ما أسم أفضل ماده عازله للحجر ؟ [الأرشيف] - منتديات شبكة الأسهم القطرية

مشاهدة النسخة كاملة : ما أسم أفضل ماده عازله للحجر ؟

المزن الرياني

24-12-2010, 05:59 PM

السلام عليكم

أسمع أن في ماده ترش على الحجر بعد تركيبه تمنع أمتصاصه أو على الاقل تخفف من أمتصاصه للماء .. وترش خاصه للحجر السعودي

ياليت اللي عنده فكره عن أفضل ماركه لهذه الماده ذكر أسمها

تحياتي لكم

ريان

24-12-2010, 09:54 PM

مرحبا اخوي - المزن الرياني

الماده موجوده في تدمر وسعر العلبه 300 ريال - الفله بتستهلك حوالي 15 علبه وممكن تزيد

او تنقص شويه -على حسب حجم الفله .

وبحاول اجيب اسمها لك خلال هاليومين

naklan

25-12-2010, 10:06 AM

هلا بك اخوي المزن الرياني

اخوي العزيزسوال ليش تبي تصبغ الحجر ؟؟؟

للعلم اخوي المزن اي ماده تصبغ بها الحجر

تغير من شكله الجمالي ويخترب للابد

وبعدين المطر عندنا قليل اسبوع في السنه

وينشف وينتهي الموضوع ومايصير شي بالحجر

مدائن صالح من اقدم الاثار البشريه وهي من نفس الحجر

وحجرها عايش لقرون وما حصل له اي شي

المواد الي يصبغ بها الحجر كثيره

ولكنها تفقده خاصيته الطبيعيه الي يتميز بها

ناس تستخدم اللكر وناس تستخدم الابوكسي

وناس تضع اسيد لتغميق لون الحجر ولكن اووكد لك

متا ما تم وضعها على الحجر ينتهي شكلا ومضمونا

ارجو ان اكون افدتك

تحياتي لك وللجمــــــــــــــــــــــــــــــــــــــــــيع

اخوكم/naklan

ابو علاوي

26-12-2010, 02:54 AM

في مادة يجيبونها من السعودية وهي عبارة عن كمخة المنشار (النورة) ويدهنون بها الحجر الابيض
بس تحمل تحط اي مادة عازلة مش مجربة ولو بغيت تدهن الحجر جرب مترواتركه لثاني يوم وشوفه واحكم لانها تخرب الحجر وتغير لونه
يصير اسمر
وترى مو كل الحجر السعودي يملح ويرطب
فيه حجر سعودي موجود كأنه سوري رحيباني ويعتمد على المصنع هناك

المزن الرياني

26-12-2010, 08:02 AM

naklan

26-12-2010, 09:33 AM

يسلم جميع الاخوان على الرد وجزاكم الله خير

الموضوع ان مقاول الحجر ذكر لي موضوع الماده العازله اللي يندهن بها الحجر ليقلل من أمتصاصه للماء

فحبيت آخذ فكره عن نوعيه هذه الماده وأفضلها
وايهما أفضل .. ترك الحجر بطبيعته او دهانه ؟
وجزاكم الله خير

ترك الحجر على طبيعته هو الامثل اخوي المزن الرياني

اهتم فقط بمساله تسكير الفراغات بالقراوت المناسب وامورك طيبه

امر العزل ينفع قبل التركيب بوضع ابوكسي على خلفيه الحجر

اما وجه الحجر يخترب اذا تم العبث فيه

بالتوفيق ان شاء الله

اخوك/naklan

المزن الرياني

28-12-2010, 10:21 AM

ترك الحجر على طبيعته هو الامثل اخوي المزن الرياني

اهتم فقط بمساله تسكير الفراغات بالقراوت المناسب وامورك طيبه

امر العزل ينفع قبل التركيب بوضع ابوكسي على خلفيه الحجر

اما وجه الحجر يخترب اذا تم العبث فيه

بالتوفيق ان شاء الله

اخوك/naklan

جزاك الله كل خير اخويnaklan
معلومات ممتازه وفادتني كثيير
تسلم أخوي وجميع الاخوان اللي ردوا