا تحتاج مسئول يساعدك انا حاظر .

[منتهى الحكمة]

مرحبا أخوي الله يوفق لك إنشاء الله .. مع أن أحنا ننتظر متى يعتدل الجو عشان انتاج الخضروات المحلية السنعة اتجينا وإذا جينا بنشتري دايم أندور المنتج المحلي طازج ولا عليه كلام وطعمه ولا أحلى (يازين البيض الشكشوكة والطماط محلي والدهن لقطري عجييييييب ) ولا ( السلطة فريش من أرضنا ) ماعليك منهم ترى أحنا لقطريين اللي نعرف قيمة هالمنتج ودايم نسمع أن اللي يبي الصحة والعافية لازم ياكل من المزروع في أرضه أو الأرض اللي قريبة منه وكل مابعدت الأرض يصبح المزروع أقل فائدة يعني إذا مالقينا منتج أرضنا نطلب البديل المنتج السعودي ثم الأبعد والأبعد ...وهذا عن تجربة .. وترى أحنا نحرص أن خيارنا الأول في الشراء هو المنتج القطري .. وننتظره والله ماعليك بيعه علينا وأعلن عنه في المنتدى ولك القيمة اللي تبيها وتحس أنه كلفتك أوعلى دكاكين الخضرة في الفرجان عندك منتج قطري بيعه على لقطريين يبونه ويدورونه بس لازم اتعرف أشلون توصله لهم يعني بدون وسيط آسيوي .. الله يوفقك يارب .. بس بغيت أعرف من وين ألقى مكينة تحلية المياه اللي تقول عنها..

[La Bella]

الفطر = المشروع
هل فكرة بزراع هذا النوع وتوزيعة على الفنادق والمطاعم بأسعار أرخص من السوق
من مميزات المشروم أنه ماياخذ وقت وطول السنة تقدر تزرعة

الذره الحلوة
بعد تنزرع بالدوحة فكرة بزراعتها؟؟

وأهم شي حط لك أسم للمنتج ( مزرعة قطر )أو أي أسم يعجبك عشان نعرف أن لك ونشتري منه
وهدفنا دعم الشباب القطري

[بودحوم]

ما ادري بصراحة .. اذا كان في امكانية انك تفكر بافكار وحلول ابداعية اكثر

لان اذا بتم على ادارة التنمية والجماعة اللي هناك مع احترامي لهم .. ماراح يفيدونك بشي

ماعندهم الا الزراعة التقليدية ومافي اي تفكير تجديدي ابداعي.

طبعا عصابات السوق هذي صعبة وماتقدر تقاومها ..

لكن بامكانك تزرع صنف غير موجود منه وفرة في السوق ؟

يعني .. في بعض اصناف الخضراوات الخاصة بجنوب شرق اسيا ..

ينزرع في اراضي قطر بمتطلبات عادية جداً مافهيا تكلفة اضافية وانتاجها موفق وغزير ..

لان عندك الجالية الاجنبية اكثر واكبر من المواطنين ...

وماشاءالله مزرعة منظمة وفيها امكانيات مثل مزرعتك .. بتغرق السوق بمثل هذي الاصناف .


فكرة ثانية ..

انا اعرف ان في بعض المؤسسات الكبيرة مثل الجيش والفنادق ..

تتعاقد مع شركة تكون هي المورد لها لاحتياجاتها من الخضار بزراعة اصناف معينة ...

فهل في امكانية انك تعقد مثل هذي الاتفاقيات مع اسباير .. او الشرطة او غيرها من

الموسسات اللي فيها مخيمات ؟


فكرة ثالثة ..

غير اسلوب زراعتك بالكامل !!

وخلك المزرعة القطرية الاولى اللي تتجه للزراعة العضوية

كل الناس تشكي من الامراض .. والزراعة العضوية صديقة للبيئة .. خاصة ان الاجانب

يموتون في هالسوالف ..

وفي الحقيقة احنا ودنا بمزارع رائدة في هالمجال

وفي تجارب لمثل هالمزارع الخاصة في الامارات.


ان شاءالله قدرت افيدك .... وبالتوفيق،،


مرحبا أختي تغلبية

أول شي أشكرج على هالأفكار والأقتراحات الطيبة


أختي :
بالنسبة لأصناف الخضراوات الخاصة بجنوب شرق اسيا ماعندي أي فكره عنها .
ياليت تعطيني أسماء بعض هذه الخضروات اللي ممكن زراعتها عندنا ومصدرها
لأن الفكره فعلاً ممتازه وتستحق الأهتمام .

أما الزراعة العضوية
فهي بصراحة صعبة . لا الجو ولا نوعية التربة تساعد على الزراعة العضوية
وحاولت بعض المزارع والشركات الكبيره اللي راس مالها عشرات الملايين
وعندهم مهندسين بالعشرات والعمال بالمئات . ورغم ذلك ماقدروا .


وأما عن التعاقد مع مؤسسات الدولة
تحتاج توفير المنتج طوال السنة وبدون أنقطاع
وبصراحة صعبة علي أنتج طول السنه . الجو عندنا صعب جداً في الصيف
والدليل هذي السنه أنقطعت بعض المنتجات حتى في الدول اللي كانت تورد لقطر
مثل الأردن ولبنان
وهذا الشي اللي تسبب في رفع أسعار بعض المنتجات ووصولها لأسعار لأول مره توصل لها
والسنوات الجاية راح تكون أصعب .

وأشكرج مره ثانية اختي تغلبية على الأهتمام والأقتراحات

[بودحوم]

بو دحوووم


هل انت منضم الى لجنة المزارعين ؟

طيب

اذا أحد المعترف بهم لدى اللجنه او الهيئه او الكونجرس او البيت الابيض يقول لي بالحرف الواحد عندما

نذهب بمحصولنا كمزارعين كقطرين تأتي البلديه ووزارة الصحه ويأتي الخ الخ الى ( الكبره)

( الشبره ) في بيع الجمله لكي يتم فحصها !!

ولكن عندما يأتي منتج غير قطري في سوق الخضروات تختفتي هذه اللجان التفتيشيه ؟!!!

هل هذا صحيح

أذا كان كلام هذا الشخص صحيح فأنه يدعم النظريه لدينا بأن الدوله لاتدعم المزارعين في قطر !!

هلا والله ياخوي اللورد

جمعية او لجنة المزارعين . في قطر موجوده بالأسم فقط ولا لهم أي نشاط يذكر
بصراحة لأن الدولة غير مهتمه فيهم . كانت لهم محاولات ولكنهم في الأخير أقتنعوا
بان محاولاتهم مجرد تضييع وقت .

وإذا تعرف أحد منهم ياليت تسأله عن أي أنجاز تم عن طريق اللجنه
أو متى أخر مره اجتمعوا .
أنا بصراحة غير مسجل في اللجنة . ودخولي مجال الزراعة من سنتين فقط

وعن فحص المنتجات المحلية اللي تنزل السوق من قبل مراقبة الأغذية في البلدية
فهذا الشئ صحيح . وواجب عليهم الفحص ولا عندي أي أعتراض . والمنتج يفرض نفسه
ولله الحمد ماواجهت أي مشكله معاهم

أما أنهم يتغاضون عن المنتجات المستورده من الخارج . بصراحة ماعندي فكره
وإذا هذا الشئ صحيح . فهذي مصيبه . وأتمنى أنها غير صحيحه .

[بودحوم]

انصحك تروح السوق المركزي وتتفق مع المختصين هناك ، او شركات اعداد التموين مثل ماتفضل الاخ ، او تاخذي سيارة او سيارتين (ثلاجة) وتشغل عليها هندي للتوزيع لمحلات بيع الخضروات والفواكة في قطر او تفتح انت مكان خاص فيك وتبيع وتعمل له فروع . واذا تحتاج مسئول يساعدك انا حاظر .

مرحبا ياخوي sepasteyn

يالغالي أنا مشكلتي ومشكلة جميع المزارعين مع السوق المركزي ونظامه العقيم
وللأسف هو المنفذ الوحيد لبيع منتجاتنا .
وإذا تعرف احد المسؤلين يدبر لنا محل في السوق المركزي نقدر نبيع منتجاتنا فيه . أو يوفرون لنا مساحة بعيداً عن شركة المزادات فجزاك الله خير .

[بوحارب]

الله يوفقك يابودحوم والله يفتحها عليك يارب :)

اهم شي الكرك متوفر حق العمال عندك ؟؟

يمكن امر اكرك عندهم ههههههههااا ^ ـ *

[بودحوم]

مرحبا أخوي الله يوفق لك إنشاء الله .. مع أن أحنا ننتظر متى يعتدل الجو عشان انتاج الخضروات المحلية السنعة اتجينا وإذا جينا بنشتري دايم أندور المنتج المحلي طازج ولا عليه كلام وطعمه ولا أحلى (يازين البيض الشكشوكة والطماط محلي والدهن لقطري عجييييييب ) ولا ( السلطة فريش من أرضنا ) ماعليك منهم ترى أحنا لقطريين اللي نعرف قيمة هالمنتج ودايم نسمع أن اللي يبي الصحة والعافية لازم ياكل من المزروع في أرضه أو الأرض اللي قريبة منه وكل مابعدت الأرض يصبح المزروع أقل فائدة يعني إذا مالقينا منتج أرضنا نطلب البديل المنتج السعودي ثم الأبعد والأبعد ...وهذا عن تجربة .. وترى أحنا نحرص أن خيارنا الأول في الشراء هو المنتج القطري .. وننتظره والله ماعليك بيعه علينا وأعلن عنه في المنتدى ولك القيمة اللي تبيها وتحس أنه كلفتك أوعلى دكاكين الخضرة في الفرجان عندك منتج قطري بيعه على لقطريين يبونه ويدورونه بس لازم اتعرف أشلون توصله لهم يعني بدون وسيط آسيوي .. الله يوفقك يارب .. بس بغيت أعرف من وين ألقى مكينة تحلية المياه اللي تقول عنها..


مرحبتين ياخوي منتهى الحكمة

ياخي يكفي أن الأنتاج المحلي ينزل السوق في نفس يوم الحصاد
مهب مثل المستورد اللي ياخذ له كم يوم لين يوصلك .
يعني أحنا أنزل للسوق خلال 3 أو 4 ساعات بالكثير من وقت الحصاد . يعني طازج بمعنى الكلمة .

ومكينة التحلية أنا ماخذها من شركة متيتو لأنظمة المياه . ومحلها مقابل كهرماء في الهلال

بس نصيحتي لك . إذا معزم وناوي تاخذ مكينة . قولي بطرش لك رقم شركة في دبي
أرخص بوايد من قطر . وبنفس الجودة ونفس الضمان . وهم يجيبونها لك ويركبونها
وأي مشكله فيها تكلمهم ويجونك .

أنا للأسف كنت خايف من مسألة الضمان إذا خذتها من دبي
ولكن بعد تجربة واحد من الربع ماخذ من عندهم يقولي والله أنهم يهتمون بالعميل احسن
من الشركات اللي في قطر . والسعر فرق السماء والأرض .

والله يوفقك أن شاء الله .

[بودحوم]

الفطر = المشروع
هل فكرة بزراع هذا النوع وتوزيعة على الفنادق والمطاعم بأسعار أرخص من السوق
من مميزات المشروم أنه ماياخذ وقت وطول السنة تقدر تزرعة

الذره الحلوة
بعد تنزرع بالدوحة فكرة بزراعتها؟؟

وأهم شي حط لك أسم للمنتج ( مزرعة قطر )أو أي أسم يعجبك عشان نعرف أن لك ونشتري منه
وهدفنا دعم الشباب القطري

مرحبا أختي La Bella

مشروع الفطر أو المشروم . قريت عنه وايد وهو مضمون النجاح في بعض الدول
بس عندنا والله مادري . ولا تحمست للفكره لأني مادري عن حجم الأستهلاك في قطر
ونفس الشي الشي ينطبق على الذره .

وأشكرج أختي على الأقتراحات
والله يوقج أن شاء الله ..

[بودحوم]

الله يوفقك يابودحوم والله يفتحها عليك يارب :)

اهم شي الكرك متوفر حق العمال عندك ؟؟

يمكن امر اكرك عندهم ههههههههااا ^ ـ *


أهلييييييييييين والله يابوحارب
منور والله .

الشئ اللي ماتعرفه عني . أني مدمن كرك أكثر منك

وتصدق إني أمس في عزاء واحد من الجيران
وأستغليت فترة صلاة المغرب ورجعت البيت عقب الصلاة بس ( على شان أضرب كم كوب كرك ) قبل لا أرجع العزاء مره ثانية .
يعني أدمان بمعنى الكلمة .

وياليتك تشرفنا والله في المزرعة . بس اخاف تكنسل كرك النعيمي عقب ماتجرب الكرك عندنا
وإذا طرالك مشوار للشمال دز لي رقمك بس قبل لاتروح . وأنا موجود بشبه يومي في الشمال
من القايله لين 9 أو 10 من الليل .
ويامرحبابك أنت ومن يعز عليك ..

[ANONYMOUS]

الله يبارك لك في المزرعه


اقترح تاخذ لك كم زياره للمزارع اللي حولك في الشمال.. وتقعد مع اهل الحلال .. تسولف وياهم

يمكن تستفيد من افكارهم او اتشاركون بفكره او مشروع

وموفق ياخوي

[naklan]

مساك الله بالخير اخوي بودحوم

اخوي ليش ما تغير الاسلوب وتعملها مزرعه لتربيه ماشيه

والمزرعه 80 %من انتاجها العلف و20 %احتياجات الاستهلاك وبكذا

انت تتحكم وجميع انتاجك يروح في تغذيه الماشيه والمردود

يجيلك من بيع الماشيه والماشيه ما تفسد نفس الخضار

بضاعه طويله الامد وتباع بمزاج رايق واقصد بالماشيه

منها على سبيل المثال الخراف السوريه اللحوم

دائما اسعارها نار ومطلوبه وبعنف

موفق اخوي الكريم واتمنى اني اضفت ما يفيد

وتقبل تحياتي واطيب امنياتي لك بالتوفيق


اخوك/naklan

[راعي الدتسن]

ما اقول غير الله يرزقك من حلاله ويبعدك عن حرامه

[بوحارب]

أهلييييييييييين والله يابوحارب
منور والله .

الشئ اللي ماتعرفه عني . أني مدمن كرك أكثر منك

وتصدق إني أمس في عزاء واحد من الجيران
وأستغليت فترة صلاة المغرب ورجعت البيت عقب الصلاة بس ( على شان أضرب كم كوب كرك ) قبل لا أرجع العزاء مره ثانية .
يعني أدمان بمعنى الكلمة .

وياليتك تشرفنا والله في المزرعة . بس اخاف تكنسل كرك النعيمي عقب ماتجرب الكرك عندنا
وإذا طرالك مشوار للشمال دز لي رقمك بس قبل لاتروح . وأنا موجود بشبه يومي في الشمال
من القايله لين 9 أو 10 من الليل .
ويامرحبابك أنت ومن يعز عليك ..

هههههههههههههههههههه ما شاء الله عليك ظلعت اخس مني :(

والله يبيلنا انسير عليك ونشوف المزرعة على الطبيعة :)

[Lipton]

الله يزيدك من خيره
اخوي حاول تحصل محل في منطقة ممتازة وتبيع فيها الخضرة وتسوي اعلان في الجرايد او حتى في المنتديات عن الخضرة وعن منتجاتك
وصدقني اهل قطر يدورون المنتج القطري اكثر من غيره لانه طازج ورخيص
مثلا الطماط الاردني تحس انه مضروب يجيك مثل الربل واغلى باضعاف من القطري
والله يفوقك وينصؤك على الغشاشين

[منتهى الحكمة]

تسلم أخوي الله يجزاك خير ياريت أطرش لي رقم اللي في دبي .

[بودحوم]

الله يبارك لك في المزرعه


اقترح تاخذ لك كم زياره للمزارع اللي حولك في الشمال.. وتقعد مع اهل الحلال .. تسولف وياهم

يمكن تستفيد من افكارهم او اتشاركون بفكره او مشروع

وموفق ياخوي

ويبارك لك في عمرك أن شاء الله ياخوي anonymous

من غير ماتوصي ياخوي أنا زرت عدة مزارع منهم اللي ينتج وينزل السوق . ويعانون مثل ما أعاني .
ومنهم اللي ماله شغل في انتاج ولا غيره ومخلي المزرعة عبارة عن أستراحة . ومنهم اللي يربي وينتج في المواشي بشكل محدود وحاط له كم خليه نحل . وهذا يمكن أحسن من غيره .

[بودحوم]

مساك الله بالخير اخوي بودحوم

اخوي ليش ما تغير الاسلوب وتعملها مزرعه لتربيه ماشيه

والمزرعه 80 %من انتاجها العلف و20 %احتياجات الاستهلاك وبكذا

انت تتحكم وجميع انتاجك يروح في تغذيه الماشيه والمردود

يجيلك من بيع الماشيه والماشيه ما تفسد نفس الخضار

بضاعه طويله الامد وتباع بمزاج رايق واقصد بالماشيه

منها على سبيل المثال الخراف السوريه اللحوم

دائما اسعارها نار ومطلوبه وبعنف

موفق اخوي الكريم واتمنى اني اضفت ما يفيد

وتقبل تحياتي واطيب امنياتي لك بالتوفيق


اخوك/naklan

الله يصبحك ويمسيك بالخير naklan

نعم هذي من أنجح المشاريع . خصوصاً للي عنده مزرعة . ( زراعة علفها ومخلفات الزراعة )توفر لك الشي الكثير من طعامها
والفكره مهب غايبه عني . وخصوصاً اني أخذت موافقه شفوية من البيئه لأخراج الحلال خارج المزرعة .
وحالياً اجمع واشتري من هنا ومن هناك لأني حاولت أستخراج تصريح لأستيرادها من سوريا او من السعودية .
من سوريا صعبه جداً . ومن السعودية لقيت تصاريح ولكن بسعر 300 ريال للرأس غير قيمة مشتراها . يعني راح يكلفني الراس في حدود 1800 أو 2000 ريال

على العموم اقتراحك أنا شغال عليه من فترة بسيطة ( ولكن بكسل ) :)
وإذا تخبر لي شي من الشوهات العربية او السورية بسعر معقول فأنا شراي

واشكرك ياخوي naklan على تجاوبك

[بودحوم]

هههههههههههههههههههه ما شاء الله عليك ظلعت اخس مني :(

والله يبيلنا انسير عليك ونشوف المزرعة على الطبيعة :)

ههههههههههههههههه

في أنتظار زيارتك اليوم أن شاء الله
وأنا موجود أن شاء الله من الساعة 1 الظهر وجوالي عندك

[بودحوم]

الله يزيدك من خيره
اخوي حاول تحصل محل في منطقة ممتازة وتبيع فيها الخضرة وتسوي اعلان في الجرايد او حتى في المنتديات عن الخضرة وعن منتجاتك
وصدقني اهل قطر يدورون المنتج القطري اكثر من غيره لانه طازج ورخيص
مثلا الطماط الاردني تحس انه مضروب يجيك مثل الربل واغلى باضعاف من القطري
والله يفوقك وينصؤك على الغشاشين

جزاك الله خير يا Lipton

أستئجار محل خارج السوق المركزي لبيع منتجاتي فقط . غير مجدي إلا إذا أضفت له
بيع المنتجات المستورده مثل الفواكه .
وهذا باب ثاني ماودي أدخل فيه وفي متاهات ثانية .

والله يجزيك خير ياخوي Lipton على دعوتك الطيبه
ويوفقك أن شاء الله .

[بودحوم]

تسلم أخوي الله يجزاك خير ياريت أطرش لي رقم اللي في دبي .

أبشر أن شاء الله باخذ الرقم
وأرسله لك اليوم أن شاء الله .

[قناص الخليج]

انصحك
بادخال نشاط اخر مثل المزارع السمكيه او الدواجن او حضائر الاغنام

وبرسالك التفاصيل على الخاص

[بودحوم]

انصحك
بادخال نشاط اخر مثل المزارع السمكيه او الدواجن او حضائر الاغنام

وبرسالك التفاصيل على الخاص


بيض الله وجهك ياقناص الخليج

لي رجعه لرسالتك أن شاء الله

وعساك ومن جابك الجنة يارب

[naklan]

الله يصبحك ويمسيك بالخير naklan

نعم هذي من أنجح المشاريع . خصوصاً للي عنده مزرعة . ( زراعة علفها ومخلفات الزراعة )توفر لك الشي الكثير من طعامها
والفكره مهب غايبه عني . وخصوصاً اني أخذت موافقه شفوية من البيئه لأخراج الحلال خارج المزرعة .
وحالياً اجمع واشتري من هنا ومن هناك لأني حاولت أستخراج تصريح لأستيرادها من سوريا او من السعودية .
من سوريا صعبه جداً . ومن السعودية لقيت تصاريح ولكن بسعر 300 ريال للرأس غير قيمة مشتراها . يعني راح يكلفني الراس في حدود 1800 أو 2000 ريال

على العموم اقتراحك أنا شغال عليه من فترة بسيطة ( ولكن بكسل ) :)
وإذا تخبر لي شي من الشوهات العربية او السورية بسعر معقول فأنا شراي واشكرك ياخوي naklan على تجاوبك

عليك بالاعلان في

سوق المنتدى وبتحصل طلبك باذن الله

انصحك بالشراء من داخل قطر من مربين سابقين

بتكون الاسعار افضل واوفر من الشراء

من الخارج بالتوفيق

[QtrGate]

عجبتني فكرة الفطر

جرب تزرع في حوض زراعه صغير اذا نجحت التجربة ممكن تزرع وتنوع من الانتاج

[قناصه]

تمنياتي لك بالتوفيق بو دحووم

[بودحوم]

انصحك
بادخال نشاط اخر مثل المزارع السمكيه او الدواجن او حضائر الاغنام

وبرسالك التفاصيل على الخاص


أولاً أشكرك اخوي قناص الخليج على الرسالة والأقتراحات اللي فيها

- فكرة المزارع السمكية ماخطرت ببالي أبداً ولا أعرف عنها أي شئ
ولا ادري عن أحتياجاتها . ولكن بعد أقتراحك بحثت عنها و جدت مواضيع كثيره وبتفاصيل دقيقة
والفكرة تستحق الأهتمام وتحتاج دراسة أكثر .

وسؤالي لك : هل توجد في قطر مزرعة أسماك يمكن زيارتها ومشاهدتها على الطبيعة ؟


- تربية وانتاج الماشية . أنا ماشي فيها بخطوات بطيئة وفي هذا الوقت بدأت بالمرحلة الأولى
وهي جمع وشراء الأنواع المطلوبة . والله يكتب اللي فيه الخير .

- أما الدواجن . الفكرة موجوده من زمان وقمت بالفعل بإنشاء عدد 2 من العنابر الخاصة بالتربية . ولكن توقفت عنها الفترة الماضية ولم أكملها ( بسبب التركيز على زراعة الخضروات )
بالرغم من وجود جميع أحتياجات العنابر عندي في المزرعة .
وكانت لي نية للسفر للصين لشراء أقفاص . أو ماتسمى عند مربي الدواجن ( بطاريات الأنتاج )

وهذي صورة العنابر وهي عبارة عن بيت زراعي قسمته إلى قسمين . كل قسم 9*20متر وبارتفاع 3,20م
وستلاحظ في الصوره غرفة قديمة وساستغلها بعد صيانتها وتركيب السيراميك فيها لمكائن التفريخ أن شاء الله

http://www.m5zn.com/uploads/2010/3/3/photo/xfs8svzs.jpg


وبإذن الله سأكمل المشروع في الفترة القادمة

وأشكرك مره ثانية أخوي العزيز قناص الخليج
والله يوفقك أن شاء الله

[bo_hamad]

ممكن تتفق مع شركات تمولك والكل بالاخير بيستفيد والارباح تتقاسم

[بودحوم]

عجبتني فكرة الفطر

جرب تزرع في حوض زراعه صغير اذا نجحت التجربة ممكن تزرع وتنوع من الانتاج

مرحبا اخوي QtrGate

ماعتقد أن المشكلة في الزراعة وخصوصاً أن المهندس الموجود في المزرعة مهندس شاطر

المشكلة ماعرف حجم الأستهلاك في قطر وأين يمكن تسويقه . المسألة تحتاج دراسة أكثر


ومشكور يالغالي على مرورك

[بودحوم]

تمنياتي لك بالتوفيق بو دحووم

ويوفقج أن شاء الله أختي قناصة

والله يجزيج الخير على الدعوة الطيبة ..

[بودحوم]

ممكن تتفق مع شركات تمولك والكل بالاخير بيستفيد والارباح تتقاسم

مرحبا والله يابوحمد

مافيه حالياً مشكلة في التمويل .

وعرض علي أحد الأخوان في المنتدى الله يجزيه بالخير بمساعدتي في التمويل
عن طريق بنك التنمية بصفته عضو باحدى اللجان المشرفة على القروض الزراعية .

أولاً ودي يكون المشروع بدون قروض .
وأن الله كتب له النجاح أن شاء الله . ورأيت أنه يحتاج لتوسعه سأفكر بالتمويل أن شاء الله

[قناص الخليج]

أولاً أشكرك اخوي قناص الخليج على الرسالة والأقتراحات اللي فيها

- فكرة المزارع السمكية ماخطرت ببالي أبداً ولا أعرف عنها أي شئ
ولا ادري عن أحتياجاتها . ولكن بعد أقتراحك بحثت عنها و جدت مواضيع كثيره وبتفاصيل دقيقة
والفكرة تستحق الأهتمام وتحتاج دراسة أكثر .

وسؤالي لك : هل توجد في قطر مزرعة أسماك يمكن زيارتها ومشاهدتها على الطبيعة ؟


- تربية وانتاج الماشية . أنا ماشي فيها بخطوات بطيئة وفي هذا الوقت بدأت بالمرحلة الأولى
وهي جمع وشراء الأنواع المطلوبة . والله يكتب اللي فيه الخير .

- أما الدواجن . الفكرة موجوده من زمان وقمت بالفعل بإنشاء عدد 2 من العنابر الخاصة بالتربية . ولكن توقفت عنها الفترة الماضية ولم أكملها ( بسبب التركيز على زراعة الخضروات )
بالرغم من وجود جميع أحتياجات العنابر عندي في المزرعة .
وكانت لي نية للسفر للصين لشراء أقفاص . أو ماتسمى عند مربي الدواجن ( بطاريات الأنتاج )

وهذي صورة العنابر وهي عبارة عن بيت زراعي قسمته إلى قسمين . كل قسم 9*20متر وبارتفاع 3,20م
وستلاحظ في الصوره غرفة قديمة وساستغلها بعد صيانتها وتركيب السيراميك فيها لمكائن التفريخ أن شاء الله

http://www.m5zn.com/uploads/2010/3/3/photo/xfs8svzs.jpg


وبإذن الله سأكمل المشروع في الفترة القادمة

وأشكرك مره ثانية أخوي العزيز قناص الخليج
والله يوفقك أن شاء الله


هلا اخووي

الله يوفقك

المزارع السمكية قليله بقطر ويمكن تكون معدوده على الاصابع
في مزرعه بعد محطة ابو نخله لاحد الشباب القطرين وبالشيحانية اعتقد في مزرعه

وما شاء الله مشروع ناجح

ويمكن انتاج اطنان شهريا

على فكره تكاليفها قليله وانتاجها ماشاء الله ممتاز

[Salim_Ghanim]

ما شاء الله تبارك الله .... شفت موضوع مزرعتك وتعجبت من أن شغلها تعبان وأنا معاك أن التسويق هو المشكلة ولكن تأكد أخوي أن لكل مشكلة حل وقد يكون الحل سهل وبسيط وجدامك ولكن سبحان الله ما نشوفه

اخوي ولا تهون طرشلي رقمك على الخاص

[بودحوم]

هلا اخووي

الله يوفقك

المزارع السمكية قليله بقطر ويمكن تكون معدوده على الاصابع
في مزرعه بعد محطة ابو نخله لاحد الشباب القطرين وبالشيحانية اعتقد في مزرعه

وما شاء الله مشروع ناجح

ويمكن انتاج اطنان شهريا

على فكره تكاليفها قليله وانتاجها ماشاء الله ممتاز

الله يوفقنا وياك أن شاء الله

ومشكوور ياقناص الخليج على الأهتمام

[بودحوم]

ما شاء الله تبارك الله .... شفت موضوع مزرعتك وتعجبت من أن شغلها تعبان وأنا معاك أن التسويق هو المشكلة ولكن تأكد أخوي أن لكل مشكلة حل وقد يكون الحل سهل وبسيط وجدامك ولكن سبحان الله ما نشوفه

اخوي ولا تهون طرشلي رقمك على الخاص

سبحان الله

شيك الخاص أخوي

[بوشاهين2]

الله يبارك لك فيها .. أخوي أقدر أعطيك فكره وأنا أمجربها وأتخليك تستفيد على مدار السنه بس يبيلك عنايه متواصله .. وشييك ع الخاص.

[بودحوم]

الله يبارك لك فيها .. أخوي أقدر أعطيك فكره وأنا أمجربها وأتخليك تستفيد على مدار السنه بس يبيلك عنايه متواصله .. وشييك ع الخاص.

ويبارك لك في حياتك أن شاء الله يابوشاهين .

في أنتظار الخاص

[بوشاهين2]

أخوي بودحوم إذا بغيت أي أستفسار طرشلي رقمك ع الخاص .. وبالنسبه للفكره أنا لين يومك شغال عليها وصارلي 12 سنه والحمدلله .

[بودحوم]

أخوي بودحوم إذا بغيت أي أستفسار طرشلي رقمك ع الخاص .. وبالنسبه للفكره أنا لين يومك شغال عليها وصارلي 12 سنه والحمدلله .

الله يجزيك الخير يابوشاهين

الفكره أكثر من ممتازه وإذا لاحظت في أحد الردود أنها مهب غايبه عني

والفكره ممكن يستفيد منها أي واحد وتكون له مدخول إضافي .

ياليتك والله تطرح موضوع خاص يستفيد منه الأعضاء ويدعون لك أن شاء الله
ويستفيدون من خبرتك الطويله .

أتمنى جاد أنك تنزل موضوع

وشيك على الخاص ..

[تغلبية]

مرحبا أختي تغلبية

أول شي أشكرج على هالأفكار والأقتراحات الطيبة


أختي :
بالنسبة لأصناف الخضراوات الخاصة بجنوب شرق اسيا ماعندي أي فكره عنها .
ياليت تعطيني أسماء بعض هذه الخضروات اللي ممكن زراعتها عندنا ومصدرها
لأن الفكره فعلاً ممتازه وتستحق الأهتمام .
أما الزراعة العضوية
فهي بصراحة صعبة . لا الجو ولا نوعية التربة تساعد على الزراعة العضوية
وحاولت بعض المزارع والشركات الكبيره اللي راس مالها عشرات الملايين
وعندهم مهندسين بالعشرات والعمال بالمئات . ورغم ذلك ماقدروا .


وأما عن التعاقد مع مؤسسات الدولة
تحتاج توفير المنتج طوال السنة وبدون أنقطاع
وبصراحة صعبة علي أنتج طول السنه . الجو عندنا صعب جداً في الصيف
والدليل هذي السنه أنقطعت بعض المنتجات حتى في الدول اللي كانت تورد لقطر
مثل الأردن ولبنان
وهذا الشي اللي تسبب في رفع أسعار بعض المنتجات ووصولها لأسعار لأول مره توصل لها
والسنوات الجاية راح تكون أصعب .

وأشكرج مره ثانية اختي تغلبية على الأهتمام والأقتراحات

الله يحييك اخوي

بالنسبة لهذا النوع من الخضراوات .. والله ماعندي ادنى فكرة بس لان مرة كنت في اجتماع وكان فيه حديث جانبي من احد المتواجدين يتكلم فيه عن تجربة راعي مزرعة .. خلا الهنود اللي عنده يزرعون خضرتهم كتجربة .. ونجحت معاهم .. طلعوا منها بــ 50 الف ريال! وهالكلام من سنين ... فمابالك الحي وخاصة مع كم العمالة الاجنبية واللي تحتاج هذا النوع من الانتاج !

فانت يبي لك مشتل زراعات جانبية تجريبية ... تجرب فيه اصناف من هالخضار حتى لو تاخذها من السوق نفسه وتضمن الاصناف الجيدة من الرديئة ... وتزرع وتراقب الانتاج وانت تقرر الاصلح طبعا مع المهندس الزراعي.

سوقنا يحتاج التنوع وبما ان عندك الامكانيات وماشاءالله عليك جاد في الموضوع .. لابد يكون لك خط شغل يميزك عن غيرك .. لان البقاء دائماً للافضل .. والله ويفتحها بوجهك

[العمراني]

اخوي بو دحوم السلام عليكم
انا ما عندي مزرعة لكن قريب لي كانت عنده مزرعة ومأجرها على بنغاليين وكانوا ما يزرعون الا الخضروات الورقية وكانوا ينزلون السوق يوميا" سيارة متسوبيشي مليانة يعني كانوا مركزين على الكمية وكان دخلهم كبير لكن بصراحة يشتغلون بالمزرعة من الفجر الى المغرب ومجابلين المحصول بالرعاية والرش والسماد
وكانوا مثل ما اذكرت الاخت "تغلبية " يزرعون الخضروات الورقية الاسيوية والظاهر انهم يشترون البذور من بلادهم وتطلع عليهم رخيصة
فانا اقترح انك تشوفلك مزارع بنغالي تخلية يستلم المزرعة وتعطية نسبة من الربح بس عليك توفر له فيزا حق عمال من بنغلاديش

هذا اللي جاء على بالي والله يرزقك ويبارك لك في مزرعتك ولا تنسى زكاة المزرعة اذا بلغت النصاب ودار الحول علشان تحل البركه فيها
وسلامتك

[تغلبية]

بحثت لك شوي في النت عن خضار شرق آسيا ..
يقولك الخضار الصينية ممكن تزرعها في أي مكان !
ولقيت لك تجربة الزراعة للصينين في السودان كفكرة !
http://forum.zira3a.net/entry.php?b=133



وبالنسبة للأصناف :

Pak Choi أو Pok Choy
http://www.jungleseeds.com/images/PakChois.jpg


Baby Carrots
http://healthtipswebsite.com/images/groceries/baby-carrots.jpg


Baby Eggplant
http://www.dreamstime.com/baby-eggplants-thumb2012807.jpg


Chinese Pea Pods
ذيه يموتون عليه الصينين والفلبينيين وكل اصحاب العيون الممغوطة :D
http://www.supplierlist.com/photo_images/179102/Frozen_pea_pod.jpg


وطلب البذور مب صعب اما عن طريق الشركات .. او دايركت اون لاين.


.................................................. .....................


في فكرة رابعـــة دام عندك صوب ..
عندك مجال تدخل في نباتات الزينة وتحديداً الشتلات الصغيرة واللي تزهر بسرعة وتستمر مثل الونكا وغيرها ..
طبعاً في الدوحة في مزرعة كبيرة لرجل اعمال معروف وهو ماخذ مناقصة شوارع الدولة ..
مادري هل سوق نباتات الزينة يتعرض لنفس منافسة الخضار اولا
لكن انا بنفسي رحت مزرعة هالرجال .. والله يزيده ويبارك له .. شغله تمام
كل العملية ايدي عاملة وبذور مقدور عليها والات وصوب .... والانتاج من احسن مايكون... والربح بالملايين !!



فكرة خامسة ..
يمدحون نباتات الزراعة النسيجية .. من حيث الجودة والاكثار ..
وماشاءالله في مزارع نخل في الامارات شغلها اكثار نسيجي وانتاجها السنوي مغطي الامارات وواصلنا الدوحة ... والجودة ممتازة ..
مشغلين عندهم عمالة فلبينية الراتب على 1500 ريال بس .. والانتاج بالــ 200 الف فسيلة في السنة ..!!

[البركان]

والله ياخوك انا عندى مزرعه بالكويت وجربت الزراعه وللامانه التسويق فى ظل غياب الدعم الحكومى صعب جدا جدا

فانت تعلم الاحوال الجويه واحتمال ان يتعرض المحصول الى صقيع او تلف وهذا كله خساره

فقررت بعد هذه الخسائر الى الاتجاه الى تاجير المزرعه كمنتزه عائلى يومى

تم توزيع المزرعه الى 3 اقسام وكل قسم مجهز بالكامل من سكن والعاب وحمام سباحه وتم عمل دعايه كامله للمزرعه والحمد لله التاجير اليومى أفضل من الزراعه (فى ظل غياب الدعم الحكومى )

وهنا لايوجد مصاريف عمال ولابذور ولاسماد ولا مبيدات ولا مهندسين

ماتحتاج الا عدد 2 عمال والباقى ربح

أسأل مجرب ولاتسأل طبيب

[بودحوم]

اخوي بو دحوم السلام عليكم
انا ما عندي مزرعة لكن قريب لي كانت عنده مزرعة ومأجرها على بنغاليين وكانوا ما يزرعون الا الخضروات الورقية وكانوا ينزلون السوق يوميا" سيارة متسوبيشي مليانة يعني كانوا مركزين على الكمية وكان دخلهم كبير لكن بصراحة يشتغلون بالمزرعة من الفجر الى المغرب ومجابلين المحصول بالرعاية والرش والسماد
وكانوا مثل ما اذكرت الاخت "تغلبية " يزرعون الخضروات الورقية الاسيوية والظاهر انهم يشترون البذور من بلادهم وتطلع عليهم رخيصة
فانا اقترح انك تشوفلك مزارع بنغالي تخلية يستلم المزرعة وتعطية نسبة من الربح بس عليك توفر له فيزا حق عمال من بنغلاديش

هذا اللي جاء على بالي والله يرزقك ويبارك لك في مزرعتك ولا تنسى زكاة المزرعة اذا بلغت النصاب ودار الحول علشان تحل البركه فيها
وسلامتك

وعليكم السلام ورحمة الله وبركاته

جزاك الله خير يالعمراني . الحمدلله وبفضله أني أدفع الزكاة وأمور كثيره بيني وبين الرزاق جل جلالة . والله يجزينا وأياك الخير أن شاء الله ..

ياخوي فيني عقده من البنغاليين :)
والله ماينقع فيهم مهما سويت لهم . ولا أتعامل معاهم إلا أن اكون مجبر ..

وعن زراعة المنتجات الورقيه . في الفترة الأخيره ركزت عليها في احدى المساحات الخارجية
وبالفعل مدخولها لأبأس به . وهذا بيخليني أزيد المساحة المزرعه بالورقيات .
بس في كل الأحول زراعة المحميات مجدية أكثر .

والف شكر لك ياخوي العمراني ..

[بودحوم]

ماشاء الله عليج أختي تغلبية
عز الله أنج ماقصرتي .




بحثت لك شوي في النت عن خضار شرق آسيا ..
يقولك الخضار الصينية ممكن تزرعها في أي مكان !
ولقيت لك تجربة الزراعة للصينين في السودان كفكرة !
http://forum.zira3a.net/entry.php?b=133



قريت وأعجبتني قصة الصيني ونجاحة في السودان
وقصة نجاحه فيها دروس كثيره .





وبالنسبة للأصناف :

Pak choi أو pok choy
http://www.jungleseeds.com/images/pakchois.jpg


baby carrots
http://healthtipswebsite.com/images/groceries/baby-carrots.jpg


baby eggplant
http://www.dreamstime.com/baby-eggplants-thumb2012807.jpg


chinese pea pods
ذيه يموتون عليه الصينين والفلبينيين وكل اصحاب العيون الممغوطة :d
http://www.supplierlist.com/photo_images/179102/frozen_pea_pod.jpg

وطلب البذور مب صعب اما عن طريق الشركات .. او دايركت اون لاين.

خليت المهندس يشوف الصور . وخبرته الأن 16 سنه
سنتين عندي . و14 سنه في أكبر شركة زراعية في قطر . وذكر لي أنواع كثيره يمكن زراعتها للأسيويين .
وتكلمنا عن البذور . وقالي أنها موجوده في بعض الشركات المحلية ولكن جودتها ليست عاليه
وحالياً يجمع معلومات عن الشركات الثقه وطريقة التواصل معهم .




في فكرة رابعـــة دام عندك صوب ..
عندك مجال تدخل في نباتات الزينة وتحديداً الشتلات الصغيرة واللي تزهر بسرعة وتستمر مثل الونكا وغيرها ..
طبعاً في الدوحة في مزرعة كبيرة لرجل اعمال معروف وهو ماخذ مناقصة شوارع الدولة ..
مادري هل سوق نباتات الزينة يتعرض لنفس منافسة الخضار اولا
لكن انا بنفسي رحت مزرعة هالرجال .. والله يزيده ويبارك له .. شغله تمام
كل العملية ايدي عاملة وبذور مقدور عليها والات وصوب .... والانتاج من احسن مايكون... والربح بالملايين !!


عرفت الرجال اللي تقصدينه . والله ومليوووون نعم فيه ( رجل خير بمعنى الكلمة )
وزرته في المزرعه مرتين .
بالنسبه لزراعته في الخضروات . يعاني مايعاني منه كل المزارعين . ولكن بسبب خبرته الطويله في هذا المجال وكثرة العمال اللي عنده . وقرب مزرعته من الدوحة . يمكن تكون معانته أقل من غيره

ولكنه يعوض عن طريق مشروع ( اللاند سكيب ) وهو مشروع زراعة الزهور و الورود وأشجار الزينه . ولا يوجد له منافس في هذا المجال .

ومثل ماذكرتي هو مستلم تزيين الشوارع في قطر ومستلم عدة مشاريع ضخمه
الله يوفقه أن شاء الله ويبارك له .

الفكره موجوده عندي . والصوب أيضاً موجوده وللحين ماركبتها . وقلت بانفذها مغامره . لادراسة جدوى ولاهم يحزنون بس ماعندي المهندس المختص حالياً .







فكرة خامسة ..
يمدحون نباتات الزراعة النسيجية .. من حيث الجودة والاكثار ..
وماشاءالله في مزارع نخل في الامارات شغلها اكثار نسيجي وانتاجها السنوي مغطي الامارات وواصلنا الدوحة ... والجودة ممتازة ..
مشغلين عندهم عمالة فلبينية الراتب على 1500 ريال بس .. والانتاج بالــ 200 الف فسيلة في السنة ..!!

هذي الفكره بحد ذاتها مشروع لحاله
وتحتاج مختبر ومهندسين مختصين

وعندنا تجربةعلى مستوى بسيط . قام بها المهندس بدون لا أطلب منه
ونجح فعلاً . والحين يزرع السور كامل من تجربته الناجحه . بس للأسف سوى التجربة
على شجر ( الكينا كاربس ) ...

أشكرج مره ثانية اختي التغلبية وبارك الله فيج ويجزيج الخير أن شاء الله
على جهودج الطيبه ...

[بودحوم]

والله ياخوك انا عندى مزرعه بالكويت وجربت الزراعه وللامانه التسويق فى ظل غياب الدعم الحكومى صعب جدا جدا

فانت تعلم الاحوال الجويه واحتمال ان يتعرض المحصول الى صقيع او تلف وهذا كله خساره

فقررت بعد هذه الخسائر الى الاتجاه الى تاجير المزرعه كمنتزه عائلى يومى

تم توزيع المزرعه الى 3 اقسام وكل قسم مجهز بالكامل من سكن والعاب وحمام سباحه وتم عمل دعايه كامله للمزرعه والحمد لله التاجير اليومى أفضل من الزراعه (فى ظل غياب الدعم الحكومى )

وهنا لايوجد مصاريف عمال ولابذور ولاسماد ولا مبيدات ولا مهندسين

ماتحتاج الا عدد 2 عمال والباقى ربح

أسأل مجرب ولاتسأل طبيب

يامرحبا والله يالبركان

الله يعينا وياكم أن شاء الله .

سمعت قبل أسبوعين عن أحتجاج المزارعين في الكويت . وقيامهم بتوزيع منتجاتهم مجاناً
على المواطنين أحتجاجاً على نقل السوق الخاص بالمنتجات المحلية وعلى معاناتهم بسبب المنتجات المستوردة .

وعن فكرة تقسيم وتأجير المزرعة . هذا الشئ غير وارد نهائياً .
وخصوصاً أنها بالنسبة لي وللأهل ( ليست مجرد مزرعة ):)

[تغلبية]

باااااااك .... كيفت عالموضوع :nice:


فكرة سادسة ..

يمدحون بابونج قطر .. وهو ينبت بشكل طبيعي في ريضان الشمال ..
وبعد العشرج اللي ينبت في ريضان الشيحانية ..

كخطة مستقبلية لو يكون عندك قسم من المزرعة لزراعة النباتات البرية .. وتحاول تكون الاصناف الجيدة المرغوبة للشركات الدوائية خارج قطر ..

يعني كخطة استراتيجية لما تلقى لك شركة أدوية او شركة كيمياويات راح تشتري انتاجك .. والانتاج مايكلف كثير وخاصة الماي لانها نباتات برية واحتياجاتها قليلة.
وممكن كبداية تزرع وتسوق انتاجك بشكل بسيط في قطر ..
شوف المردود شلون بيكون ؟




الفكرة السابعة ...

قالك ... شركات الزقاير في العالم هي أكبر مصنع للولاعات !!!! ..
يعني يصنع الزقارة من صوب .. ويصنع اللي يشبها من صوب ثاني ودهنهم فمكبتهم !

بنفس النظرية .. اذا انت ودك تسوق انتاجك .. لابد يكون لك خطة تسويق .. تتمثل في شركة استيراد وتصدير لانتاجك..
يعني تبتدي تدخل في عقود توريد .. ومنها يكون انتاجك يمشي .. واللي مازرعته تستورده من مزارع محليه او من الخارج ..

ومن هذي الشركة تقدر تقدم خدمات جديدة في السوق ..

منها .. الشبرة المتنقلة ... يعني سيارة الثلاجة الكبيرة .. اللي تدور على الناس في البيوت .. بدال الناس ماتروح للخضار او الشبرة ..
الشبرة تجيهم لي عندهم .. بمحصول امس واليوم ...
وهذي -حسب علمي- موجودة في الكويت

ومنها .. ممكن يكون في خط ساخن ..
يعني اللي يبي من الاهالي تجيه السيارة لي عنده يحجز موعد اذا كانت الطلبية كبيرة
وممكن البيت العود الواحد يشتري له وبيوت عياله او جيرانه ..يعني البيع نسبياً بيكون بالجملة ..

يعني بيكون شغلك .. في الحقل ..
وشغل تسويقي اداري بحت في المكتب

وان شاءالله تكون الفكرة وصلتك .. انا طرحتها وماعرف القوانين بتسمح او لا
والله يوفقك أخوي

[بودحوم]

باااااااك .... كيفت عالموضوع :nice:


فكرة سادسة ..

يمدحون بابونج قطر .. وهو ينبت بشكل طبيعي في ريضان الشمال ..
وبعد العشرج اللي ينبت في ريضان الشيحانية ..

كخطة مستقبلية لو يكون عندك قسم من المزرعة لزراعة النباتات البرية .. وتحاول تكون الاصناف الجيدة المرغوبة للشركات الدوائية خارج قطر ..

يعني كخطة استراتيجية لما تلقى لك شركة أدوية او شركة كيمياويات راح تشتري انتاجك .. والانتاج مايكلف كثير وخاصة الماي لانها نباتات برية واحتياجاتها قليلة.
وممكن كبداية تزرع وتسوق انتاجك بشكل بسيط في قطر ..
شوف المردود شلون بيكون ؟



مرمحبا بأم الأفكار تغلبية

ماشاء الله عليج أختي

الفكرة السادسة صعبه من نواحي كثيرة



الفكرة السابعة ...

قالك ... شركات الزقاير في العالم هي أكبر مصنع للولاعات !!!! ..
يعني يصنع الزقارة من صوب .. ويصنع اللي يشبها من صوب ثاني ودهنهم فمكبتهم !

بنفس النظرية .. اذا انت ودك تسوق انتاجك .. لابد يكون لك خطة تسويق .. تتمثل في شركة استيراد وتصدير لانتاجك..
يعني تبتدي تدخل في عقود توريد .. ومنها يكون انتاجك يمشي .. واللي مازرعته تستورده من مزارع محليه او من الخارج ..

ومن هذي الشركة تقدر تقدم خدمات جديدة في السوق ..

منها .. الشبرة المتنقلة ... يعني سيارة الثلاجة الكبيرة .. اللي تدور على الناس في البيوت .. بدال الناس ماتروح للخضار او الشبرة ..
الشبرة تجيهم لي عندهم .. بمحصول امس واليوم ...
وهذي -حسب علمي- موجودة في الكويت

ومنها .. ممكن يكون في خط ساخن ..
يعني اللي يبي من الاهالي تجيه السيارة لي عنده يحجز موعد اذا كانت الطلبية كبيرة
وممكن البيت العود الواحد يشتري له وبيوت عياله او جيرانه ..يعني البيع نسبياً بيكون بالجملة ..

يعني بيكون شغلك .. في الحقل ..
وشغل تسويقي اداري بحت في المكتب

وان شاءالله تكون الفكرة وصلتك .. انا طرحتها وماعرف القوانين بتسمح او لا
والله يوفقك أخوي


الفكرة وصلت أختي

واقدر الخصها بالتالي . ( مع أستبعادي لفكرة السيارة المبردة أو المحل المتجول ) ..

- فتح شركة أو مؤسسة أستيراد . وأستيراد أنواع الخضروات والفواكه بالإضافة إلى منتجات المزرعة .

وأضيف من عندي
- فتح محل شبيه بـ ( اللبنانية ) أو ( ستراند ) اللي في المرخية يلقى فيه الزبون كل أحتياجاته من الخضروات والفواكه وحتى اللحوم .

هذي الفكره أعتقد والعلم عند الله هي الأنجح لعدة أسباب


1- السلع أو المنتجات المعروضه منتجات أستهلاكية ومطلوبة بشكل يومي
2- الأستفادة المنتجات المستوردة
3- منفذ بيع مهم لمنتجات المزرعة من المحاصيل الزراعية . واللحوم ( قريباً أن شاء الله )
الفكره مثل ماقلت والله العالم أنها ناجحه خصوصاً إذا توفقت بموقع جيد للمحل .

بس المشكله يقولون راعي البالين كذاب

الحين عندى بفضل الله وبالأفكار اللي أنطرحت هنا منك ومن الأخوان . عدة خيارات بدأت في البعض منها
وجاري التفكير بهدؤ في الأفكار الآخرى . بحيث يكون العمل كله مرتبط ببعضه أن شاء الله .

[وحش قطر]

والله كفو عليك لين متى واحنا نستورد كل شي من برع

اتمنى الله يوفقك وشوف يوم من الايام محلك عند بيتنا وانا اشتري منه حتى لوكان غالي

[بودحوم]

والله كفو عليك لين متى واحنا نستورد كل شي من برع

اتمنى الله يوفقك وشوف يوم من الايام محلك عند بيتنا وانا اشتري منه حتى لوكان غالي

الله يوفقنا وياك ياوحش . والله يجزيك الخير

وأن شالله تشوف مايسرك أن شاء الله ..

[مضارب جديد]

والله ياخوي اني مريت بنفس تجربتك

و اشعر بمعاناتك : فالزراعة ليست كأي نشاط آخر في الحياة بل انها جزء من الحياة

مشكلتك : كل ما تنجح اكثر بتخسر اكثر (بتستغرب من كلامي لكن اذا راجعت نفسك بتلقى كلامي صحيح)

الزراعة في قطر مالها الا الله سبحانة وتعالى ، وحب المزارعين : اما المسؤولين فلا تعليق

نصيحتي لك ( من شخص يحبك في الله و مر بنفس التجربة ) :

احسن حل : بيع المزرعة و استفيد من راسمالها (وهذا حل يكرهه أي شخص يعمل بالزراعة)

الحل الثاني : ركز على المنتجات ذات اعلى ربحية و وقف باقي الانتاج (يمكن تقول ما تفرق بس اذا حسبتها بالاكسل شيت بتجمع مبلغ و في السنة بتفرق كثير)
خفض العمالة للحد الادنى (افضل العمال مع المهندس فقط)
اصنع لك (اسم تجاري) غلف منتجاتك بإسم المزرعة و على كل ثمرة ان امكن : الناس تدفع اكثر في الجودة.
ابتعد عن الاشجار (النخل بيعة احسن) لأنها تخسرك بدون ما تحس . ركز على الخضار و المنتجات الرابحة.


اسأل الله عز وجل ان يطرح لك البركة في مالك و حلالك و يعلم الله اني فرحت لما شفت اهل قطر بهذا المستوى

[qatar1111]

وعليكم السلام ورحمة الله وبركاته ،،

ما شاء الله تبارك الله

والله يوفقك

[بودحوم]

والله ياخوي اني مريت بنفس تجربتك

و اشعر بمعاناتك : فالزراعة ليست كأي نشاط آخر في الحياة بل انها جزء من الحياة

مشكلتك : كل ما تنجح اكثر بتخسر اكثر (بتستغرب من كلامي لكن اذا راجعت نفسك بتلقى كلامي صحيح)

الزراعة في قطر مالها الا الله سبحانة وتعالى ، وحب المزارعين : اما المسؤولين فلا تعليق

نصيحتي لك ( من شخص يحبك في الله و مر بنفس التجربة ) :

احسن حل : بيع المزرعة و استفيد من راسمالها (وهذا حل يكرهه أي شخص يعمل بالزراعة)

مرحبا اخوي مضارب جديد

والله ياخوي فكرة بيع المزرعة غير موجوده نهائياً
حتى لو ألغى فكرة الزراعة .





الحل الثاني : ركز على المنتجات ذات اعلى ربحية و وقف باقي الانتاج (يمكن تقول ما تفرق بس اذا حسبتها بالاكسل شيت بتجمع مبلغ و في السنة بتفرق كثير)
خفض العمالة للحد الادنى (افضل العمال مع المهندس فقط)
اصنع لك (اسم تجاري) غلف منتجاتك بإسم المزرعة و على كل ثمرة ان امكن : الناس تدفع اكثر في الجودة.
ابتعد عن الاشجار (النخل بيعة احسن) لأنها تخسرك بدون ما تحس . ركز على الخضار و المنتجات الرابحة.
)


[color="blue"][size="4"]من غرائب سوقنا أن مافيه منتج معين تقدر تركز وتعتمد عليه
ومن تجربة السنتين اللي بدأت فيها بالتسويق .
لقيت أن أي منتج ممكن يرتفع فجأة والمنتج اللي أنت مركز عليه طايحة قيمته
( وأن كانت لفترات محدودة )

أما النخيل أنا معك

لأنه فعلاً ماخذ المساحة الأكبر من المزرعة وبدون فايدة
يعني لو أستغل المساحة في زراعة خس و ورويد :) بتكون الفايدة أكبر


اسأل الله عز وجل ان يطرح لك البركة في مالك و حلالك و يعلم الله اني فرحت لما شفت اهل قطر بهذا المستوى )

الله يجزيك الخير على دعوتك الطيبة ويوفقك أن شاء الله

[بودحوم]

وعليكم السلام ورحمة الله وبركاته ،،

ما شاء الله تبارك الله

والله يوفقك


جزاك الله خير ياخوي qatar1111

ويبارك لك في حياتك ويوفقك أن شاء الله

[منتهى الحكمة]

الله يوفق لك يارب ويطرح في زرعك الخير والبركة ويطعمكم من خيره ويكفيكم شره..ونصيحة من القلب لك ترى مزرعتك ماشاء الله ماعليها كلام بس حاشها الحسد .. كل ماتدخل زرعك قول (( ماشاء الله لاقوة إلا بالله )) زرعك بالنسبه لك هو جنتك فأذكر الله عليها . بسم الله الرحمن الرحيم .. ولولا إذ دخلت جنتك قلت ماشاء الله لاقوة إلا بالله ..صدق الله العظيم .

[بودحوم]

الله يوفق لك يارب ويطرح في زرعك الخير والبركة ويطعمكم من خيره ويكفيكم شره..ونصيحة من القلب لك ترى مزرعتك ماشاء الله ماعليها كلام بس حاشها الحسد .. كل ماتدخل زرعك قول (( ماشاء الله لاقوة إلا بالله )) زرعك بالنسبه لك هو جنتك فأذكر الله عليها . بسم الله الرحمن الرحيم .. ولولا إذ دخلت جنتك قلت ماشاء الله لاقوة إلا بالله ..صدق الله العظيم .

جزاك الله خير يامنتهى الحكمة

وبارك الله فيك


بس بشرني . أن شاء الله توفقت مع الرجال ؟؟؟

[Ghroor]

بسم الله ما شاء الله ، الله يبارك لك فيها ويعطيك كل خيرها
أخوي أنا اقترح تجرب زراعة الفطر
سهلللة جداً وغير مكلفة، حتى أتوقع ممكن تُزرع على نشارة الخشب
يعني الفطر عليه إقبال شديد سواء من المواطنين أو المقيمين
مع إن سعره غالي، تقريباً البوكس الصغير فيه عشر حبات بـ 8 إلى 10 ريالات
وأول ما ينزل للخمس ريالات أو ستة -وهذا نادر- الكل يصير يشتري
جربه في مساحة صغيرة وإن شاء الله ما تندم
أتمنى كل التوفيق

[بودحوم]

بسم الله ما شاء الله ، الله يبارك لك فيها ويعطيك كل خيرها
أخوي أنا اقترح تجرب زراعة الفطر
سهلللة جداً وغير مكلفة، حتى أتوقع ممكن تُزرع على نشارة الخشب
يعني الفطر عليه إقبال شديد سواء من المواطنين أو المقيمين
مع إن سعره غالي، تقريباً البوكس الصغير فيه عشر حبات بـ 8 إلى 10 ريالات
وأول ما ينزل للخمس ريالات أو ستة -وهذا نادر- الكل يصير يشتري
جربه في مساحة صغيرة وإن شاء الله ما تندم
أتمنى كل التوفيق


هلا بك والله يا Ghroor

ياخوي لاتغتر بالأسعار في السوق

وبعطيك بعض الأمثله :

1- أنت تشتري مثلاً كيلو الخيار بـ 6 ريال .

هل تعتقد أن المزارع باع الكيلو بـ 3 أو 4 ريال ( مثلاً ) و وصل إليك بـ 6 ريال ؟؟

تأكد أن التاجر أشترى الصندوق اللي فيه تقريباً 7 كيلو بـ 10 أو 12 ريال بالكثير .

يعني هو يشتري الكيلو أقل من ريالين ويبيعه بـ 6 ريال . واللي يتعب ويزرع وينتظر شهرين
حتى موعد الحصاد . مايستفيد مثل التاجر اللي قاعد وحاط رجل على رجل .

2- أحد المزارعين القطرين
ينتج أجود أنواع الفراوله وبدون مبالغه أفضل من بعض المستورد

هل تصدق أنه يبيع العلبه سعة 250 أو 300 جرام . يبيعها بـ 1,5 ( ريال ونصف )
وتباع في الأسواق بـ 7 ريال و 8 ريال .

يعني السعر اللي أنت تشتريه من السوق أقل مما تتصور من اللي وصله امزارع للسوق .

أتمنى الفكره وصلت أخوي Ghroor

وأشكرك على مرورك الطيب ..

[وحش قطر]

اخوي بشر ان شاء الله امورك طيبه

انت شجعتني على الزراعه في البيت وحاب نصيحتك

شنو افضل وقت للزراعه المنزليه البسيطه

وشنو تقترح ازرع كبدايه

[منتهى الحكمة]

جزاك الله خير يامنتهى الحكمة

وبارك الله فيك


بس بشرني . أن شاء الله توفقت مع الرجال ؟؟؟
مايجي منك إلا الخير ماعرفت ليش أدعي لك وانصحك من القلب لأني كلمت الرجال وما قصر . ترى على فكرة الصور اللي حطيتها عن مزرعتك في بداية الموضوع شجعتني ازرع في بيتي .

[البركان]

شرايك تشتغل بالثيل الاسترالى

أنــــا أشتغلت فيه وفيه منفعه ممتازه

تزرع كل المزرعه ثيل استرالى وتبيعه رووول


الثيل هو اللى يستخدمونه بملاعب الانديه وأنا على أستعداد أنى أنقله لك من الكويت وكله بحسابه أنت شوف كم سعره بقطر وأنا أجيبه لك أرخص منهم شتـــــــبى بعد

وتصريفه سهل جدا جدا

[بودحوم]

اخوي بشر ان شاء الله امورك طيبه

انت شجعتني على الزراعه في البيت وحاب نصيحتك

شنو افضل وقت للزراعه المنزليه البسيطه

وشنو تقترح ازرع كبدايه


مرحبابك ياوحش قطر

الحمد لله على كل حال

بالنسبة للزراعة المنزلية . شي حلو أنك تزرع في البيت

يعني إذا عندك مساحة فاضية تقدر تستغلها بزراعة بعض الخضروات
وحتى الطعم راح يختلف عندك عن اللي تشتريه من السوق .

وهذا الوقت تقريباً أفضل وقت للزراعة وتقدر تزرع كل شي تقريباً .

وأي مساعده أنا حاضر إذا نويت تزرع أن شاء الله .

[بودحوم]

مايجي منك إلا الخير ماعرفت ليش أدعي لك وانصحك من القلب لأني كلمت الرجال وما قصر . ترى على فكرة الصور اللي حطيتها عن مزرعتك في بداية الموضوع شجعتني ازرع في بيتي .

تستاهل والله يامنتهى الحكمة
وتوكل على الله أزرع في البيت وراح تستغني عن السوق ( في بعض المنتجات ) ولو لفتره
محدوده . وأنا حاضر في أي مساعدة .

وبالتوفيق أن شاء الله

[بودحوم]

شرايك تشتغل بالثيل الاسترالى

أنــــا أشتغلت فيه وفيه منفعه ممتازه

تزرع كل المزرعه ثيل استرالى وتبيعه رووول


الثيل هو اللى يستخدمونه بملاعب الانديه وأنا على أستعداد أنى أنقله لك من الكويت وكله بحسابه أنت شوف كم سعره بقطر وأنا أجيبه لك أرخص منهم شتـــــــبى بعد

وتصريفه سهل جدا جدا


هلا والله يالبركان

ممكن توضيح أكثر

يعني عندك جاهز للتسويق . ولا تقصد أني أزرعه عندي
وكيف حكمت على أن تصريفه سهل ؟
خصوصاً أن ربعنا مايعتمدون إلا على شركات متخصصه في زراعة المسطحات الخضراء

وبالتأكيد الجوده هي اللي تحكم واللي أعرفه أن مشكلة الدود في هالنوع من الزراعة مشكله مش بسيطة .
وبالنسبة للأسعار . كم للمتر المربع ؟

[gamal503]

اكسب شيء وافضل شيء فعلا المياه المعدنية

[البركان]

هلا والله يالبركان

ممكن توضيح أكثر

يعني عندك جاهز للتسويق . ولا تقصد أني أزرعه عندي
وكيف حكمت على أن تصريفه سهل ؟
خصوصاً أن ربعنا مايعتمدون إلا على شركات متخصصه في زراعة المسطحات الخضراء

وبالتأكيد الجوده هي اللي تحكم واللي أعرفه أن مشكلة الدود في هالنوع من الزراعة مشكله مش بسيطة .
وبالنسبة للأسعار . كم للمتر المربع ؟

اسمع طال عمرك انا راح اشرح لك اللى عندى بالكويت


مزرعه مساحتها 50 الف متر مزروعه بالكامل ثيل

تكلفة الزراعه من الى بحدود 30 الى 40 الف دينار كويتى

وعندنا بالكويت كل أربع شهور يتم قص الثيل رول ويتم بيعه مباشره ومن ثم يتم تسميد الارض بالتربه والسماد

وهكذا كل اربع شهور يتم قص الثيل ومن بعد يتم التسميد

يعنى بالسنه 3 قصات

سعر متر الثيل = 250 فلس بدون نقل وزراعه

سعر متر الثيل = 750 فلس مع النقل والزراعه


يعنى أذا بعته وهو بمكانه يطلع لى سنوى مايلى

250. × 40 الف = 10000 الالاف دينار بالقصه الواحده

10000×3 = 30000 الف سنوى

اذا بعته مع النقل والزراعه يطلع لى سنوى

750. × 40 الف = 30000 الف دينار بالقصه الواحده

30000 × 3 = 90000 الف دينار سنوى


طبعا المزرعه مساحتها 50 الف ولكننى احسب لك على 40 الف لاحتمال وجود توالف


واذا لك خاطر تجى الكويت وأنا على استعداد تام أن اجعلك ترى المزرعه وطريقة البيع والطرق الاخرى وكيفيه الاستفاده من التوالف وطريقة النقل والزراعه واجعلك خبير درجه اولى بهذا النوع من الزراعه واعتقد أن قطر مقبله بقوه على زراعة الثيل


طبعا النوع الممتاز يفرض نفسه وطريقة الزراعه الاوليه وطريقة وضع المرشات للماء وقوة العقله

العقله هى البذره الاولى

بخصوص الدود كما تعلم ان هناك ادويه تعالج هذا الامر والثيل يحتاج كميه من اليوريا ويحتاج الى ماء كثير


بالكويت يسقى الثيل من البئر الموجود بالمزرعه وهو عالى الملوحه


وصدقنى ان الشركات هى اللى راح تاخذ منك المحصول وذلك لحاجتها وللطلب المستمر

بالكويت اذا الشركه استلمت الامر هى اللى تسمد وتحش وتعيد التسميد يباع بسعر 100فلس المتر


انا قلت بالاول طريقة التاجير


والان شرحت لك الطريقه الثانيه


وغير هالطريقتين سوف تدخل بالخساره لان الزراعه بدون دعم من الحكومه تعتبر خساره والسوق تمت السيطره عليه من قبل دول أخرى وتجــــــار لديهم القدره على تحطيم اى مشروع زراعى داخل الخليج

أزرع أى شئ مايطلع عندهم

[بودحوم]

اكسب شيء وافضل شيء فعلا المياه المعدنية

والله ياخوي جمال

كنت مشتط للفكرة لدرجة ماتصورها
ولكن مالقيت التشجيع ولعدم خبرتي في الموضوع . الغيت الفكره


وتسلم على مرورك الطيب ..

[بودحوم]

اسمع طال عمرك انا راح اشرح لك اللى عندى بالكويت


مزرعه مساحتها 50 الف متر مزروعه بالكامل ثيل

تكلفة الزراعه من الى بحدود 30 الى 40 الف دينار كويتى

وعندنا بالكويت كل أربع شهور يتم قص الثيل رول ويتم بيعه مباشره ومن ثم يتم تسميد الارض بالتربه والسماد

وهكذا كل اربع شهور يتم قص الثيل ومن بعد يتم التسميد

يعنى بالسنه 3 قصات

سعر متر الثيل = 250 فلس بدون نقل وزراعه

سعر متر الثيل = 750 فلس مع النقل والزراعه


يعنى أذا بعته وهو بمكانه يطلع لى سنوى مايلى

250. × 40 الف = 10000 الالاف دينار بالقصه الواحده

10000×3 = 30000 الف سنوى

اذا بعته مع النقل والزراعه يطلع لى سنوى

750. × 40 الف = 30000 الف دينار بالقصه الواحده

30000 × 3 = 90000 الف دينار سنوى


طبعا المزرعه مساحتها 50 الف ولكننى احسب لك على 40 الف لاحتمال وجود توالف


واذا لك خاطر تجى الكويت وأنا على استعداد تام أن اجعلك ترى المزرعه وطريقة البيع والطرق الاخرى وكيفيه الاستفاده من التوالف وطريقة النقل والزراعه واجعلك خبير درجه اولى بهذا النوع من الزراعه واعتقد أن قطر مقبله بقوه على زراعة الثيل


طبعا النوع الممتاز يفرض نفسه وطريقة الزراعه الاوليه وطريقة وضع المرشات للماء وقوة العقله

العقله هى البذره الاولى

بخصوص الدود كما تعلم ان هناك ادويه تعالج هذا الامر والثيل يحتاج كميه من اليوريا ويحتاج الى ماء كثير


بالكويت يسقى الثيل من البئر الموجود بالمزرعه وهو عالى الملوحه


وصدقنى ان الشركات هى اللى راح تاخذ منك المحصول وذلك لحاجتها وللطلب المستمر

بالكويت اذا الشركه استلمت الامر هى اللى تسمد وتحش وتعيد التسميد يباع بسعر 100فلس المتر


انا قلت بالاول طريقة التاجير


والان شرحت لك الطريقه الثانيه


وغير هالطريقتين سوف تدخل بالخساره لان الزراعه بدون دعم من الحكومه تعتبر خساره والسوق تمت السيطره عليه من قبل دول أخرى وتجــــــار لديهم القدره على تحطيم اى مشروع زراعى داخل الخليج

أزرع أى شئ مايطلع عندهم


والله ياطويل العمر إذا قارنتها بزراعة البرسيم

راح تشوف أن البرسيم مجدي أكثر من زراعة الثيل للأسباب التالية :

1- زراعة البرسيم تستمر معك على أقل تقدير 3 سنوات و تصل 5 سنوات حسب نوع البذور
وأتباع الطريقة الصحيحة للزراعة .

2- المتر يعطيك في الشتاء من 3 إلى 4 ريال ( كل أسبوعين ) و في الصيف يصل 12 ريال للمتر تقريباً ( حسب أسعار الصيف و الشتاء )
مع العلم بإن مساحة المزرعة عندي 80,000 متر مربع والمساحة اللي ممكن أزرعها
50,000 متر . لأن بقية المساحة تحتوى على المنشاءات والممرات ومساحة النخيل .

3- يمكن قص أو حش البرسيم مرتين في الشهر مقارنة بقص الثيل مره واحدة فقط كل 4 شهور ( وهنا يكون المردود المادي أكبر بعدة أضعاف )

4- ( التسويق ) وهذا هو الأهم
لأن البرسيم مطلوب طوال السنه وتسويقه سهل جداً بالنسبة لي .

5- أنا مقبل على تربية وأنتاج المواشي بإذن الله . وزراعة البرسيم ستوفر علي الكثير من تكاليف الصرف على الأعلاف

لذلك أشوف أن زراعة البرسيم أجدى و أسهل من زراعة الثيل .

سبب آخر يخليني أستبعد فكرة الثيل وهو أني زرت أحدى المزارع التي تزرع الثيل
وفهمت من صاحبها أنه ينوي أستغلال المساحة المزروعة بزراعة منتج آخر .

ويعطيك العافية اخوي البركان
والف شكر لك على تفاعلك الحلو .

[البركان]

الله يوفقك اخى الغالى

بما أنك أعتمدت زراعة البرسيم أذن عليك بالنوع الممتاز وغير مخلوط وأنا أسمع كلام عن نوعين الحجازى والعراقى

وأسال الله أن يسهل أمورك ويرزقك

للامانه أعجبتنى مزرعتك وأذا زرت قطر راح أجيك بمزرعتك

[بودحوم]

الله يوفقك اخى الغالى

بما أنك أعتمدت زراعة البرسيم أذن عليك بالنوع الممتاز وغير مخلوط وأنا أسمع كلام عن نوعين الحجازى والعراقى

وأسال الله أن يسهل أمورك ويرزقك

للامانه أعجبتنى مزرعتك وأذا زرت قطر راح أجيك بمزرعتك


أبركها من ساعة والله يالبركان
نتشرف بزيارتك طال عمرك في كل وقت ..

بالنسبة لنوعية البرسيم أكيد الحجازي هو الأحسن من كل النواحي .

[strong woman]

الله يوفقك أخوي ويرزقك الخير كله...أخوي كم تعطي سعر المزارع في الدوحه يعني لوبغيت أشتري مزرعه في حدود كم تكلفني؟؟؟وأنا أشوف في ناس يكبرون في المساحه بعد فتره هل هذا مسموح وعلى أي أسس؟؟وبالنسبه لدراسة المشروع وين أحصل أحد يساعدني فيها؟؟؟

والله يبارك لك ويزيدك من خيره...

[بودحوم]

الله يوفقك أخوي ويرزقك الخير كله...أخوي كم تعطي سعر المزارع في الدوحه يعني لوبغيت أشتري مزرعه في حدود كم تكلفني؟؟؟وأنا أشوف في ناس يكبرون في المساحه بعد فتره هل هذا مسموح وعلى أي أسس؟؟وبالنسبه لدراسة المشروع وين أحصل أحد يساعدني فيها؟؟؟

والله يبارك لك ويزيدك من خيره...

الله يوفقنا وياك أن شاء الله يا strong woman

أسعار المزارع تختلف حسب المساحة و الموقع ومحتويات المزرعه من مباني وتجهيزات وغيرها وحسب الأنواع المزروعة من أشجار وعددها .

اما موضوع التوسعة لازم عن طريق الديوان والمسأله صارت أصعب من السابق .

وبخصوص دراسة مشروع المزرعة ممكن تلقى إفادة من إدارة التنمية الزراعية
ولكن في الأخير السوق هو من يتحكم في في نجاحك من غيرة .


والله يوفقك أن شاء الله

[alpatros]

الله يوفقك اخوي منتجاتك حسب الصور ممتازه وتنافس في السوق حاول اخوي تتواصل مباشرة مع الفنادق والمطاعم الكبيره انك توفر لهم المنتجات اللى يحتاجونها وبسعر منافس وبامكانك دعوتهم لزيارة المزرعه علشان يكونون متاكدين ومرتاحين من الشخص اللى راح يتعاملون معاه والامكانيات اللى يمتلكها

موفق اخوي

[بودحوم]

الله يوفقك اخوي منتجاتك حسب الصور ممتازه وتنافس في السوق حاول اخوي تتواصل مباشرة مع الفنادق والمطاعم الكبيره انك توفر لهم المنتجات اللى يحتاجونها وبسعر منافس وبامكانك دعوتهم لزيارة المزرعه علشان يكونون متاكدين ومرتاحين من الشخص اللى راح يتعاملون معاه والامكانيات اللى يمتلكها

موفق اخوي

الله يوفقنا وياك اخوي alpatros

الفنادق والمطاعم وحتى المجمعات . ماينفعون
إذا جيتهم يحطون في بالهم أنك أنت محتاجهم لتسويق بضاعتك
ويبون يشترون من عندك بسعر على كيفهم . يستغلونك أبشع أستغلال

ومشكور يالغالي على مرورك الطيب ..