ابيكم تساعدوني ؟

[لآخر مدى]

السلام عليكم
يا جماعه ابي مكان اقدر اسوي فيه معرض تسوق صغير غير المجمعات ؟

تعبت وانا ادور مكان فيه خصوصيه للحريم ؟

اذا حد يعرف لايبخل يدلني عليه

مشكورين

[NOoR@@QATAR]

يالغاليه روحي دار الانماء هناك يسجلونج في جميع المعارض

وفي بعد معارض اتم في المدارس بس ماندري فيها

[غلا ابوها]

الله يوفقك ان شاءالله

[أم غانم]

دار الأنماء ..


والحين بيسون معرض للقطريات والقطريين " صنع في قطر"

من 4 لين 7 أعتقد .. "يناير"


2 من ربعي مشاركين فيه عن طريقهم ..


شوفيهم إن شاء الله خير

[لآخر مدى]

يالغاليه روحي دار الانماء هناك يسجلونج في جميع المعارض

وفي بعد معارض اتم في المدارس بس ماندري فيها

مشكوره وايد
بس انا اقصد مكان انا اللي اسوي عليه المعرض :unsure:

[لآخر مدى]

دار الأنماء ..


والحين بيسون معرض للقطريات والقطريين " صنع في قطر"

من 4 لين 7 أعتقد .. "يناير"


2 من ربعي مشاركين فيه عن طريقهم ..


شوفيهم إن شاء الله خير



الخير بوجهج
تسلمين ويعطيج الف عافيه:shy:

[القيادة]

أنا الى فهمته تبين تبيعين

بصراحه بتتعبيين وأنتي تدورين مالج الا

تحطني منتجاتج في السوق الحريمي للمنتدى

والله يوفقج.

[المخفي]

بيعي من البيت احسن لج و لا عوار راس اذا المحلات ايجارها 10 الاف ريال عيل شلون بتربحين

[lifeqatar]

يمى سويلج ملحق بالبورت كابن في بيتكم
وخلاص ببلاش ولا إيجار ولا وجع راس

[بصمة قطرية]

فعلاً اختي مثل ما ذكروا العضوات عن طريق دار الانماء الاجتماعي
اضمن لج واوفر واريح ~

الله يوفقــج ~

[الدمعه]

شوفي حبيبتي من تجربه خاصه .. مافي مكان خاص الا المدارس ويبتدون في الكورس

الثاني .. حتى دار الانماء معارضهم كلها خلط .. وانا مسجله عندهم ومومستفيده الامن

دوراتهم ..

واذا عندج امكانيه تقدرين تعرضين في صاله فندق بس غاليه وايد.. السنه اللي فاتت

حاولنا نسوي لنا خيمه مجهزه للمعارض وتكون سنويه ونسائيه بحته بس بعد استشاره

التاجرات ماوافقو على الاجار المطروح بالرغم من ان راح تكون هناك خدمه مميزه

لكن مالقت موافقه وخفت اجازف بها ..

المهم اذا لقيتي معارض نسائيه بحته ياليت تبلغيني لاني بطلت ابيع والسبب مافي مكان لي ..

[لآخر مدى]

الف شكر لكل اللي جاوبوني

[اهل قطر]

السلام عليكم ورحمة الله
زين ليش ما يخلون مثل كويت معارض نسائيه من البيوت
لين متى بنتم على هالحال

[مشتاقة لقطر]

اظن يمنع عملمعرض الا برخصة من الوزارة يالغالية

نظام قطر صعب بخصوص المعارض

مش مثل السعوديةوالكويت والامارات بكل لفةمعرض

[اهل قطر]

ولمصلحة من هالشيء
احنا طايحين بين كفتين
مثلا : التربيه الاجتماعيه جزاهم الله خير بيصفون الاسر في مدخل سوق واقف للعرض وانهم عانوهم , والا ودوا للمدارس والا ودوا عينات هني وهناك , والا مسابقه والا راحت قبل لا نقول لكم
احسن ما فيه فايده ولا حد يهمه هااهل البلاد ينتج ,,
في كل دول الخليح رخص للاسر المنتجه , مثل رخصة انطلاقه ورخصة مبدعه ,, تبدا منها التاجره
لكن عندنا لا لو رحتي بتفتحين في مجمع يقول لك الاولويه للشركات العالميه
والمؤسسات الي من الدوله لو تركوا الاسر تنطلق وين بيلقو ن حد انهم ساعدوه للمعارض

الله ييسر لنا رزق الحلال ولا نحتاج لهم

[الوان]

موفقين

يبي لنا نسوي جمعية النساء المنتجات

على كيفنا بعيد عن الشؤون و دار الانماء و غيرهم

و عن طريق الجمعية نطالب بمطالبنا

[اهل قطر]

اسمحي لي حتى في المنتديات
هالمنتدى مثلا ممنوع نعرض منتجاتنا الغذائيه عن ذمتهم ما يضمنون النظافه وحقهم
ولكن الشركات والمحلات ايه شرايكم , مع ان سلامه النظافه شيء نسبي جدا محلات شكثر تسمم من وراها

[لآخر مدى]

اي والله يعني اللي عندها افكار ومنتجات غريبه وين تقدر تعرض بضاعتها بالذات المعارض زوارهم وايد والربح اكيد
عشان جذيه نادر نشوف مصممه قطريه باسعار معقوله كل وحده تغلي على كيفها بسبب انه الاجارات وايد لا واماكن العرض محدوده وكلنا عارفينها .
انا مع الاخت اللي قالت نسوي لنا جمعيه خاصه بالقطريات ومنتجاتهم