تعبت وأنا أدور يعني ليش يعني

[شاهين]

ماسك الوسيط وأحوس عند اللاند مارك واللولو ومدينة خليفه
الغرافه تعبت والله :weeping:
معقوله مافي أيجار فيلا بـ 10000 ليش يعني
واحد عارض أيجارفيلا بـ 11000 في مجمع عند اللولو
تواعدت معاه وشفت الفيلا وأعجبتني
الأخ جايب معاه 3 أقوله من هذولي يقولي أنا جايب الفيلا
من الشخص هذا والأخ جايب الفيلا من الشخص الثالث
يعني العموله تروح لثلاث أشخاص :eek5:
ومعاهم اللي ماسك المجمع بعد له عموله
يعني متفقين مثلاً :(
ولو عن طريق المالك كان أطلعت الفيلا أقل من الـ 11000
لاني سألت كم مؤجر في المجمع واحد قالي 9000 والثاني 10000
خاااطري أعرف أشلون وصلت لي بـ 11000











الظاهر بخيس في دواعيس بن عمران
لين أبني بيت العمر:weeping:

[strong pilot]

الله كريم ان شاء الله
والله يسهل أمورك
كثر الاستغفار وان شاء الله تنال اللي في خاطر

وتقبل تحيات أخوك فالله

[adell]

لا اخوي انت بدفع عمواله الي هي نصف شهر للشخص الي تتواصل وياه وهو حر يقسمها علي 10 او 50 بس بتعطي عمواله نصف شهر ما بتعطي عمواله لكل الموجودين

[La Bella]

ماسك الوسيط وأحوس عند اللاند مارك واللولو ومدينة خليفه
الغرافه تعبت والله :weeping:
معقوله مافي أيجار فيلا بـ 10000 ليش يعني
واحد عارض أيجارفيلا بـ 11000 في مجمع عند اللولو
تواعدت معاه وشفت الفيلا وأعجبتني
الأخ جايب معاه 3 أقوله من هذولي يقولي أنا جايب الفيلا
من الشخص هذا والأخ جايب الفيلا من الشخص الثالث
يعني العموله تروح لثلاث أشخاص :eek5:
ومعاهم اللي ماسك المجمع بعد له عموله
يعني متفقين مثلاً :(
ولو عن طريق المالك كان أطلعت الفيلا أقل من الـ 11000
لاني سألت كم مؤجر في المجمع واحد قالي 9000 والثاني 10000
خاااطري أعرف أشلون وصلت لي بـ 11000











الظاهر بخيس في دواعيس بن عمران
لين أبني بيت العمر:weeping:

أنطر يومين أنا شايفة فيلا مكانها حلو بس بجيب لك رقم راعيها وتواصل معاه أحسن لك
بلا جززززارين بلا عوار راس:rolleyes2:

[طير شلوى]

اخوي في عين خالد فيه فلل ب10000 ومش داخل مجمع منك لشارع
من يومين شايف اعلان عند مدرسه احمد بن محمد الثانويه

[نيسان قديم]

اخوي شاهين طرش رقمك على الخاص

[captin]

اخوي شاهين

انت حط اعلان تطلب فيه فيلا بسعر الايجار اللي تبيه بمواصفاتك والموقع المطلوب
وهم بيجونك يركضون نص فلل الدوحة مسكرة بس اللي لاعب في السوق
الدلالوة وياليت عمل منظم ومحترف ومتفرغ للشغلة
تلقاه ناطور مدرسة ولافراش في بلدية وعلى سيكل

الله يوفقك من صبر نال

[خبير عقاري]

صباح الخير

الكل يعرف ان سوق العقار صعب ومب كل شخص ينال الي يبيه وان صاحب العقار حاط وسيط لية خوف من الاحراج وتأكد ان الدلال مايكذب عليك ولكن كلامك صح لانكم تتعاملو مع الجنسيات الاخرى ؟؟؟يعطونكم معلومات غير صحيحه عليكم والله واحد اتصل لي وقال ان عنده عمارة وخاطرة فيها ولكن غالية وقلت وين مكانها قال في المنصورة قلت وريني اياها وراني اياها وصف العقار لي قلت موجود عندي من راعية ولا دلال ولا خرابيط كم معروض لك قال 25 مليون كلمت راعية قال 21 مليون وتواعدت معاه وخلصتها حق الرجال 18500000 اقل من السعر المعروض له لان االجنسيات الاخرى يتفقون مع صاحب العقار بسعر ولا يطلبون منه عموله يرفعون السعر عشان ياخذون 2 مليون يفكرون هل قطر على بنك بس يطلبون ويعطونهم اللي يبونه لكن الله يقوم في عونهم وبعد فترة اتصل الدلال على الشراي وقال وين عمولتي انا الي وريتك اياها ولي عموله ولي ؟؟؟؟؟؟ وباخذ حقي في المحكمة وبعدها اتصل الرجال لي وقلت له خل الدلال يتصل لي عشان اتفاهم معه اتصل الدلال وقلت مالك حق هذا سوق والرجل حر يشتري معك مع غيرك له الحرية مب مسجله باسمك في السجل وسكته وقلت له ان تكلمت معه لنا خطوات اخرى معك هذا ابن البلد وله الحريه ولكن للاسف بعض القطريين يثقون في الجنسيات الاخرى وهذا حال الدنيا والرزق من الله والله يوفق الجميــــــــــــــــــــع

[بويوسف]

اخوي اذا تبغي في الهلال راسلني على الخاص .. فيلا في مكان جيد ..