رساله : الي مطار الدوحه الدولي صالة القادمون الجديده ؟عشان امر من الشارع ادفع 2 ريال

[تاجر121]

بألأمس رحت استقبل واحد بالمطار وهو كان منزلينة من الصاله الجديدة
المهم وانا داخل بالسياره الي واجهتني بوابه لازم اقطع فيها كرت عشان اوصل حق بوابه القادمون واشيل الشخص من اهناك واشيل اغراضه استغربت من هاي الشي انا جاي ثواني مابي اوقف بالمواقف ايش له داعي اقطع الكرت
المهم سئلت شنو الموضوع حق السيكيورتي قالي شوف حبيبي راح تتدفع 2 ريال بس مسافات ما دخلت وشلت صديقك 4 ريال اذا تميت بالمواقف ؟
تعليقي انا مش عالمواقف
انا على 2 ريال الي ما تستفيد منها شي ومافي حمالي بعد يحمل لك الاغراض طيب مقابل ايش تاخذونها ؟؟؟
ايش هالقوانين العشوائيه
:omen2:

[الـقـاسـي]

بل بل عسى ماشر هذي سرقه علنيه ولا عمرها صارت ؟؟

[airbus]

غريبة الصراحه

وبتشوف السنة الجاية بتصير 4 ريال!!!

[الصريحه]

يبون يستفيدون منه ويردون الاموال اللي صرفتها الدوله عليه باسرع وقت

[R 7 A L]

ادفع ريالين وسيارتك تكون قريبة منك ولا تكون بعيدة منك

[تاجر121]

ادفع ريالين وسيارتك تكون قريبة منك ولا تكون بعيدة منك

مش سالفة قرب ولا بعد
اقول لك بس اتمر اتحمل وتمشي

[كازانوفا]

لا تستغرب من اي شي جديد يتم افتتاحه
لازم يعوضو الخساير

[مساهم عادي]

ارجو انه تكون هالريالين حل لمشكلة تكدس السيارات عند باب خروج المسافرين ...

[مستثمر 999]

رب ضارة نافعه

[airbus]

ارجو انه تكون هالريالين حل لمشكلة تكدس السيارات عند باب خروج المسافرين ...

وفي نفس الوقت يصير تكدس في الشارع الرئيسي :eek5:

[بوخالد911]

بل

تذكرت الشوارع والطرق الرئيسية الهااي وي بتركيا
كل اشووي يدفعوونك ضريبة الاستخدام

الله يعيينا بس

[Riku3]

دفعتها مرتين p: ..

وموضوع اول ربع ساعة اشتكت الناس عليه وايد لين ماتنفذ ، يعني هم عارفين الموضوع بس يجربون حظهم ويشوفون هل بتعدي على الشعب او بيشتكون مثل المره الي فاتت .. وصراحه تعبنا واحنا نشتكي من كل شي يرتبع ، خلاص صرنا شعب ومجتمع مغلوب على امره -__- .

[الخفي]

(( المطار حصاله كبيره بقياده السيد : اكبر الباكر ))

[صليب الراي]

كفو عليهم

رسوم رمزية ومن حقهم

[simsim1963]

لازم يطلعون المليار ريال المصروفه على صاله القدوم

[فريج النصر]

السلام عليكم ادفع ولماذا لاتدفع وشوكرا

[بوخالد911]

السلام عليكم ادفع ولماذا لاتدفع وشوكرا

ولماذا لا تكتب شكراً
بدلاً من : شوكرا

؟!؟!؟!؟!؟!

:eek5::eek5::eek5:

[شموع قطريه]

عادي صارت بلادنا بلاد الرسوم على كل شي ياخذون رسوم طفت من شارع اسباير ادفع رسوم دخلت المطار ادفع رسوم رحت سوق واقف ادفع رسوم بكره حتى اذا بتدخل سيارتك طبيلة بيتك بعد بيدفعونك رسوم .. ايش بيبقى من الراتب ؟؟ الله المستعان

[فريج النصر]

ولماذا لا تكتب شكراً
بدلاً من : شوكرا

؟!؟!؟!؟!؟!

:eek5::eek5::eek5:

السلام عليكم شكرا كثيرا اخوي الكريم وسوف اكتبها كذالك شكرا شكرا

[Rider]

الله يعين بس ياجماعه الي موقف سيارته صوب المغادرون شلون يوصلونك حق سيارتك هم قالوا التوصيل مجانا لكن هل هناك طريق محاذي المطار او بيطلعونا بكروة ويلف الدوحه لين يوصل المغادرون حد عنده فكره

[السيف5]

الجايات أكثر-----مش قطر أعلى دخل في العالم

[تاجر121]

قاعد افكر فاليوم الواحد كم وافد يوصل البلد وكم راكب على طياره قاعده توصل فاليوم وللعلم كل تقريبا 10 دقايق طياره او اقل
كم بيكون عدد ركابها
وكم سياره بتدخل وبتاخذ الي وووصلوووا وطبعا 2 ريال على كل سياره والركاب 500 شخص فرضا يعني كم بيكون مدخلوهم على ال 24 ساعه باليوم

[فريج النصر]

السلام عليكم انتموا لما تسافرون برع قطر ويدفعونكم رسوم لاتتكلمون وكل شي يكون زين فلماذا في قطر وشكرا

[Rider]

السلام عليكم انتموا لما تسافرون برع قطر ويدفعونكم رسوم لاتتكلمون وكل شي يكون زين فلماذا في قطر وشكرا

ياخوي هاي بلادنا ليش ندفع على كل شي واذا انت عندك خير غيرك ماعنده

[مستر بن]

الله المستعاان ..

[جينير]

اليوم في برنامج وطني الحبيب صباح الخير
متصل يشتكي
يقول كل يوم يوصل بنته موظفه في المطار ويجيبها
ويومياً يدفع 4 ريال

[حمد بن سعد]

بس اريالين ان لو من المسؤولين اخليها خمس اريال لاني على درايه ان دخل القطري اعلى دخل في العالم:anger1::anger1::anger1::anger1::anger1::ang er1::anger1:

[La Bella]

ماعندهم سالفة الصراحة
منشار طالع ماكل نازل ماكل

[تاجر121]

ماعندهم سالفة الصراحة
منشار طالع ماكل نازل ماكل

صدقتي والله

[لمعة الالماس]

كلنا عندنا فلوس

بس ندفع ريالين عشان خدمة شنو

لو كان في شارعين واحد مجاني والثاني بريالين بنقول معليه ندفع عشان خدمة افضل

لكن شارع واحد واجباري ولازم ادفع !! ليش عاد ؟

بصراحه ماعندهم سالفه

[بو فهد]

على فكرة محد يدفع الاالقطريين

المقيمين يوقفون سياراتهم في محطة بترول التيسير وعلى الشارع الرئيسي وعند مسجد بوبكر الصديق رضي الله عنة وعند عمارات الملاحة المسافة كلها ماتتعدى خمسين متر
ليش مانسوى مثلهم

[ZURICH]

قرار جرئ لتعويض التكلفه

[بوحارب]

الله المستعان من هالطمع

[أم غانم]

يا أخوي تقول ريالين وغيرك قال 4 ريال ..


أنا من 3 أيام راجعه من السفر وعن طريق المطار اليديد

دفعت 10 ؟ على شنو مادري ..


صرنا نمشي وندفع ..؟

[القيادة]

الله يهدي ربعنا

أذا في المانيا تمر وتاخذ رفيجك وأنت واقف في سيارتك

ولا تدفع ولا يورو.

[جوال 11]

أيش السبب في فتح صالة القادمين اليديدة والمطار اليديد بيجهز وإلا مثل ما نسمع أن المدرج نازل عن مستواه في البحر ويبغون يعوضون الخسارة في المطار اليديد .
أصبح كل مقاول ياخذ الفلوس ولا يكمل المشروع المكلف به .