المساعد الشخصي الرقمي

مشاهدة النسخة كاملة : ابي اشتري من ebay بس ماعرف ...من يقولي شالسالفه ... او يشتري لي واعطيه الفلوس كاش


دفء الجليد
24-12-2010, 09:38 AM
لقيت samsung galaxy s i9000 فالموقع وسعره خيال بكون انه يديد ...
هاي الرابط

http://cgi.ebay.com/Samsung-GT-I9000-Galaxy-S-Unlocked-/150538239575?pt=Cell_Phones&hash=item230cc73e57

ابي اطلب بس ماعرف شلون خصوصا ان ماعندي حساب عالـ paypal
وماعندي فيزا اصلا

من يقولي شالسالفه ..او يطلبه لي واعطيه الفلوس كاش
doha_vip
24-12-2010, 09:54 AM
بس تأكد انه نفس اللي نازل عندنا .. ومافيه فرق لان مكتوب جنبه gt مادري شالمقصود منها
دفء الجليد
24-12-2010, 10:18 AM
شلون يعني ليش ممكن يكون في فرق
airbus
24-12-2010, 12:48 PM
ترا في شك انه ما عنده الجهاز
دفء الجليد
24-12-2010, 10:26 PM
يالهوي ...

ممكن يستوي جي
LiL iNVe$ToR
25-12-2010, 08:10 AM
يالهوي ...

ممكن يستوي جي


ايه ممكن تصير ..لان اي شخص يقدر يبيع على ebay مب شرط شركات وبس..واذا صار هالشي تقدر تبلغ paypal ويرجعون فلوسك ..بس ساعات مايقدرون .

الحمدلله فوق 70 معامله على ebay ومافي مشاكل :nice:
فالكـ GOOD
25-12-2010, 11:47 AM
انا اللي اعرفه ان الايباي مثل مزادات

لان كان خاطري اشتري الاكس بوكس الجديد ووكل مره يزاودون علي وماقدرت
اشتري

بس اخرتها :) كلمت شخص بامريكا واشتراه لي وانا ناطرته احين :)

بس اللي اعرفه ان هو مزايدات
aziz92
25-12-2010, 01:33 PM
يا اخوان الي ما يعرف شي لا يجلس يفتي حتى لو الجهاز مو موجود عندو ترى اذا ما وصلك الجهاز خلال 44 يوم تقدر تقدم شكوى وترجعلك فلوسك من الموقع وهم يدبرو نفسهم مع البائع يعني فلوسك او الجهاز مظمون وانا صارت معي مرتين من قبل ورجعو الفلوس لاكن لازم تنتبه اذا طالبت بعد 45 يوم ما يرجعولك شي وبالنسبه للاكشن هو يبيع لاعلى سعر يوصلو الجهاز ولكن فيه امور ثانيه تكون اشتري الان بدون اكشن
doha_vip
25-12-2010, 02:35 PM
انا شريت كذا غرض من ebay والحمد لله ماصارت مشاكل.. والافضل انك تشوف بائع مكتوب عند اسمه Top-rated sellers
لانه يكون اضمن لك .. ومش كل شي مزايدات في اشياء تقدر تشتريها على طول من غير مزايده

وبالتوفيق
دفء الجليد
25-12-2010, 02:59 PM
طيب شوفو الرابط ... لان انتوا ماشاء الله طلبتوا من قبل فبتعرفون اذا هالبائع اوك ولا لا ..

لان سعره خيال بالنسبه حق اليديد واخاف ما يشغل كروتنا
دفء الجليد
25-12-2010, 03:00 PM
ومشكورين عالمرور كلكم
aziz92
25-12-2010, 04:05 PM
1.التلفون عادي ما ني شايف اي شئ يخوف
2.التلفون محمي من الموقع يعني اذا البائع طلع نصاب الموقع يردلك فلوسك
3.هو يشحن لامريكا فقط لذلك لازم تحسب الشحن من امريكا لقطر من ارامكس
4.طبعا معظم هالتلفونات ما يجي معرب
5.البائع نسبتو ممتازه بالخدمات السابقه الي هي 99% تقريبا
6.بايع 11 تلفون من قبل

على فكره ممكن انك ترسل رساله للبائع اذا عندك اي سؤال وهو يجاوبك

بصراحه ماني شايف اي شي غير واضح لو انا مكانك وعاجبني اطلبو واتوكل على الله
الا اذا عندك اي سؤال ممكن ترسل للبائع ويرد عليك بسرعه

بالتوفيق
دفء الجليد
25-12-2010, 09:59 PM
ماكنت متخوفه منه الا لما قالوا ان يمكن ما يشتغل وجايز مايكون عنده
فخفت منه الصراحه

بس شكرا عالتوضيحات
مضارب مستثمر
25-12-2010, 10:23 PM
ايضا ممكن تشيكين على الامازون او cnet
وبالتوفيق,,,,,,,
دفء الجليد
25-12-2010, 10:52 PM
والله مانتبهت لنقطه الشحن تصدق ....

زين الي قلت لي اخوي

انا الامازون اوك معاه طلبت اكثر من مره ...
وسريعين جدا فالتوصيل بس ان هناك اغلى بوايد ..

بس تدري شكلي ما بستعيل بنطر اخذه من هني احسن
مضارب مستثمر
25-12-2010, 11:31 PM
والله مانتبهت لنقطه الشحن تصدق ....

زين الي قلت لي اخوي

انا الامازون اوك معاه طلبت اكثر من مره ...
وسريعين جدا فالتوصيل بس ان هناك اغلى بوايد ..

بس تدري شكلي ما بستعيل بنطر اخذه من هني احسن


الركاده زينه,,,,,,,,,,,بالتوفيق
بوليد
26-12-2010, 08:36 AM
اذا التلفون فقط باللمس انصحج تشترين لانة بس يبلج تعريب بالسوفوير الي ممكن تسوينة بروحج
اما اذا مع كيبورد ما انصحج تشتريبن لانة بيطلع عليج سعر الكيبورد غالي جدا
دفء الجليد
26-12-2010, 10:07 AM
لا خلاص هونت ...
ابراهيم_999
26-12-2010, 10:12 AM
بالتوفيق ...
LiL iNVe$ToR
26-12-2010, 11:52 AM
يا اخوان الي ما يعرف شي لا يجلس يفتي حتى لو الجهاز مو موجود عندو ترى اذا ما وصلك الجهاز خلال 44 يوم تقدر تقدم شكوى وترجعلك فلوسك من الموقع وهم يدبرو نفسهم مع البائع يعني فلوسك او الجهاز مظمون وانا صارت معي مرتين من قبل ورجعو الفلوس لاكن لازم تنتبه اذا طالبت بعد 45 يوم ما يرجعولك شي وبالنسبه للاكشن هو يبيع لاعلى سعر يوصلو الجهاز ولكن فيه امور ثانيه تكون اشتري الان بدون اكشن


محد يفتي, واللي انكتب..انكتب عن تجربه .." ساعات " بيبال مايقدر يساعدك ..وازيدك ..لو البايع طرش لك تلفون لعبه او تلفون خربان ..بيبال مايرجع فلوسك ..اهم شي عند بيبال ان البايع طرش الغرض وانت استلمته ..مايهمهم جودة الغرض اللي انباع .
aziz92
26-12-2010, 12:06 PM
محد يفتي, واللي انكتب..انكتب عن تجربه .." ساعات " بيبال مايقدر يساعدك ..وازيدك ..لو البايع طرش لك تلفون لعبه او تلفون خربان ..بيبال مايرجع فلوسك ..اهم شي عند بيبال ان البايع طرش الغرض وانت استلمته ..مايهمهم جودة الغرض اللي انباع .

اسمحلي اخوي كلامك غير صحيح ابدا
لما تقدم شكوى للموقع يحددلك سبب الشكوى في عده نقاط تختار واحد منها
المعروض والوصف للغرض يجب ان يكون كما هو مكتوب بالنص عن السلعه واي اختلاف ركز معي شوي اي اختلاف بين المذكور بوصف السلعه والسلعه عند استلامها يكون سبب بأرجاع فلوسك وهذا من واقع تجارب مو تجربه

بالتوفيق اخوي
LiL iNVe$ToR
26-12-2010, 12:25 PM
اسمحلي اخوي كلامك غير صحيح ابدا
لما تقدم شكوى للموقع يحددلك سبب الشكوى في عده نقاط تختار واحد منها
المعروض والوصف للغرض يجب ان يكون كما هو مكتوب بالنص عن السلعه واي اختلاف ركز معي شوي اي اختلاف بين المذكور بوصف السلعه والسلعه عند استلامها يكون سبب بأرجاع فلوسك وهذا من واقع تجارب مو تجربه

بالتوفيق اخوي


اعيد واقولك " ساعات " واقصد مش دايما تنرد لك الفلوس ..خلني اتكلم لك عن برامج حماية المشترين من بيبال :

عندهم برنامجين :

1-The PayPal Buyer Protection Policy :

يحمي المشترين المؤهلين فقط ( ليس الكل ) من مشكلتين :

a- Item Not Received

b- Significantly Not as Described *

لما المشتري يفوز بالـ Buyer Protection Claim بيبال يحمي المشتري من 200$ إلى 2000$ مهما اذا كانت في فلوس عند البايع في حسابه بيبال او لا .


2- The PayPal Buyer Complaint Policy :

وهذي السياسه حق المشتريات برى ebay وتغطي فقط Item not received .

يعني اذا ماعندك buyer protection claim بيبال مايغطيك ولايرجع فلوسك على حسب الحاله .

هذا هو قصدي لما اقولك " ساعات " * :)

استخدم بيبال وebay من قريب 8 سنيين ..ياما صارت لي مشاكل في بيبال واكلمهم شخصيا تلفون ويحلون لي المشكله ..وفي مشاكل ماتنحل بسبب سياستهم الغبيه.

سو بحثك واقرى الـ policy مالهم ..بتشوف كاتبين انه paypal doesn't cover the quality of goods واقرى بعد منتدى البيبال الخاص مالهم بتلاقي ناس كثيره واجهتهم مشاكل بسبب هالسياسه .

*
بوليد
26-12-2010, 05:54 PM
اسمحلي اخوي كلامك غير صحيح ابدا
لما تقدم شكوى للموقع يحددلك سبب الشكوى في عده نقاط تختار واحد منها
المعروض والوصف للغرض يجب ان يكون كما هو مكتوب بالنص عن السلعه واي اختلاف ركز معي شوي اي اختلاف بين المذكور بوصف السلعه والسلعه عند استلامها يكون سبب بأرجاع فلوسك وهذا من واقع تجارب مو تجربه

بالتوفيق اخوي

اختي الظاهر انتي الي تعطين معلومات غلط
كلنا نعرف فيها هالخيارات لما تفتحين القضية بس وش النتيجة يعني احتمال بسيط تكسبين القضية عن طريق الباي بال وخصوصا لو يكون تاجر نقاطة عالية
بالعقل ممكن اجي اقول هالتاجر طرش لي تلفون لعبة مثلا هل راح يصدقوني مافي اي دليل غير رقمم التتبع الي فقط نعرف من خلالة وصول الشحنة من عدمها
اللي يده في الماي مش مثل اللي يده في النار ياختي
انا صارتلي مع تاجر مشتري من عندي كفرات يقول اصلية بس طلعت كواليتي تعبان جدا
لما رفعت قضية طلبو مني شهادة من شخص متخصص هل يعقل احد يقدر يطلع مثل هالشهادة
شوفي تجارب الناس بالشراء ناس مطرشيلهم بطاريات بدال ايفون وناس مطرشينهم قوطي بيبسي بدل شحنات بالالاف
وحتى اخر مرة شاري تلفون والبائع يقولي مفتحوح ويشتغل على اي كرت ولما يوصل احصلة مافي مكان للكرت يشتغل بنظام البليب الظاهر وبالاخير مارجو لي شي الباي بال مع اني حاط البوم من الصور عشن يـتأكدون بس الحمد لله التاجر خاف اني اعطية تقيم سلبي فرد لي كم ريال


الي بوصل لي الايباي يحتاج لخبرة وايضا لغة انجليزية قوية مرات تحصل كلمة بين السطور تغير من نظرتك للمنتج