المساعد الشخصي الرقمي

مشاهدة النسخة كاملة : اعترض وبشده على تسديد الديون !!!!!!!!!!


كاس العالم
23-12-2010, 04:29 PM
سبحان الله

اذا الدوله انقذت بعض الانديه الاوربيه من الديون بمقابل شراء اسهم النادي قلتو ماعليه ويقصد به شراء نادي مانشستر وجزء من نادي باريس سان جيرمان

اذا الدوله اشترت اسهم شركه بورش فولكس ويجن وانقاذها من الخساره قلتو ماعليه

اذا الدوله اشترت ثكنات تشيلسي الي خسرانيين فيها قلتو ماعليه

اذا الدوله اشترت اسهم شركات اتصالات في بعض الدول قلتو ماعليه

اذا الدوله تبرعت ببناء بعض المدن لبعض البلدان قلتو ماعليه

واذا الدوله تحط ميزانيات خياليه لدعم الرياضه قلتو ماعليه

وغيرهاا الكثير و الكثيرر

لكن اذا قلنا يسددون ديون اغلب هل قطر قلتو لا ليش يسددونها ,,,,, لين جات على هل قطر اعترضو البعض !!!!!!!!!

البعض بيقول تسديد الديون مافيه اي استثمار

وانا اقول يكفي ترد الروح لبعض هالمديونين الي مايعرفون ينامون الليل والسبه الديون


مثل ما الدوله تسوي كل هالمشاريع على الاقل يلتفتون للمواطن القطري شوي
غايه الطواش
23-12-2010, 04:33 PM
اللــــه كريـــم ...ويكفينا شر الحاسدين ....
طارق العلي
23-12-2010, 04:35 PM
http://www.alraimedia.com/Alrai/Resources/ArticlesPictures/2009/10/16/628e1e45-7ac5-4b5a-9f27-8d0dceb2c3b0_main.jpg


اخي الكريم ارفع عقالي لك . . بارك الله فيك وفي امثالك والله الكلام في الموضوع يطول شرحه ! !
البانوش
23-12-2010, 04:53 PM
اعترض وبشده على تسديد الديون !!!!!!!!!!


ياليتك تعترض على مستشفى حمد يوم طلبت كرسي متحرك لوالدي المريض بالقلب

طلبوا مني تامين 2500 ريال وانا ن مواطن من ذوي الدخل المحدود ومتقاعد

فاخبرتهم اني لااملك المبلغ فقالو عليك بذهاب الى الجمعيات الخيرية

فهل يرضيك مواطن يذهب يشحت وبلدة اغنى بلد في العالم

فياليتك اعترضت عليهم ولم تعترض على تسديد الديون عن اخوانك ابناء وطنك.


اللهم يافارج الهم افرجها علينا.
لاجل QT
23-12-2010, 04:57 PM
ايييييييييية اخوي كاس العالم..خلاها على ربك

صارت عندنا مناعة مكتسبة من اللا امل في تسديد الديون

اهم شي الصحة موجودة:)...وربك يدبرها
العقل الحر
23-12-2010, 05:05 PM
موضوع جميل

وتحياتي لك
سما الوطن
23-12-2010, 05:09 PM
سبحان الله

اذا الدوله انقذت بعض الانديه الاوربيه من الديون بمقابل شراء اسهم النادي قلتو ماعليه ويقصد به شراء نادي مانشستر وجزء من نادي باريس سان جيرمان

اذا الدوله اشترت اسهم شركه بورش فولكس ويجن وانقاذها من الخساره قلتو ماعليه

اذا الدوله اشترت ثكنات تشيلسي الي خسرانيين فيها قلتو ماعليه

اذا الدوله اشترت اسهم شركات اتصالات في بعض الدول قلتو ماعليه



وهل ما قامت به الدوله بغض النظر عن راي الشخصي بها كان بغرض تسديد ديون تلك الشركات وانقاذهم؟؟؟؟؟؟؟؟؟؟؟؟؟؟؟؟؟
مجرد احساس
23-12-2010, 05:13 PM
سبحان الله

اذا الدوله انقذت بعض الانديه الاوربيه من الديون بمقابل شراء اسهم النادي قلتو ماعليه ويقصد به شراء نادي مانشستر وجزء من نادي باريس سان جيرمان

اذا الدوله اشترت اسهم شركه بورش فولكس ويجن وانقاذها من الخساره قلتو ماعليه

اذا الدوله اشترت ثكنات تشيلسي الي خسرانيين فيها قلتو ماعليه

اذا الدوله اشترت اسهم شركات اتصالات في بعض الدول قلتو ماعليه
اذا الدوله تبرعت ببناء بعض المدن لبعض البلدان قلتو ماعليهواذا الدوله تحط ميزانيات خياليه لدعم الرياضه قلتو ماعليه

وغيرهاا الكثير و الكثيرر

لكن اذا قلنا يسددون ديون اغلب هل قطر قلتو لا ليش يسددونها ,,,,, لين جات على هل قطر اعترضو البعض !!!!!!!!!

البعض بيقول تسديد الديون مافيه اي استثمار

وانا اقول يكفي ترد الروح لبعض هالمديونين الي مايعرفون ينامون الليل والسبه الديون


مثل ما الدوله تسوي كل هالمشاريع على الاقل يلتفتون للمواطن القطري شوي


ياخي العزيز اعتقد في فرق كبير بين مشاريع اقتصادية اندية وغيرها
وبين مساعدات انسانية لدول فقيرة او حصل لها كوارث او حروب هذه الدولة لم تتعمد الحرب ولم تتعمد الكوراث والفيضانات
كاس العالم
23-12-2010, 05:16 PM
اللــــه كريـــم ...ويكفينا شر الحاسدين ....

الله كريم




http://www.alraimedia.com/alrai/resources/articlespictures/2009/10/16/628e1e45-7ac5-4b5a-9f27-8d0dceb2c3b0_main.jpg


اخي الكريم ارفع عقالي لك . . بارك الله فيك وفي امثالك والله الكلام في الموضوع يطول شرحه ! !

الله يرحم والديك

والله يفرجها ان شاء الله



ياليتك تعترض على مستشفى حمد يوم طلبت كرسي متحرك لوالدي المريض بالقلب

طلبوا مني تامين 2500 ريال وانا ن مواطن من ذوي الدخل المحدود ومتقاعد

فاخبرتهم اني لااملك المبلغ فقالو عليك بذهاب الى الجمعيات الخيرية

فهل يرضيك مواطن يذهب يشحت وبلدة اغنى بلد في العالم

فياليتك اعترضت عليهم ولم تعترض على تسديد الديون عن اخوانك ابناء وطنك.


اللهم يافارج الهم افرجها علينا.

جعل الوالد مايشوف شر ياخوي

وياليتك قريت الموضوع قبل لا تسرع في الرد وانا اخوك


ايييييييييية اخوي كاس العالم..خلاها على ربك

صارت عندنا مناعة مكتسبة من اللا امل في تسديد الديون

اهم شي الصحة موجودة:)...وربك يدبرها

الحمد لله الصحه موجوده ان شاء الله
بصمة قطرية
23-12-2010, 05:17 PM
الله يفرجهــا على الجميــــع ~
basma222
23-12-2010, 05:20 PM
المفروض خيرقطر للشعب القطري وبعدين للخارج.
Miss
23-12-2010, 05:21 PM
الله كريم :(
كاس العالم
23-12-2010, 05:21 PM
موضوع جميل

وتحياتي لك

الجميل مرورك ياخوي



وهل ما قامت به الدوله بغض النظر عن راي الشخصي بها كان بغرض تسديد ديون تلك الشركات وانقاذهم؟؟؟؟؟؟؟؟؟؟؟؟؟؟؟؟؟

لا ياخوي القصد الاستثمار

طيب مايجوز للدوله تستثمر في مواطنينها وانعاشهم !!



ياخي العزيز اعتقد في فرق كبير بين مشاريع اقتصادية اندية وغيرها
وبين مساعدات انسانية لدول فقيرة او حصل لها كوارث او حروب هذه الدولة لم تتعمد الحرب ولم تتعمد الكوراث والفيضانات

مجرد احساس بيض الله وجهك ياخوي

والله العالم اني كتبت هالكلام ونسيت اكتب ان الدوله مشكوره وهذا فعل خير

وانت عارف اني اقصد ان بعض الناس الي يعارضون على تسديد الديون وكلها في الاول والاخير فعل خير وهو تفريج كربه وانا اخوك
Busin Lover
23-12-2010, 05:25 PM
عندي سؤالين..

١- شالي خلاك تاخذ قرض و تدين من البنوك؟؟

هل من باب الكشخه؟؟ هل من باب الوناسه؟؟ هل من باب التجاره؟؟ هل من باب الزواج؟؟ هل من باب العلاج؟؟ هل من باب.....الخ؟؟

٢- اذا قلنا ان سددو ديونكم..حلوو

واحنا الي ما علينا شي ...؟! ايش موضوعنا.؟!

وشكرا..

^_^
كـاسـر الـصـنـم
23-12-2010, 05:32 PM
عــيــــن عــــذاري .....................
بوخالد 21
23-12-2010, 05:33 PM
من قال ان تسديد الديون مافي فايده او استثمار
الا فيه اكبر فايده واسثمار حق قطر
وشنهو اكبر من الاستثمار في المواطن القطري والأسرة القطرية والمجتمع القطري
الاسره القطرية والمواطنون عماد الوطن ودام عزك يا قطر باهلك وناسك
qatar1111
23-12-2010, 05:53 PM
عندي سؤالين..

١- شالي خلاك تاخذ قرض و تدين من البنوك؟؟

هل من باب الكشخه؟؟ هل من باب الوناسه؟؟ هل من باب التجاره؟؟ هل من باب الزواج؟؟ هل من باب العلاج؟؟ هل من باب.....الخ؟؟

٢- اذا قلنا ان سددو ديونكم..حلوو

واحنا الي ما علينا شي ...؟! ايش موضوعنا.؟!

وشكرا..

^_^


يالله

مافي حسد اكثر

الله يفكها عليك ويرزقنا من حيث لا نحتسب

ويضيقها في وجه الحاسد
الـقـاسـي
23-12-2010, 06:01 PM
سبحان الله الفلوس ماتصير خساره الا اذا صارت للمواطن ..

وحكومتنا اخر همها المواطن كل واحد همه كم يجمع ويشترون اماكن برى باسم الدولة وبحلال الدولة واذا جات لاهل قطر قالوا ميزانيه وتضخم ..

احنا عددنا بسيط لو كانت ربع ربع ثروه البلاد تتوزع على اهل قطر والله بيعيشون احسن عيشه لكن في ناس ياخذون مليارات وناس لها الفتات ..
كاس العالم
23-12-2010, 06:36 PM
الله يفرجهــا على الجميــــع ~

امين ان شاء الله


المفروض خيرقطر للشعب القطري وبعدين للخارج.

الاولويه لهل قطر وبعدها نشوف الي حولنا



الله كريم :(

يهون الجرح الاليم


عندي سؤالين..

١- شالي خلاك تاخذ قرض و تدين من البنوك؟؟

هل من باب الكشخه؟؟ هل من باب الوناسه؟؟ هل من باب التجاره؟؟ هل من باب الزواج؟؟ هل من باب العلاج؟؟ هل من باب.....الخ؟؟

٢- اذا قلنا ان سددو ديونكم..حلوو

واحنا الي ما علينا شي ...؟! ايش موضوعنا.؟!

وشكرا..

^_^


الله يسلمك ياخوي ترى الدعوه مب علشان انا ولا فلان مديون لا ياخوي

الدعوه ليش الاعتراض اذا قلنا ليش مايسددون ديون هل قطر

وفيه ناس ترى ياخذون ديون علشان عرس ولا بيت ولا علاج وفيه ناس حق تجاره

وسيارات وكشخه,,,,,حتى لو نفرض ذكرنا ليش مايخصصون مبلغ معين لكل المواطنين
يمكن بعد فيه ناس بتعترض !!!!


عــيــــن عــــذاري .....................

ايه والله عين عذاري


سبحان الله الفلوس ماتصير خساره الا اذا صارت للمواطن ..

وحكومتنا اخر همها المواطن كل واحد همه كم يجمع ويشترون اماكن برى باسم الدولة وبحلال الدولة واذا جات لاهل قطر قالوا ميزانيه وتضخم ..

احنا عددنا بسيط لو كانت ربع ربع ثروه البلاد تتوزع على اهل قطر والله بيعيشون احسن عيشه لكن في ناس ياخذون مليارات وناس لها الفتات ..

ايه والله يالقاسي صدقت

الله كريم
al_lord
23-12-2010, 06:41 PM
عندي سؤالين..

١- شالي خلاك تاخذ قرض و تدين من البنوك؟؟

هل من باب الكشخه؟؟ هل من باب الوناسه؟؟ هل من باب التجاره؟؟ هل من باب الزواج؟؟ هل من باب العلاج؟؟ هل من باب.....الخ؟؟

٢- اذا قلنا ان سددو ديونكم..حلوو

واحنا الي ما علينا شي ...؟! ايش موضوعنا.؟!

وشكرا..

^_^



تقول لله الحمد والمنه


ترانا نبي المطر الله يطول عمرك
R 7 A L
23-12-2010, 08:22 PM
دام فية ناس في قلوبهم حسد
ماراح تسدد الديون ولا يجينا الخير
Roooo7 Qtr
23-12-2010, 08:37 PM
الله يلعن الحاسديين ويغرقهم ديون
BigBrother
23-12-2010, 08:42 PM
قال تعالى :
{أَهُمْ يَقْسِمُونَ رَحْمَةَ رَبِّكَ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُم بَعْضًا سُخْرِيًّا وَرَحْمَتُ رَبِّكَ خَيْرٌ مِّمَّا يَجْمَعُونَ}

صدق الله العظيم


الحسد .... اعتراض على قضاء الله --- والعياذ بالله

بدل اللعن والتجريح ... ننصحه ونوضح له ما غفل عنه

الدين النصيحة يا اخوان
الكونجرس
23-12-2010, 09:54 PM
عندي سؤالين..

1- شالي خلاك تاخذ قرض و تدين من البنوك؟؟

هل من باب الكشخه؟؟ هل من باب الوناسه؟؟ هل من باب التجاره؟؟ هل من باب الزواج؟؟ هل من باب العلاج؟؟ هل من باب.....الخ؟؟

2- اذا قلنا ان سددو ديونكم..حلوو

واحنا الي ما علينا شي ...؟! ايش موضوعنا.؟!

وشكرا.
^_^

الله يرزقك بدين عشان ماتحسد اخوانك القطريين
كاس العالم
23-12-2010, 10:26 PM
تقول لله الحمد والمنه


ترانا نبي المطر الله يطول عمرك

الله يسامحه

لاهنت ياخوي



دام فية ناس في قلوبهم حسد
ماراح تسدد الديون ولا يجينا الخير

لا ان شاء الله فيهم الخير والبركه ويحبون اخوانهم وربعهم



الله يلعن الحاسديين ويغرقهم ديون


قول الله يهديهم وان شاء الله مافيه حاسدين يارب





قال تعالى :
{أَهُمْ يَقْسِمُونَ رَحْمَةَ رَبِّكَ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُم بَعْضًا سُخْرِيًّا وَرَحْمَتُ رَبِّكَ خَيْرٌ مِّمَّا يَجْمَعُونَ}

صدق الله العظيم


الحسد .... اعتراض على قضاء الله --- والعياذ بالله

بدل اللعن والتجريح ... ننصحه ونوضح له ما غفل عنه

الدين النصيحة يا اخوان

الله يجزاك خير ياخوي على المشاركه الطيبه
وبيض الله وجهك


الله يرزقك بدين عشان ماتحسد اخوانك القطريين

لا يالكونجرس قول الله يبعد عنه الديون وهمها
Busin Lover
23-12-2010, 11:06 PM
يالله

مافي حسد اكثر

الله يفكها عليك ويرزقنا من حيث لا نحتسب

ويضيقها في وجه الحاسد

هههههه اخووي مب حسد ولا شي الله يرزقكم ويانا

بس ما رديت ع السؤالين


دام فية ناس في قلوبهم حسد
ماراح تسدد الديون ولا يجينا الخير

رااح تتسدد اذا انتوا اهتميتوا بنفسكم

و ماقطيتوا نفسكم فالتهلكه

واتمنى الرد ع السؤالين



الله يلعن الحاسديين ويغرقهم ديون

هلااا بأخواانا الشيعــه

اخووي فكر قبل لا تلعن

لان اللعنه ترجع لصاحبها

وبترجع لك اللعنه كل ماحد قرا ردك باللعن ع الحسود

و اتمنى الرد ع السؤالين




قال تعالى :
{أَهُمْ يَقْسِمُونَ رَحْمَةَ رَبِّكَ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُم بَعْضًا سُخْرِيًّا وَرَحْمَتُ رَبِّكَ خَيْرٌ مِّمَّا يَجْمَعُونَ}

صدق الله العظيم


الحسد .... اعتراض على قضاء الله --- والعياذ بالله

بدل اللعن والتجريح ... ننصحه ونوضح له ما غفل عنه

الدين النصيحة يا اخوان


جزاااك الله خيــــر..أحســـنت

وضحوا لي ما غفلت عنه بالرد ع السؤالين



الله يرزقك بدين عشان ماتحسد اخوانك القطريين

الله يرزقني وياكم بالحلال الطيب

و انا ابي الخير لاخواني ... بس

الظاهر ان محد فيكم فهم قصدي بالرد

لان انا ودي اعرف شالي خلاكم تدينون من البنوك

و هالسؤال بيكون اول سؤال بتسألكم الحكومه اذا بغت تشيل الديون

و ليش انا و بيتنا و اهلي محد فينا متدين و الحمدلله عايشين

و الحال مستور

انا ما اقولك ان رصيدي فالبنك بالملاين

ولا راتبي فوق 30

بس الحمدلله ...

الحكومه موفره كل شي

ولا تنسون ان الحكومه عطت لكل قطري متزوج 2 مليون ريال

مليون 200 قرض و ارض تقريبا يسوى 800 الف

و الحمدلله ع كل حال..

و ع السؤال الثاني

القطري الي ما عليه ديون مثلي و مثل غيري ليش تمنعون عنه الي انتوا بتاخذونه

بهالكلام .... اظن ان عرفتوا من فينا الحسود

يعني من حق كل قطري ياخذ الي اخوانه القطرين بياخذونه

و حتى الجاهل الي عمره سنه

بعد نفس الشي

و انا اقترح بدل ما يشيلون الديون

ليش ما يدفعون مبلغ وقدره لكل قطري و هو يتصرف فيه

فـ اتمنى انكم تفكرون من كل النواحي و ما تاخذكم العاطفه

و ربي يكتب الي فيه خير

ولحد يزعل مني و من كلامي

ويعطيك العافيه (كاس العالم) ع الكلام الطيب

^_^
كاس العالم
23-12-2010, 11:14 PM
http://store2.up-00.com/Dec10/JKF34988.jpg (http://www.up-00.com/)
بوحارب
23-12-2010, 11:17 PM
الله المستعان والله يفرجها على كل مديون ومالت على الحسّاد
Me&OnLy
23-12-2010, 11:29 PM
ربك يهونها وانا اشوفه مستحيل يسددون الديون لو فرضنا انه 10000 الف قطري دينه من مليون يصبح الناتج 10 مليار والباقي اللي هم 300 الف وين راحو هذي حسبة عشرة الألف بس اتوقع صعبه*
al_lord
24-12-2010, 12:56 AM
http://store2.up-00.com/Dec10/JKF34988.jpg


بصراحه يعجبني هذا الصحفي او رسام الكاركتير لانه لايخاف في الله لومة لآئم

ولانه يعبر عن نبض الشارع القطري بدون خوف

فجزاه الله خيرا وكثر الله من أمثاله وبيض الله وجهه

وياليت نرى من يمجد ويمدح يوميا وليلا نهارا للحكومه أن ينظر الى حال الشعب قبل الحكومه فلن يصبح

وزيرا ولا بيل غيتس بهذا المدح والتلميع !
الكونجرس
24-12-2010, 01:43 AM
احد الاخوان قال:
الحكومه الجزائريه سددت ديون الشعب
الأمارات سددت ديون الشعب وأسقطت ديون العراق
الكويت لما زاد الفائض في الميزانيه وزعت على كل من يحمل الجنسيه الكويتيه مبلغ مئتان دينار الصغير والكبير والمسجون ايضا.
سؤالي كالأتي:
1-هل حكومه الجزائر او حكومة الامارات احسن من حكومتنا؟
2-هل حكومة الجزائر والامارات تعرضت لأزمه مابعد التسديدوبالذلت البنوك؟
3-إذا مواطن مثل المانع ثروته بالمليارات إذاًً ثروت شيوخنا كم ووين زكاتهم مانحس فيها؟
4-هل حكومتنا تعي ان الدين يفكك المجتمع وينتج عنه اثار مدمره على المدى البعيد وخصوصا على الاطفال؟
6-ليش نشوف هنا فئة حسوده وليش هالفئة ماطلعت في الجزائر او الامارات او الكويت؟
ما أقول غير. رب العالمين موجود واتقوا يوماً تشخص فيه الأبصار ويوضع فيه الميزان ،ورحمه الله على عمر ابن الخطاب الذي كان يخشى على نفسه من مسأله شاه لماذا لم يرصف لها الطريق وهنا الارامل والمطلقات والمتقاعدين يأنون من غلاء المعيشه وتدني الدخل
ولا احنا فرحانين بكأس العالم وبقميص النادي الاسباني اسم قطر بيطلع للعالم وبعدين وبعدين هل الشعب مرتاااح
ahad
24-12-2010, 02:18 AM
*Busin Lover *

اخوي ترى كلاااااامك يحرررررر,, الي ايده بالماي مب مثل الي ايده بالنار

اخوي العود عليه مليونين ونص !!!!!

واخواني الصغار قريب المليووون !!!

السبب:
بيت قوووطي من قرض بنك التنمية الفاشل الغرف قواطي اسم بيت بس,والا ماينسكن
لا وسحبت له الولدة سلفية 15000 وزادت على القرض لان القرض مايكفي
, ومع الارباح احسبها

اعراس الدوحه مميزة في دول الخليج الواحد ينقص ظهره قص عشان تكاليف العرس من الاسعار النار

والا دولة مافيها الا 3 قاعات احتكارر’ليش السعودية اقرب مثال احلى احلى قاعه بحدود 25000 شاملة كل شي ,,

الوالد كان مديون وسحبو سلفيات عشان يسددون دينه ومع السيارات كملت السالفه,,

الحين من اول الشهر الوالدة تصرف عليهم وهم متزوجين ,,

حرام والله’’ الناس كان املهم ان يسددون الدين في اليوم الوطني ومع فرحه استضافة الكاس كهدية للشعب بس ,,شنقوووووووووووووول

الحمدالله على كل حال
Busin Lover
24-12-2010, 03:40 AM
*busin lover *

اخوي ترى كلاااااامك يحرررررر,, الي ايده بالماي مب مثل الي ايده بالنار

اخوي العود عليه مليونين ونص !!!!!

واخواني الصغار قريب المليووون !!!

السبب:
بيت قوووطي من قرض بنك التنمية الفاشل الغرف قواطي اسم بيت بس,والا ماينسكن
لا وسحبت له الولدة سلفية 15000 وزادت على القرض لان القرض مايكفي
, ومع الارباح احسبها

اعراس الدوحه مميزة في دول الخليج الواحد ينقص ظهره قص عشان تكاليف العرس من الاسعار النار

والا دولة مافيها الا 3 قاعات احتكارر’ليش السعودية اقرب مثال احلى احلى قاعه بحدود 25000 شاملة كل شي ,,

الوالد كان مديون وسحبو سلفيات عشان يسددون دينه ومع السيارات كملت السالفه,,

الحين من اول الشهر الوالدة تصرف عليهم وهم متزوجين ,,

حرام والله’’ الناس كان املهم ان يسددون الدين في اليوم الوطني ومع فرحه استضافة الكاس كهدية للشعب بس ,,شنقوووووووووووووول

الحمدالله على كل حال

هالرد الي كنت ابي اسمعه

عشان نبين ليش احنا مديونين و حالتنا صعبه

و ما يقولون ان احنا مديونين عشان الكشخه و الرفاهيه

نبي نوصلهم ان في غلاء و في احتكار من شركات

لقاعات افراح و سيارات و عقارات و غيرها

عشان يسهل ع الي يقرا انه يفهم الموضوع

و يسوي اللازم

ع العموووم

الله يووووفق اهلي اهل قطررر

و كتب لهم الي فيه خييييرررر

ياااااارب

^_^
عنابي 2010
24-12-2010, 04:51 AM
والله لوتكتبوا من اليوم لين 2022عن تسديد الديون ماتستفيدوا غير وجع القلب ياناس ياعالم انسوا موضوع تسديد الديون.كل وحد يسد ديونه والله يعوضيه خير
al_lord
24-12-2010, 05:22 AM
انا ولله الحمد والمنه علي دين بسيط لو بغيت اسدده في يوم واحد لسددته


وجدا بسيط جدا

ولكن تخيلوا أن يكون احدهم مدان 44 مليون ريال قطري
44 مليون بالكتابه أربع واربعه مليون ويتم تسديده من .......

تعتقدون الجمعيات الخيره !!!


والآخر يخسر 7 مليار !!

سبعه مليار

والله ماعرف اكتبها كم صفر:shy:


أتحمل مسؤوليتي كلامي وبالتقارير :(
XXX
24-12-2010, 05:27 AM
ماقول الا ياليتني لبناني
أخر الدنيا
24-12-2010, 07:11 AM
اذا سالت فسال اللة واذا استعنت فستعن باللة
اللهم اغننا بحلالك عن حرامك وبمعافاتك من عقوبتك
أخر الدنيا
24-12-2010, 07:12 AM
انا ولله الحمد والمنه علي دين بسيط لو بغيت اسدده في يوم واحد لسددته


وجدا بسيط جدا

ولكن تخيلوا أن يكون احدهم مدان 44 مليون ريال قطري
44 مليون بالكتابه أربع واربعه مليون ويتم تسديده من .......

تعتقدون الجمعيات الخيره !!!


والآخر يخسر 7 مليار !!

سبعه مليار

والله ماعرف اكتبها كم صفر:shy:


أتحمل مسؤوليتي كلامي وبالتقارير :(
معروف:nice::nice::nice:
محسن العجي
24-12-2010, 08:51 AM
بيض الله وجهك ياكاس العالم

وان شاء الله ربك بيفرجها

وحتى المعارضين الله بيهديهم ان شاء الله وبيحسون باخوانهم المديونيين
فريج النصر
24-12-2010, 09:24 AM
السلام عليكم اخوي هل انت حسود ولماذا تقول اعترظ وبشدة على تسديد الديون لماذا اانت هاكذا اخوي وهل بيظرك شيا ام بياخذون فلوسك وثانيا اريد ان اقول ان الفلوس هاذه تصرفها الحكومة على الاسثمتمارات في الخارج وهاذه بو مشعل عندهو حكمة في ذالك والحكومة تعرف ذالك انها لمصلحة دولتنا الحبيبة والفلوس تخرج بحكمة وشكرا
شموع قطريه
24-12-2010, 09:27 AM
انا كل ماشوف القضايا اي رافعينها البنوك وبيوت التمويل في الجرايد على الشباب القطريين ينكسر خاطري عليهم .. اكيد ماخذوا تمويل الا لانهم يبون يبتدون في مشروع يحسنون فيه معيشتهم ويستثمرونه لعيالهم لكن الحظ خانهم منهم اللي خسر في تجارته ومنهم اللي انصبوا عليه عيال الحرام ومنهم ومنهم .. والله اذا شفت اسامي عيال هل قطر في الجرايد اقول في نفسي مب المفروض فيه باب يطقونه الغارمين واصحاب الديون والمنكوبين من اهل قطر غير الجمعيات الخيريه وصندوق الزكاة ؟؟؟!!! بدل رفع القضايا عليهم وفضحهم بالجرايد !!! احنا في بلاد الخير وخير بلادنا مغطي مشارق الكره الارضيه ومغاربها .. زين هالخير مب من حق المواطنين انهم ينالون شي منه ؟؟ مب من حقهم انهم يفرحون بمبلغ محترم توزعه عليهم الحكومه لو مره في العمر يسددون فيه ديونهم ويحسنون من مستوى معيشتهم فيه ويستثمرون منه لهم ولعيالهم ؟؟ الله يرزق كل قطري كل خير ويبعد عنه شر الحاسدين ويرزق اميرنا بومشعل البطانه الصالحه اللي يكون قلبها على اهل قطر .. اللهم امين
العضو الماسي
24-12-2010, 12:15 PM
المشكله اذا أعترضت ولا أيدت (( محد داري عنك )) مافي أذان صاغيه تسمع ...
نور الإيمان
24-12-2010, 12:29 PM
لما سواها أبونا زايد وقط الديون والله فيه ناس كانوا معترضين بس لما صارت واقع كل الناس فرحت لأن اللي ماهو مديون ابن عمه مديون اخوه او صديقه وبالتالي مش شرط الخير يعم الكل مباشرة ممكن يعم الكل بس بشكل غير مباشر

أنا أعتقد أن أميركم ونعم الرجل . . لكن يمكن اللي يعملون معاه مايوصولن مطالباتكم . . وبعدين مااشوف الحماس الكبير

انا احب اشارك في المنتديات القطرية وماشوفهم يطرحون هالموضوع بقوة حتى يوصل واعتقد الشيخ حمد ماراح يقصر لو عرف انه مطلب شعبي


الله يفتح لكم ابواب الخير والنعمة يارب
عيون الدوحة
24-12-2010, 12:32 PM
الله كريم أن شاالله
وبو مشعل مايقصر مع الشعب أن شاالله
ahad
24-12-2010, 02:35 PM
ولكن تخيلوا أن يكون احدهم مدان 44 مليون ريال قطري
44 مليون بالكتابه أربع واربعه مليون ويتم تسديده من .......

تعتقدون الجمعيات الخيره !!!


والآخر يخسر 7 مليار !!

سبعه مليار

والله ماعرف اكتبها كم صفر


أتحمل مسؤوليتي كلامي وبالتقارير

ناس وناس يعني ؟




خلاص عاد لاحد يجيب طاري تسديد الدين والله موضوع يعور القلب
محسن العجي
25-12-2010, 03:02 AM
لما سواها أبونا زايد وقط الديون والله فيه ناس كانوا معترضين بس لما صارت واقع كل الناس فرحت لأن اللي ماهو مديون ابن عمه مديون اخوه او صديقه وبالتالي مش شرط الخير يعم الكل مباشرة ممكن يعم الكل بس بشكل غير مباشر

أنا أعتقد أن أميركم ونعم الرجل . . لكن يمكن اللي يعملون معاه مايوصولن مطالباتكم . . وبعدين مااشوف الحماس الكبير

انا احب اشارك في المنتديات القطرية وماشوفهم يطرحون هالموضوع بقوة حتى يوصل واعتقد الشيخ حمد ماراح يقصر لو عرف انه مطلب شعبي


الله يفتح لكم ابواب الخير والنعمة يارب



الله يرحمه ان شاء الله
ام السعف
25-12-2010, 03:45 AM
ايييييييييية اخوي كاس العالم..خلاها على ربك

صارت عندنا مناعة مكتسبة من اللا امل في تسديد الديون

اهم شي الصحة موجودة:)...وربك يدبرها

حلوة هذي مناعة مكتسبة d :
ام السعف
25-12-2010, 03:46 AM
المشكله اذا أعترضت ولا أيدت (( محد داري عنك )) مافي أذان صاغيه تسمع ...

واقع مؤلم :(
بن موسى
25-12-2010, 04:42 AM
طيب بالله عليكم اذا كان القرض في تاريخ 14/5/2009 = 4560000 والقسط 4560


كيف يكون في تاريخ 20/12/2010 = 462500 وبن راح كل اللي دفعتة وهو يساوي 86640 ريال

ومن المسوول عن حمايتنا من هذي السرقة في وضح النهار
qatari1
25-12-2010, 05:02 AM
طيب بالله عليكم اذا كان القرض في تاريخ 14/5/2009 = 4560000 والقسط 4560


كيف يكون في تاريخ 20/12/2010 = 462500 وبن راح كل اللي دفعتة وهو يساوي 86640 ريال

ومن المسوول عن حمايتنا من هذي السرقة في وضح النهار

هذه عاقبة الربا، والعياذ بالله.

أتق الله، وأطب مطعمك تكن مستجاب الدعوة.

أما حرب الله ورسوله، فهي إلى خسران، وذلٍ وانكسار.
شيط ويط
25-12-2010, 05:12 AM
طيب بالله عليكم اذا كان القرض في تاريخ 14/5/2009 = 4560000 والقسط 4560


كيف يكون في تاريخ 20/12/2010 = 462500 وبن راح كل اللي دفعتة وهو يساوي 86640 ريال

ومن المسوول عن حمايتنا من هذي السرقة في وضح النهار

اخوي القسط اللي قاعد تدفعه 4560 ريال .. جزء منه يروح للفائدة مالت القرض خلنا نقول 100 ريال .. والباقي يرجع في بطن القرض .. :rolleyes2:

يعني ينسحب منك قسط = 4560 ريال
الفائدة = 100 ريال
والمبلغ المتبقي من القسط = 4460 ريال يرجع في قيمة القرض
يعني يصير قرضك = 456000 + 4460 = 466960 ريال

وهكذا كل شهر لين نهاية السنه .. والسنه الثانية يزيد المبلغ اللي ينضاف ع الفايده .. بدال الـ 100 ريال مثلا 200 ريال ...إلخ

اتمنى حد يصحح لي المعلومة اذا كنت غلطان :rolleyes2:

وهذي هي لعبة البنوك الربوية .. والله يعينك عليها .. ويعين كل مسلم ابتلى فيها ..
بن موسى
25-12-2010, 05:56 AM
هذه عاقبة الربا، والعياذ بالله.

أتق الله، وأطب مطعمك تكن مستجاب الدعوة.

أما حرب الله ورسوله، فهي إلى خسران، وذلٍ وانكسار.

طيب انت اتق الله فيني ولا تزيد همي جزاك الله خير--
عندك طريقة تنقلني لبنك اسلامي على يدك ولك الاجر
رحت للمصرف طلب مني على شان يعطيني مبلغ اسدد القرض وانقل حسابي عندة ان ارهن لة عقار ويكون حر الملكية وانا ماعندي الا بيت شعبي مرهون للاسكان ورفضة

والثانية - قل الحكومتنا تتقي الله فينا وتتدخل لوقف لعب البنوك بنا واحنا لاحول لنا ولاقوة -ولا يشكون انا سوف ندخل النار الاعلى ظهورهم وهم قادتنا في الدنيا ونحن قادتهم في الاخرة يا يدخولنا الجنة يا يدخولون بسببنا النار وهو الاقرب
بن موسى
25-12-2010, 06:08 AM
اخوي القسط اللي قاعد تدفعه 4560 ريال .. جزء منه يروح للفائدة مالت القرض خلنا نقول 100 ريال .. والباقي يرجع في بطن القرض .. :rolleyes2:

يعني ينسحب منك قسط = 4560 ريال
الفائدة = 100 ريال
والمبلغ المتبقي من القسط = 4460 ريال يرجع في قيمة القرض
يعني يصير قرضك = 456000 + 4460 = 466960 ريال

وهكذا كل شهر لين نهاية السنه .. والسنه الثانية يزيد المبلغ اللي ينضاف ع الفايده .. بدال الـ 100 ريال مثلا 200 ريال ...إلخ

اتمنى حد يصحح لي المعلومة اذا كنت غلطان :rolleyes2:

وهذي هي لعبة البنوك الربوية .. والله يعينك عليها .. ويعين كل مسلم ابتلى فيها ..

يعني طال عمرك مهما سددت ماراح ينتهي القرض والحكومة تشاهد وراضية بالوضع ولاماتدري
طارق العلي
25-12-2010, 06:46 AM
السلام عليكم اخوي هل انت حسود ولماذا تقول اعترظ وبشدة على تسديد الديون لماذا اانت هاكذا اخوي وهل بيظرك شيا ام بياخذون فلوسك وثانيا اريد ان اقول ان الفلوس هاذه تصرفها الحكومة على الاسثمتمارات في الخارج وهاذه بو مشعل عندهو حكمة في ذالك والحكومة تعرف ذالك انها لمصلحة دولتنا الحبيبة والفلوس تخرج بحكمة وشكرا

فريج النصر ركز اخوي بالكلام انت قرأت العنوان وماشفت محتواه ( الموضوع ) ! !
وبعدين شف لنا حل مع اخطائك الأملائية . . صراحة تعبت منك . . ولو خيروني بين تسديد ديني او دفع مبلغ مليون ريال علشان يعطونك دروس خصوصية في تقوية الأملاء كان اخترت تسديد ديوني . .
basma222
25-12-2010, 07:17 AM
والله مواضيعكم عن الديون تعور القلب
همر
25-12-2010, 04:00 PM
ديون اهل قطر 13.1 مليار دولار حسب موقع ارابيان بزنس....

انا اقترح على احد الانديه العالميه يشتري ديون اهل قطر ومستعدين نحط "شعار" النادي على سياراتنا وسراويلنا ونصبغ بيوتنا بلون النادي بعد ويسمونه "الراعي الرسمي لاهل قطر"...
الكونت
25-12-2010, 09:57 PM
{...وَمَنْ يَتَّقِ اللَّهَ يَجْعَلْ لَهُ مَخْرَجًا *وَيَرْزُقْهُ مِنْ حَيْثُ لا يَحْتَسِبُ
وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لكل
شَيْءٍ قَدْرًا }
تعلقوا بالخالق واعلموا ان لارازق ولا نافع الا الله واسألوا الله من فضله
فأنه اذا اراد شيء ان يقول له كن فيكون سبحانه وتعالى.....
كاس العالم
26-12-2010, 11:14 AM
الله المستعان والله يفرجها على كل مديون ومالت على الحسّاد

الله المستعان يابوحارب وان شاء الله ربك بيفرجها


ربك يهونها وانا اشوفه مستحيل يسددون الديون لو فرضنا انه 10000 الف قطري دينه من مليون يصبح الناتج 10 مليار والباقي اللي هم 300 الف وين راحو هذي حسبة عشرة الألف بس اتوقع صعبه*

ان شاء الله لها طرريقه ثانيه لو يبون


http://store2.up-00.com/Dec10/JKF34988.jpg


بصراحه يعجبني هذا الصحفي او رسام الكاركتير لانه لايخاف في الله لومة لآئم

ولانه يعبر عن نبض الشارع القطري بدون خوف

فجزاه الله خيرا وكثر الله من أمثاله وبيض الله وجهه

وياليت نرى من يمجد ويمدح يوميا وليلا نهارا للحكومه أن ينظر الى حال الشعب قبل الحكومه فلن يصبح

وزيرا ولا بيل غيتس بهذا المدح والتلميع !

الله يوفقه ورسوماته ماهو الا واقع يعيشه اغلب مواطنين قطرر

لاهنت


احد الاخوان قال:
الحكومه الجزائريه سددت ديون الشعب
الأمارات سددت ديون الشعب وأسقطت ديون العراق
الكويت لما زاد الفائض في الميزانيه وزعت على كل من يحمل الجنسيه الكويتيه مبلغ مئتان دينار الصغير والكبير والمسجون ايضا.
سؤالي كالأتي:
1-هل حكومه الجزائر او حكومة الامارات احسن من حكومتنا؟
2-هل حكومة الجزائر والامارات تعرضت لأزمه مابعد التسديدوبالذلت البنوك؟
3-إذا مواطن مثل المانع ثروته بالمليارات إذاًً ثروت شيوخنا كم ووين زكاتهم مانحس فيها؟
4-هل حكومتنا تعي ان الدين يفكك المجتمع وينتج عنه اثار مدمره على المدى البعيد وخصوصا على الاطفال؟
6-ليش نشوف هنا فئة حسوده وليش هالفئة ماطلعت في الجزائر او الامارات او الكويت؟
ما أقول غير. رب العالمين موجود واتقوا يوماً تشخص فيه الأبصار ويوضع فيه الميزان ،ورحمه الله على عمر ابن الخطاب الذي كان يخشى على نفسه من مسأله شاه لماذا لم يرصف لها الطريق وهنا الارامل والمطلقات والمتقاعدين يأنون من غلاء المعيشه وتدني الدخل
ولا احنا فرحانين بكأس العالم وبقميص النادي الاسباني اسم قطر بيطلع للعالم وبعدين وبعدين هل الشعب مرتاااح

عقبال ما نفرح احنا بعد ان شاء الله


*Busin Lover *

اخوي ترى كلاااااامك يحرررررر,, الي ايده بالماي مب مثل الي ايده بالنار

اخوي العود عليه مليونين ونص !!!!!

واخواني الصغار قريب المليووون !!!

السبب:
بيت قوووطي من قرض بنك التنمية الفاشل الغرف قواطي اسم بيت بس,والا ماينسكن
لا وسحبت له الولدة سلفية 15000 وزادت على القرض لان القرض مايكفي
, ومع الارباح احسبها

اعراس الدوحه مميزة في دول الخليج الواحد ينقص ظهره قص عشان تكاليف العرس من الاسعار النار

والا دولة مافيها الا 3 قاعات احتكارر’ليش السعودية اقرب مثال احلى احلى قاعه بحدود 25000 شاملة كل شي ,,

الوالد كان مديون وسحبو سلفيات عشان يسددون دينه ومع السيارات كملت السالفه,,

الحين من اول الشهر الوالدة تصرف عليهم وهم متزوجين ,,

حرام والله’’ الناس كان املهم ان يسددون الدين في اليوم الوطني ومع فرحه استضافة الكاس كهدية للشعب بس ,,شنقوووووووووووووول

الحمدالله على كل حال

الحمد لله على كل حال

والله يعين


والله لوتكتبوا من اليوم لين 2022عن تسديد الديون ماتستفيدوا غير وجع القلب ياناس ياعالم انسوا موضوع تسديد الديون.كل وحد يسد ديونه والله يعوضيه خير

نحاول وكثر الدق يفج اللحام :anger1:


انا ولله الحمد والمنه علي دين بسيط لو بغيت اسدده في يوم واحد لسددته


وجدا بسيط جدا

ولكن تخيلوا أن يكون احدهم مدان 44 مليون ريال قطري
44 مليون بالكتابه أربع واربعه مليون ويتم تسديده من .......

تعتقدون الجمعيات الخيره !!!


والآخر يخسر 7 مليار !!

سبعه مليار

والله ماعرف اكتبها كم صفر:shy:


أتحمل مسؤوليتي كلامي وبالتقارير :(

لا حول ولا قوه الا بالله لو حد ثاني مسكين كان مصيره السجن واعدام يمكن :tease:


ماقول الا ياليتني لبناني

لا ان شاء الله


اذا سالت فسال اللة واذا استعنت فستعن باللة
اللهم اغننا بحلالك عن حرامك وبمعافاتك من عقوبتك

اللهم اغننا بحلالك عن حرامك وبمعافاتك من عقوبتك

بيض الله وجهك


بيض الله وجهك ياكاس العالم

وان شاء الله ربك بيفرجها

وحتى المعارضين الله بيهديهم ان شاء الله وبيحسون باخوانهم المديونيين

ووجهك ابيض وان شاء الله قلوبهم تلين على اخوانهم


السلام عليكم اخوي هل انت حسود ولماذا تقول اعترظ وبشدة على تسديد الديون لماذا اانت هاكذا اخوي وهل بيظرك شيا ام بياخذون فلوسك وثانيا اريد ان اقول ان الفلوس هاذه تصرفها الحكومة على الاسثمتمارات في الخارج وهاذه بو مشعل عندهو حكمة في ذالك والحكومة تعرف ذالك انها لمصلحة دولتنا الحبيبة والفلوس تخرج بحكمة وشكرا

الله يسامحك
كاس العالم
26-12-2010, 11:23 AM
انا كل ماشوف القضايا اي رافعينها البنوك وبيوت التمويل في الجرايد على الشباب القطريين ينكسر خاطري عليهم .. اكيد ماخذوا تمويل الا لانهم يبون يبتدون في مشروع يحسنون فيه معيشتهم ويستثمرونه لعيالهم لكن الحظ خانهم منهم اللي خسر في تجارته ومنهم اللي انصبوا عليه عيال الحرام ومنهم ومنهم .. والله اذا شفت اسامي عيال هل قطر في الجرايد اقول في نفسي مب المفروض فيه باب يطقونه الغارمين واصحاب الديون والمنكوبين من اهل قطر غير الجمعيات الخيريه وصندوق الزكاة ؟؟؟!!! بدل رفع القضايا عليهم وفضحهم بالجرايد !!! احنا في بلاد الخير وخير بلادنا مغطي مشارق الكره الارضيه ومغاربها .. زين هالخير مب من حق المواطنين انهم ينالون شي منه ؟؟ مب من حقهم انهم يفرحون بمبلغ محترم توزعه عليهم الحكومه لو مره في العمر يسددون فيه ديونهم ويحسنون من مستوى معيشتهم فيه ويستثمرون منه لهم ولعيالهم ؟؟ الله يرزق كل قطري كل خير ويبعد عنه شر الحاسدين ويرزق اميرنا بومشعل البطانه الصالحه اللي يكون قلبها على اهل قطر .. اللهم امين


هذا هو الحاصل لان اغلب الي ياخذون سلفيات او تمويل يا علشان زواج ولا بيت ولا سياره

يتواكب وتماشى مع العصرر

الله يعينهم


المشكله اذا أعترضت ولا أيدت (( محد داري عنك )) مافي أذان صاغيه تسمع ...

ياليت لو يسمعونا لو مره وحده بس


لما سواها أبونا زايد وقط الديون والله فيه ناس كانوا معترضين بس لما صارت واقع كل الناس فرحت لأن اللي ماهو مديون ابن عمه مديون اخوه او صديقه وبالتالي مش شرط الخير يعم الكل مباشرة ممكن يعم الكل بس بشكل غير مباشر

أنا أعتقد أن أميركم ونعم الرجل . . لكن يمكن اللي يعملون معاه مايوصولن مطالباتكم . . وبعدين مااشوف الحماس الكبير

انا احب اشارك في المنتديات القطرية وماشوفهم يطرحون هالموضوع بقوة حتى يوصل واعتقد الشيخ حمد ماراح يقصر لو عرف انه مطلب شعبي


الله يفتح لكم ابواب الخير والنعمة يارب

الله يرحمه فقيد الامه


الله كريم أن شاالله
وبو مشعل مايقصر مع الشعب أن شاالله

الله كريم وابو مشعل قدها ان شاء الله


ناس وناس يعني ؟




خلاص عاد لاحد يجيب طاري تسديد الدين والله موضوع يعور القلب

ايه والله يعور القلب لكن الي يعور القلب اكثر واكثر التماطل في شىء سهل



طيب بالله عليكم اذا كان القرض في تاريخ 14/5/2009 = 4560000 والقسط 4560


كيف يكون في تاريخ 20/12/2010 = 462500 وبن راح كل اللي دفعتة وهو يساوي 86640 ريال

ومن المسوول عن حمايتنا من هذي السرقة في وضح النهار

الله يعينكم ياهل البنوك الربويه احتديتو عليها وش الي يفككم منها

الله يصبركم وان شاء الله الدوله تنظر لكم





هذه عاقبة الربا، والعياذ بالله.

أتق الله، وأطب مطعمك تكن مستجاب الدعوة.

أما حرب الله ورسوله، فهي إلى خسران، وذلٍ وانكسار.



الله يبعدعنا الربا ان شاءالله

بيض الله وجهك
كاس العالم
26-12-2010, 11:28 AM
اخوي القسط اللي قاعد تدفعه 4560 ريال .. جزء منه يروح للفائدة مالت القرض خلنا نقول 100 ريال .. والباقي يرجع في بطن القرض .. :rolleyes2:

يعني ينسحب منك قسط = 4560 ريال
الفائدة = 100 ريال
والمبلغ المتبقي من القسط = 4460 ريال يرجع في قيمة القرض
يعني يصير قرضك = 456000 + 4460 = 466960 ريال

وهكذا كل شهر لين نهاية السنه .. والسنه الثانية يزيد المبلغ اللي ينضاف ع الفايده .. بدال الـ 100 ريال مثلا 200 ريال ...إلخ

اتمنى حد يصحح لي المعلومة اذا كنت غلطان :rolleyes2:

وهذي هي لعبة البنوك الربوية .. والله يعينك عليها .. ويعين كل مسلم ابتلى فيها ..


الله يعين ياشيخ كل يوم لهم حسبه واذا صدتهم على اللفه قالو لك ياخوي انت موقع على العقد

وشروطه كذا وكذا


طيب انت اتق الله فيني ولا تزيد همي جزاك الله خير--
عندك طريقة تنقلني لبنك اسلامي على يدك ولك الاجر
رحت للمصرف طلب مني على شان يعطيني مبلغ اسدد القرض وانقل حسابي عندة ان ارهن لة عقار ويكون حر الملكية وانا ماعندي الا بيت شعبي مرهون للاسكان ورفضة

والثانية - قل الحكومتنا تتقي الله فينا وتتدخل لوقف لعب البنوك بنا واحنا لاحول لنا ولاقوة -ولا يشكون انا سوف ندخل النار الاعلى ظهورهم وهم قادتنا في الدنيا ونحن قادتهم في الاخرة يا يدخولنا الجنة يا يدخولون بسببنا النار وهو الاقرب

حاول تنقل بنك اسلامي ابرك لك ولو تخلي المصرف يشتري لك شىء تقدر به مثل سياره ولا اسهم تبيعه وتسدد الي عليك وتنقل للمصرف



ديون اهل قطر 13.1 مليار دولار حسب موقع ارابيان بزنس....

انا اقترح على احد الانديه العالميه يشتري ديون اهل قطر ومستعدين نحط "شعار" النادي على سياراتنا وسراويلنا ونصبغ بيوتنا بلون النادي بعد ويسمونه "الراعي الرسمي لاهل قطر"...



13 مليار دولار ولا شىء من ميزانيه بلادنا الله يزيدها ان شاء الله


{...وَمَنْ يَتَّقِ اللَّهَ يَجْعَلْ لَهُ مَخْرَجًا *وَيَرْزُقْهُ مِنْ حَيْثُ لا يَحْتَسِبُ
وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لكل
شَيْءٍ قَدْرًا }
تعلقوا بالخالق واعلموا ان لارازق ولا نافع الا الله واسألوا الله من فضله
فأنه اذا اراد شيء ان يقول له كن فيكون سبحانه وتعالى.....

والنعم بالله ياخوي

بيض الله وجهك
الجزوع
26-12-2010, 11:28 AM
جزاك الله خير ع الموضوع ، بس وين اللي يفهم الحسد ماكل قلوبهم اللهم ياكافي ..
وسواء طلبنا وسواء اعترضوا المعترضين كله سيم سيم ، مافيه فآآآآآيده..

ومانقول الا جعل ربي يزينهااااا ..
سهيل قطر
26-12-2010, 11:37 AM
اللهم أغننا بحلالك عن حرامك

تسلم اخوي على الطرح

والله يفرجهاا على المديون ويززيل حسد اهل قطر والمسلمين ويكوونون يد واحده
وقلووبهم على بعض
بوخالد911
26-12-2010, 11:41 AM
الله يخلصكم من الديون
qatari1
26-12-2010, 12:01 PM
طيب انت اتق الله فيني ولا تزيد همي جزاك الله خير--
عندك طريقة تنقلني لبنك اسلامي على يدك ولك الاجر
رحت للمصرف طلب مني على شان يعطيني مبلغ اسدد القرض وانقل حسابي عندة ان ارهن لة عقار ويكون حر الملكية وانا ماعندي الا بيت شعبي مرهون للاسكان ورفضة

والثانية - قل الحكومتنا تتقي الله فينا وتتدخل لوقف لعب البنوك بنا واحنا لاحول لنا ولاقوة -ولا يشكون انا سوف ندخل النار الاعلى ظهورهم وهم قادتنا في الدنيا ونحن قادتهم في الاخرة يا يدخولنا الجنة يا يدخولون بسببنا النار وهو الاقرب

أخي الكريم...

هل استشرت أحدأ قبل الوقوع في حبائل الربا؟!

فعلت فعلتك، وأخذت قرضاً ربوياً، والآن تطالبني، وتطالب البنوك الإسلامية بالحل؟!

ولو قرأت عقود الربا الملعونة لوجدت أن من حق البنك(المرابي) أن يزيد الفائدة حسب سعر المصرف المركزي.

أخي الحبيب..

الحل أن تسدد أقشاطك أولاً بأول، لا تؤجل ولا تسوف حتى لا يزيد فرضك، وتنتهي منه في موعده.

وتب من ذنبك، واستغفر الله، واندم على ما فعلت، وعاهد الله ألا تعود إلى الحرام.

ثم عندما تنتهي من جميع أقساطك، تحول إلى أي بنك إسلامي.

أطب مطعمك تكن مستجاب الدعوة.

الله يوفقك أخي الكريم..
المقهوره
26-12-2010, 12:33 PM
عندي سؤالين..

١- شالي خلاك تاخذ قرض و تدين من البنوك؟؟

هل من باب الكشخه؟؟ هل من باب الوناسه؟؟ هل من باب التجاره؟؟ هل من باب الزواج؟؟ هل من باب العلاج؟؟ هل من باب.....الخ؟؟

٢- اذا قلنا ان سددو ديونكم..حلوو

واحنا الي ما علينا شي ...؟! ايش موضوعنا.؟!

وشكرا..

^_^



إلي ماعلي شي يحمد ربه على النعمه

مب كل الي اخذوا قروض يلعبون ولا يسافرون
ناس ماياخذونها الا لظروف قاهره
بومحمد المطاوعه
26-12-2010, 12:38 PM
ان شاءالله يسددون ديونا

والله بيسوون خير

وان شاءالله اميرنا الشيخ حمد بن خليفه ال ثاني مايقصر

مع انه في ناس معارضين على بالهم قطر مافيها ناس على قد حالهم

الله المستعان
كاس العالم
26-12-2010, 01:21 PM
الله كريم

وبيض الله وجيهكم على المرور

وعساكم على القوه
فريج النصر
26-12-2010, 01:32 PM
السلام عليكم لماذا تعترظ اخوي الكريم هل تحسدنا انت الله يسامحك منزل موظوع تقول تعترظ ولاكن جزاك الله كل خير اخوي الكريم وشكرا
ازغوىAAA
26-12-2010, 01:37 PM
الشي الي يزعل ويحسسك انه في ناس ماتحب الخير لاهل قطر يطلعون يقولون محد قال لهم ياخذون ديون على ظهورهم والله العظيم اني من الناس الي اتمنى انه الديون تسقط عن اهل قطر اكثر من اني اتمنى الشي حق نفسي وبعدين كنت اتمنى الناس الي تقول ليش القطري يسقطون عنه الدين ماراح قال ليش محد قال حق نادي مانشستر ليش تراكض ورى الكوره دام انها خسرتك مع تمنياتي لااهل قطر الخيررررررررررررررررر
العبدلي1
26-12-2010, 01:55 PM
موضوع جميل
إينشتاين
26-12-2010, 02:14 PM
هالحساد الصغار مامنهم خوف لأنهم مافي يدهم شي ولايقدرون يسوون شي...

الخوف ومصيبتنا من الحساد الكبااااار الي كلمتهم مسموعة
كاتم الاسرار
26-12-2010, 02:49 PM
الله كريم وجزاك الله خير يا راعي الموضوع هل قطر يستاهلون وان شاءالله يتحقق الحلم القطري غير هاي الحلم مافي
atb
26-12-2010, 03:20 PM
طيب بالله عليكم اذا كان القرض في تاريخ 14/5/2009 = 4560000 والقسط 4560


كيف يكون في تاريخ 20/12/2010 = 462500 وبن راح كل اللي دفعتة وهو يساوي 86640 ريال

ومن المسوول عن حمايتنا من هذي السرقة في وضح النهار


في بعض البنوك الربويه او كلهم
عند تسديد القرض شهريا خصوصا في المراحل الاولى تعتبر انك تسدد الفائده اولا لذلك تشعر بان القرض لم ينقص بحكم انك تدفع فائدتك اولا
والله البنوك تذل الانسان

والله يفرج هموم الناس
الله كريم
أحساس
26-12-2010, 05:06 PM
عندي سؤال للجميع
السنوات السابقة في 70 أو 80
كانت تتم مكرمه أميريه بأسقاط قروض الاسكان ( كلها أو نصفها )
وأستفاد منها بعض المواطنيين
السؤال المهم الذي في نفسي ؟؟؟؟؟
هل كانوا يحقدون أو يحسدون على بعضهم؟؟؟؟ أكيد لا لا لا
كان قديما الكل يفرح ويبارك لغيره لم يرزقه الله بأي شي مثلا ترقية أو قدوم طفل
الان البعض يزعل ويحسد ويكره ويقول ليش ما أكون أنا
بدون مبالغة (( صارت ماركة مسجلة عندنا))
هذي أرزاق من الله ؟؟ يمكن غيري راح يستفيد أكيد بفرح له أنا أتمنى أن الدولة تعطي جميع المواطنين كل خير
المديون وغير المديون
ام شوشي
26-12-2010, 07:15 PM
سبحان الله

اذا الدوله انقذت بعض الانديه الاوربيه من الديون بمقابل شراء اسهم النادي قلتو ماعليه ويقصد به شراء نادي مانشستر وجزء من نادي باريس سان جيرمان

اذا الدوله اشترت اسهم شركه بورش فولكس ويجن وانقاذها من الخساره قلتو ماعليه

اذا الدوله اشترت ثكنات تشيلسي الي خسرانيين فيها قلتو ماعليه

اذا الدوله اشترت اسهم شركات اتصالات في بعض الدول قلتو ماعليه

اذا الدوله تبرعت ببناء بعض المدن لبعض البلدان قلتو ماعليه

واذا الدوله تحط ميزانيات خياليه لدعم الرياضه قلتو ماعليه

وغيرهاا الكثير و الكثيرر

لكن اذا قلنا يسددون ديون اغلب هل قطر قلتو لا ليش يسددونها ,,,,, لين جات على هل قطر اعترضو البعض !!!!!!!!!

البعض بيقول تسديد الديون مافيه اي استثمار

وانا اقول يكفي ترد الروح لبعض هالمديونين الي مايعرفون ينامون الليل والسبه الديون


مثل ما الدوله تسوي كل هالمشاريع على الاقل يلتفتون للمواطن القطري شوي






كلامك صحيح 100% اخوي والقطري يستاهل كل خير ولكن مانقول الا حسبي الله ونعم الوكيل
النيـــزك
26-12-2010, 07:54 PM
اذا سالت فسال اللة واذا استعنت فستعن باللة
اللهم اغننا بحلالك عن حرامك وبمعافاتك من عقوبتك

احسن رد سمعته ولا يهونون الجميع

من تعامل مع الله بصدق
لن يخذله رب العالمين

والله ان حنا بنعمه يحسدونا كل اللي حولنا

ماء وكهرباء بلاش وهذي اكبر نعمه اللهما ادمها من نعمه يارب
وان جاء تسديد ديون خير وبركه واملنا بالله ثم بشيوخنا كل خير
غلا ابوها
26-12-2010, 09:23 PM
انتو بس شوفوا الاجنبي عايش في عيشه ماعشناها واحنا هل البلاد يجي من بلادة مؤمن له السكن وعيالهم يدرسون في احسن المدارس واهل قطر محرومين منها موب شي غريب جات على الديون بس كل شي صار من صالح الاجنبي الله يستر من بكرة ايش مصيرنا
al3ned
26-12-2010, 09:34 PM
تقول لله الحمد والمنه


ترانا نبي المطر الله يطول عمرك

:nice:والله صج نبي مطر الله يكفينا شر الحاسدين
الكونجرس
27-12-2010, 01:37 AM
عندي سؤال للجميع
السنوات السابقة في 70 أو 80
كانت تتم مكرمه أميريه بأسقاط قروض الاسكان ( كلها أو نصفها )
وأستفاد منها بعض المواطنيين
السؤال المهم الذي في نفسي ؟؟؟؟؟
هل كانوا يحقدون أو يحسدون على بعضهم؟؟؟؟ أكيد لا لا لا
كان قديما الكل يفرح ويبارك لغيره لم يرزقه الله بأي شي مثلا ترقية أو قدوم طفل
الان البعض يزعل ويحسد ويكره ويقول ليش ما أكون أنا
بدون مبالغة (( صارت ماركة مسجلة عندنا))
هذي أرزاق من الله ؟؟ يمكن غيري راح يستفيد أكيد بفرح له أنا أتمنى أن الدولة تعطي جميع المواطنين كل خير
المديون وغير المديون
كانت على ايام الوالد خليفه بن حمد الله يحفظه
شغموم
27-12-2010, 08:39 AM
عادكم تركضون ورى السراب
الله المستعان
الطائر الحائر
27-12-2010, 09:30 AM
يالله يا كريم توفق صاحب الموضوع وتفقنا اجمعين
الأصيلة
27-12-2010, 09:40 AM
هالحساد الصغار مامنهم خوف لأنهم مافي يدهم شي ولايقدرون يسوون شي...

الخوف ومصيبتنا من الحساد الكبااااار الي كلمتهم مسموعة

إذا أراد الله شيئا فإنما يقول له كن فيكون
هناك لن يكون للحساد على الله سبيلا...
فقط على المديونيين التوجه إلى خالق الملوك والحكام
الذي يريدون أن يقضوا ديونهم...
G0LD
27-12-2010, 09:41 AM
سبحان الله

اذا الدوله انقذت بعض الانديه الاوربيه من الديون بمقابل شراء اسهم النادي قلتو ماعليه ويقصد به شراء نادي مانشستر وجزء من نادي باريس سان جيرمان

اذا الدوله اشترت اسهم شركه بورش فولكس ويجن وانقاذها من الخساره قلتو ماعليه

اذا الدوله اشترت ثكنات تشيلسي الي خسرانيين فيها قلتو ماعليه

اذا الدوله اشترت اسهم شركات اتصالات في بعض الدول قلتو ماعليه

اذا الدوله تبرعت ببناء بعض المدن لبعض البلدان قلتو ماعليه

واذا الدوله تحط ميزانيات خياليه لدعم الرياضه قلتو ماعليه

وغيرهاا الكثير و الكثيرر

لكن اذا قلنا يسددون ديون اغلب هل قطر قلتو لا ليش يسددونها ,,,,, لين جات على هل قطر اعترضو البعض !!!!!!!!!

البعض بيقول تسديد الديون مافيه اي استثمار

وانا اقول يكفي ترد الروح لبعض هالمديونين الي مايعرفون ينامون الليل والسبه الديون


مثل ما الدوله تسوي كل هالمشاريع على الاقل يلتفتون للمواطن القطري شوي



بارك الله فيك ويرحم والديك

صدقت والله بكل كلمه قلتها

والله يفرجها لكل مسلم

وأهل قطر يستاهلون كل خير

لاهنت
ام السعف
27-12-2010, 09:44 AM
عندي سؤال للجميع
السنوات السابقة في 70 أو 80
كانت تتم مكرمه أميريه بأسقاط قروض الاسكان ( كلها أو نصفها )
وأستفاد منها بعض المواطنيين
السؤال المهم الذي في نفسي ؟؟؟؟؟
هل كانوا يحقدون أو يحسدون على بعضهم؟؟؟؟ أكيد لا لا لا
كان قديما الكل يفرح ويبارك لغيره لم يرزقه الله بأي شي مثلا ترقية أو قدوم طفل
الان البعض يزعل ويحسد ويكره ويقول ليش ما أكون أنا
بدون مبالغة (( صارت ماركة مسجلة عندنا))
هذي أرزاق من الله ؟؟ يمكن غيري راح يستفيد أكيد بفرح له أنا أتمنى أن الدولة تعطي جميع المواطنين كل خير
المديون وغير المديون

لا والله محد حقد على حد ذيك الأيام ،، وتلقى اللي بقت له سنة فرحان نفس اللي
توه مستلم مفاتيح بيته وانقطت عنه الديون ،،

هذي ارزاق وكل يركض لها ،، لكن المشكلة في اللي يبي يتحكم فيها
ويحدد مخارجها ،،

والحمدلله الرزاق فوق وحكمته فوق كل شي ،، المهم اللي على
الأرض اشلون ممكن يبينون حب الخير للناس ،،
{راشد}
27-12-2010, 10:06 AM
خيرك لغيري والشقا والعنا لي
سما الوطن
01-01-2011, 12:38 PM
طيب بالله عليكم اذا كان القرض في تاريخ 14/5/2009 = 4560000 والقسط 4560


كيف يكون في تاريخ 20/12/2010 = 462500 وبن راح كل اللي دفعتة وهو يساوي 86640 ريال

ومن المسوول عن حمايتنا من هذي السرقة في وضح النهار

اخي الكريم
هل تقصد انك قرضك الاصلي كان 456000
فان كان كذلك
القرض كان 456000 ولكن ليس هذا المبلغ الذي سترجعه له
بما انك دفعت 86640 وباقي عليك 462500 اذا دينك انحسب عليك 549140
يعني قرضك = القرض الاصلي 456000+ الربح مالهم 93140
العمليه ليست سرقه العمليه انهم ياخذون ارباحهم
واللي اعلمه انهم ياخذونها على اجزاء مع كل شهر شوي
والله اعلم
المـهـفـة والـســفـرة
02-01-2011, 10:51 PM
أنا أعرف متى راح يطيح الديــــن:D






لما جوليان أسانج

يعطينا وثيقة :deal: بأي فئة من الأنواط بيسدون بهاا الديــن :tease:

يعينك الله عليهم ياجوليان:thumbup:.




نصيحة :
خلونا نقوي إيمانا بالله ونحب الخير لبعضنا جميع.:victory:



(فإن مع العسر يسرا, إن مع العسر يسرا)
:unsure:

أخوكم طيب القلب.:nice:
قطري الهوية مديون لتسع سنوات جداام:cry2::funny:
ليث المعاني
03-01-2011, 01:07 AM
:secret:اهم شي الغلطان يصلح موتره والحمدلله كل شي تمام والحكومة ماقصرت
صوت الضمير
03-01-2011, 01:22 AM
ياراعي الموضوووووووووووع

والله انك كفــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــو
كاس العالم
08-01-2011, 12:33 AM
بيض الله وجيهكم

واسمحولي يالربع

لاهنتو على المرور
بومحمد1
08-01-2011, 12:53 AM
سبحان الله

اذا الدوله انقذت بعض الانديه الاوربيه من الديون بمقابل شراء اسهم النادي قلتو ماعليه ويقصد به شراء نادي مانشستر وجزء من نادي باريس سان جيرمان

اذا الدوله اشترت اسهم شركه بورش فولكس ويجن وانقاذها من الخساره قلتو ماعليه

اذا الدوله اشترت ثكنات تشيلسي الي خسرانيين فيها قلتو ماعليه

اذا الدوله اشترت اسهم شركات اتصالات في بعض الدول قلتو ماعليه

اذا الدوله تبرعت ببناء بعض المدن لبعض البلدان قلتو ماعليه

واذا الدوله تحط ميزانيات خياليه لدعم الرياضه قلتو ماعليه

وغيرهاا الكثير و الكثيرر

لكن اذا قلنا يسددون ديون اغلب هل قطر قلتو لا ليش يسددونها ,,,,, لين جات على هل قطر اعترضو البعض !!!!!!!!!

البعض بيقول تسديد الديون مافيه اي استثمار

وانا اقول يكفي ترد الروح لبعض هالمديونين الي مايعرفون ينامون الليل والسبه الديون


مثل ما الدوله تسوي كل هالمشاريع على الاقل يلتفتون للمواطن القطري شوي

السلام عليكم

كلامك جميل

لكن للأسف أنت أول شخص تنقضه
بل مع إحترامي لك أنت أول من يدعو الى فقر الناس وغلاء المعيشة
البارع
08-01-2011, 12:54 AM
بسببك خلاص مافي اي شي للمواطنين خلاص حتى الزيادات السنويه المستحقه انسوها لين بعد 2022 اللهم عليك بظالمين اخذهم اخذ عزيزا مقدتر
كاس العالم
08-01-2011, 10:05 AM
السلام عليكم

كلامك جميل

لكن للأسف أنت أول شخص تنقضه
بل مع إحترامي لك أنت أول من يدعو الى فقر الناس وغلاء المعيشة



وضح لي الله يرحم والديك يالغالي

قصدك اذا تم تسديد الديون بيصير غلا ؟؟

ليش مافيه قانون كل من جاء ورفع السعر على كيفه ؟؟

ولا تقصد شىء ثاني ؟
كاس العالم
08-01-2011, 12:23 PM
بسببك خلاص مافي اي شي للمواطنين خلاص حتى الزيادات السنويه المستحقه انسوها لين بعد 2022 اللهم عليك بظالمين اخذهم اخذ عزيزا مقدتر


وش دخل بسببي ؟؟

وشلون ياخوي ؟
بومحمد1
08-01-2011, 02:23 PM
السلام عليكم

الله يرحم والدينا ووالديك جزاك الله خيرا على الدعاء

أشكر فيك حرصك على اخوانك وعلى مايعانونه من ظلم وضيق في العيش وغلاء فاحش وقطع للرواتب فرواتب الشريحة العظمى من الشعب على 110000 ريال وعلى 13000 ريال أو لنقل بين 15000 وبين العشرة الاف وهم يرون أموالهم تنفق على بنت جبيل وعلى الخرطوم وعلى عباس
وعلى الامريكان وعلى الكرة وعلى غيرها من مهرجانات الطرب والفن فالبعض يعيش حالة الله أعلم بها من المعانات اليومية
أجار بيت قصد سيارة مصاريف مدارس وغيرها مما لايخفى على أي قطري في وجهه حياء من الله ومن الناس
والعجيب والغريب أن الحكومة أو بعض المسؤولين يتكلمون على التضخم وهناك خطط للقضاء على التضخم أو للحد منه
لكن الواقع خلاف ذلك
فالسبب الحكومة فهي من رفع رسوم الفيز ورسوم الجوازات والإقامات وملكيات السيارات وكذلك تلك المشاريع من ابراج وغيرها التي لم نجني منها الا الفساد من جلب للأجانب على مافيهم من فساد ديني وخلقي

وأنت تعلم والكل يعلم أن البلاد بها من الخير الكثير مالا يعد ولايحصى بترول وغاز واسمنت وحديد وصلب
أين نحن من كل هذا متى يترزق الناس من الغاز

أقول جزاك الله خير على كلامك
لكن أنت في نفس الوقت ترفع شعار مجد الأمجاد وشرف الشعوب وأعظم غايات المجد
الا وهو " شرف تنظيم المونديال "

وصورة الكاس في توقيع خير دليل
وأنت تعلم أن اموالنا سوف تذهب على هذا الصنم " المونديال " فمن أجله سوف تباح المحرمات من خمور وليالى حمر في الفنادق لحم أبيض من الصين وروسيا ومثيلاتها

فكيف يستقيم من ينادي بتسديد الديون واعطاء الناس أموالهم
وهو في نفس الوقت يبارك تنظيم كاس العالم الذي سوف تهدر فيه أموال المسلمين

أخي الكريم إن السكوت عن المنكر والمظالم هو من خوارم المروئة
وإن حرمان الناس من أموالها وحقوقها واعطاء الغير خيرات هذه البلاد
يزرع الضغينة والاحتقار المتبادل
وينشر الأحقاد في الناس

فالناس قد نالهم القدر الكافي لرفع مايعانونه
لكن اللوم على هؤلاء الذين غسلت وحوههم " بالمرق " فأصبحو لايستحون لامن الله ولامن الناس فقط لاهم لهم سوى الطاعة العمياء اشربوا العبودية
فلسان حالهم يقول : نحن مجموعة من اليتامى والمساكين وعليه لابد لنا من قيم يقوم على شؤوننا ومأكلنا ومشربنا
فلاعقل لهم ولا مبدأ مع أن هناك مجال لقول كلمة الحق " على الاقل ليكن لكم رأي مستقل "

فلا يعرفون سوى التطبيل والتصفيق حقا كان أم باطلا
اسأل الله أن يرزقنا نصرة هذا الدين والنصيحة للمسلمين
كاس العالم
09-01-2011, 05:54 AM
السلام عليكم

الله يرحم والدينا ووالديك جزاك الله خيرا على الدعاء

أشكر فيك حرصك على اخوانك وعلى مايعانونه من ظلم وضيق في العيش وغلاء فاحش وقطع للرواتب فرواتب الشريحة العظمى من الشعب على 110000 ريال وعلى 13000 ريال أو لنقل بين 15000 وبين العشرة الاف وهم يرون أموالهم تنفق على بنت جبيل وعلى الخرطوم وعلى عباس
وعلى الامريكان وعلى الكرة وعلى غيرها من مهرجانات الطرب والفن فالبعض يعيش حالة الله أعلم بها من المعانات اليومية
أجار بيت قصد سيارة مصاريف مدارس وغيرها مما لايخفى على أي قطري في وجهه حياء من الله ومن الناس
والعجيب والغريب أن الحكومة أو بعض المسؤولين يتكلمون على التضخم وهناك خطط للقضاء على التضخم أو للحد منه
لكن الواقع خلاف ذلك
فالسبب الحكومة فهي من رفع رسوم الفيز ورسوم الجوازات والإقامات وملكيات السيارات وكذلك تلك المشاريع من ابراج وغيرها التي لم نجني منها الا الفساد من جلب للأجانب على مافيهم من فساد ديني وخلقي

وأنت تعلم والكل يعلم أن البلاد بها من الخير الكثير مالا يعد ولايحصى بترول وغاز واسمنت وحديد وصلب
أين نحن من كل هذا متى يترزق الناس من الغاز

أقول جزاك الله خير على كلامك
لكن أنت في نفس الوقت ترفع شعار مجد الأمجاد وشرف الشعوب وأعظم غايات المجد
الا وهو " شرف تنظيم المونديال "

وصورة الكاس في توقيع خير دليل
وأنت تعلم أن اموالنا سوف تذهب على هذا الصنم " المونديال " فمن أجله سوف تباح المحرمات من خمور وليالى حمر في الفنادق لحم أبيض من الصين وروسيا ومثيلاتها

فكيف يستقيم من ينادي بتسديد الديون واعطاء الناس أموالهم
وهو في نفس الوقت يبارك تنظيم كاس العالم الذي سوف تهدر فيه أموال المسلمين

أخي الكريم إن السكوت عن المنكر والمظالم هو من خوارم المروئة
وإن حرمان الناس من أموالها وحقوقها واعطاء الغير خيرات هذه البلاد
يزرع الضغينة والاحتقار المتبادل
وينشر الأحقاد في الناس

فالناس قد نالهم القدر الكافي لرفع مايعانونه
لكن اللوم على هؤلاء الذين غسلت وحوههم " بالمرق " فأصبحو لايستحون لامن الله ولامن الناس فقط لاهم لهم سوى الطاعة العمياء اشربوا العبودية
فلسان حالهم يقول : نحن مجموعة من اليتامى والمساكين وعليه لابد لنا من قيم يقوم على شؤوننا ومأكلنا ومشربنا
فلاعقل لهم ولا مبدأ مع أن هناك مجال لقول كلمة الحق " على الاقل ليكن لكم رأي مستقل "

فلا يعرفون سوى التطبيل والتصفيق حقا كان أم باطلا
اسأل الله أن يرزقنا نصرة هذا الدين والنصيحة للمسلمين







بيض الله وجهك يابو محمد حرصك وغيرتك على الوطن والدين وكلنا مجبورين على ذالك

لكن الله يجزاك خير انا كنت من معارضين على اقامه كأس العالم في بلادنا

بس ويشهد الله اني قبل تحديد البلد المنظم بيومين حسيت انها مثل حرب يالنا او علينا

وان شاء الله من هنا لين 2022 بتكون امور كثيره تغيرت

وبتشوف باذن الله سيل من الاجانب يدخلون دين الله
رهيباوي
09-01-2011, 06:46 AM
الله يبارك فيك ............. والله كريم
البيت بيتك
09-01-2011, 08:04 AM
الله يفرجهــا على الجميــــع