لماذا تطلع زوجتك/ ابنتك من المنزل؟

[واقعية]

السلام عليكم و رحمة الله و بركاته

قد يكون الموضوع في محتواه مكرر و لكنها دعوة

((لكل راعي و مسؤول عن رعيته بالتفكر و تقييم الوضع عنده))

يمكن الرد ع الاسئلة في المنتدى لمعرفة الوضع لدى الاغلبية و طرح نقاط للنقاش ( دون المساس باحد ) و لكن ليس هذا هو المهم، المهم ان :

يفكر الشخص في نظام حياته ، و يشوف هل هناك خطر هو مش مدرك له

السؤال الاول: من يقضي أغراض / احتياجات البيت الشهرية / الاسبوعية؟

السؤال الثاني: من يقضي احتياجات الابناء المدرسية و غيرها؟

السؤال الثالث: هل هناك ساعة غير مسموح بعدها (( للزوجة م اللابناء )) بالتواجد خارج المنزل ( خاصة اذا لم يكن الخروج لزيارة الاهل))؟

السؤال الرابع: من الشخص المسؤول عن الطلعات في غير الفترة الصباحية؟

السؤال الاخير: ما هي الاماكن الممنوعة؟


من المهم في رأيي تباحث مثل هذه الاسئلة بين الزوجين للتأكيد على اهمية الحفاظ على الاسرة لان الرجل إذا ترك للزوجة الحرية المطلقة دون حدود واضحة فلا يتوقع ان تدرك هي ما يدور في خاطره من الامور التي سبق طرحها في الاسئلة

سبب اهمية تباحث هذه الامور لان هناك دائما ما هو جديد حولنا و لذا نحتاج ان نحدد موقفنا كأسرة من هذا الجديد

ف مثلا : عندما تكون هناك مسيرة لفوز نادي في لعبة مشهورة : هل هذا مجال تطلع فيه الزوجة مع الابناء في سيارة يقودها سائق لا يمت لنا بصلة .........

و أخيراً : (كلكم راع و كلكم مسؤول عن رعيته)

[فارس الكلمة]

بعض الزوجات صعب السبطرة عليها .. خصوصا في مسألة الخروج من البيت ..

[واقعية]

بعض الزوجات صعب السبطرة عليها .. خصوصا في مسألة الخروج من البيت ..

اعتقد المرأة من بداية زواجها تكون متوقعة تغيير في نمط حياتها

الخروج المقنن شي جيد

و التدرج في التعويد ع تقليل الخروج من البيت ( للمرأة ) شي مهم حتى لا تلقى رد فعل عكسي منها


شكرا للمرورك

[فارس الكلمة]

سمعت عن زوجة طلبت الطلاق .. لأن زوجها اشترط عليها الاستئذان قبل

الخروج من البيت .. هي أعتبرت ذلك تقييد لحريتها ..!!

[الفهد1]

لايجوز التحدث عن الاسرار

[فلتة زمانها]

سمعت عن زوجة طلبت الطلاق .. لأن زوجها اشترط عليها الاستئذان قبل

الخروج من البيت .. هي أعتبرت ذلك تقييد لحريتها ..!!

سمعت يعني مجرد خبر غير موثوق ياجماعه بسكم تاليف
وتشويه سمعت المراءه انها مخلوق متمرد ومنحرف
وانتوا الملاك الطاهر حسبي الله عليكم يالمثاليين:anger1:

[واقعية]

سمعت عن زوجة طلبت الطلاق .. لأن زوجها اشترط عليها الاستئذان قبل

الخروج من البيت .. هي أعتبرت ذلك تقييد لحريتها ..!!

سمعنا شي و اللي احنا عايشينه شي

و السؤال في هذا الموضوع:
من هو هذاالزوج الذي طلب من زوجته ؟ اي نوع من الرجال هو ؟ القائم ع اداء جميع متطلبات البيت و الزوجة و العيال ام الذي يضع العراقيل و السلام ( مع احترامي للجميع)

و كيف كانت الطريقة التي طلب ذلك منها؟

شاكرة لك مرورك

[واقعية]

لايجوز التحدث عن الاسرار

اتفق معك

و الحديث بشكل علني ليس هو هدف الموضوع

انما الاصلاح ما استطعت

شاكرة مرورك

[فارس الكلمة]

و هناك بعض الأزواج .. الذي يترك زوجته و يسافر عنها .. أو يذهب للرحلات أو القنص

لفترة طويلة أو بصورة متكررة .. و يحرم أحياناً زوجته من الخروج لقضاء بعض الحوائج أو زيارة أقاربها..

[واقعية]

سمعت يعني مجرد خبر غير موثوق ياجماعه بسكم تاليف
وتشويه سمعت المراءه انها مخلوق متمرد ومنحرف
وانتوا الملاك الطاهر حسبي الله عليكم يالمثاليين:anger1:

المرأة هي اساس الاسرة الذي بصلاحها يصلح جيل كامل

و اتفق معك بعدم السماح بتشويه احد

و لكن هذه ظاهرة و نود ان نعرف هل استطيع ((انا )) الحد منها

و (( انا )) المقصود بها راعي كل اسرة

شاكرة مرورك

[واقعية]

و هناك بعض الأزواج .. الذي يترك زوجته و يسافر عنها .. أو يذهب للرحلات أو القنص

لفترة طويلة أو بصورة متكررة .. و يحرم أحياناً زوجته من الخروج لقضاء بعض الحوائج أو زيارة أقاربها..

هذا النوع الذي اتوقع لو طلب من زوجته البقاء في المنزل

ستطلب الطلاق (( لتقييد الحرية))

شاكرة مرورك

[واقعية]

في هذا الموضوع

ارجو التركيز على:

هل انا احد الذين يترك زوجته او بناته في الخارج بدون سبب

كيف استطيع تعديل هذا الوضع بدون مشاكل كبيرة في الاسرة

[قطرية فذة]

سجلت عبور للحضور ومعاوده قراءة التعليقات

[فارس الكلمة]

في هذا الموضوع

ارجو التركيز على:

هل انا احد الذين يترك زوجته او بناته في الخارج بدون سبب

كيف استطيع تعديل هذا الوضع بدون مشاكل كبيرة في الاسرة

يمكن حل مثل هذه المشاكل بتوخي العدل .. و التفاهم و الحوار بين الطرفين ..

[حقيقه]

:con2:

[مخطط قطري]

المراه مكانها البيت وشتبي في الطلعات والروحات والجيات
والرجل مسؤل عنها في كل شي ويقدر يطلعها ويوسع خاطره بس هم الاثنين مع بعض
مش مساله شك فيها لاسمح الله ولا تقليل من شانها ولكن هي جوهره مصونه ويجب المحافظه عليها:)

[الـآنسـہ]

اصلا الزوجه لازم تفكر في زوجها قبل نفسها في هذي الأمور ,
لو بيرضى او بيتضايق من هالشي

هذا مب تقييد للحريه هذي مسؤولية الزوجه و واجبها

يعني لو ما بتنفذ طلبات زوجها و تهتم فيه و بالبيت و العيال ليش تتزوج ؟
تقعد في بيت اهلها احسن تجي و تروح على كيفها

الزوج له حق يحط قوانين فالبيت على كيفه و المفروض تتطبق
يعني في بيتها تسمع كلام ابوها لكن لو تزوجت و طلعت ما تسمع كلام زوجها ؟

لو هي دايما تطلع و هالسواف عجل شنو خلت للصغار يقتدون فيه
بكرا يكبرون بناته و يسوون نفس الشي و يقولون امنا تسوي احنا ليش لا
و نفس الشي لبناتهم ..

الحمدالله احنا عندنا قواعد فالبيت و الكل ماشي عليها من الكبير لين الصغير
ومثل ما تكرمتي اختي " واقعية " لنا وقت معين ما نطلع بعده و هو وقت صلاة المغرب

و هذا افضل شي للمرأه و بناتها , يستر عليهم و يبعد عنهم المشاكل و اشياء وايد

الزواج مب معناته حريه و كل شي على الكيف , الزواج مسؤوليه
و اللي ما تتحمل هالمسؤوليه ما تستحق تكون زوجه

شاكره الطرح عزيزتي ,

دمتي بحفظ الرحمن

[skittles]

وليش هو يسهر للفجر مع الربع
والحين لما هي بتطلع صارت هي الغلط ؟

منطق عجيب

[بدون]

اعتقدالزوج العاقل اللي متفاهم مع أهله و يفرض احترامه ما راح يلاقي مشكلة في هذه النقطة
بالعكس زوجته بتستشيره في كل أمورها و ما راح تفكر تطلع من غير ما تقول له حتى و هو مسافر

[شرشووووورة]

بعض الزوجات صعب السبطرة عليها .. خصوصا في مسألة الخروج من البيت ..

صعب السيطرة عليها :omg:

وذي واشتبي فيها .. انت مب قدها

طالما صعب اتسيطر عليها .. شلون اتسيطر على البيت

[الدمعه]

وعليكم السلام ورحمة الله وبركاته..


السؤال الاول: من يقضي أغراض / احتياجات البيت الشهرية / الاسبوعية؟

احتياجات البيت كلها الزوج هو اللي يقضيها سواء يوميه اواسبوعيه او شهريه

احيانا اروح معاه يعني كل شهرين تقريبا ..


السؤال الثاني: من يقضي احتياجات الابناء المدرسية و غيرها؟

احتياجات الابناء اذا قرطاسيه غالبا اكون انا لاني انا اللي اسوي الانشطه المدرسيه

ومنها اشتري الاقلام والدفاتر وغيرهم ..

اما الملابس او الشنطه او غير اشياء ماتكون من المكتبه نروح احنا الاثنين ..




السؤال الثالث: هل هناك ساعة غير مسموح بعدها (( للزوجة م اللابناء )) بالتواجد خارج المنزل ( خاصة اذا لم يكن الخروج لزيارة الاهل))؟

سواء كان اهل او غيره بعد الساعه 11 يصير زلزال بالبيت .. باستثناء الاعراس ..

عنده ابات بيت هلي افضل من اني ارجع هالحزه الااذا هو اللي بيرجعنا ..




السؤال الرابع: من الشخص المسؤول عن الطلعات في غير الفترة الصباحية؟

طبعا مافي طلعه بدون اذن مسبق سواء فتره صباحيه والاغيره ... والا:anger1:



السؤال الاخير: ما هي الاماكن الممنوعة؟

كل المجمعات والمطاعم واماكن كثيره ممنوع اروحها بدون زوجي :ok:

من اول ماتزوجنا كان في شرط مني وشرط منه .. طبعا شرط اتفاقي بيني وبينه..

شرطي ..مايمنعني من زيارة اهلي مهما كانت الظروف ..(يوم الخميس ) يعني يوم جمعتنا ..

وشرطه مااروح مكان بدون اذنه نهائيا مهما كانت الظروف .. بصراحه شي ممل بس تعودت ..

واللحين هو تقريبا مل من كثر مااستأذن على اتفهه الامور ...:nice:

يعني بروح الصيدليه .. بروح المدرسه.. بمر بيت امي وانا راده من المدرسه بشوف يمكن

تبغي شي .. بنتي او ولدي تعبانين بوديهم المستشفى .. بمر الخياط ..

بشتري نعناع ممكن اوقف عند الخضار هههههههههههههه اتوقع بعد كم سنه

بيتغير طبعه.. وبيصير اهدا من اللحين بوايد..

[ANONYMOUS]

وليش هو يسهر للفجر مع الربع
والحين لما هي بتطلع صارت هي الغلط ؟

منطق عجيب



انا عارف هالناس اشلون تفكر :rolleyes2:

خل تطلع براحتها وترد براحتها :shy:

ياشين الحكره :eek5:

[المهاجر]

الامر بسيط ولا يوجد به اي تعقيد

الحل سهل جدا

وهو

اذا المرأه كانت إمرأه تقوم بدورها الأنثوي

وتعرف قيمتها وانها ملكه في بيتها

سوف

تقضى كل حوائجها وهي جالسه بمكانها


وكان

الرجل يقوم بدوره الرجولي

ويعرف مدى المسؤليه الملقاه على عاتقه

وان الله خلقه رجل واعطاه القوامه

وان محافظته على بيته ورعاية اهله

هو فخر وعزه له

هنا تستقيم الأمور وينصلح الحال

وتكون الحياه طبيعيه

ليس فيها مشاكل ولا هموم ولا خلافات


ولكن للأسف الشديد

ان الحاصل الآن في هذا الزمان

عكس ذلك تماما

فالمرأه اصبحت تقوم بدور الرجل

والرجل تنازل عن دوره للمرأه

لذلك نرى مانراه من سوء اخلاق

ونرى تطاول المراه على زوجها

ونرى هروب الزوج عنها

موضوع قيم اختي الكريمه

يعطيج العافيه

[فلتة زمانها]

الامر بسيط ولا يوجد به اي تعقيد

الحل سهل جدا

وهو

اذا المرأه كانت إمرأه تقوم بدورها الأنثوي

وتعرف قيمتها وانها ملكه في بيتها

سوف

تقضى كل حوائجها وهي جالسه بمكانها


وكان

الرجل يقوم بدوره الرجولي

ويعرف مدى المسؤليه الملقاه على عاتقه

وان الله خلقه رجل واعطاه القوامه

وان محافظته على بيته ورعاية اهله

هو فخر وعزه له

هنا تستقيم الأمور وينصلح الحال

وتكون الحياه طبيعيه

ليس فيها مشاكل ولا هموم ولا خلافات


ولكن للأسف الشديد

ان الحاصل الآن في هذا الزمان

عكس ذلك تماما

فالمرأه اصبحت تقوم بدور الرجل

والرجل تنازل عن دوره للمرأه

لذلك نرى مانراه من سوء اخلاق

ونرى تطاول المراه على زوجها
ونرى هروب الزوج عنها

موضوع قيم اختي الكريمه

يعطيج العافيه

وااااايد مستلمين الحريم :telephone:

[المهاجر]

وااااايد مستلمين الحريم :telephone:

بالعكس اختي

احنا ودنا بالخير لكم

وما قلنا كل الحريم

نقول اللي ما تقوم بدورها اللي خلقها الله عليه

وايضا قلنا عن الرجال

فالامر مشترك بينهم

وكم هناك من النساء اللذين نفتخر بهم ونعتز بهم

وهم كثر عسى الله يثبتهم ويوفقهم

ويهدي من انحرف عن الطريق

ويعودوا لطريق الخير من جديد

[skittles]

انا عارف هالناس اشلون تفكر :rolleyes2:

خل تطلع براحتها وترد براحتها :shy:

ياشين الحكره :eek5:


ماقلنا شي تستأذن قبل لاتطلع
لكن مب تنحكر فالبيت هي والكرسي واحد
يااما معاه او ماتطلع شدعوة

:omen2:

[!..فيونكه..!]

الزواج مب قيود وسجن عشان الوحده تنحكر في البيت

اذا الزوج ماعنده وقت ومب فاضي ولا قايم فيها ولا في احتياجاتها

ولا يفكر انها انسانه محتاجه ترفيه ووناسة وتغير جو

ويروح كل مكان ويطلع مع ربعه ويسافر وهي ممنوع عليها حتى تروح مجمع ولا مطعم حتى مع خواتها واهلها

شالعيشه هو ماخذها عشان يتحكم فيها على مزاجه ويحكرها فالبيت ؟؟

خليتو الدين تشدد الوحده تتمنى تكون ولد والسبه هالتفكير المتحجر

[القيادة]

الله يذكر أيام أمهاتنا

البيت مكانها ولاتطلع الا مع زوجهاا.

وكل وأحد على حسب تربيته

وكل وحده على حسب تربيته

وأخيراً

يعتمد على الرجال أذا كان ذيب المرأه عرفت رجالها

وأذا

كان الرجال سيكل لاحول ولا قوة الا بالله.

[المهاجر]

الله يذكر أيام أمهاتنا

البيت مكانها ولاتطلع الا مع زوجهاا.

وكل وأحد على حسب تربيته

وكل وحده على حسب تربيته

وأخيراً

يعتمد على الرجال أذا كان ذيب المرأه عرفت رجالها

وأذا

كان الرجال سيكل لاحول ولا قوة الا بالله.
:nice::nice:

[بـــــــنت النوخـّــــذه]

السلام عليكم و رحمة الله و بركاته

** ياهلا ومرحب شخبارج عساج طيبه :nice:

السؤال الاول: من يقضي أغراض / احتياجات البيت الشهرية / الاسبوعية؟

** الرجل نصف المرأه والمرأه نصف الرجل والاهم ان يكون بينهم اتفاق واخلاص وتربيه صالحه يطلع من البيت يعرف ان ماخذ له بنت اجاويد عن ميه رجال 00

السؤال الثاني: من يقضي احتياجات الابناء المدرسية و غيرها؟

** الاثنين بعد ارد واقول بإتفاق بينهم ورضى دام الاثنين متفقين وراضيين من يقوم طبقا" للظروف اذا انا ماشوف فيها اشكاليه 00مثلا طويل العمر عنده دوره بره انطره لي يجي ولا البس عباتي وبكامل احتشامي واقوم بالواجب كنه موجود ويرجع يقولي كفو والله ام فلان قايمه بالواجب ولازمه بيتج وعيالج كني موجود اطلبي وتدللي اي شنطه ولا اي ساعه تبغين أشري وانا اجيبها يرخص لج الغالي :D:D:D

السؤال الثالث: هل هناك ساعة غير مسموح بعدها (( للزوجة م اللابناء )) بالتواجد خارج المنزل ( خاصة اذا لم يكن الخروج لزيارة الاهل))؟

** بقولج بعد ارد وقول التربيه الصالحه تلعب دور اذا البنت متربيه عدل بتعرف متى تطلع ومتى ترجع يعني مثلا الياهل ابوه مسافر دوره ومرض علي بانصاص الليالي اقوله انطر لين ابوك يرجع ولا البس عباتي وبكامل حشمتي واروح المستشفى واداوي ولده ولي رجع اقوله السالفه ويقولي والنعم بأم فلان كفو والله هالمره الي ماتعطل امورها تدللي الغالي يرخصلج<<بس مابي شنطه لان شرالي بالسؤال الثاني :eek2:

السؤال الرابع: من الشخص المسؤول عن الطلعات في غير الفترة الصباحية؟

** الاثنين اختي ويعتمد مثل ماقلت اعتماد كلي على تربيه البنت الصالحه اذا متربيه عدل بتعرف متى تطلع واي مكان اتروحه تحت اذن زوجها 00

السؤال الاخير: ما هي الاماكن الممنوعة؟

** اماكن الفساد والفتنه والي مالها داعي او هدف + الاماكن الي يرفض دخولها الزوج 00وارد واقول البنت المتربيه عدل بتعرف وين اتروح ووين تجي والساعه الكم ومع 00



ف مثلا : عندما تكون هناك مسيرة لفوز نادي في لعبة مشهورة : هل هذا مجال تطلع فيه الزوجة مع الابناء في سيارة يقودها سائق لا يمت لنا بصلة .........

والله يا اختي لاتظلمين الناس 00يبغون يوسعون صدروهم مع اليهال وطالما محترمين وعارفين حدودهم الله يحفظهم 00على فكره جدتي اتسولف لي قبل لما يرجعون الغاصه من رحله الغوص اتقول مايتم حد بالديره والي ينطرهم عند البحر من الليل وهم بكامل حشمتهم وسترهم 0قلت لها خساره والله فاتتني هالايام لاحد نقد عليهم ولا قال لهم حرام وعيب 0 :)

و أخيراً : (كلكم راع و كلكم مسؤول عن رعيته)

صحيح هالكلام ولا غبار عليه:

(كلكم راع و كلكم مسؤول عن رعيته)


وفي الاخير احب اكرر اذا المرأه الي متربيه عدل وطالعه من بيت اجاويد وعارفه الصح من الغلط ماعليها خوف وامثال هالنوعيه كثر ومهب بالضروره انها اتقوم باحتياجات البيت ان زوجها مقصر ولا ابوها ولا اخوها 000بالعكس انا اعتبره قمه معاني التعاون والاخلاص والتربيه الصالحه 000يعني بذمتج كل وحده قاعده ماتطلع وماسكه التلفون اتعقر بخلق الله هذي مره ولا غيره من التصرفات الاخرى000الناس اجناس ولازم انحكم عقلنا بكل المواقف 00قولي لي شنهو الموقف وانا اتناقش معاج اما بشكل عام بدون لا انعرف اخلاقياتهم انا ارفض هذا المبدأ بالحكم على الاخرين :nice:

سلام (ن) عليكم

[المهاجر]

صحيح هالكلام ولا غبار عليه:

(كلكم راع و كلكم مسؤول عن رعيته)


وفي الاخير احب اكرر اذا المرأه الي متربيه عدل وطالعه من بيت اجاويد وعارفه الصح من الغلط ماعليها خوف وامثال هالنوعيه كثر ومهب بالضروره انها اتقوم باحتياجات البيت ان زوجها مقصر ولا ابوها ولا اخوها 000بالعكس انا اعتبره قمه معاني التعاون والاخلاص والتربيه الصالحه 000يعني بذمتج كل وحده قاعده ماتطلع وماسكه التلفون اتعقر بخلق الله هذي مره ولا غيره من التصرفات الاخرى000الناس اجناس ولازم انحكم عقلنا بكل المواقف 00قولي لي شنهو الموقف وانا اتناقش معاج اما بشكل عام بدون لا انعرف اخلاقياتهم انا ارفض هذا المبدأ بالحكم على الاخرين :nice:

سلام (ن) عليكم

تبيني اقولج موقف الا مواقف مب موقف واحد

لو اقولها لج يابنت النوخذه يمكن تكرهين عمرج

:secret:

[بـــــــنت النوخـّــــذه]

تبيني اقولج موقف الا مواقف مب موقف واحد

لو اقولها لج يابنت النوخذه يمكن تكرهين عمرج

:secret:



لاحظ اخوي المهاجر انت قلت موقف + تكرهين عمرج

معناته التصرف هذا وراه تسيب ووراه تربيه غير صالحه 00

واعيد وكرر ياما بيوت قامت وعيال امسكو مناصب وبنات تزوجو من احسن القبايل وكان ورى تربيتهم وقضاء احتياجاتهم مره قامت بدور الاب والاخ والعم والخال و000الخ وجماعتها من الرجال يشهدون لها بأنها بنت رجّال وماقللو من قيمه زوجها ولا اخوها ولا اعيالها 000 ورجلها يفتخر يقول عندي مره ولا كل الحريم بنت رجال :victory:

يعني عشان كذا انا قلت لانحكم بدون لانعرف من هم اطراف القصه وماهي تربيتهم

وعلى طاري القصص لو تبغي بعطيك انا معاشره حريم اشكثر ولي معارف وبحكم عملي كذلك تعرفت على عقليات متفاوته منها اللهم لك الحمد ومنها الله يشفيها ومنهم والنعم فيهم 00وكلامي هذا بالنسبه عن دور المرأه وقضاء الاحتياجات ما قلته الا من واقع تجربه (ناجحه) بين الطرفين الزوج والزوجه 00

تبغي اصدمك انا واحد من اخواني شرطه بالي يتزوجها انها تكون بنت اجاويد لي طلع من البيت ولا راح مهمه سافر يرقد ويأمن مره اتقوم بالواجب تفتح البيت للضيوف اترحب واتهلل واتعزم وتوجب وتقضي احتياجات العيال اذا هو خارج الديره وتستأذن قبل لاتطلع ومحتشمه من فوق لي تحت ماعليها خوف تربيه صالحه مهب وحده اللهم لك الحمد مساكه التلفون 24/24 واتهذر والعيال عند الخدامه ولا العقليه جاهله لادبر عمرها ومعنمده على زوجها بكل شي

انا مع المرأه انها تتعلم تقضي احتياجاتها الحياه تعاون واخذ وعطا يوم اشيلك ويوم اتشيلني ليش البعض عنده المره الي ماتطلع هذي السنعه ترى ياما تحت السواهي دواهي 00خلونا نتكلم بعقل اشوي ولا تتهمون كل مرأه تساعد زوجها ولا اتعرف اتقوم بالواجب واحتياجات البيت وتطلع وتروح بحشمتها بان زوجها غير رجل بالعكس قمه الرجوله 00 <<<كلامي للفئه المتعاونه مهب المتسيبه واللامبالاه من الطرفين الزوج والزوجه

[واقعية]

سجلت عبور للحضور ومعاوده قراءة التعليقات

تشرفنا بمرورج

[واقعية]

حقيقة

مخطط قطري

الانسة

اتفق معكم تماما

شكرا لمروركم الكريم

[واقعية]

وليش هو يسهر للفجر مع الربع
والحين لما هي بتطلع صارت هي الغلط ؟

منطق عجيب

يكون واحد غلط

احسن من ان يكون الاثنين غلط

شاكرة مرورج

[واقعية]

وعليكم السلام ورحمة الله وبركاته..



احتياجات البيت كلها الزوج هو اللي يقضيها سواء يوميه اواسبوعيه او شهريه

احيانا اروح معاه يعني كل شهرين تقريبا ..



احتياجات الابناء اذا قرطاسيه غالبا اكون انا لاني انا اللي اسوي الانشطه المدرسيه

ومنها اشتري الاقلام والدفاتر وغيرهم ..

اما الملابس او الشنطه او غير اشياء ماتكون من المكتبه نروح احنا الاثنين ..





سواء كان اهل او غيره بعد الساعه 11 يصير زلزال بالبيت .. باستثناء الاعراس ..

عنده ابات بيت هلي افضل من اني ارجع هالحزه الااذا هو اللي بيرجعنا ..


زلزال يهدف للحفاظ ع البيت

طبعا مافي طلعه بدون اذن مسبق سواء فتره صباحيه والاغيره ... والا:anger1:




كل المجمعات والمطاعم واماكن كثيره ممنوع اروحها بدون زوجي :ok:

من اول ماتزوجنا كان في شرط مني وشرط منه .. طبعا شرط اتفاقي بيني وبينه..

شرطي ..مايمنعني من زيارة اهلي مهما كانت الظروف ..(يوم الخميس ) يعني يوم جمعتنا ..

وشرطه مااروح مكان بدون اذنه نهائيا مهما كانت الظروف .. بصراحه شي ممل بس تعودت ..

واللحين هو تقريبا مل من كثر مااستأذن على اتفهه الامور ...:nice:

يعني بروح الصيدليه .. بروح المدرسه.. بمر بيت امي وانا راده من المدرسه بشوف يمكن

تبغي شي .. بنتي او ولدي تعبانين بوديهم المستشفى .. بمر الخياط ..

بشتري نعناع ممكن اوقف عند الخضار هههههههههههههه اتوقع بعد كم سنه

بيتغير طبعه.. وبيصير اهدا من اللحين بوايد..


اشكر مرورج و الله لا يغير عليكم

[واقعية]

انا عارف هالناس اشلون تفكر :rolleyes2:

خل تطلع براحتها وترد براحتها :shy:

ياشين الحكره :eek5:

اسمح لي اختلف معاك

تطلع براحتها و ترد براحتها لبيت اهلها

لكن ما اعتقد ان طلعة السيدات و البنات للشارع راحة

شاكرة مرورك

[واقعية]

:nice:

الامر بسيط ولا يوجد به اي تعقيد

الحل سهل جدا

وهو

اذا المرأه كانت إمرأه تقوم بدورها الأنثوي

وتعرف قيمتها وانها ملكه في بيتها

سوف

تقضى كل حوائجها وهي جالسه بمكانها


وكان

الرجل يقوم بدوره الرجولي

ويعرف مدى المسؤليه الملقاه على عاتقه

وان الله خلقه رجل واعطاه القوامه

وان محافظته على بيته ورعاية اهله

هو فخر وعزه له

هنا تستقيم الأمور وينصلح الحال

وتكون الحياه طبيعيه

ليس فيها مشاكل ولا هموم ولا خلافات


ولكن للأسف الشديد

ان الحاصل الآن في هذا الزمان

عكس ذلك تماما

فالمرأه اصبحت تقوم بدور الرجل

والرجل تنازل عن دوره للمرأهلذلك نرى مانراه من سوء اخلاق

ونرى تطاول المراه على زوجها

ونرى هروب الزوج عنها

موضوع قيم اختي الكريمه

يعطيج العافيه

[واقعية]

الزواج مب قيود وسجن عشان الوحده تنحكر في البيت

اذا الزوج ماعنده وقت ومب فاضي ولا قايم فيها ولا في احتياجاتها

ولا يفكر انها انسانه محتاجه ترفيه ووناسة وتغير جو

ويروح كل مكان ويطلع مع ربعه ويسافر وهي ممنوع عليها حتى تروح مجمع ولا مطعم حتى مع خواتها واهلها

شالعيشه هو ماخذها عشان يتحكم فيها على مزاجه ويحكرها فالبيت ؟؟

خليتو الدين تشدد الوحده تتمنى تكون ولد والسبه هالتفكير المتحجر

اتفق معاك

موضوع مثل ذي محتاج التزام من الطرفين

شاركرة مرورك

[واقعية]

:nice::nice:

اشكر مروركم

[واقعية]

صحيح هالكلام ولا غبار عليه:

(كلكم راع و كلكم مسؤول عن رعيته)


وفي الاخير احب اكرر اذا المرأه الي متربيه عدل وطالعه من بيت اجاويد وعارفه الصح من الغلط ماعليها خوف وامثال هالنوعيه كثر ومهب بالضروره انها اتقوم باحتياجات البيت ان زوجها مقصر ولا ابوها ولا اخوها 000بالعكس انا اعتبره قمه معاني التعاون والاخلاص والتربيه الصالحه 000يعني بذمتج كل وحده قاعده ماتطلع وماسكه التلفون اتعقر بخلق الله هذي مره ولا غيره من التصرفات الاخرى000الناس اجناس ولازم انحكم عقلنا بكل المواقف 00قولي لي شنهو الموقف وانا اتناقش معاج اما بشكل عام بدون لا انعرف اخلاقياتهم انا ارفض هذا المبدأ بالحكم على الاخرين :nice:

سلام (ن) عليكم


اتفق معاج اختي و اختلف

اتفق معاج في ان التربية تحكم تصرفات الانسان ( سيدة او رجل )
اتفق معاج ان الوحدة الحين تضطر انها في حالات تطلع تخلص امورها و امور عيالها ( و انا وحدة منهم)

و اختلف معاج بفتح مجال الطلعة و الوناسة
يعني صحيح ان المرأة ثقة و متربية و لكن

الانسان احيانا قد يتحول ما هو منكر في رأيه الى عادي من كثر ما يشوفه امامه

و بالتالي سينعكس على توجهاته حتى في تربيته ( و المشكلة ان كانت امرأة )

شاكرة مرورج
و مبروك عليج الشنطة

[ولد الخال]

رحم الله زمان لا تخرج المرأة من بيتها إلا مرتين

المرة الأولى تخرج من بيتها لبيت زوجها مزفوفه له

والمرة الثانية تخرج من بيتها على أكتاف الرجال لدفنها في قبرها

هذا كان خروج المرأة في العصر القديم

مرتين

تخرج من بيتها مرتين فقط في كل حياتها

[بـــــــنت النوخـّــــذه]

اتفق معاج اختي و اختلف

اتفق معاج في ان التربية تحكم تصرفات الانسان ( سيدة او رجل )
اتفق معاج ان الوحدة الحين تضطر انها في حالات تطلع تخلص امورها و امور عيالها ( و انا وحدة منهم)

و اختلف معاج بفتح مجال الطلعة و الوناسة
يعني صحيح ان المرأة ثقة و متربية و لكن

الانسان احيانا قد يتحول ما هو منكر في رأيه الى عادي من كثر ما يشوفه امامه

و بالتالي سينعكس على توجهاته حتى في تربيته ( و المشكلة ان كانت امرأة )

شاكرة مرورج
و مبروك عليج الشنطة

انا حددت بارك الله فيج الطلعه لها قيود وشروط وركزت وكررت مرار" المتربيه بتعرف متى تطلع وليش ومتى وكيف لباسها 000مهما انفتح جدامها مليون باب دامها (مقتنعه بتربيتها الصالحه ماراح يتغير شي ولا بيأثر فيها شي)0 صدقيني انا اشوف التربيه الصالحه فوق كل شي اذا صلحت مشت كل الامور بيسر 000
ولكن اقول الي مهب قد الطلعه (بعقل ) ولا تقدر تتحكم بعمرها بالمواقف وتسيطر على نفسها وتحافظ على تصرفاتها وتربيتها الصالحه بكل المواقف انا اقول تجلس بالبيت ولا تطلع كلش لان خروجها دمار وتشويه للمجتمع ولصوره المرأه الصالحه00ولاحظي بارك الله فيج بعض المعارضين مبني كلامهم عن تجارب وقصص فاشله سمعوها عن المرأه فعمو على الكل بعدم القدره والسيطره على التربيه وسلوكها ومواجهة الصعاب00 وانا هنا اطلب من الجميع التلذذ بقراءه قصه النبي ايوب عليه السلام وزوجته ^_^ 0

[المهاجر]

لاحظ اخوي المهاجر انت قلت موقف + تكرهين عمرج

معناته التصرف هذا وراه تسيب ووراه تربيه غير صالحه 00

واعيد وكرر ياما بيوت قامت وعيال امسكو مناصب وبنات تزوجو من احسن القبايل وكان ورى تربيتهم وقضاء احتياجاتهم مره قامت بدور الاب والاخ والعم والخال و000الخ وجماعتها من الرجال يشهدون لها بأنها بنت رجّال وماقللو من قيمه زوجها ولا اخوها ولا اعيالها 000 ورجلها يفتخر يقول عندي مره ولا كل الحريم بنت رجال :victory:

يعني عشان كذا انا قلت لانحكم بدون لانعرف من هم اطراف القصه وماهي تربيتهم

وعلى طاري القصص لو تبغي بعطيك انا معاشره حريم اشكثر ولي معارف وبحكم عملي كذلك تعرفت على عقليات متفاوته منها اللهم لك الحمد ومنها الله يشفيها ومنهم والنعم فيهم 00وكلامي هذا بالنسبه عن دور المرأه وقضاء الاحتياجات ما قلته الا من واقع تجربه (ناجحه) بين الطرفين الزوج والزوجه 00

تبغي اصدمك انا واحد من اخواني شرطه بالي يتزوجها انها تكون بنت اجاويد لي طلع من البيت ولا راح مهمه سافر يرقد ويأمن مره اتقوم بالواجب تفتح البيت للضيوف اترحب واتهلل واتعزم وتوجب وتقضي احتياجات العيال اذا هو خارج الديره وتستأذن قبل لاتطلع ومحتشمه من فوق لي تحت ماعليها خوف تربيه صالحه مهب وحده اللهم لك الحمد مساكه التلفون 24/24 واتهذر والعيال عند الخدامه ولا العقليه جاهله لادبر عمرها ومعنمده على زوجها بكل شي

انا مع المرأه انها تتعلم تقضي احتياجاتها الحياه تعاون واخذ وعطا يوم اشيلك ويوم اتشيلني ليش البعض عنده المره الي ماتطلع هذي السنعه ترى ياما تحت السواهي دواهي 00خلونا نتكلم بعقل اشوي ولا تتهمون كل مرأه تساعد زوجها ولا اتعرف اتقوم بالواجب واحتياجات البيت وتطلع وتروح بحشمتها بان زوجها غير رجل بالعكس قمه الرجوله 00 <<<كلامي للفئه المتعاونه مهب المتسيبه واللامبالاه من الطرفين الزوج والزوجه


طبعا هذا اللي اقصده

المشكله تلقين الوحده وتشوفينها ويمكن ترتبطين معاها بعلاقه طويله
وطول هالفتره ما تكتشفين انها مخادعه مرواغه كاذبه
مثلها مثل الافعى جلدها نعام لكن لها انياب سامه انياب خبيثه
باي لحظه ممكن تغرس انيابها بجسمج وتبث سمها فيج
تسوي نفسها الحمل الوديع وهي في حقيقتها ذئبه مالها امان
وما تكتشفين هالشي الا بالصدفه من براعتها في المكر والدهاء
والمصيبه الاكبر من ذي كله تسوي نفسها المظلومه البريئه لا وبعد ما تكشفينها على حقيقتها
تطلع الصوره الحقيقيه لها وتشوفينها تفتخر بهذي الصفات الخبيثه اللي فيها
سبحان الله
الله عطى الانسان فرصه انه يتوب ويصلح من حاله ولكن يتم الاصرار على سلوك الطريق الغلط على الحقاره والخبث

هذا ما عنيته

بالمقابل في نساء والله ثم والله انهم يرفعون الراس ويستاهلون من يعطيهم روحه ويضحي بحياته عشانهم
نساء ينشد بهم الظهر
يكون الواحد بمأمن وهم معاه يحافظون عليه ويصونونه حتى لو الرجال قصر معاهم
فهذا لا يعني لهم انهم يعاملونه بالمثل

تلقينها قاعده ببيتها مع عيالها داريهم وتربيهم وتصبر على شين الرجال وظلمه لها سنوات طويله
لين يفوق من غفلته ويعرف ان كان عنده كنز وكنز غالي بعد وانه كان بيضيعه من بين يده بسبب طيشه وغفلته

شكلي طولت ولكن هذا فيض من غيض

اللي ابي اقوله باختصار
من كانت على خلق فستبقى على خلق مهما واجهت بهالدنيا من صعاب وظروف قاسيه ومن ليس لها خلق فلن ينفع معها النصح ولا التنبيه

ولكنها هي من ستكون خاسره في النهايه
عندما تمر بها الايام وينكشف امرها
وحينها ستعرف انها باعت اغلى ما تملك بهذه الدنيا

سامحوني على الاطاله

[فلتة زمانها]

رحم الله زمان لا تخرج المرأة من بيتها إلا مرتين

المرة الأولى تخرج من بيتها لبيت زوجها مزفوفه له

والمرة الثانية تخرج من بيتها على أكتاف الرجال لدفنها في قبرها
هذا كان خروج المرأة في العصر القديم

مرتين

تخرج من بيتها مرتين فقط في كل حياتها

شدعوه ذبيحه:anger1:

[بـــــــنت النوخـّــــذه]

شدعوه ذبيحه:anger1:

الله يقطع بليسج وسوالفج يا فلته والله مت من الضحك 00صراحه انا قريت التعليق وماحبيت اعلق على كلمه مدفونه بقبرها 0000 انزين فرضا" هذه المرأه مرضت ولا تبغي اتوجب الناس واهلها وجماعتها وتسأل عن عيالها بالمدارس !!!!

صراحه البعض يحط جمل بدون تفسير والمشكله اتحصلين فئات ياخذون هذا الكلام قولا وفعلا" بدون معرفه الشرح كاملا00

[ولد الخال]

شدعوه ذبيحه:anger1:

لا مو ذبيحه

ولكن هذا ما يردده رجال الدين

هذا الكلام منقول عن الشيخ كشك المصري

[skittles]

رحم الله زمان لا تخرج المرأة من بيتها إلا مرتين

المرة الأولى تخرج من بيتها لبيت زوجها مزفوفه له

والمرة الثانية تخرج من بيتها على أكتاف الرجال لدفنها في قبرها

هذا كان خروج المرأة في العصر القديم

مرتين

تخرج من بيتها مرتين فقط في كل حياتها


نوكومينت صراحه
:rolleyes2:

[فلتة زمانها]

الله يقطع بليسج وسوالفج يا فلته والله مت من الضحك 00صراحه انا قريت التعليق وماحبيت اعلق على كلمه مدفونه بقبرها 0000 انزين فرضا" هذه المرأه مرضت ولا تبغي اتوجب الناس واهلها وجماعتها وتسأل عن عيالها بالمدارس !!!!

صراحه البعض يحط جمل بدون تفسير والمشكله اتحصلين فئات ياخذون هذا الكلام قولا وفعلا" بدون معرفه الشرح كاملا00

هههههههههههههه ياختي ما اقدر اسكت شي يقهرني
مادري شفيهم بعض الاعضاء يحسسوني انهم عايشين في زمن الغوص

[!..فيونكه..!]

رحم الله زمان لا تخرج المرأة من بيتها إلا مرتين

المرة الأولى تخرج من بيتها لبيت زوجها مزفوفه له

والمرة الثانية تخرج من بيتها على أكتاف الرجال لدفنها في قبرها

هذا كان خروج المرأة في العصر القديم

مرتين

تخرج من بيتها مرتين فقط في كل حياتها


الزمن اللي تتكلم عنه كانو في رجـــــــــــــــااااال يعتمد عليهم وينشد الظهر فيـــــــــــهم ولا مقصرين على حريمهم في ولا شيء

اذا مرضت يعني ماتروح المستشفى ؟
اذا بغت تتواصل مع اهلها ماتزورهم؟ تقطع صلة الرحم؟
اذا بغت تشتري اغراض واحتياجاتها الخاصة ماتطلع السوق؟
اذا بغت تتواصل مع الناس في مناسبات اجتماعية الاعياد حفلات الزواج وغيره ماتروح؟

اسمحلي هالكلام مايدش العقل المره مو جماد عشان تقطعها عن العالم الخارجي وتقعدها بين اربع طوف

[بـــــــنت النوخـّــــذه]

هههههههههههههه ياختي ما اقدر اسكت شي يقهرني
مادري شفيهم بعض الاعضاء يحسسوني انهم عايشين في زمن الغوص

حرام عليج لاتظلمين الزمن الجميل معاهم تكفين بس

زمن الغوص الحريم والريايل يد وحده محد يشك بالثاني وفي ثقه وامانه واخلاص ومره اتقوم بالواجب ورجلها شهور يبحر يدور رزقه 00مافي وجه مقارنه الحين هالزمن يشوفون قصه فاشله لمرأه ما انقعت فيها التربيه ولا زوجها ويحكمون على الباقيين بالاعدام :(

[فلتة زمانها]

طبعا هذا اللي اقصده

المشكله تلقين الوحده وتشوفينها ويمكن ترتبطين معاها بعلاقه طويله
وطول هالفتره ما تكتشفين انها مخادعه مرواغه كاذبه
مثلها مثل الافعى جلدها نعام لكن لها انياب سامه انياب خبيثه
باي لحظه ممكن تغرس انيابها بجسمج وتبث سمها فيج
تسوي نفسها الحمل الوديع وهي في حقيقتها ذئبه مالها امان
وما تكتشفين هالشي الا بالصدفه من براعتها في المكر والدهاء
والمصيبه الاكبر من ذي كله تسوي نفسها المظلومه البريئه لا وبعد ما تكشفينها على حقيقتها
تطلع الصوره الحقيقيه لها وتشوفينها تفتخر بهذي الصفات الخبيثه اللي فيها
سبحان الله
الله عطى الانسان فرصه انه يتوب ويصلح من حاله ولكن يتم الاصرار على سلوك الطريق الغلط على الحقاره والخبث

هذا ما عنيته

بالمقابل في نساء والله ثم والله انهم يرفعون الراس ويستاهلون من يعطيهم روحه ويضحي بحياته عشانهم
نساء ينشد بهم الظهر
يكون الواحد بمأمن وهم معاه يحافظون عليه ويصونونه حتى لو الرجال قصر معاهم
فهذا لا يعني لهم انهم يعاملونه بالمثل

تلقينها قاعده ببيتها مع عيالها داريهم وتربيهم وتصبر على شين الرجال وظلمه لها سنوات طويله
لين يفوق من غفلته ويعرف ان كان عنده كنز وكنز غالي بعد وانه كان بيضيعه من بين يده بسبب طيشه وغفلته

شكلي طولت ولكن هذا فيض من غيض

اللي ابي اقوله باختصار
من كانت على خلق فستبقى على خلق مهما واجهت بهالدنيا من صعاب وظروف قاسيه ومن ليس لها خلق فلن ينفع معها النصح ولا التنبيه

ولكنها هي من ستكون خاسره في النهايه
عندما تمر بها الايام وينكشف امرها
وحينها ستعرف انها باعت اغلى ما تملك بهذه الدنيا

سامحوني على الاطاله

غريبه يالمهاجر مركز على المراءه وغلطتها
ونسيت الرجل اللي رضى بالعلاقه المحرمه
ما اشوف حد يلومهم ليش اللوم كله عالمره:telephone:

[المهاجر]

رحم الله زمان لا تخرج المرأة من بيتها إلا مرتين

المرة الأولى تخرج من بيتها لبيت زوجها مزفوفه له

والمرة الثانية تخرج من بيتها على أكتاف الرجال لدفنها في قبرها

هذا كان خروج المرأة في العصر القديم

مرتين

تخرج من بيتها مرتين فقط في كل حياتها
من قال اخوي زمان أن المرأه ما تطلع من بيتها

الا كانت تطلع وتروح تحطب وتروي الماي

وكانت امرأه بمعنى الكلمه

لها حشمتها وتقديرها واحترامها

امرأه يعتمد عليها

كانت تقضي حوائجها وهي واثقه من نفسها

واللي حولها واثقين فيها وعارفين انها إمرأه كفوا

اخالفك الرأي اخوي بما ذكرته

فالمرأه ليست قطعة اثاث توضع بالمنزل وليست
رهينة اعتقال
ولكنها معززه ومكرمه ومصونه
تخرج مع زوجها وتروح كل مكان محترم
وتعيش حياتها بطريقه صحيحه
حياه محترمه مع من يحميها ويحافظ عليها

[المهاجر]

غريبه يالمهاجر مركز على المراءه وغلطتها
ونسيت الرجل اللي رضى بالعلاقه المحرمه
ما اشوف حد يلومهم ليش اللوم كله عالمره:telephone:

انا مش مركز على المرأه

ولكن الحديث عن المرأه لذلك تضنين ان التركيز على المرأه

واعتقد انج شفتي موضوعي عن الرجل اللي رديتي عليه

والرجل اللي يرضى بالعلاقه المحرمه ليس برجل

الرجل لا يرضى بان يستمر بعلاقه محرمه ابدا مهما كانت هذه العلاقه

فالاثنان سواسيه المرأه والرجل في هذا الأمر

[روح الاطلس]

اعرف ازواج كثير يخلون حريمهم يسافرون يتشمون لوحدهم للندن وباريس ورما :) شنو نسميهم؟

[واقعية]

لاحظوا يا جماعة انكم لما تتكلمون عن ايام اول

تتكلمون عن المرأة اللي تروح تحطب و تروي الماء

و ليس المرأة التي تروح تتمشى بالسوق بدون سالفة و المشكلة

يمكن احيانا تلقى زوجها مع ربعه بنفس المجمع

و تروح بعيد عنه حتى ما يشوفون بعض


الموضوع ليس: مايحدث عند خروج المرأة

الموضوع لماذا تضطر المرأة للخروج حتى يصبح خروجها عادة

و من بعد ذلك تأتي الشكوى بأن المرأة تعودت ع الخروج

يعني الفكرة : اذا الحين المراة تطلع بسالفة و بدون سالفة

يعني في2022 بنشوفهم في الملعب يشجعون

شاكرة للجميع المرور و الاضافة

[!..فيونكه..!]

وشفيها يعني اذا طلعت المره للترويح عن النفس وكسر الملل وتغير الجو وهي بكامل حشمتها ومحترمه نفسها ؟

هل هناك دليل من القرءان والسنة يفيد انه خروج المرأه للترويح عن النفس حرام شرعا ؟

[MAZEN37]

الخيل من الخياال

[واقعية]

وشفيها يعني اذا طلعت المره للترويح عن النفس وكسر الملل وتغير الجو وهي بكامل حشمتها ومحترمه نفسها ؟

هل هناك دليل من القرءان والسنة يفيد انه خروج المرأه للترويح عن النفس حرام شرعا ؟

اتفق معاج الانسان يحتاج للترويح عن النفس

و لكن ما هو الشكل الصحيح للترويح عن النفس

كل يوم ساعتين و ثلاث بره مع السايق

و الا بوجود شخص مسؤول مع الاسرة


الاسلام نظام حياة

يعني لما يطلب من الرجل ان يغض بصره، فإنه يأمر المرأة:

((وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا )) الاحزاب 33

لاحظي بأن الامر بالجلوس و عدم التبرج في بداية الاية للنساء

و بعد ذلك (( ليذهب عنكم الرجس أهل البيت و يطهركم تطهيرا)) ليس للمرأة فقط

شاكرة مرورك
واقعية

[متفااائل]

أعتقد السبب واحد ... لا الحريم هن الحريم ولا الرجال هم الرجال

[الدمعه]

دايما اذا قعدت مع الحريم هاي يكون موضوعنا للنقاش ..ودايما اطلع متخلفه بالنسبه لهم ..

يوم السبت اللي فات كان نقاشنا عن المسيره وقلبناها طلعت الحريم وغيره....

وعموما كل واحد وقناعته وكل وحده ووين تبي توصل وشلون ..

بالنسبه لي مقتنعه ان المره مالها حاجه تطلع الا اذا لها شي ناقصها وبتقضيه ..

وهي مب محتاجه انها كل يوم تطلع عشان ترفهه عن نفسها اشدعوه شهالنفس اللي دوم متملله..

اذا طلعت في الاسبوع يوم راحت فيه مجمع او مطعم .. هذا غير طلعاتها حق اهلها

ومعارفها .. والاهذي مب طلعه ..لازم تدور بروحها في المجمع والاالسينما

والاالقهوه .. لازم تحط راسها براس الريال .. مثل ماسوى انا بسوي ..

راح ,بروح.. سافر,بسافر.. وبالغصب بعد يعني تجبر زوجها على شي مب

راضي فيه ..وش يسوى على المره اذا زعل زوجها الملايكه تلعنها من الليل لين الصبح ..

وشكالف علي انا كزوجه احمل روحي اثم ..

والعضوه اللي تقول حاطين على المره سؤال واسمحيلي عليه انتي متزوجه؟؟؟

اذا مومتزوجه النقاش معاج موبمحله ..

اما بالنسبه للادله بامكانج تطلعين عليها من الكتب واهمها القران ..

وعندج كتاب الطريق الى السعاده الزوجيه ..مؤلفه عبدالله جار الله..

معليه الوحده تطلع تقضي غرضها وترد ..اما تلف وتدور كل محل وكل مكان بصراحه

حركه باصجه منها .. :secret:

[خالـــــد]

رايي في هذا الرابط

من هنا (http://www.qatarshares.com/vb/showthread.php?t=377998&highlight=%E6%DE%D1%E4+%C8%ED%E6%CA%DF%E4)

[مها 2020]

انا اشوف المسأله مسسألة تربيه ..اللي تربت في يبت ابوها انها تطلع وتدخل في اي وقت
ومن غير محد يسألها تأكدوا ان في بيت زوجها بتسوي نفس الشى واذا اعترض الزوج تعتبر هالشى تقييد لحريتها وشك فيها..
صراحه مو حلوه المره اتجي وتروح من غير ضروره..

[!..فيونكه..!]

اتفق معاج الانسان يحتاج للترويح عن النفس

و لكن ما هو الشكل الصحيح للترويح عن النفس

كل يوم ساعتين و ثلاث بره مع السايق

و الا بوجود شخص مسؤول مع الاسرة


الاسلام نظام حياة

يعني لما يطلب من الرجل ان يغض بصره، فإنه يأمر المرأة:

((وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا )) الاحزاب 33

لاحظي بأن الامر بالجلوس و عدم التبرج في بداية الاية للنساء

و بعد ذلك (( ليذهب عنكم الرجس أهل البيت و يطهركم تطهيرا)) ليس للمرأة فقط

شاكرة مرورك
واقعية



صح كلامج اختي

ومب شرط الوحده تطلع كل يوم عالاقل يوم ولا يومين ف الاسبوع لكسر الروتين والملل وهي محتشمه مايمنع








والعضوه اللي تقول حاطين على المره سؤال واسمحيلي عليه انتي متزوجه؟؟؟

اذا مومتزوجه النقاش معاج موبمحله ..

اما بالنسبه للادله بامكانج تطلعين عليها من الكتب واهمها القران ..

وعندج كتاب الطريق الى السعاده الزوجيه ..مؤلفه عبدالله جار الله..
:secret:


اختي ممكن تقرين عنوان الموضوع :rolleyes2:

لماذا تطلع زوجتك/ ابنتك من المنزل؟

الموضوع مانحصر حق المتزوجات شمل المتزوجه والبنت

وبعدين محد قال خل تطلع بروحها.. اذا الريال موجود سواء اب او اخ او زوج ليش مايوديها ؟ شالمانع يعني؟

وبعدين الرجل نفسه هو اللي سمح لبنته او زوجته تطلع ولا كان ماشفنا بنات بروحهم ف المجمعات والاسواق والسنيمات وكل مكان

واذا على الادلة مافي غير هالدليل ((وَقَرْنَ فِي بُيُوتِكُنَّ )) الاحزاب 33

[الدمعه]

اختي ممكن تقرين عنوان الموضوع :rolleyes2:

لماذا تطلع زوجتك/ ابنتك من المنزل؟

الموضوع مانحصر حق المتزوجات شمل المتزوجه والبنت

وبعدين محد قال خل تطلع بروحها.. اذا الريال موجود سواء اب او اخ او زوج ليش مايوديها ؟ شالمانع يعني؟

وبعدين الرجل نفسه هو اللي سمح لبنته او زوجته تطلع ولا كان ماشفنا بنات بروحهم ف المجمعات والاسواق والسنيمات وكل مكان

واذا على الادلة مافي غير هالدليل ((وَقَرْنَ فِي بُيُوتِكُنَّ )) الاحزاب 33


وهذا رد من ...

الزواج مب قيود وسجن عشان الوحده تنحكر في البيت

اذا الزوج ماعنده وقت ومب فاضي ولا قايم فيها ولا في احتياجاتها

ولا يفكر انها انسانه محتاجه ترفيه ووناسة وتغير جو

ويروح كل مكان ويطلع مع ربعه ويسافر وهي ممنوع عليها حتى تروح مجمع ولا مطعم حتى مع خواتها واهلها

شالعيشه هو ماخذها عشان يتحكم فيها على مزاجه ويحكرها فالبيت ؟؟

خليتو الدين تشدد الوحده تتمنى تكون ولد والسبه هالتفكير المتحجر

[!..فيونكه..!]

وهذا رد من ...


انا قصدت الموضوع مفتوح بشكل عام ماحدد متزوجه ولا مو متزوجه ولا ارمله ولا مطلقه

كل واحد له الحق يقول رايه ويتناقش بأي موضوع :rolleyes2:

[بنت صقار]

متابعه..

[الحره]

اهم شي الوحده لاكتبت موضوع جذيه ماتنسى نفسها والي حولها اقصد المحيطين فيها تنصحهم
لان ماحد في المنتدى بيي يقولج عن حياته الخاصه

[ودي أكون]

دايما اذا قعدت مع الحريم هاي يكون موضوعنا للنقاش ..ودايما اطلع متخلفه بالنسبه لهم ..

يوم السبت اللي فات كان نقاشنا عن المسيره وقلبناها طلعت الحريم وغيره....

وعموما كل واحد وقناعته وكل وحده ووين تبي توصل وشلون ..

بالنسبه لي مقتنعه ان المره مالها حاجه تطلع الا اذا لها شي ناقصها وبتقضيه ..

وهي مب محتاجه انها كل يوم تطلع عشان ترفهه عن نفسها اشدعوه شهالنفس اللي دوم متملله..

اذا طلعت في الاسبوع يوم راحت فيه مجمع او مطعم .. هذا غير طلعاتها حق اهلها

ومعارفها .. والاهذي مب طلعه ..لازم تدور بروحها في المجمع والاالسينما

والاالقهوه .. لازم تحط راسها براس الريال .. مثل ماسوى انا بسوي ..

راح ,بروح.. سافر,بسافر.. وبالغصب بعد يعني تجبر زوجها على شي مب

راضي فيه ..وش يسوى على المره اذا زعل زوجها الملايكه تلعنها من الليل لين الصبح ..

وشكالف علي انا كزوجه احمل روحي اثم ..

والعضوه اللي تقول حاطين على المره سؤال واسمحيلي عليه انتي متزوجه؟؟؟

اذا مومتزوجه النقاش معاج موبمحله ..

اما بالنسبه للادله بامكانج تطلعين عليها من الكتب واهمها القران ..

وعندج كتاب الطريق الى السعاده الزوجيه ..مؤلفه عبدالله جار الله..

معليه الوحده تطلع تقضي غرضها وترد ..اما تلف وتدور كل محل وكل مكان بصراحه

حركه باصجه منها .. :secret:


اتفق معاج :victory: