ثــآلث ثـانوي ..!

[ExploSivE]

السلام عليكم ورحمت الله وبركاته
شحالكم؟
يالربع عندي استفسار بخصوص ثالث ثنوي
اليوم الاستاذ يكلمنا عن ثالث وجيه .. يقول انه الدرجات بتكون 30% او 20%
من المدرسة .. والباقي من المجلس الاعلى .. :secret:
يعني شلون 70%او80% من المجلس؟ من وين بندرس حق الامتحان ؟
واخبر العام رفيجي كان فالصناعة .. يقول الامتحان على 88ورقة .. و90 وو..!!:eek5:
حشى كتاب مب امتحان !!..
واستاذنا يقول انه اللي بيجيكم من اول ابتدائي !! لي 3ثنوي ! :anger1: وانا شيذكرني بدروس اول؟

ويعطيكم العافيه

[الدمعه]

بيكون الاختبار في المهارات اللي خذتها مب حفظ ولازم تتذكر كل اللي خذته ..

والله يوفقك وتحصل الدرجه اللي تبغيها ..

[M007]

90 ورقة
بس كل ورقة فيها سؤالين اختيار متعدد..

مخوفينكم عالفاضي

<<<< خريج 2010

[jeep-srt8]

الحمدلله هالسنة مخلص ثانوية عامة حكومي

والله يعينك اخوي

[toomi9]

انا قدمت الامتحان خريجة هـ السنه
بشرح لك شلون راح يكون على طريقة العام واعتقد بيتم نفس الشي مادري اذا غيروا

اول شي الكلاسترات
الكلاسترات شد حيلك فيهم ولا تستهين بهـ ٣٠٪ ولا الـ ٢٠٪
فايدة الكلاسترات انك تدرس كل الدروس ولين الفاينل تدرسهم مره ثانيه تكون متذكر معظم الدروس اللهم تراجع وتركز عالنقاط المهمه
صحيح الفاينل تدرس الكتابين
بس انت قبلها ادرس هـ الكتابين ونصيحتي لك قريب الفاينل ابدا بكتاب الفصل الاول تعرف ليش ؟
لان بتكون توك دارس كتاب الفصل الثاني ومقدم فيه امتحان الكلاسترات ابدا ادرس بالاول بعدين الثاني
وبخصوص الامتحان
بيكون طويل
بصراحه انا كنت اتخرع انه طووووويل وليييش وحااله ،، بس عندك اربع ساعات وهالـ اربع ساعات بتكفيك وزياده وبتخلص قبل نص الوقت بعد
كلنا كنا جيه
والاهم من هاي كله
كل ماكان الامتحان طويل اكثر كل ما كان لك احسن
لانه بيقلل من نقاط كله سؤال
مثلا عندك امتحان يتكون من خمس اسأله وكل سؤال عليه درجتين احسب لو مغلط فكم سؤال شلون بتكون درجتك
ولا امتحان يتكون من ٢٠ سؤال وعلى كل سؤال درجه وحده ؟؟
اي الاحسن ؟
ونجي حق اخر نقطه
الامتحان ماراح يجيك شي تصمه وبذات البايولجي والفزكس
كله على فهمك ادرس المعادلات واحفظ القوانين
ونصيحتي لك لا فالاجازه امسك كتب اول وثاني ثانوي وراجعهم شوي
لان بتجيك اسأله ماخذتها فـ ثالث بس بتذكر انك ماخذها فـ اول وثانني بس ماتعرف تحله لانك ناسي
حاول تسوي رفرش حق الدروس القديمه (( المااث ))<< لان الماث الي جانا مال قبل بس الباقي لا
بس احفظ الشرعيه عدل احفظ الايات والاحاديث
الشرعيه ادرسه عادي ماراح يجيك من الفهم وايد اغلبية الاسأله من الكتاب وسهله ركز فحفظ الآيات


ادري طولت عليك بس حاولت اشرح لك كل نقطه وان شاء الله مانسيت شي
واذا بغيت شي انا حاضره :)
وربي يسهل عليكم وينجحكم وتجيبون النسب الي ترفع الراس

[al-sadd]

90 ورقة
بس كل ورقة فيها سؤالين اختيار متعدد..

مخوفينكم عالفاضي

<<<< خريج 2010

والله صادق الشيخ

ولاكن شوف العام
نص العالم قالت فيه نجاح
واخر شي رسبو العالم
يعني بعد 2009 خلاص مافي نجاااح !
الي يشد حيله يحصل الي يتمناه !:victory:

[الراقيه سبشل]

شد حيلك

وبالتوفييق

[ExploSivE]

يعطيكم العافيه اخواني ..

toomi
كفيتي ووفيتي اختي
والله يعيين :S